Pepper Lunch Express (朗豪坊)

Open Now

Now Closed

上到朗豪坊聽見很多吱吱聲, 原來係個發聲電視正在示範教人食個鐵板, 咁橋星期六先係大家樂食過個300'c 鐵板霜花板燒牛肉飯, 覺得普通, 於是買一份黑椒牛肉飯餐食睇吓會唔會比較好味賣相幾乎係一模一樣, 不過份量就少過大家樂的鐵板, 大家都有蜜糖汁供應用以調味, 幾乎可以講係無大分別, 牛肉有九至十片, 個板keep左三分鐘就唔再"吱"了, 味道都ok, 粟米粒, 蔥粒, 哈, 只可以講..同大家樂100%一樣 無驚喜!大家樂賣44蚊一客, 有杯唔好飲的紅豆冰送, 仲有個香蕉船, pepper lunch 就跟杯汽水同麵豉湯, 38蚊一客, 價錢兩間都差唔多對我來說, 試一次就夠, 因為這個鐵板不算很好食

在買生牛肉河的時候，女友其實已經對此店子虎視眈眈，到大家吃過非常不愉快的牛河後，也更是大條道理的買一個吃，試試也好。由於胃納有限，所以決定二人分吃一份，一個餐，有湯或汽水及一個鐵板，鐵板的價錢着實是豐儉由人，由三十八元的黑椒牛肉飯至近百元的霜降牛，今天小試牛刀，就吃其招牌黑椒牛肉飯吧。在等吃其間，看了在電視螢光幕上重覆教大家怎樣開飯的短片，也在此分享給大家一看，但也其實看到我都唔想看了，因為都足足等了十多分鐘。終於有得吃了，先喝湯，有麵豉湯及季節湯選，麵豉湯喝過很多了，但季節湯真的未聽過，所以點了來喝，喝了一口，原來其實是蕃茄雜菜湯，但勝在是平凡中見不平凡，出奇的好喝，蕃茄味濃，蕃茄渣及雜菜也多，雜菜煲得軟腍，湯底杰，配合這濃濃蕃茄味，很明顯是蕃膏的功勞，但怎麼說也好，好喝就是了。喝了點蕃茄湯開胃後，才來吃黑椒牛肉飯，飯是要配上汁來炒才有味的，有兩款選擇任食客自取，分別是蒜蓉扒汁及蜜糖醬汁，本人選了扒汁，另外也有辣醬，試了一點點，最後決定不下，因為不大好吃，像泰式的辣雞醬而已；然後就如影片中般依樣畫葫蘆的炒勻了飯，金屬鍋很熱，牛肉、飯及扒汁在撈勻的時候不斷發出嘶嘶聲，看着牛肉由生變熟，

和朋友gathering，友人建議到pepper lunch。四個女仔，三個也點了黑椒牛肉，黑椒味重，自己炒好得意，味道不錯，而且好便宜，但對我這個大食人來說，稍為有點不足夠，嘻！

黑椒牛肉飯$38相信黎過食foodcourt既都知呢間野嫁喇...因為實在太香喇~而且個個都食~食過好幾次嫁喇...黎親呢度實食佢...平靚正呀!(朗豪坊黎講)最中意落勁多黑椒再+2款唔同既汁~自己撈自己調味!又熱又好玩~食到一半先記得映相.....哈哈太心急食喇黑椒3文魚飯$42/43上碟時3文魚都係未熟既...等一陣當然就熟啦~雖然次次order都要等成15mins...不過我覺得值既~今次帶亞媽黎食...佢都話好味~而且係黑椒味勁香~又唔辣!本來話2個share..結果自己食哂呀佢~好在daddy食左野XDPEPPER LUNCH而家仲新出左好多套餐添啵~

行開朗豪坊,順便落food court醫肚.得0個幾間選擇,但質素不俗.去左pepper lunch,簡左最貴個餐黎試.特選霜降牛扒 咁多人話難食,但係我覺得幾好味wor,d牛肉又林又入味.而且幾熟都可以自己handle.係貴左d啦,跟set,有個飯,有個湯,成70蚊.間唔中食下都ok既.

第二次食Pepper Lunch*上一次食TST美食廣場果間....!由於覺得新奇好玩...自己落汁自己煮...又好多人食WO.....今次再試....叫左個黑椒牛肉飯!~等左十分鐘...同上次一樣....炒到燶左....可能不太岩我口味....好難食!好鹹...食完好口渴...飲左成晚野!冇下次.....

夜晚同老公行langham place,記起有間Pepper Lunch,開張無幾耐食過一次...當時覺得ok今日再試...同老公一人叫一個餐: 黑椒海老飯with cheese($4X) + 最平o個個黑椒牛肉飯($3X)剩係排隊都排左15分鐘...之後又等左20分鐘 餓扁我呀!!!好喇...熱辣辣ge飯黎到...望下個例牌...嘩...好似少左牛肉咁wor...海老飯...黑椒味好重...但cheese好少...整體味道都ok啦...因為sause係自己落架嘛!份量剛剛好...價錢就....我食飯吳食扒當然經濟D啦~~以晚飯黎講,你吳大食又想填飽肚都可以選擇呢間

五月二十四日看了一套關於宗教與科學之間的電影早場後,和阿哥說不如在美食廣場食個午餐.這間還未嘗試,看到有鐵板.價錢又是數十元,不多貴,在旺角選擇食午飯有時間來得困難,沒有食早餐,來得肚子餓壞了,一客煎蛋漢堡扒和一客黑椒牛肉飯,因人客少的關係,不用等多久,賣相又不差,一塊切好的漢堡扒配上一隻雞蛋,又有大量的芽菜等,那一看著那煎蛋慢慢地煎熟,看到那碗飯,食了一口後,發覺下水剛好,沒有生米又沒有下水過多的情況意想不到的結果,,甜甜的粟米配上那清淡芽菜來得沒有油膩,漢堡扒雖不是全熟,但來得軟身,但不至於散開的,一,二件早已足夠清光那碗飯,美食廣場的質素愈來愈好了.和阿哥談了一會後,拿起那傘向著傍侊大雨的街道步行.

其中一個同學仔提議食pepper lunch, 我就同佢share嚟食買o左個黑椒牛肉飯餐食, 特色係自己攪, 落埋d甜甜地的燒烤妯醬食, 幾得意吖, 不過覺得d飯撈完個汁之後比較甜, 而牛肉就乾乾地, 味道一般, 飯粒之間有好多大大粒的粟米粒, 幾好食咁攪幾攪之後, 個鐵板開始冷卻, 而飯粒都開始乾身, 燒汁已經蒸發哂, 呢個時候食就無咁好, 因為唔夠熱了, 所以要襯熱食先得個鐵板都算特別, 之前未有過呢個product, 未食過的話都可以嚟試吓呢

朋友生日, 提早預祝, 之前朋友提過次次經過呢間舖都好多人排隊....一定好好味!!今日我地就去試下....一去到已經見到勁多人排隊....男朋友負責排隊, 仲目擊個阿姐洗鐵板既情況係十分之求其.....但我實行眼不見為乾淨.....如是者.....排隊買餐用左20分鐘.....等個餐又用左20分鐘.....滿心期待.....到入口一刻......咩味都食唔到....只係覺得好鹹....真係好鹹...結果食左兩啖我就冇再食....而且份量好少, 男朋友最後要去吉野家再食過等左咁耐先食到....但原來係咁難食

開完"會"落左朗豪坊搵食，上次o黎到搵唔到位，今次咁夜相對易搵左，終於試到呢間pepper lunch。pepper lunch入駐朗豪坊成為最多人食o既食店之一，我都係因友人推薦所以一直都想試試，我叫左漢堡扒加小牛排，女友叫小牛排...呢到d set都唔平，自助形式最貴可以成百蚊，響無service同環境之下食物質素成為最主要要留意o既地方。攞得食物o黎都見到d小牛排熟左大半，加上肚餓o既關係結果相都無影就開餐，撈完飯來小牛排都熟透，不過牛排都夠薄同夠味，唔會太韌，漢堡扒就差d啦，厚身但超淋，口感同味道都只是一般....飯方面都唔算特出，可能因為醬汁唔合口味，有人覺得撈撈下好玩其實食完都唔多夠飽，可能太晚食野，又可能份量不多總結來說一試無妨，多次就未必啦

早個幾week同女朋友去食 , 女朋友就食左個黑椒牛肉反$38 , 我就叫左個霜降牛扒$78 ...女朋友話佢個反幾好食 , 我試左一啖 , 係香既 , 不過因為有牛油嘛 ...我個霜降牛扒其實都好食 , 肉汁好豐富 , 但好細塊 , 講真 , 如果一個男人一定食唔飽 !! 而且我覺得呢個價錢要自己serve自己好似有d唔抵 ... 而且佢多數開o係food court ,咁迫既環境要自已將個鐵板拎黎拎去都幾危險 ...

i got the most popular item on the menu - beef rice. I like it, it has super strong taste of pepper. the quality of beef and corn are pretty good. its a little too salty tho

今日同BABY行朗豪坊~肚餓醒起呢間!好想試!~買左牛肉飯!!D汁幾好味! 特別係蒜汁~~好多粟米!我中意食!~D牛肉冇咩特別!

一直想來試試這個支支聲的鐵板餐同朋友兩個人來食, 我叫雞扒加漢堡扒雞扒切開之後發現未完全熟, 雞肉是不可吃生的, 鐵板好快就不熱, 於是打回頭店員都肯為我處理不過...點知今次, 熟過頭, 仲燶左少少, 加完醬汁食, 食左兩件, 放棄了朋友個咖哩牛肉飯餐, 勁咸點解咁多人食? 個場又真係好多支支聲, 隔離又係食呢個只覺得, 食完成頭油煙, 好臭玩完有啲後悔...