Pepper Lunch Express (朗豪坊)

Open Now

Now Closed

久未踏足朗豪坊, 是日Food Court細選之下, 試一試呢個日式鐵版燒, 三文魚扒加雞扒.等出餐時, 看見一鍋鍋熱乎乎的東西, 有點想把人家的煎扒據為己有187, 我既number, 一鍋燒到半熟的雞扒同三文魚, 店員亦再三叮囑要煎熟一點才好落照燒醬同其他汁. 但眼看雞扒同三文魚已經是熟透, 拿回座位, 返兩返, 急不及待落燒汁, 再返多幾返. 食!這裡叫Pepper Lunch, 所以黑椒味道較重, 燒汁加上了雞扒的肉汁, 用來送飯, 的確不錯...如果食牛扒, 相信更正.貴是貴了一點, 但值得!

好味呀!!!!!我上星期食左個美國小牛排,,,好似係新出的!!!!個PRICE又唔係好貴,,,ABOUT $ 70美國小牛排有幾塊,,唔記得左幾多塊一口一塊好好味呀!!!好味到D芽菜都比我食左其實我覺得唔洗太熟就可以,,,8成熟就OK我真係覺得好味呀!!!

試食pepper lunch既鐵板,見佢門口兩部暗暗既電視發出sa sa聲,又聞到好香既味道,於是就幫襯一個霜降牛扒餐,個餐仲有碗白飯同汽水一杯跟,價錢都唔算好貴,始終係霜降牛扒,八十幾蚊都無有厚fei,之不過喺foodcourt又無諗過會食咁既價錢既野!個鐵板將個霜降牛扒一路煎,不過個板凍得比較快,牛扒未熟透已經唔夠熱了,但係塊牛扒真係好正,好淋而且好新鮮,一流,配菜有芽菜同紅蘿蔔,幾有咬頭,另外落落牛扒既醬汁味道都幾好!下次再試吓個三文魚扒先,因為我都幾鍾意食三文魚架!

我老公係Burger King，最鍾意食Burger!!我係佢個BB，最鍾意跟住佢四圍食!!!因為BB去日本食過一次Pepper lunch覺得好好味好難忘，知道HK原來都有一間分店所以就拉老公仔去試下。係日本周圍都係，但係HK就只係係footcourt度，感覺真係無咁開心。價錢其實都差唔多，當然係日本多好多選擇。我點了特價餐煎蛋漢堡扒，而老公就點了黑椒牛肉飯。BB ge煎蛋漢堡扒：唔太深刻，唔難食亦都唔係話好好味。真係有得燒下燒下貪過下手仔癮。無果種一定要再試ge感覺。老公ge黑椒牛肉: OK咁啦~又冇我BB講到好似日本咁好味! 真係過下手癮罷了~好彩佢有得加大個飯! (不過日本係可以無限量添飯=.=)老公想再食多一次的指數： 3/5 BB想再食多一次的指數：3/5(純粹不過不失，比起日本真係爭d，而且呢個價應該可以再好味d)

其實係香港都食過三次 , 之前都係食特選肉眼牛扒、特選霜降牛扒, 今次食既係黑椒牛肉飯 , 味道都 ok , 但食過幾個唔同既套餐之後 , 總結係香港既牛肉同日本食既 pepper lunch 既牛肉係好唔同既 , 日本嗰 d 真係好食好多 , 同埋日本既鐵板比香港既鐵板熱好多架 , 我細佬試過係未食完個餐個鐵板己經開始有點凍喇 .

同女友食飯,喺foodcourt搞掂,錫女友,叫左個霜降牛扒俾佢食,八十多蚊!牛扒既質地其實都不太差,size都ok大,個汁唔係太夠味,所以食起上嚟主要得牛肉個味,伴菜既芽菜同紅蘿蔔反而不錯,芽菜爽口而紅蘿蔔好甜,塊鐵板比想像中快凍,不過好在牛扒已經熟哂比較埋價錢,覺得都ok,但如果係喺餐廳度食反而會覺得值,因為八十三蚊要有埋service先夠,而家要服侍自己,希望佢會減吓價啦

上朗豪坊食野,喺foodcourt落腳揀左食pepper lunch既鐵板,最貴係$92既肉眼,但係有d唔捨得食,因為喺foodcourt使一百蚊食一餐有d唔抵結果揀左咖哩牛肉飯,四十幾蚊,似樣d咖哩比較甜,似番日本咖哩味,牛肉俾我既時候係生既,埋到位慢慢煎,好彩塊鐵板夠熱,所以牛肉都可以熟透,味道都唔錯啦,加埋杯可樂都可以係一餐幾好既晚餐

尋晚女友唔想行, 拿拿臨去左呢間好似好特別既Food Court 試下, 叫左個$83蚊既霜降牛肉甚麼的, 那時八點鍾, 無乜人等, 好快有得羅叫牌時, 那位忙到唔知自己做緊乜既女店員'碧力伯勒'登大隻眼咁話我知: "坐埋位即刻反件牛扒, 再加牛油同埋醬汁撈埋d銀牙等陣就食得, 醬汁響左邊", 我見舊牛快熟, 快快坐埋響位度。跟住，"咦，醬汁呢？？"以為佢無俾我，咪問佢攞啦。呢位手忙腳亂阿姐就好惡咁答︰"喂！醬汁唔係我俾你嫁播，係自己倒嫁播！你自己望下左手邊！"(激死左之後....，就坐返埋位時，見到塊扒燒緊果面已經熟到韌咁濟~____~")女友見到塊鐵板，"空嘹嘹"，得一著銀芽同數埋得八件既牛"肉"，然後大叫"嘩！十蚊一夠呀！" 講真，以food court價錢，又未去到city super那種格調，接近一百蚊既價錢，都真係幾貴。味道方面，其實我感受不到它的鮮味，之後強烈的雪藏牛的味道充斥口腔，覺得同去金鷹食五十幾蚊西冷牛扒的感覺差不多。(咁我不如去金鷹食，起碼平平地，仲大份夠飽肚......)仲有，最大問題係個鐵板完全唔夠熱，拎起個盤到埋位坐低，d灑灑聲已經差唔多消失晒。到我可以反

哈哈哈!Pepper Lunch開左咁耐,又咁出名,但係我竟然尋日先至係第一次試,真係夠晒out!因為次次黎到,到好香,都好想試,不過真係好怕熱氣,於是最後臨門縮沙,尋晚同小牛黎,一鼓作氣,叫左個黑椒三文魚飯套餐。其實又係好搞笑,人地叫親都係牛.我地就要三文魚,但係我地鍾意食三文魚多一些,咁咪下先試下牛肉囉!等左一陣,比我想像中快出到”貨”,見到圓形鐵板上中間有一大舊灑滿黑椒既飯,圍住飯團係幾片生既三文魚,其實排得幾靚,睇落已經夠吸引,番埋位之後,自己兜下飯又兜下三文魚,見到魚肉慢慢由橙色變成粉紅,好得意,不過呢,陣味真係無人地叫牛肉果d咁香,反而有少少腥味,好在食既時候唔係太腥。有少少膿既三艾魚原來幾好食,不過雖然佢一開始係一片片,但係搞下搞下,好多都變成肉碎混入飯中,反而咁令到d飯仲美味,但係呢,原來個飯唔加三文魚,本身都好好食,因為黑椒真係有畫龍點睛之效,呢個黑椒飯好好味!另外仲有沙律同湯,再加飲品,都唔錯架!盛惠$52,食到飽飽,食得過!試完之後,先發覺其他食評話好味同埋值得試,原來係真既!佢可以令人有回味既感覺!

黑椒咖哩牛肉炒飯+ 煎蛋漢堡扒套餐單睇賣相都已經相當吸引…等左八分鐘終要有得食!!!黑椒咖哩牛肉炒飯要自己動手, 玩完一輪之後終於可以食la, 嗯??又幾香幾味wow, 加埋d醬汁仲好味, 個味道好香好濃, d粟米加飯又好好味, 最可惜係牛肉…好鞋呀!!! 點解呢?? 煎蛋漢堡扒套餐攪掂好主菜後, 開始開工la, 塊漢堡都幾好味, 一d都唔鞋口, 見倒咁大碗白飯就唔係咁想食…完全好似係屋企食飯咁!!! 後來我將碗飯倒埋落塊鐵板到玩, 加d醬汁, 嘩!!!好神奇d醬汁可以令我將完全冇意欲去食o既白飯, 俾我一次過消滅曬仲覺得好好味tim…就係咁我已經將我個漢堡扒飯食晒!!個湯同沙律: 麻麻地汽水: 一般o既汽水

上個月幫襯過一次,同今次一樣食午市套餐,不過係黑椒咖喱牛肉飯~先講下果次,第一次幫襯,唔係好識炒,結果搞到鹹過頭同辣過頭,不過份量夠大同有餐飲,$40唔算蝕俾Pepper Lunch~今次就揀左黑椒雞扒飯,同上次一樣都係冇加過汁,因為本身已經夠鹹~整體都唔錯,都係果句:份量充足同好食,不過真係要學下點樣掌握到炒野o既手勢,如果唔係就搞到d野食一d鹹一d淡同埋熟過頭同唔夠熟~總之定期去Pepper Lunch食野都唔錯~

開業大半年, 對它最有印象算是那個不斷"sa...sa" 的lcd 電視, 教人如何食它的鐵板燒.第一次食, 叫了咖哩牛肉飯燒. 原本咖哩是咖哩粉, 一拿到就要不停地撈. 有蜜糖汁和蒜蓉扒汁任君選擇.不過味道一般, 叫做試過.

ｏ係日本食過後好難忘，因為真係好好食前幾日同ｂｆ去左試下HK 的同日本有咩分別睇左呢度好多comment都係話好快"窿"晒,話塊肉好鞋咁其實佢係expect你一拎到個餐就要即刻反ga na,如果唔係就會太熟~~~o係日本食係好似坐bar 台咁,佢一拎個餐比你,你就可以即係反轉個牛而hk呢....拎左個餐之後仲要行一陣先返到個位...咁所以咪熟晒lawso,食pepper lunch,都係坐近d 間野最好anyway,呢度的pepper lunch都幾好味丫!我食左個漢堡扒and 蛋飯,個餐好多野,好抵!!!bf個霜降就真係幾貴...雖然係比日本平,但地方係food court,始終都覺得唔值~~

去完深水埗既鴻發基本上我地既搵食之旅已經完左，之後我同其中一位朋友就系街亂逛，由深水埗行到旺角，加上之前系甘搵食，真系腳都軟，決定搵地方坐下。其實我地已經飽哂，但為左唔好白坐，所以都叫少少野食，點知間間既menu既野食份量都唔細甘，去到哩間面前，見到有沙律!!!其實我系俾佢既鐵板扒餐吸引，不過真系已經飽，無可能叫哩食(可惜可惜)我唔食辣，朋友唔食芝麻，所以叫海帶沙律($15)。沙律系杯裝，要shake均先可以食，幾特別材料有海帶，粟米粒，木魚，烏冬，菜啊等等仲有d酸酸地既調味汁，好醒胃，烏冬同平時食開個啲唔同，口感好好，不過我地未shake得均，所以有d真系太酸，但系其實已經均左有一段時間.....整體哩講幾好食!

快餐店食鐵板扒就食得多，但比d生肉同飯你自己整熟埋就真係第一次試，叫o左個黑椒牛肉飯餐，加埋杯百事，兩分鐘就已經有得拎，但係個收銀講野實在太細聲，同我講兩次野我都唔係好聽倒....... 除o左本身黑椒味好重之外，仲可以自選好多隻醬汁，倒落去個鐵板度炸炸聲，聽講塊鐵板唔會熱得好耐所以我都快快手整熟d牛肉，可能係牛肉片既關係，要整熟其實都好容易，同d撈下撈下咁，味真係好濃好香口，牛肉質素又唔錯，雖然唔係話好正既一餐，但係仲有咁多種醬汁未試埋睇倒牛扒同埋漢堡扒都幾吸引，已經會有再想黎既諗法了。