源味廚房-雞煲專門店

Open Now

Now Closed

每一次到廣源邨都一定要去這間源味雞煲，他們的麻辣雞煲實在是太好食了！麻辣雞煲，味道很正宗，辣度剛剛好，讓人一口接一口地吃。雞肉非常嫩滑，配料也很豐富。除了雞肉以外， 麻辣味做得很出色 ，每一口都能嚐到正宗的風味，非常美味。最重要的是，他們使用的食材質量非常好，香料也很細緻，讓整道菜的味道更上一層樓。吃完雞煲，想加其他配料的種類選擇也很多，尤其海鮮的性價比十分高！ 一定要試！牛肉和手工雲吞也很好吃。除了麻辣雞煲，這裡還有其他例如：重慶烤魚、雲吞雞煲、牛腩煲等等。所有菜式都能自己選擇辣度和份量，非常貼心，讓人感覺到他們真的關心客人的需求。另外，店員的服務也非常友善和細心。而且他們會特別介紹店裡的不同菜式和辣度，讓顧客可以更好地選擇。整個餐廳的氛圍也非常棒，環境整潔舒適。而且每個餐桌都會提供紙巾，讓客人在享受美食的同時也能享受到舒適的用餐體驗。推薦源味雞煲，這裡的食物和服務都非常出色，會繼續支持！

之前做任食雞煲火鍋都有食開，而家散叫反而食物高質左，又多左烤魚牛腩煲等等選擇，味道好食，價錢仲好抵，俾出面一些火鍋店平真係屋邨價，最緊要唔限時，住附近一定會再幫襯，少有高質雞煲火鍋

山長水遠去探朋友，諗緊夜晚食乜好，點見到依間寫住專食雞煲，就諗住入去試下。見佢鋪仔細細，但個雞煲出奇地好食，濃味又唔會死咸，啲雞又滑，叫一隻雞煲份量十足，唔會扣起啲肉，得番啲骨位。老闆娘又好人又好禮貌果然係小店先有既人情味食完隻雞煲就加左個花雕湯底打邊爐，個湯底好香酒味同藥材味，淥牛肉同海鮮一流，叫左碟鮑魚同蝦，鮑魚好新鮮，啲蝦仲彈下彈下嚇親。仲有好多款雞煲同牛腩煲，可惜已經好飽，唯有下次再黎試埋其他款煲

呢間椰子雞煲真係好食，湯底好香濃，啲雞肉咁樣煮好滑嫩好甜，啲椰青肉同啲椰青水味道都好濃，湯底好青甜！佢哋用咗兩隻原個椰青嚟煮的，好😋😋啊！其他火鍋配料都好豐富，有廣島𤐶、手切牛肉、肥腸、海蝦、鮑魚等等.之前都試過麻辣雞煲、蘿蔔牛腩煲、胡椒豬肚雞煲都幾好食。之前呢間店做兩小時任食，依家改咗做逐碟逐碟計，我覺得咁樣仲好，唔使夾硬食怕蝕底，又可以慢慢食吹吓水👍，計落仲平過之前任食。佢哋係小店經營，有人情味，見佢同其他熟客都好老友。坐巴士去到廣源巴士總站行入去好近👍，可以試試

麻辣雞煲勁推介，麻辣香口惹味。另外，廣島蠔肥大肉厚，牛肉新鮮，值得推介。胡椒豬肚煲亦都好味，不會太辣。最近此店推出烤魚，未有試過，相信不會令人失望，期待下次一家大細再去品嚐。嘩，我真係要話下啦，呢間麻辣雞煲真係好食！佢啲湯汁好濃郁，辣勁十足，仲有啲微微甜嘅味道。雞肉煮得好嫩好滑，啲辣椒乾、花椒、蒜頭等香料都煮得恰到好處，令味道更加爆炸！啲火鍋配料仲有好多選擇，有新鮮蔬菜、肉類、海鮮，仲有啲好特別嘅配料，例如鴨血、毛肚、魚皮等等，豐富多元化，一定唔會膩！家庭式小店經營，清潔衛生。佢哋都好細心，會問下你啲口味同埋幫你調整啲湯底，總括而言，呢間麻辣雞煲真係好正，值得推介俾大家試下！

三五知己落樓下搵食，見到雞煲新推出左酸菜烤魚，叫左嚟試吓，估唔到好好食，魚好新鮮好大條，金湯好好飲，再叫配料打邊爐，材料新鲜好抵食，小食都好好食即叫即炸，啤酒又好平，屋邨價錢高質數，性價比好高，怪不得坐爆哂，要坐室外好在有冷風機，唔覺得太熱，反而更有風味。

今晚同3個朋友系沙田行街，搜尋開飯去左廣源邨搵嘢食，見到有烤魚雞煲入去試下，可能平日吾洗等位，我哋叫咗麻辣原條烤魚，魚好大條吾會乾晒份量十足，麻辣可以揀自己既口味，配菜好足好吸味，整體賣相都好好，好有小店自己風格，另外都試埋招牌麻辣雞煲半隻，真係好出色，雞好嫩滑入晒味，好多肉大大舊，吾會乾曾曾柴皮，店員仲問我哋可以加湯打邊爐，因為有半價海鮮一份，我哋咪睇下叫邊款，嘩⋯原來有6款可以揀，我哋揀咗串串蝦$15/6隻，隻隻都識郁架，咁既價錢有咁嘅質素，小店都做到咁既水準好利害，聽店員講老闆自己去揀海鮮，買完返嚟自己養住佢，等佢生猛盞盞跳，好有心機，值得一讚，另外再點左鴨血，珊瑚蚌，雞子，鵝腸，好新鮮好好食，滿足晒！（提下大家半價海鮮做到31/7）整體來講好抵食。

見到話係任食 我地兩個人叫左一隻雞 整辣雞煲其實味道幾好 有層次既雞煲又幾香 不過肉質就麻麻 有啲唔知係老定鞋 不過一定唔係滑 老闆娘一直強調新鮮即刻煲出黎 無味精 真材實料 我地都無質疑的問題就黎了 通常食雞煲 都係食到咁上下就會想叫其他嘢打邊爐料換個口味 尤其呢啲任食煲 但係老闆娘唔比 話一定要食晒隻雞先 都唔好話我地實際食唔食得晒 我想換下口味食都得掛然後我地叫既時候 佢亦無提過我地話未食晒雞唔比叫其他 如果唔係我地就唔會叫一隻雞 半隻就算跟住我地照食啦 其實已經好飽 差啲都食唔落其他嘢 煲雞開始水少 開始鹹 我地就話想加水 話鹹 跟住老闆娘又係度話 我地真材實料 只會係濃味 唔會係鹹 因為無味精 當刻真係問晒號 濃味係濃味 咁但係 就係鹹啊嘛 兩者無衝突架wor 鹹就係鹹架啦😂😂😂 可唔可以快啲加湯俾我跟住終於可以叫下其他嘢食 嗰啲肥牛豬肉 十分唔掂 如果個雞煲呢個價錢加任食 係我唔可以一邊食其他嘢仲要其他材料質素咁差 真係唔值 個雞本身無問題 雖然亦未話真係咁好 但係成件事加埋啲服務態度真係令人少失望

係沙田區搵有咩邊爐好食 亂咁搵之下 見間舖少評論似新嘢就試試佢 點知問一問老闆娘先知都做咗4年不過改過名入到嚟先睇下餐牌 有雞煲 有火鍋 有小食 有任飲一個字 抵我地嗌咗$238 先食小食再食麻辣雞煲 醬汁香 少辣 唔會過咸 味道一流 話就話半隻 3個人食完飽到癲 之後就到胡椒豬肚雞煲 用鮮骨整嘅湯底 好飲到癲 配埋入面滑到溜雞件 豬肚 枝竹 正呀之後可以放埋配料打下邊爐 有好多嘢食揀 肥牛 鵝腸 魚皮 自家包嘅雲吞水餃 多到數唔晒 不過食完2個雞煲真係飽到癲 都食唔到幾多啦 其他等大家自己嚟試係咁多 完

第一次嚟食 揀左 （1）- （4）加火鍋先食辣雞煲，再食醉雞煲，最後火鍋😍😍兩款煲都好出色，好入味，唔夠食可以添食仲有不得不提小食，樣樣都好野味，由其係雞翼尖😋😋加上服務態度好好，盡量滿足客人要求有機會一定會再嚟

一個價錢就可以試曬唔同味道雞煲 今日2個人都試到3款味道 1） 麻辣雞我唔食得太辣既人 味道惹味 雞肉畀出邊其他品牌嘅雞煲 肉質都好滑 都好2入味 必食之選2) 醉雞一來到就聞到好重嘅酒味 煮得耐就會味道更出 同樣肉質又淋又滑 推介之一3） 胡椒豬肚雞第一個試既味道 湯較濃味 豬肚好淋身 值得一試 整體嚟講 一間隱世小店 環境方面較細但食物質素來講 可以話食過咁多間雞煲 其中一間最高質 一個價錢可以試4款唔同味雞煲 已經回本🤭 另外不得不提 呢到除左雞煲外 小食都可以任食 仲要 炸得好脆口 值得推介 👍👍 老版娘都好好人 經常問需唔需要加野 雖然店舖細細 但服務同食物質素 都好好 如果沙田人食雞煲其中一個選擇

老闆娘人好好，會時不時走過來問你洗唔洗加野。仲可以無限加雞，味道超級無敵好性價比高，辣得好過癮🤣🤣食完雞仲可以加湯打邊爐，好野味。打邊爐種類都算多，仲有各種唔同嘅飲料同埋小食提供。

已經成為呢度常客，欣賞大師傅嘅廚藝，以及食雞煲前後的小食和甜品，由坐低嗰一刻開始，小食可以無限加添（仲要係即點即整）所以每次同朋友去，一開始已經食得好暢快，除咗辣雞煲，味道濃郁，雞肉嫩滑，仲有雲吞雞煲，醉雞鍋，等等選擇都試過，都係Yummy Yummy我久而久之，呢就變咗我哋同朋友，或者屋企人聚腳嘅好地方。老闆娘嘅熱情招呼，亦都係我覺得好心印象嘅，每次去到就好似見到老朋友咁令你會有賓至如歸嘅感受，所以成為常客，絕對係有原因嘅

此店舖是好有親切感, 老闆不會吹噓, 只會說任食雞煲, 不收服務費, 自己招呼自己----好型的台詞。 讓食客不要拘緊, 開懷暢飲暢食, 而且價錢不貴任君選擇, 鎮店之寶當然是麻辣雞煲, 多種雞煲任君選擇, 我最愛是醉雞煲, 材料多及湯底好好味, 我班朋友食過都個個讚賞。美女們必須要試試這款醉雞煲啦! 食得辣雞煲就要去挑戰佢個中辣, 大辣雞煲。最後3字形容此店 --- 平 .  靚  .  正 .

平時食都10分清淡的我那天完成工作回家時看見雞煲有半年沒有打過雞煲心想入去試一試嘩超級好味10分精緻配菜那個醬汁不得了超級好味超都好味超級好味跟外邊的不一樣下次再去繼續吃絕對很不錯