遊園

Open Now

Now Closed

從未見如此壞態度的主管！太太星期二去遊園同朋友午飯，覺得味道不錯，只是女主管態度有點奇特。但見今天陽光普照，天朗氣清，我便決定到戲曲中心一試。在今天約上午11:15我打電話訂座，接電話的男士說今天已滿，只接受walk in，我便與太太及佣人立刻出門。約12:30到遊園門外，見並沒有任何人等候，便同侍應講「一枱三位」，她說內部已有人包場沒有枱，但我見門外場地有三、四張吉枱，便説外面有枱。但見一位胖一點女士，衣著似主管，説我哋關門，但係我仍見有五、六張枱有人及仍在上菜。看見那女管的，態度有問點氣憤！特在似警戒大家，見這女主管要小心！但亦祝福這店的老闆，有這女主管！希望可以捱過現今經濟！🙏🏼🙏🏼

兩個禮拜內第二次嚟食午餐，主要係因為近公司，同埋呢度嘅午市套餐可以叫幾款唔同嘅嘢大家一齊share食，性價比高，基本上四個女仔叫三份嘢已經夠食，因為份量好大叫咗同上次唔一樣嘅嘢，今次要咗一個雪菜火鴨絲炆米，好味，不過鹹咗少少，但係我個人係接受到嘅另外叫咗一個砂鍋土魷雞粒飯，其實就係炒飯擺咗喺個砂鍋入面，味道屬於重口味，土魷比較少，但係雞粒就好多，飯粒係乾身嘅，不過如果唔鍾意食硬飯嘅朋友可能覺得會有少少太硬仲叫咗一個帶子雜菜煲，不過唔記得咗影相，呢個唔係喺午市套餐入面所以冇跟飯嘅，個雜菜煲要148蚊，因為加咗幾片帶子，但係份量都好足，有小棠菜，西蘭花同埋生菜，當然仲有粉絲啦四個人叫三樣嘢，食到好飽，連加一每人都係78蚊，所以喺尖沙咀黎講係一個唔錯嘅午餐地點

掛住食都唔記得影相今次係第一次嚟呢度食午餐，佢有室外同室內嘅座位，我哋一點鐘嚟到，幾乎滿座由於人手唔夠等，咗好一陣子先至被安排入座午市套餐嘅選項好多，中式為主我哋揀咗四個客飯套餐，分別有乾炒牛河，豆腐火腩，魚香茄子同埋梅菜蒸鯇魚全部都好大份，其中最好食嘅係魚香茄子，不過我哋都覺得味道比較鹹，但係好送飯另外乾炒牛河就有啲油膩，亦都唔覺得太有鑊氣豆腐火腩都值得推介嘅，因為上枱嘅時候熱辣辣，而且亦都係好好餸飯其中最失望嘅係梅菜蒸鯇魚，因為鯇魚有啲泥味，而且梅菜好老咬唔落，整體嚟講唔係太好味

香港以前係個漁港，避風塘上有好多艇仔，可在艇仔上食下艇家煮D海鮮小菜，好正，有D懷念及回味；今次又再次去到呢間有個牡丹亭在室內的小館又係冰室，今次見到有個特別餐牌，原來係漁港風味的避風塘蜑家菜，當然叫番幾味啤啤佢🍻，款式都有十幾款，我哋只叫了幾款，椒鹽深水泥鯭，辣酒煮花螺，艇家炒蜆，椒鹽鮮魷，加埋啤酒，鮮甜，香口又惹味，掂👍風味十足，份量又十足😜，要再搵人試埋其他菜式，到時又再介紹過🫣🤭😬

裝修富有中國特色嘅一間高級茶記，樓底算高，座位闊落，坐得舒服。佢最出名係芫荽湯粉，燒味同小炒都唔錯，午市套餐凍飲好大杯。服務幾好，不過沒有提供餐紙，需額外付兩蚊買一包。

位於戲曲中心內的中菜館，以古典戲曲《遊園驚夢》為中心概念，配合開放式庭園，復古氛圍的設計，頗適合帶外國朋友一同前往。食物方面不過不失。🥢- 椒鹽粟米，鮮甜香口。- 遊園素鵝，外皮酥脆，一咬即碎，而內裡的素菜則軟嫩。👍🏻- 焦糖菠蘿西班牙黑毛豬叉燒，西班牙黑毛豬的鮮嫩配上甜鹹焦糖與菠蘿，層次分明。👍🏻- 家鄉蓮藕餅，外酥內脆的蓮藕餅，傳統的味道。- 遊園小炒王- 涼瓜煎蛋角，甘苦的涼瓜搭配煎蛋。- 台山手工黃鱔煲仔飯，帶有酥脆的飯焦。- 薑汁撞奶，濃郁的薑汁與滑嫩的燉奶。👍🏻- 金絲脆麻花， 酥綿口感的麻花。

行到黎戲曲中心，唔係睇大戲，竟然係搵飯食。未食都覺得感覺良好，因為餐廳嘅裝修相當用心，充滿中國風，庭園設計，有亭台樓閣，雅緻得黎有一番風味。餐牌選擇都幾多，中西菜式都有，淨係燒味飯已經有好多配搭可以揀。黎到咁中國風嘅地方，我揀返最有香港特色嘅黯然銷魂飯，即係食神叉燒煎蛋飯。叉燒比較少，雖然排得好整齊，但比較空虛，好快就食哂啲餸。好彩有煎蛋幫手，流心的蛋黃拌飯食，加埋豉油，人間美味。呢到嘅叉燒正常發揮，肥瘦適中。

呢個位於柯士甸站嘅戲曲中心J小編都係第一次嚟~ 唔講都唔知，以為呢到淨係有粵劇睇，點知原來係有野食的😂不過因為我哋都係walk-in，而室內只可以有book枱先有得坐，所以炎炎夏日當日去到都要坐出面，真係食到流晒汗呀🥵雖然個日要坐室外，但其實都坐滿人，估唔到都幾多人嚟食。相信如果天氣凍返啲啲，喺出面食對住西九嗰邊一定好舒服😉佢哋啲擺盤其實都幾靚，小編諗住下次再去encore芫荽麵之如，再試吓其他菜式haha🙈

最近係位於柯士甸嘅戲曲中心練習表演，lunch期間發現左間好好味嘅粵菜餐廳🍴推薦下比大家🥰餐廳設計以戲曲《遊園驚夢》為中心概念，分為左室內同室外兩部分，室內仲有牡丹亭嘅設計，如果大家鐘意懷舊復古風的話，可以中式打扮嚟呢度食嘢同打卡📸️講下野食部分，餐廳除左有樣之餘，食物同服務水準都好好👍🏻職員都好有禮貌，亦會推介特色菜式。今次試左幾款菜式同一款甜品🍮簡單介紹下：前菜金磚豆腐細細粒，外脆內軟，味道唔錯❤️❤️❤️主菜黑松露蝦粒蛋白飯黑松露味唔會好搶其他配料，飯嘅軟硬度亦適中，唔會太乾，雖然菜式名寫住蝦粒，但實際係一隻隻蝦仁🍤而且份量比想像中多，而成個飯都好夠四個人分享❤️❤️❤️涼瓜蛋角本身miss mammy係個好怕食涼瓜嘅人，當朋友提出點呢款菜式時，我都卻步左但上菜嘅時候，見到碟菜式擺位好靚，食落去仲要無甘味，突然覺得碟餸好有營養😂太出乎意料之外，所以我會比多個心佢❤️❤️❤️❤️乾炒牛河不過不失，無咩特別❤️❤️西檸雞🐓呢碟重中之重，侍應姐姐一拎過嚟未上枱，已經全部人聞到碟餸話：「好香！」😍除咗樣靚之外，食落去酸酸甜甜，超級開胃，又係一碟食完一件會再想食多件嘅菜式，大推！！！❤️❤️❤️❤️❤️甜品薑汁撞奶🫖我哋趕時

跟朋友兩個來吃點左openrice 熱推既黃膳煲仔飯，燒鵝，腐乳通菜，椒鹽粟米同薑汁撞奶粟米最先上，好甜都好夠味。跟住就煲仔飯，但味道無想像上咁好食，下次應該唔會再叫然後就係燒鵝，燒鵝係超好食，個皮夠脆同埋d肉都唔會鞋最尾係薑汁撞奶，味道很好，下次會再叫。環境都幾舒服，姐姐d服務都很好，值得再來。

今日到戲曲中心一遊，順便到遊園一嚐下午茶。一行7人，叫了“沙律及薯條炸雞髀餐”大碼雞脾炸得香脆。一客“叉雞飯”燒味製作不錯,有色、香、味，最滿足是來了一客“雪糕泡芙”有三色雪糕朱古力、士多啤梨、雲呢拿、賣相擺設,令人一見，垂涎欲滴，暑氣全消。室內裝飾有中國風味，特別是“牡丹亭”，夢想走進古時進食今次可惜坐在大門對住的大枱，侍應將門打開了，室內冷氣開放，但一陣陣的熱風吹來，自己主動走去將門關上，但煞那間侍應及時將門打開，一陣陣熱風又來了，及後將情況跟侍應說，要求關門，但侍應回應“好”到我們結單離場，度門還是開著奉勸各位，如果夏天，餐廳要開門作業，千祈唔好坐呢張枱

同屋企人慶生，加上得知呢間有芫茜拉麵，於是就訂左呢間餐廳🍜🍜 星期日既晚上6點都座無虛席，建議要預早訂座。 🍜芫茜車仔麵：芫茜控必試，拉麵軟硬度適中，湯底唔會有草青味，食完唔會覺得口渴， 🦐九層塔粉絲海蝦煲：粉絲好入味，海蝦亦新鮮大隻又彈牙。 🐟台山手工黃鱔煲仔飯：飯粒粒分明＆乾身，唔會好笠口。 🐷腩叉燒：半肥瘦叉燒，好入味，唔會太鞋，肥膏又不算多，可接受既範圍。 🥬啫啫芥蘭煲：惹味之選，肉碎撈飯一流。 🐔脆皮吊燒雞（半隻）：皮脆肉嫩，即使平時“鞋“既部位意外嫩滑。味道亦唔錯，家人都讚賞。 🧆煎蓮藕餅：香脆可口。 🐷蒜香陳皮一字骨：非常有驚喜既菜式，調味剛好不會太咸，亦唔會炸得過老。 一行七人，8樣菜式加白飯連加一，埋單$12xx，性價比高，餐廳外仲可以影到維港海景，另外自攜蛋糕入店內亦不收切餅費，服務態度亦好，之後會再黎Encore🤩🤩

第一次嚟戲曲中心竟然唔係嚟睇大戲，而係食飯真係自己都笑咗！😅 地理位置方面，雖然遠咗啲（柯士甸站條路超長），但都叫做遠離煩囂嘅。戲曲中心設計空間感十足，而遊園就响售賣處樓上。平日冇乜人，唔駛等位。店內裝修古色古香，有啲似龍門客棧咁，但就略嫌枱貼枱，空間唔多。而佢主打廣東小菜，但又有啲川菜。朋友之前食過，推介酸菜魚、叉燒、啫啫芥蘭煲、糖水。酸菜魚第一次食用龍躉做嘅酸菜魚，用面盤咁大嘅碗上枱，霸氣十足。龍躉肉結實，魚味濃郁，可以大啖大啖咁食，過足口癮。配料豐富，有、酸菜、寬粉、芽菜、金菇、雲耳，湯口鮮甜，酸酸地好開胃。我每次食酸菜魚都要配。好飽！煎蓮藕餅蓮藕切得比一般厚，餡料有魚肉＋豬肉，煎得香脆，非常香口，但味道普通，冇乜驚喜。😅蜜汁叉燒正牌蜜汁叉燒，豬梅肉好鬆軟，入口鬆化，醬料醃得好入味，燒到微微燶邊。玫瑰露超香，蜜汁滲入叉燒入面，甜甜蜜蜜。啫啫芥蘭煲唯一嘅青菜，炒得好有鑊氣，每條菜都好爽脆，可惜份量少咗啲。桑寄生蓮子蛋茶個人最喜愛嘅糖水，補身之餘，又好味。桑寄生本身可以軀寒，食完夜晚瞓覺都暖笠笠。其實當晚見到好多人點煲仔飯，應該唔錯，下次可以試吓。

朋友生日想食這間，所以預先打電話訂枱，朋友也問定有冇限時間，職員答覆沒有，星期五6點幾入坐，環境裝修得幾有中國特色，座位也舒適，食物叫咗家鄉蓮藕餅、口水和牛面頰、椒絲腐乳炒時蔬（通菜）、七味金磚豆腐、螺頭雞腳燉唐排湯、海底椰燉烏雞湯，家鄉蓮藕餅好味，大大舊，豆腐夠滑，味帶少辣，燉湯好熱，食物整體來講不錯，食完問職員拎餐牌睇甜品，打算叫甜品，但在選擇過程中，職員不停催我們叫甜品，期間叫人加水也無人理，又收哂我哋啲餐具，朋友同職員講，唔係話無限時㗎咩，職員話有話90分鐘，同打嚟book枱時兩個講法，重點係其實仲有其他吉枱同出面見唔到有人等位，這個感覺真的不太好，最後我哋決定唔叫甜品，走算.

位於戲曲中心原來有一間食中菜既餐廳，環境舒適，食物質素都唔錯▪️芫茜湯牛丸墨魚丸潮州魚片拉麵 $88芫荽控必試❗️一上枱就見到成座芫荽山，加埋青綠色嘅湯底，好震撼🌱離遠已經聞到芫荽嘅香味🤤芫荽控點樣可以唔試啊❓配上拉麵都幾掛湯，軟硬度啱啱好▪️蒜香陳皮一字骨 $138好香陳皮嘅味道，咬落去肉質一啲都唔靭▪️七味金磚豆腐$68味道帶點七味粉嘅辣，外脆內軟▪️脆皮吊燒雞(半隻) $158雞皮入口脆卜卜，雞肉非常肉質非常嫩滑▪️麵醬炒時蔬(菜心) $88菜心炒得夠鑊氣，好夠淋，老人家都好容易食到▪️金絲脆麻花 $38夠晒脆卜卜▪️桑寄生蛋茶 $38唔會太甜