圓美家

Open Now

Now Closed

真係好鐘意呢間小店！經過藍田無意中發現呢間店，店主好真誠有禮，野食都十分有心同好味，已經推介左比屋企人，價廉物美。知道香港小店不容易，好高興香港有呢啲努力耕耘既小店，希望店主們可以堅持下去吧🥹🥹

第二次食依然覺得不得了，扁意粉火侯適中唔太腍太硬，醬汁hold 得住喺意粉度唔會水汪汪（食開餐廳意粉嘅人會明我講乜），配料亦份量十足每一啖都食到餸。36蚊仲送湯呀大佬！樓上熱狗舖係好食，但希望寶寶們都分散懲罰please

藍田新開特色小食店！全部嘢食都係takeaway，舖頭冇堂食。全部手抓餅、蛋餅、可麗餅都係即叫即整，絕對熱辣辣。今次試咗個肉鬆火腿片手抓餅，醬汁可以揀沙律醬或者茄汁，我揀咗茄汁🌝🌝拎上手已經好熱，咬落去仲脆ge！餡料都算幾足，值得一試！值得一讚嘅係包裝方面，除咗用紙袋包住個手抓餅，外面仲有一層膠袋，咁咪生好多又唔會成手油淋淋👍🏻

好多年無去匯景，今日去兜過圈。行行下好肚餓。於是去揾食。行到最尾度有間特色小食店。有蛋餅，可麗餅，熱狗，手抓餅及意粉之類(好似去左台灣甘)。今次試左煙肉熱狗!!賣相及味道好好。店主好有心機整。前面有客人買可麗餅，好似話D cream係佢地親手打，下次一定要試下!!大肚婆特別肚餓，一於食埋佢個手抓餅!!好正呀!即食熱辣辣添呀!!女店主好好笑容，仲同我傾左好多湊B經添!!下次路過試埋佢個甜品先

平時好鍾意周圍去小店揾食, 今日途經匯景見到有好多小店新開張, 意外地見到有至愛嘅手抓餅同可麗餅,當我偷望緊小朋友手拎住可麗餅的賣相時, 小店老闆好親切地問有冇需要介紹一下~ 老闆話手抓餅的醬汁係佢親自調教嘅秘製醬汁, 見佢親切嘅笑容介紹下我就點左咸牛肉手抓餅同香蕉榛子可麗餅做晚餐, 而另我最意外係即叫即做, 原本諗住外賣返屋企慢慢歎, 但係見到老闆熱辣辣新鮮即做冇理由唔即場食吖 估唔到手抓餅嘅秘製醬汁酸酸甜甜好開胃, 而可麗餅軟軟又有蛋味, 而我只講咗一句(好鍾意食脆片) 老闆好有心加左好多脆片同榛子汁畀我~呢啲服務態度只有小店可以做到, 希望老闆會要keep住呢團火, 佢哋份量都幾多, 唯有下次先再試下佢嘅秘製芝士汁熱狗先