理想店旺旺咖啡座

Open Now

Now Closed

環境不錯 食物基本可以 但服務其差 藍灣商場茶餐廳就只有這間 就是因為獨市生意 老板個態度奇差 夥記多數是家族人員 對客根本是黑口黑面唔想做果樣 唔係多想睬你 落單想清楚否則哈哈又食黑面 好像叫你最好咪去幫襯咁款

一家人第一次來這裡晚飯，之前經過幾次，發現此處的裝修不時更改，最近就比較型格時尚，似乎想跟一般茶餐廳劃清界線。我們一行4人，點了蒜蓉牛扒飯、炒雞扒公仔麵、乾炒牛肉意及排骨炒麵。3碟炒野確實非常有水準，炒得非常香口美味，夠爽身不會太過油膩，而且份量非常驚人，我們足足拿了兩個外賣盒帶走。蒜蓉牛扒飯的牛扒也夠淋和滑，不會死實實的，蒜蓉汁夠香濃，可以說是相當有水準的一頓晚餐。

難得行遠啲離開工廠飯堂，食好啲，食西餐。$53，有餐湯有餐包有飲品，不過記得西湯要有餐包，餐包好軟熟，牛油好香。白湯好咸。焗肉醬意粉正常貨色，唔會太油，物有所值。

今晚呀媽番工，冇人煮飯，出街食我經常嚟食飯，多數食西餐，今次試下中式小菜三仔爺，三個餸，不過我夜晚唔食飯，所以淨係嗌咗2set飯同湯好濃味，甚至去到重口味，但係酸嘅程度正合我意偏油膩幾滑，好香奶味，日日都會有唔同嘅材料，應該係自己煲，唔係罐頭湯上枱熱呼呼，香氣十足可惜欠缺魚香茄子的辣、酸同樣上枱熱辣辣，味道唔錯，魚比較厚粉，豆腐唔多入味外層不夠脆，椒鹽香氣欠奉，豬扒軟滑得唔太合理，鬆肉粉下太多吧2個煲仔菜好夠熱，其實唔錯湯味道也不過不失，屬水準之作豬扒令我好失望3個人 $190

今天是難得的family day，一家人整整齊齊出街晚飯，各自點了喜愛的菜式再分享。體積細小的餐包以微溫送上，味道甜甜但不怎鬆軟，吃了兩口便足夠。餐湯方面，以中式的西洋菜湯佔優，味道濃郁之餘還有充足湯料，反而淡而無味的忌廉湯完全沒有還擊力，即使捨棄亦不可惜。咖喱牛腩煲熱力逼人，送來時還在滋滋作響。牛腩炆得腍軟無渣，被微辣帶甜的咖喱包圍，越吃越上癮！加上其他配菜，如洋蔥、薯仔、青椒等，吸盡醬汁的精華，即使要擺平一大碗白飯也非難事。至於豆腐班塊煲的質素亦不俗，特別喜歡墊底的蘑菇，味道香濃，只可惜班塊數量不多，一家人分享不太夠喉。兩個焗飯點了三款口味，包括咖喱牛舌、茄汁豬扒、白汁魚柳，當中以前者最為出眾，相信是惹味的醬料居功不少。茄汁豬扒飯亦討人歡心，最喜歡是那個炒底飯，帶著雞蛋的香味特別好吃。白汁魚柳則教我失望，因為白汁沒甚味道，魚柳亦很淡很淡，不是我杯茶。

這是等了兩年的聚會，但基於種種限制，只能在小西灣碰頭。商場內的食肆可謂乏善足陳，理想店是環境較舒適的一間。假期午市時間人山人海，幸好我們能坐在較寬敞的梳化位，點了食物後自顧自的詳談，懶理四周嘈吵和忙碌的氣氛。羅宋湯和麵包先送上，前者味道過份濃稠，喝下時感到太鹹和微辣，刺激得令人嗆喉。麵包則是劣質之作，冰冷之餘亦硬得難咬，而且全無香味可言，感覺猶如啃石頭。主菜是鹹豬手意粉，份量足夠女孩子吃有餘。豬手已全部去骨，方便進食，抵讚！我略嫌豬皮太多，而且有一陣羶味，但質感頗有彈性，因此也吃了兩片。肉質方面帶輕輕的鹹香和黑椒味，十分纖瘦但又不會過韌，我全把它們幹掉。意粉則屬正常品質，但醬汁落得太過吝嗇，最後遺下大堆乾巴巴的粉條。另外還有餐飲，但沒甚麼特別，不值一提了。

七月上旬‧晴跑了一場，終於重拾一點點的速度感了。是日又有「美心危機」，還好使出「顧左右而言他」的技倆，成功的帶大家來這邊買午餐。這裡由樂軒台那邊開始，一直到現在，最出名就是「丁」，還要是炒丁。本來已經沒吃丁的了，但跑了一場滿意的，給自己破破例，就要了豬扒炒丁。果然不錯，炒丁份量很多，大大盒的，估計是用了兩個丁麵。炒得很乾身，丁麵不過腍，味調得好，不是什麼的秘方，只是用回原裝的湯粉，就好吃的了。豬扒反而一般，硬硬的，下次要「齋炒丁」好過，橫豎味道也是全靠味精而來的。跟餐有杯熱咖啡，即磨，幾香濃，不錯。埋46元，不便宜。但在這裡除了吃炒意粉，就以這味炒丁最好吃。

今日放假，就行咗去"理想店"食個早餐．．．點知，又不自覺地叫了平時返工的早餐，就係火腿通粉 + 腸蛋 + 凍好立克．．．火腿通粉食落一般，因為通粉今次太淋了，D湯底就比較清；腸仔應該係水煮，所以啖味，不過OK既，因為比較健康．．．總括，食物都OK既，但既環境就幾好．．．

以前都去過呢間野食飯都覺得麻麻地~不過今日我同母親大人見附近冇咩餐廳好選擇就打算俾多個機會佢~~點知.................................我地夾埋叫咗一個肉醬意粉同一個忌廉猪扒意粉...兩個都係set dinner先講餐湯.....個羅宋湯好似落咗幾匙辣椒油咁....辣到完全入唔到口...忌廉湯仲恐佈....唔知溝咗d咩奶係入面....騷到不得了.....肉醬意粉普普通通都算入到口.....但係個忌廉猪扒意粉就..... 簡直係災難!忌廉猪扒意粉既忌廉係用番忌廉湯既忌廉...又係一鼓騷味...猪扒好似未溶曬雪就攞去煎...有雪櫃味..於是呢鼓騷味配上有雪櫃味既猪扒....形成一種難以形容既噁心味道.......唔止食物差...餐茶都唔掂.....檸水好似落咗幾廿匙糖咁甜到冇人有......奶荼勁苦...........總括而言呢間餐廳食物質素極為低劣........唯一好處就係有幾部電視機解下悶....

星期五冇出街食晚飯, 就响樓下食算啦.凍檸茶 - 有一牌冇幫襯, 唔記得落order凍檸茶時叫少甜, 我响其他地方飲凍檸茶從未試過叫少甜, 但呢度嗰d凍檸茶真係超甜到呢 嚟到飲咗一啖, 甜到嗆喉, 我狂督檸檬, 希望補夠到, 但唔掂, 仍然好似飲緊糖水咁, 無辦法之下叫佢換過杯. 換番嚟, 應該係佢倒咗原本半杯, 加番d茶, 但冇換番或加番d檸檬. 之前已經督到d檸檬爛哂, 得番d皮, 你都唔加番d檸檬比我, 咁即係叫我飲紅茶啫. 唯一好嘅係夠大杯, 不過咁難飲, 請我飲十杯都冇用. 鮑魚雞粒炒飯 - 鹹到呢, 好似食salt咁. 我唯有响d飯裡面揾出嗰幾粒迷你鮑魚粒同雞粒嚟食算罷啦, 因為真係放唔到入個口. 已經叫佢換咗凍檸茶, 如果叫佢換埋呢個, 有d唔好意思, 橫掂唔係太肚餓, 加上呢度嘅換嘢作風, 我佢會拎走半碟炒飯, 加番半碟白飯比我...星洲炒米 - 呢個唔係我叫嘅, 上碟時見到 '嘩, 咁令嘅d炒米' 我試咗一啖, 未試到鹹唔鹹就已經成口油. 另外, d炒飯麵餐係唔包湯嘅, 要就加$10, 勁唔抵.

2009年04月06日，08:15習慣晚睡早起的深圳人，06:45已爬起床，用了一小上網，翻閱了AM730的施老闆和倪尊者的專欄。肚皮在抗議，便到藍灣開餐。到了這食店，要了久違的湯意粉和腿治(這細兩種普通食物，我竟超過兩年未吃過)牛肉湯意：即食麵調味包湯底、意粉偏硬，但還算可以、牛肉夠牛羶味，竟未經化學處理腿治：鬆軟方飽，塗上了薄薄的人造牛油，再夾了片火腿，食味正常。齋啡：苦中帶甘，不能和即磨比較。環境本想是清靜，但我選擇靠近風閘，自作自受。笑臉是因為低食，還有那食味正常的牛肉和腿治。

山長水遠黎到呢度，唔係相熟呢頭的地形，應唔會搵到呢度d食店，因為呢個商場d規劃有點奇怪，並不將所有的舖位歸納於一起。Anyway, 好彩唔係常黎呢!黎食個 heavy tea-set, 呢度只 offer 一些差炒飯 or 炒麵等，我們點了一個五香肉丁炒飯同星洲炒米 and 一杯檸檬茶同奶茶。個五香肉丁炒飯真係五香肉丁炒飯囉，淨係得幾粒五香肉丁同炒飯及少許荵花。又無乜味仲係唔熱的!!! 點合格呢!？星洲炒米反而Okay d, 都熱，同有d 料，都有d 星洲味道。呢度聲稱係咖啡店，但係茶實係茶記，不過水準都唔及一般的茶記。Too bad. 仲要收 $31 一 set, 可能係偏遠地點就要受呢d水準啦。

同媽咪, AUNTY黎食DINNR叫左一個扒, 一個星洲炒米同雞軟骨雞軟骨好香, 好香~ 味道就ok個牛扒... 唔. 雖然中間係紅食, 不過d肉好'鞋"星洲炒米 有色冇味一杯黑牛, 一杯ice mocha. 一杯什果冰黑牛chocolate icecream + coca cola, 好可惜, d 汽水冇汽ice mocha 唔好飲.. 什果冰好求其, 做水吧既aunty話. 我都未見過一杯什果冰咩料都冇~

呢間理想旺旺，都令人幾可悲年幾兩年前，佢以一個高檔餐廳feel殺入藍灣，食物質素係唔錯既，雖然算貴，但都算可接受~後來有得睇波，D野食開似麻麻....兒家直頭係唔得~上個禮拜同朋友去食dinner，70幾80蚊個set din，個碗白湯....金寶的味精味，朋友的紅湯算可接受那個焗飯，好salty~食完真係好口乾!朋友既鴨胸天使麵...鴨胸差唔多全部都係脂肪，冇肉!食到好唔開心琴日再去旺旺食tea....兒家就只有佢個tea仍然算係食得落肚....隻熱狗好似係15蚊，有埋野飲，大大隻~食完係會飽~堅飽~但千祈唔好叫個D咩粟米片配炒蛋，會中招~又貴又唔好味~唉.....呢間野...變到真係冇人去....拍烏蠅

有時就係懶行幾步，就吃了一餐不滿意的，是日就是這樣子，在這裡吃了一頓不滿意的早餐。要了火腿腸仔煎蛋，另一份是煙三文魚炒蛋併鮮果粟米片。火腿及腸仔也沒有煎過的，蛋也不是即煎的，二十蚊一份這樣的早餐，不是吧！煙三文魚炒蛋上檯時以為是人吃剩的﹝可看圖片﹞，真的是研究了一輪才開始吃。這個是即炒了，不過煙三文也帶腥味，在這裡吃煙三文，似乎也有點冒險。鮮果粟米片的生果粒也不新鮮，亦不甜，非常不濟。係得個環境好坐，一路吃一路睇Now新聞台。另外就係件多士最正常，也烘得熱熱的。埋單45蚊，如果這個商場能有一間似樣子一點的茶餐廳，包做生意做到停不下來。