牡丹金閣 (海禧華庭購物商場)

Open Now

Now Closed

好耐無黎上水，是日黎拎啲野，順道飲餐茶先，條街實在太熱啦。近近地去左海禧華庭間牡丹金閣，而家免茶錢，勁多特價點心同小炒，下午茶時段仲大中小一個價添呀，超抵食😆⭐涼瓜斑腩炒河炒河粉煙韌，涼瓜爽口，個醬汁好味，仲好大碟添。⭐古法鹹肉粽今年無食粽想食下，鹹肉粽要配豉油同糖先得㗎，又鹹又甜先好食。⭐台灣滷大腸唔知同台灣有咩關系，但上枱時真係呆左，無諗過係一大煲上㗎，勁多豬紅同大腸，一煲滿晒無其他野墊底，大腸有咬口，豬紅炆得入味，好食噃。⭐牡丹鮮蝦餃食點心點少得蝦餃燒賣，大大粒蝦爽甜。⭐鮑魚燒賣30頭鮑魚都唔算太細粒呀，豬肉肥瘦比例唔錯，好食。⭐醬皇蒸牛肚呢款我覺得們醬汁偏甜一點。⭐香滑合桃包好多合桃，煉乳做醬汁，又香又甜好好味。⭐香酥泡泡糕好奇咩係泡泡糕就點左一份試試，原來係炸糯米糕，入面係紅豆餡，偏油膩不合口味😅食左好多野好飽呀，點心好食由其係蝦餃燒賣，價錢仲好抵添，食飽飽飲返杯濃茶去下膩先😋

工作去到上水，同事咁啱一齊放飯，於是決定一齊去飲茶，去咗新城路海禧華庭一樓的牡丹金閣食午飯，午餐好似有好多選擇，優惠就不及早市，不過都正常，我地叫咗一窩雪菜肉絲湯米同幾個點心。雪菜肉絲湯米好大窩，以酒樓嘅碗計十碗都有，湯底有咪，雪菜肉絲夠咸香，份量都足，米粉係東莞米粉爽爽地。蝦餃皮夠煙韌，包住入面幾隻蝦，蝦好新鮮唔會腥，食落夠爽脆。咖哩魷魚用咖哩粉開，味道一般，水魷魚係爽嘅。燒賣咬開裏面白雪雪，唔知係肥豬肉多定係醃肉過頭，但食落又合格。整體不過不失，合格以上。

📍在海禧华庭购物商场一楼的一家早茶店，一上楼梯就映入眼帘，非常好找。🏠店面很大，环境不错，客人很多但不需要等位，基本都是附近的居民，说明味道不错。随便点了几个菜份量都很足，价格也很合适。🍤点了招牌推荐的虾饺和烧卖皇，不愧是招牌精品！一个虾饺里面超多虾仁，而且虾仁超大一个，咬一口Q弹还鲜香。烧卖皇调味刚刚好，内地朋友吃也不会感觉清淡！！而且每个都很顶饱，强烈推荐！！🫔叉烧肠粉是咸甜口味的，里面带香菜，不喜欢香菜的慎重哦！炸云吞比薯片还催，配上甜辣酱清爽不腻！排骨软烂芋头入味，有些脆骨，但牙口不好的慎点！

朋友從外國回來，帶佢去傳統嘅茶樓食傳統既點心🌹朋友說外國很難找到鮑魚吃👍🏻第一道菜便立即點了🥢大隻5頭红燒鲍魚酒家5頭鮑只需$38，超級抵食，中午食得好招積🥢香茜牛肉腸腸粉足料，如果可以加多少少芫茜會更好味，因為朋友和我都是芫茜控🥢釀尖椒尖椒吾辣，小孩都啱食🍲灌湯餃餡料有蝦，瑤柱絲，冬菇碎肉，湯餃皮薄，湯與餃的比例剛剛好🥢時菜鯪魚球足料鯪魚，加上胡椒粉，鮮味🥄綠豆沙糖水綠豆煲得很綿，亦有口感，略帶少甜🌟環境寬敞🌟價錢合理

開心大發現🤑3.8盅頭飯， 唔一定北上嘆茶啦😆， 支持留港消費。上水~海禧華庭購物商場(牡丹金閣)酒家裝潢簡潔，座位寬敞，店員招呼週到。喜出望外下午茶時段13:30 開始啦😆😆，酒家食品新鮮製作，即叫即蒸，絕無物流供應，務求令食客食得放心。❣️鳳爪排骨飯💰3.8唔會因價錢已降低質量鳳爪入味，排骨肉質嫩滑，配上豉油拌入軟糯飯香yummy❣️ 牡丹蝦餃皇蝦餃皮薄餡鮮美，肉質飽滿，啖啖爽口鮮蝦，汁液豐盈，彈牙爽脆❣️懷舊點心鵪鶉蛋燒賣蛋黃濃稠香滑，燒賣肉質滑嫩鮮美，肉汁流溢好滋味❣️鮑魚燒賣鮑魚鮮甜和燒賣肉質融合一體，口感爽口彈牙，層次豐富❣️四寶滑雞扎雞肉軟滑多汁，酒家採用魚肚並不是豬皮😆，魚肚索淋了醬汁非常惹味。❣️咖哩蒸魷魚咖哩香氣四溢，魷魚鮮嫩爽脆彈牙，口感豐富❣️燒汁釀尖椒尖椒外酥內嫩，釀入新鮮魚滑，鮮甜彈牙，燒汁味濃郁鹹甜辣味完美融合❣️鮮蝦腐皮卷外層酥脆內餡豐盈，鮮蝦鮮甜多汁，腐皮入口脆脆😋😋

酒樓嘅優惠套餐/菜式數量唔少，有多種配搭同選擇，作為精明嘅消費者，選擇咗孖寶套餐😆落完單之後侍應再通知有幾樣菜式可以選擇其一來送贈！！有雞、豬手、蝦......真係喜出望外！燒腩仔（例牌）~咸度剛好，而且唔會過肥，皮夠曬脆，啖啖肉！川味水煮龍躉片~龍躉夠曬彈牙、厚切，份量亦都好多，墊底嘅仲有吸曬湯汁嘅粉絲、豆卜、腐竹、芽菜.....其實可以唔叫飯都得😆口味方面，係微辣嘅辣度，但香料到位，非常惹味👍🏻豆豉鯪魚炒油麥菜~炒菜最緊要有鑊氣，絕對感受到廚師嘅功架！沙律大蝦球（送！！！）~以為送嘅，只不過會係細細碟一兩舊，點知係一個正常size🤩而且用嘅係大蝦，非常彈牙添！炸到咁香口，再配上沙律醬，非常吸引😆呢張大合照真係非常好睇❤️埋單都係呢個數，真係非常抵食！絕對會翻兜！

除咗就近上水港鐵站商場嘅酒樓之外，行遠少少就有呢間平民價啲嘅酒樓。因為係同屋企人飲，所以都叫咗唔少點心，而大部份味道都唔錯。春卷同鹹水角等等嘅炸物都夠熱夠脆。而佢蝦類嘅點心，例如蝦餃、蝦腸，入面嘅蝦都好大隻，而且幾爽口，應該比較新鮮。我哋仲叫咗個魚片粥，份量都好大，粥水比例都合理，唔會太稀。

叫左8樣野，埋單174蚊，點心味道五錯，甘既價錢算好了，推介盅頭飯同牛肉球，燒賣食左半粒發覺有少少叔叔地，同經理講，即刻幫我地取消，冇黑面冇爭議，呢個態度十分令人稱讚

父親節，當然要食餐好既慶祝。今次揀左間就腳既酒樓食晚市。距離火車站需要約10分鐘步程。入到酒樓座位舒適，枱與枱之間坐低仍然有空間。今次叫左個四人晚市套餐，再加兩三款菜式，份量剛好足夠七位。晚市套餐每碟餸份量非常多，而且味道十足。燒鵝非常惹味，魷魚炸得剛剛好👍🏻。特別值得一讚係主菜龍蝦伊麵，龍蝦隻隻大隻，而且個人第一次主菜食到見到盆底，龍蝦一隻不留。伊麵味道非常入味。整體餐廳觀感7/10。明顯見到食物質素同味道方面有下個苦工。據我所知呢間酒樓易手過幾次，希望今次能夠味道搭救，長做長有。

202211月平日--牡丹金閣 (海禧華庭購物商場)地址位於: 上水石湖墟新成路88號海禧華庭購物商場1樓又到上水辦事，剛好下午茶時段，未試過海禧華庭的牡丹金閣，就試試點心目測下午茶時間，酒樓都算滿座接待員有效率地安排了拼桌的座位沒有龍井，也沒有鐵觀音，點了壽眉點餐:蝦餃($18.8)餃皮有點厚，不過饀料蝦肉爽彈有甜味豉蒜蒸鮮排骨($16.8)排骨有肉的又帶肥過多，帶骨的又只有骨，蒜香少豆豉味，有幾件芋頭，不過我無食，賣相頗軟腍春蛋燒賣($16.8)春蛋軟綿有蛋味，下方燒賣的部份沒有蝦，只有豬肉餡，但也鮮味十足埋單: 好像$65，平日下午茶，大中小點$16.8酒樓裝修普通，樓底也算高，空間感足下午茶來說，價錢相宜，服務可以，點心味道合格有機會會考慮試下晩飯小菜參考相片