泰爸爸

Open Now

Now Closed

明爐烏頭啖啖肉又唔肥，真的很正呢！另外個菜好新鮮又爽口，加上兩道菜都配偶不同款的菇和醬汁，味道正宗。唯一美中不足係燒鮮魷，燒完好細條，圖文不符，珍多冰唔會太甜！多謝你成日帶我食好西！

而家搬咗黎大角咀住，住落覺得好便利，基本上好多野食呢一區都有，收工想食下泰菜，一出地鐵站，行幾步路就搵到呢間，就係奧海城三期地下，我係地鐵站一出經過奧海城地下既m記，出去一過馬路就可以見到奧海城三期，沿住路邊有幾間餐廳，向住果邊行就可以搵到。可揀室內或室外坐。札肉撈檬粉札肉大概有4塊，而魚露甜酸汁唔係好辣，面頭有花生碎、炸乾蔥、生菜同紅蘿蔔絲，撈完食落無比平時食既濃味，比較涼浸浸同清爽。冬蔭公海鮮湯河 入面大約有2-3隻大頭蝦、2隻青口同埋墨魚，而呢個湯亦都唔會太酸或太辣，椰奶味比較重，比較適合香港人口味。泰式串燒 （3串豬肉 3串牛肉）串燒被燒至有點焦香，肉質嫩滑，唔會燒到肉質鞋曬，串燒跟沙嗲永遠是絕配，點一點沙嗲，食起身更香口。個人覺得串燒牛肉會更惹味啲

有一日經過奧海城，剛好好肚餓，見到有海南雞飯店，在入咗去！🤣🤣🤣🤣🤣店員服務超好，特別要讚經理，很有禮貌👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻試了海南雞飯和椰子雞湯😆😆😆😆海南雞飯好食👍🏻👍🏻👍🏻👍🏻👍🏻👍🏻👍🏻椰子雞湯一般，味道清淡，椰子味很少🥲🥲

呢間「泰爸爸」泰國菜已經幫襯左無數次，簡直係我哋嘅假日飯堂嘅，佢地嘅午市套餐同下午茶都好抵食，所以食飯時間都比較多人😋1️⃣青咖喱雞飯$58青咖喱攞嚟配飯一流，雞肉係用咗雞柳啖啖肉冇骨☺️。2️⃣泰式金邊粉$62味道夠濃郁,但今日呢碟略嫌覺得炒得濕咗少少🤏。3️⃣冬陰功湯配金邊粉$58簡直係必食推介，超級抵食，海鮮份量好足。粉嘅份量都落得唔手軟，配埋湯食一流。4️⃣豬/雞串燒$48串燒味道正常，但佢哋出色嘅點係係地配嘅沙嗲醬，個醬竟然係有花生碎喺度，真係好有心機☺️配埋串燒食簡直係如虎添翼5️⃣泰式飲品（跟餐加$8）龍眼冰、泰式奶茶、青檸梳打味道正常發揮，跟餐加$8就飲到，抵加。總結：每次嚟都係食下午茶或者午餐套餐。我哋每次兩個人黎。叫到成枱野都係$200左右，仲要食唔晒打包，可以夠食多餐😂不過始終佢位於住宅地區，專登嚟就唔係太就腳。如果過開嚟大角嘴奧海城嘅朋友不妨試試佢。

朋友放假，佢約我去到奧海城食飯。原來喺奧海城地下外圍，仲有咁多餐廳，朋友唔帶我去都唔知，最後我哋就揀咗間食泰國嘢嘅餐廳。呢間餐廳座位有室內同室外，因為落雨關係，我哋就揀咗坐裏面。室內環境燈光黃黃，坐得舒服。呢度都幾多嘢食，朋友叫咗泰式蝦餅、鮮蝦炒金邊粉同埋黃咖哩薯仔雞。呢度d泰式蝦餅個樣都幾特別，用返蝦嘅造型，切為細細件，一口一啖。蝦餅入口仲係熱，蝦膠打得幾好，食落好有質感，蝦味真實。旁邊個醬調味調得幾好，甜甜辣辣，蝦餅點埋個醬仲好食。鮮蝦炒金邊粉夠大碟，鮮蝦大隻，咬落彈牙爽口，金邊粉炒得幾好，唔會炒到散曬，入口又唔會油淋淋，酸酸地。加埋豆乾，雞蛋等配菜一齊食就覺得更加香。泰式黃咖哩薯仔雞份量正常，d雞細細嚿，食落唔鞋。黃咖哩味道幾好，甜甜哋，唔辣，幾香。裏面嘅配菜紅黃青椒同洋蔥都甜甜地，薯仔就炆得淋。只要咖哩味道做得好，基本上配乜都好好食。食晒d嘢仲有咖哩汁剩，所以我哋再叫左個泰式薄餅，即叫即整。呢個薄餅比較濕潤，唔會乾爭爭，煎得好香口，點埋咖哩汁食仲好味。

今日朋友老婆唔返屋企食飯，我說聚一聚，朋友住奧運站附近，所以，帶埋佢小朋友，話要帶我食泰國菜。我超愛食泰國菜，所以一聽到佢咁講，一定舉手舉腳讚成啦！心裡好心急，一嚟到餐廳，就被餐廳外面環境所吸引，完全覺得自己疊身外國中。。。，好有渡假feel呀!我地兩個大人一個小朋友，就叫左4個菜式。朋友推介黃咖哩牛腩，本來我想咖哩對小朋友來說，可能太辣，不太合適，殊不知，原來呢間舖頭，精選泰國黃咖哩，加入甜味，甜味十足，比起日本咖哩還要甜一些，非常適合小朋友口味。有咖哩，梗係要叫手抓餅試吓啦！手抓餅點咖哩簡直就係一絕。不能錯過呀…泰國菜必然要泰式菠蘿抄飯，加入菠蘿甜味，而且用料都算多，可以一試。最後，仲叫左個椰汁西米糕試吓，以甜品作為完滿終結。

而家冇得去旅行真係好想食泰國嘢🇹🇭今日去咗奧海城行街 經過呢間泰爸爸 見到餐牌已經覺得啲嘢食好吸引😙 然後同朋友就決定入去食 因為早食所以唔使等位 入去坐低一陣就開始多人啦 好彩😆 睇餐牌嘅時候都有好多選擇 最後揀咗都係平時最想食嗰幾樣😋 椰汁沙冰 $30珍多冰 $30 兩杯嘢飲都係即叫即整 感覺幾清新又唔算好甜 可能加咗朵花更加覺得有泰國味😆🌺 沙嗲串燒 $88/6串 本身諗住淨係嗌豬肉 但落單嘅時候店員提咗我哋可以雙拼 即刻叫咗豬同雞各3串 雞肉好滑 豬肉又唔會燒到好乾身冇晒水份 加埋沙嗲醬 好味呀😋 鮮蝦炒金邊粉 $88 金邊粉基本上係每次食泰國嘢都必點㗎啦😙 炒得好香又唔會好油 同埋啲蝦都好爽口又有肉地👍🏻 泰式黃咖喱薯仔雞 $88泰式香蔥蒜蓉包 $42/6件 食泰國嘢咖喱都係必點 加埋蒜蓉包真係冇得輸🤟🏻😋 蒜蓉包同埋黃咖喱上枱嘅時候都係好香 兩樣都係啱啱整好 蒜蓉包熱辣辣又脆口 點埋黃咖喱食真係絕配😇 同埋咖喱嘅雞肉都好滑身 好味😋 佢仲有露天嘅位可以出去坐低食 不過夏天我就唔試啦🤣 留返秋天嘅時候坐出邊 夜晚同朋友坐低飲吓嘢食吓嘢其實都幾chill~~

平日既晚上，友人約奥海城食晚餐，想食泰國菜就簡左呢間。因為放工都算早，未算好多人，可以選擇室內或戶外。但係今日天氣有啲熱，我哋都係坐室內嘆住冷氣食牆上既裝飾都幾精美我哋叫左生牛肉湯河粉，蘿蔔炆到好入味好淋，牛肉份量適中，河粉充足，夠哂飽。之後，叫左個燒豬頸肉撈檬幾有驚喜，有青瓜絲，蘿蔔絲，生菜等，好清新。豬頸肉熱辣辣！再配上酸汁，好開胃我哋仲叫左沙嗲牛肉串燒，有六串，適合二至三人share , 牛肉串燒熱辣辣，牛肉厚肉。食得好滋味飲品方面，叫左青檸梳打夏天飲啱哂

今日同阿囝撐枱腳食飯，點了一份午餐、一份下午茶和一份小食，沒想到份量都很大啊～最值得一提的是泰式海南雞套餐，雞肉滑嫩、醬汁惹味，令人食指大動，連附送的冬瓜排骨湯也材料十足。另外，最令人驚喜的是套餐附送的飲品，即使凍飲也不用加錢。付出比茶餐廳還要相宜的價錢，卻換來質素不錯的食物和服務，實在很難得。

今次去到奧海城，睇水牌咁岩見到有呢間泰國菜🤓就同朋友去咗食午餐📎鮮蝦炒金邊粉一份有三隻大大隻嘅蝦，都幾新鮮🤩金邊粉有咬口，配搭酸酸地嘅檸檬汁，好清新，同朋友好快就可以食晒成碟😙📎雞肉串燒雞肉保留到好多肉汁，配埋沙嗲醬幾好食😋📎豬肉串燒豬肉都幾爽口彈牙，燒完都唔會太老，帶少少炭香😉📎椰青個椰青比想像中大好多，味道清甜，裏面啲椰子肉都好嫩🥰雖然要散叫，冇得跟餐不過都推薦🤩📎青檸梳打甜度同酸度都啱啱好，平衡得唔錯🤤仲可以解膩📎椰汁西米糕椰汁西米糕椰汁味都幾香，不過口感上每舊都有少少差異😂椰汁糕嗰一層有啲比較爽口，有啲就同平日一樣好香滑🤭呢一點餐廳可能就要留意下餐牌：環境：

今日同朋友去咗深水埗嗰邊行街, 經過見到奧海城， 見佢個商場幾靚，我又未嚟過， 就行咗入去睇下有咩好食奧海城都幾靚㗎，啲舖頭都幾大，咁行下行下，去咗地下呢，就見到有間泰國嘢叫泰爸爸佢個舖頭呢又室內同埋室內嘅，室外嘅環境食嘅話會好有泰國嘅風味，但好可惜我呢日食係落雨冇得坐咁我今日呢就叫咗泰式燒春雞半隻佢哋雞肉十分之嫩滑，個皮都好脆，佢哋係即叫即燒上枱嘅時候熱辣辣，佢調味啱啱好，好嘢味，又唔會覺得太濃，總之成件事就好香跟住我哋再叫咗杯珍多冰，凍嘅泰式奶茶同埋菠蘿炒飯杯珍多冰好正呀佢唔係好甜而入面嗰啲綠色一條條都好好食！！ 佢個菠蘿炒飯呢就夠曬大碟佢入面仲有啲海鮮呀，加咗啲肉鬆落去，成個味道十分之豐富！！下次嚟要試埋佢啲沙嗲串燒同埋泰式魚

以為簡簡單單一餐，點知食落一啲都唔簡單，好有風味，好Thai!豬扒撈檬好香，在於豬扒整得脆口，配料新鮮，有炒過既花生碎、蒜片，唔好味就奇啦😋😋至放個拼盤真係好正，四款小食，香脆既香脆，彈牙既彈牙，嫩滑既嫩滑，好有泰國風味，能不讚！個串燒醬清淡而帶椰香，配合得好好。呢個春卷好特別，有小小印度色彩，少有係泰國餐廳食到。泰式沙律人人都愛，我仲發覺唔同泰式餐廳有著唔同既口味，呢個係香椰子味、柚子味，我好鍾意。

好耐以前食過呢間泰國菜，印象好好，今次再嚟回味。佢個餐牌好厚，所有類別嘅食物都選擇好多。如果一家人，或者朋友聚會就最適合，可以叫好多款食物一齊試。今次同朋友兩個人，都食左幾款必食嘅泰國菜。炸蝦餅一碟有四件，好細心咁已經幫我哋分咗做八小件，容易食。炸得熱辣辣，而且個面好脆口，個蝦餅好足料，唔會話一咬落去入邊得好少餡果種串燒（半豬半雞）好好味！豬肉同雞肉各三條。2款肉肉質都好嫩滑。配埋個沙嗲汁，好香濃嘅花生味，夠晒惹味泰式黃咖喱薯仔牛腩有好香嘅椰汁味，唔食辣嘅人都唔怕，一啲都唔難，但係都食到好香嘅咖喱味。除咗有好多件牛腩之外，都有好多件牛筋，啱晒我口味。而且你都睇到幅圖，都幾大碗，夠三至四個人share。我同朋友就叫咗白飯，同埋蒜蓉包去送俾個咖喱，超級滿足！

因為好想食辣嘢，但係又唔想喺街行去大角咀，所以就喺奧海城搵咗間泰國嘢食， 門口有啲露天位， 感覺很有泰國風味，但是因為怕熱，所以都係坐咗入去裏面兩個人叫咗三樣嘢 生菜包 、黃咖哩薯仔雞 、芒果蟹肉炒飯我最鍾意食嘅生菜包，夠辣生菜夠爽，份量都足夠，唔會淨番曬啲生菜唔夠肉黃咖哩薯仔雞，落咗好多椰汁，所以食落偏甜，好有阿媽煮咖哩嘅感覺， 如果每配一個白飯就正了因為落單個刻唔想食白飯，所以叫咗呢個芒果蟹肉炒飯 ，單獨食都好已經好好食，但係配咖哩就略嫌 掩蓋咗咖哩的香味 ，炒飯裏面啲芒果係正常甜，食落唔酸，但係又唔會覺得係浸過糖水，食得到飯裏面係有蟹肉，飯底有胡椒味，所以非常惹味唔知點解食完好想外賣返一個咖哩畀我阿媽食

見屯馬線開咗就搭吓去搵食搵吓搵吓想搵d 唔太多人地區又可以食吓有風味嘅"泰菜"就搵呢度"澳海城"平時都好少去呢度🤫係商場地下仲有露天坐位好有度假feel幻想係泰國中🤣餐牌本身都好多選擇只有影d 枱面推介餐牌最後決定叫咗呢d平時好少有得食#芒果軟殻蟹米紙卷夏天食呢個最啱feel#冬陰公海鮮湯河" 👍🏻好濃味但又唔渴口好正宗嘅味道又可以滿足吓飲到呢個湯又可以食吓河粉估佢唔到d 蝦好有鮮味😋D 餸份量都唔少真係好抵食細嘅湯同佢差不多價錢如果食量唔太多可以叫呢個一味二食🤣#泰式煎蠔餅好香口又多蠔仔個底有芽菜𠻹都好厚身又唔會粉多過蠔仔食蠔餅點少得飲杯啤酒呢🍺識飲一定叫"泰啤"啦 😏最後埋單餐廳外面