Pepper Lunch Express (又一城)

Open Now

Now Closed

已經記不起有多久沒去過又一城的food court，更記不起有多久沒食過pepper lunch。印象中一個餐都要40幾50蚊，汽水要另買。點知，尋日經過，學生餐只需$39，包飲品！的確有些出乎意料。環顧四週，pepper lunch同譚仔最多人排，估計是出現了超強的民間對手（笑），才會有這個超級抵的promotion。大盛都不過$45，可惜唔太肚餓。普通黑椒牛肉飯，味道依然，不過肉呢就少啦，得個幾片。每次食都要淋上蒜蓉豉油同蜜糖芥末先够味，肥牛油多多，撈一撈，香味即刻四散，都每係彌補了料的不足。競爭雖然激烈，靠價格戰吸引人，不過質量唔好偷工減料呀。

今日係cityu放左工 諗住同朋友係又一城搵d平平地既野食就走左去food court🤘🏻第一樣吸引我就係pepper lunch 因為好多人食緊 我叫左個黑椒牛肉飯 加六蚊仲有芝士同蛋🍳😍好彩個日平日唔算話好多人 搵左一陣位就坐底左喇 個飯都好快就有得攞 同相一樣咁足料 個鐵板好夠熱可以炒熟晒d飯同牛肉 仲有d黑椒令到成件事升至另一個層次 但可能我食得太慢 d牛肉後嚟變硬左😟呀！唔記左講 仲有杯凍檸茶 甜甜地都唔差 如果有幾片新鮮檸檬🍋就更好喇😝不過下次再係又一城開餐 預算又唔係太多既話都一定會食番pepper lunch 試埋佢其他產品🌝👀

其實這個商場內，除了美食廣場外，其他都是貴價食店，如果是這兒附近的職員，午膳的確摸不著頭腦。但是到了美食廣場吃飯，吃了一次Pepper Lunch就覺得挺搵笨了。大大間Pepper Lunch在葵芳新都會廣場，即使內進坐進去餐廳內吃，價錢也差不多。現在卻坐在又一城的foodcourt內，人流多，擠擁又難於找位置，環境確是不佳。然而，即使付上五十多元，也只是一塊鐵板，煮熱了，上面加些飯及幾片牛肉，五分鐘不到，即可上碟奉上給客人。
本人感覺以往(指兩、三、四年前)在九龍灣德福的美食廣場也好像比現時多。看看鐵板上，牛肉只得翏翏幾片，芝士粒也不是太多，荵花也同樣只見三數粒。即使是飯，好像也比往日少了。牛肉煎一煎便全熟，毫無肉質可言，或者可以說一定是乾而過熟的吧。本人也感覺到鐵板沒有往日那麽熱，以往的鐵板好像會令飯粒熱得盪口，想不到現今的都沒有了這個感覺。
隨便一個鐵板加碗飯及幾片牛肉，其實質素也不怎麽了了。反正都是頹廢及急速的吃飯，倒不如多走幾步，到某大學的餐廳吃頹飯吧，那兒的二餸飯及燒味飯其實也不是所講得那麽頹飯，而且價錢便宜一半。

Went there during lunch hours, saw people holding sizzling pans and wanted to try it myself. So queued up and got one, $39 for the meal and drink. I left it sizzling away in the plate for a bit while looking for a seat, when I was eating, it had some hard/burnt rice from the pan, which I really liked as it was crunchy. Sadly the beef got a bit burnt.

今日去了城大找朋友，晚上就到pepper lunch 點了個黑椒牛肉飯+蛋+芝士, 拿著點的飯返回自己的餐桌上，香濃的氣味直噴我鼻孔，刺激我的嗅覺，煙霧就就像間歇泉一樣，讓我視野模糊。至於個飯，算是不過不失，白飯略咸沒有牛肉香，只有重蒜味及燒烤汁的咸味。可能是我在炒的時候，不能有效地將餸和飯伴左一起，導致牛肉的味道不能融入飯中，但值得欣賞的是芝士和香蔥的氣味依舊為飯帶來不錯的調味，令作為品嚐者的我有著停不下的感覺。牛肉亦是油脂分布平均，入口容易消化。最後，我認為pepper lunch的這個餐絕對是它這鋪頭的王牌👍🏻。

繁忙時間，又一城的食街總是人山人海，這店也總是排長龍。太久沒吃過牛扒，按捺不住排長龍也要等等⋯牛扒加汽水合共$102。一人午餐，拿了牛扒鐵板後，才在坐無虛席的食街搵位....眼見牛扒快十成熟了，真的心急如焚。牛扒入口已是全熟吧，真的難以咀嚼，好失望。 最慘是午飯時間太多人，店子並不沒有refill醬汁，咀嚼不到的牛扒，再加上沒有醬汁，就更難吃。汽水無汽，而且不凍，實在很難喝吧！太久沒有光顧peppy lunch，但經此一役看來又會一段長時間不用再光顧了。

早排放學同同學去又一城food court食晚飯 見到pepper lunch做學生優惠👨👩 出示學生證就可以$39食指定套餐 包野飲🍹🍸 份量同平日一樣 係標準牛肉鐵板飯🍖 可以隨意落醬 哩個價錢係物價幾高既九龍塘黎講 算係超值 味道就同平日係唔同分店食既差唔多 不錯👍👍

又一城food court都有d質素，好似pepper lunch叫左牛肉+芝士鐵板飯 一上枱出曬煙，好似騰雲駕霧咁，炒住d飯同牛肉，芝士自己已經溶左係個飯度, 畢起有芝士絲，香濃既芝士味入曬飯，飯就炒炒下愈來愈乾，好彩有牛肉出左d肉汁中和返，牛肉少少肥,炒完肥膏溶左又縮左，食落又腍又鮮嫰，不錯

趕9:30的movie，只好食food court。 Pepper Lunch最好食，熱辣辣 。次次食都係黑椒牛肉+芝士+蛋今次叫 . 太肚餓 一到手， 加蜜糖和蒜蓉汁 ，再把牛肉立即煎熟,因為邊吃邊煎的話就會不夠熱把肉煎熟。珍寶多了牛肉和rice ,其他方面是沒變的。蛋 加上芝士 ，在鑊仔內煎熟, 再加上飯焦口感十足。 我很喜歡FW 的pepper lunch。 有一次，我很夜先去（9:55) , 他們已經last call 了(9:45) ， 但都做我生意

黑椒牛肉飯 $5x8/10以鐵板熱辣辣上桌, 稔滑的牛肉、甜美的玉米粒, 加上大量牽絲的芝士, 再淋上惹味的蒜香醬油和蜜糖醬, 香氣四溢, 這客黑椒牛肉飯實在沒有不好吃的可能。

唔知點解搵唔到葵芳嗰間店，所以是但搵間嚟寫。第一次過嚟試吓，睇完餐牌叫咗兩個餐同老婆食，等咗十幾分鐘終於上餐，一睇，嘩！唔係吓？份量少到連一個小朋友都唔夠食啦！牛肉只有三、四片又勁薄，飯一碗都唔夠，同啲侍應講佢竟然勁無禮貌咁話公司規定咗，重串到pk走咗去，無下次。

Pepper Lunch一向比我既感覺係要等好耐，因為太多人食，今日係等個朋友期間就去左又一城既Pepper Lunch到食個飯，人唔多好快就有，叫左個普通份量既黑椒牛肉飯加杯可樂，我一向食呢個飯都要加好多蜜糖汁，因為咁先至可以帶起牛肉既香味，同粟米既甜味，如果唔加汁個飯其實冇咩味，所以食Pepper最重要係識落汁，不過我成日都覺得個飯既份量唔夠多就算叫增寶裝都唔係好夠食😤😤😤

去food court好多都會有pepper lunch，多數人都會是原創黑椒飯系列。今次我就食左珍寶黑椒牛肉飯，加芝士！ 佢d牛肉系美國過來既優質牛肉來，系鐵板上面會自己出牛油，真係好香好香牛肉味。係food court隔離枱如果食，大家都一定聞到陣味。同埋落佢d醬，唔知咩醬，但係甜甜地咁樣，一開始就加曬落去一齊撈，d香味就更加出。因為本身個餐就唔系好重口味既，我個人覺得牛肉就係應該落多d味，先可以慢慢調出牛肉既香味。因為系鐵板上面一齊撈，所以d飯呀，都吸收到d牛油，連飯都香。不過呢，真係都幾肥。本身d油都蠟蠟令，仲要加芝士，大家自己衡量xd btw 我都係會堅持要加多d芝士，因為真係好好味呀！！！ 濃郁滋味撈曬落飯度，好吸引噢。

好耐之前第一次食覺得唔錯，之後質素就每況愈下。 是次叫了最基本的黑椒牛肉飯:牛肉: 薄，相當肥，量算少。汁: 相當稀，味道偏淡。飯: 超唔得，係煮爛米兼粘到一舊舊，完全唔係可以攞出嚟招呼人嘅質素。以後唔會再幫襯!

是日午餐於又一城 Pepper Lunch ，食客不少雖排隊購票。一客照燒雞扒拼漢堡扒飯，以鐵板盛載出品當然熱辣，雞扒比預期白滑，漢堡扒食味一般喇，以黑椒調味頗惹味，只是油膩了一點。配菜有芽菜及粟米，建議追加綠葉蔬菜。連凍檸茶一杯$71，價錢OK喇！