Pepper Lunch (形點 II)

Open Now

Now Closed

認識pepper lunch喺多年前响日本東京，見好多人排隊，入去食完簡宜興奮! 都估唔到几年後就引入咗嚟香港。 起初都仲keep到嗰陣味道，同牛既質素，不過而家已經平民化咗，變咗香港嘅連銷店style, 餐廳水準只屬正路質素。雖然係咁，但亦都算是一個大家都喜歡去既嘅食店，較貼地而又有少少名氣。我通常都係繼續食佢嗰個牛肉飯，有時會叫漢堡扒牛，喜歡佢有個種鐵板味，牛肉燒得嚟都美味，又簡單、又快捷，絕對保持到佢方便快捷嘅nature! 而家每個月都會食一兩次，今次仲覺得元朗呢間個味道特別好，又好貼心咁畀個膠袋我裝電話，等我好好影相。大家記得用佢放係counter果支噴霧呀，可以防止件衫吸到一陣味!

那天我一個人去食個快飯，來到Pepper Lunch，見門口好多人企晒係度等位，於是我就去取票啦。點知，帶位的小姐好好人，問我介唔介意搭枱，當然好啦！一個人食快飯有乜所謂！我第一次到這裡食飯，原來裏面寬敞，感覺良好。我之後點了一個黑椒牛肉飯(少飯)。飯到後，鐵板讓整個午餐有氣氛起來。我忽然醒起要快些拌一拌，否則會燶晒。黑椒味很香，飯好味，如果多些牛肉就好了。不過少飯都係比較多飯囉。

星期日想去去商場食晚飯，食厭左佢地嘅西餐，所以行左去Pepper Lunch 食鐵板餐。每人叫左一個飯，一個例牌嘅黑椒牛肉飯（另加雞蛋），另一個係咖哩漢堡扒奄列飯。晚飯時間又咁岩係星期日，舖頭外面好多人等緊位，好彩用商場apps拎定飛先，如果唔係真係有排等。咖哩同漢堡扒係分開上，俾你自己淋上飯面，塊板又夠熱，就好似食鐵板餐咁。至於例牌嘅黑椒牛肉飯，每次我都會加多隻雞蛋。襯隻蛋未熟晒嘅時候我會將佢同d 飯撈埋一齊，然後加多少少少黑椒。加左蛋個飯會濕d，唔會太乾！而佢嘅牛肉係薄片牛肉，襯佢未熟之前一定要撈下佢，唔係塊牛肉就咁放喺塊鐵板上面會好“un"嘅！撈埋之後個賣相雖然唔靚，但係味道真係唔錯㗎！

朝早十一點幾喺形點，好多餐廳都未開門，見呢間pepper lunch難得開咗門就入去食個快lunch,入面一個客都未有，就咁望已經間餐廳未開門，事實上我都見到有其他人入黎問開咗門未，我諗要改善吓呢樣野，pepper lunch最出名就係黑椒牛肉飯，我當然嗌返個，自己喺cashier落咗單先，然後拎野飲埋位，等咗唔洗五分鐘就有飯食，黎到仲係炸炸聲，見到就好想食，好香黑椒味，份量啱啱好，牛肉黎到嘅時候仲係生生哋，但係搞兩搞就熟晒，肉質唔錯，唔會太肥，夾黑椒嘅香味都幾香口，不過黑椒味有啲太重，飯都好好食，粒粒分明，有粟米粒，口感幾豐富

對於連鎖快餐店的餐廳我很少光顧，因為我覺得它的餐單變化少，一成不變，不過pepper lunch偶爾光顧也可以接受，但元朗店卻不及旺角店般美味。吃飯前，我想來點健康的蔬菜開胃，故選了搖搖沙律，其沙律新鮮度一般，不過蠻爽脆。至於主菜我與男友均選了黑椒牛肉飯。我們略嫌黑椒味不夠重，甚至有少許淡，宜再多添更多的胡椒提味。另外的是飯粒過於濕潤，沒有鐵板那種炒得飯粒清爽的感覺，吃起來有點膩味。幸好牛肉的肉質蠻軟嫩，肥瘦均勻，也有微微的牛肉吃，還有它的吸引之處。男友的朱古力果仁雪糕朱古力醬頗濃郁，如果多些會更好，果仁口感香脆，為單調的雪糕倍添層次感。雪糕軟滑度一般，以套餐價錢來說可算接受的範圍。

將送錯的食物來來回回給不同客戶！成十分鐘之久！之後又再送回比正確客人手上享用！😢😢😡😡！衛生問題真的令人失望！唔是應該更換新的嗎？希望下次放低食物需向客人講解清楚！

又是AWANA活動前覓食時間。路過PEPPER LUNCH，見等候的人不多，決定試試看。雖然之前在新港大食代的PEPPER LUNCH EXPRESS有過不甚愉快的用餐經驗，但深信大不了只是再中伏一次而已。最後等了約十五分鐘便安排就座。店外有大型菜牌供客人參考之用。店面開揚舒適，抽氣算是完善。最少吃罷離開沒有一身油煙味，也有提供幼童座椅。這裡的點餐程序是，店員安排入座後，自行往櫃台點餐、付款(當然要記得報上你的桌號)及先行領取沙律飲品等，之後便有店員送上你的食物。價位在形點而言，算是便宜，菜式選擇也不少。我們點了一客芝士咖喱黑椒雞肉飯(珍寶版)，另外點了飲品，埋單約九十多元。付錢拿著飲品回座不久，食物已迅雷不及掩耳的送到面前。很有效率，店員態度也十分友善，多番提醒寶貝小心鐵板熱度。所見即所得。在這裡用餐，要記得將飯及菜快速拌勻，不然吃起來就會覺得有點冰冷。其實這個飯如果食量不大，是可以二人共享的。不過前人有說珍寶板份量和普通板只是一樣，這個見仁見智吧。食物部份，算是惹味香口。我們點了一客雪糕新地，用餐完後，店員才會送上。和麥當當同類產品相比，奶味很香濃，朱古力漿和花生落的十分慷慨，賣相

今日放左工，入左元朗學結他，完結了到了這店醫肚，好想食牛肉，叫左個黑椒牛肉飯，見人食好香咁，係個餐，70皮有找，其實唔算抵食，自助比錢，但係有專人送到，服務都唔錯，環境唔錯又舒服，個餐有餐湯，忌廉湯OK，無話好水咁又好咸，好Creamy 。但飯我叫佢比少D黑椒，因為太多會搶晒牛味的，個飯好香，好好食，係粒粒分明，但係牛肉就少左D啦，不過唔老好有牛味，粟米夠晒多，但牛少呀！加埋個汁撈飯，唔真係唔錯，不過平D就最好。

有好多新意，胡椒廚房入面嘅飯都唔平。平日食牛肉飯都食到悶，三文魚飯嘅三文魚好彩唔係太鹹，用鐵板上食物夠晒熱，啲汁嘅配搭都唔錯，唔算特別好食但係合格。餐湯薯仔忌廉湯好得意，應該日日都唔同。飲起嚟真係有少少薯仔碎，好濃郁嘅薯仔香。

食物完成係2回事...真心講難食...味淡...配料少...唔值得再去多次～旺角果間我食幾次都仲好好食...唔知點解係元朗就咁難食...係咪第2間野黎架😅😅😅

今日友人約左出黎有野傾咁岩冇咩野特別想食就去左PEPPER LUNCH食去到多人都要拎籌大約等左20分鐘就入得我嗌左個珍寶黑椒牛肉飯聲稱係大份D但我個朋友係嗌左黑椒牛肉飯份量睇落去係一樣多左1舊掛我諗但係貴左成10蚊!!!!!!!!味道就一般般我認為有D過熟可能我食野比較慢太熟個D就似食緊香口膠咁雖然叫左珍寶 但係飯一樣咁少都係唔飽總結：食普通SIZE就得

下午想食個鐵板燒，但又覺得如果下午食鐵板會很貴，就想起了pepper lunch。燒紅了的鐵板上，親熱把生牛肉和飯混合，熱力也把芝士溶化了，整個組合無得輸。如果喜歡黑椒，還可以叫服務員加多一點，整個餐就像在高級餐廳裏吃的鐵板燒一樣。套餐跟一杯凍飲，我叫了凍檸茶，這樣就成了一個豐富的午餐。

新元中大裝修後, 多咗好多食肆進駐, 雖然都係連鎖店, 不過都算係多咗啲選擇.  是晚嚟食個'午餐', 以前都係响FOODCOURTS食要自己捧餐, 呢度就落完order就有人送餐(要記得自己坐的枱號~)每次我都係食呢個, 因為夠隱陣~ 牛肉薄切, 方便嚟到炒熟, 最鍾意個汁(呢度每張枱都有支任落); 配餐的湯都唔差, 忌廉湯冇煮到一舊舊算係合格呢個老公點的, 實物同張相真係.....差太遠....不過老公話其實唔錯, 肉淋&煎得香口, 另外配的汁幾好味, 最奇係原來仲有個飯配埋, 實飽呢度座位都幾多, 但又唔覺迫喎, 好過响foodcourt食~ 

趕著食午餐，來到這店感覺用餐時間不太耐，故入去便在收銀櫃前選食物。但原來要先取位才落單。侍應為我準備了一張二人桌，感覺很寬敞。我點了一個午餐：黑椒雞肉飯+飲品。食物來到時發現係無汁既，但桌上有兩樽可加：蒜蓉汁和蜜糖汁。雞肉沒有什麼特別，其中第一口放入口是凍的，簡直失去意慾繼續食，但最終也有完成。蜜糖汁很好味，但飯撈在鐵板上就略油，故減肥的朋友要留意。

有多間分店, 吃鐵板燒的連鎖專門店 - Pepper Lunch, 新分店落戶於Yoho Mall商場, 亦是新界西北的第一間分店。商場內眾多走中高檔路線食肆中, 開了這些平價選擇, 食客猶如久旱逢甘露般, 加上食店選擇於一連三日長假期開幕, 更令排隊人龍絡繹不絕。裝潢簡單而明快, 座位亦排得鬆動,抽風系統做得不錯, 縱然大家都吃著鐵板燒, 也不感煙霧彌漫。玻璃屏風後看到廚房準備食物的情況, 很乾淨。先於門口取飛等位, 後於櫃檯落單付款, 再等店員送上食物。Pepper Lunch有多款鐵板系列選擇: 肉類除主打的牛肉外, 更有雞肉和海鮮。調味更有黑椒, 芝士和咖喱等提供。平日的午市套餐都只售$55, 是場內非常便宜的選擇。檯面備有調味醬汁, 以蜜糖醬汁最吸引, 亦設有自助角落: 醬料, 水和餐具可自行拿取。咖喱黑椒芝士牛肉飯餐 $74套餐有: 鮮橙汁, 搖搖沙律於廚房內預先燒熱了, 用紙條圍邊的鐵板燒到熱烘烘, 配料早已放於鐵板上, 要快手將牛肉和飯跟芝士混合弄熟。 咖喱汁早已跟白飯混和, 但味道不算太明顯, 黑椒的香濃味反而更突出。 芝士碎份量不夠多, 做不出拉絲。 牛肉是薄切,