薄餅博士

Open Now

Now Closed

首先我伍係堂食既🤷🏻‍♀️我叫既係外賣之前叫開佢 都幾好食既點解今次會咁？一塊（？）Pizza 應該有既樣佢冇左😑冇錯！佢冇左.佢已經伍係一個圓圈.4兜湯冇左2碗啲野濕哂🤷🏻‍♀️打電話番去問點解會咁？跌到咁都送過黎？點食啊🥹仲要好似伍係佢地既錯 係我地問題 你地話係車手既錯 都‘討論’左一段時間先肯搵人黎處理佢🙄🤷🏻‍♀️廢話伍多講 睇圖啦🤷🏻‍♀️唉…一句講哂 外賣左咁多次都係第一次遇到咁 失望🤦🏻‍♀️幾好食都冇下次 🫠🫠🫠

四人家庭餐，入面得一個咖喱蘇，係點？覺得我地可以一人一口食曬佢？（問過店員，話就係一個，唔係四個）一杯珍奶一杯爆珠，冇俾飲筒？小食部分，suppose每人一件，但係每個都係得三件？？？？？？餐具都凈係俾三份…係唔係覺得四人家庭餐一定係一家人食，爸爸媽媽可以share一套餐具？excuse me堂食環境都差…食咗我271蚊。不過pizza同埋面都幾好食，唔否認。講咁多，一個係唔滿意；另一方面都希望可以改良一下。

今日放工晏佐，又唔知食咩好，於是就買個Pizza返去食！今次就揀咗個三人套餐，個套餐包括千島海鮮加芝心邊，八件雞翼，三罐可樂，仲有一盒肉醬意粉🍝三人套餐好多嘢我仲食到好飽千島海鮮大批加芝心邊： 材料好豐富，魷魚啦、蟹柳、菠蘿、紅椒、青椒、白洋蔥、青口......好好味，咬落去，成口都係芝士同埋材料，但芝心邊的位置比較硬，如果可以軟熟少少就比較好蜜糖雞翼：雞翼嘅味道比較淡，話係蜜糖雞翼，蜜糖嘅味道唔夠突出，但適合俾小朋友食，睇落一啲都唔熱氣肉醬意粉：肉醬意粉嘅汁布滿晒整個表面，材料10分充足，小朋友都好喜愛食，但係如果可以再多啲汁咁就會更加好脆香雞：呢一個並不包括在套餐之內，係因為亞女知道要食Pizza嘅時候，就要指定食雞，所以我就用積分換取四件雞，件雞望落去好多黑椒胡椒粉之類，但一啲都唔辣，適合一家大細食.除咗因呢間野比較近我屋企，其次係最開心嘅就係可以儲積分，而積分可以換取其他嘢食

自從搬左後，多左堂食既地方，店面大左好多！每次經過都會俾香味吸引，通常都會外賣自取拎返屋企食，今次第一次堂食！因為有小朋友，我地就叫左千島海鮮，剛出爐既關係，原來真係同外賣好大分別嫁，好食好多！等左10分鐘左右，見到鋪頭入面有個整pizza 餅底既師傅，透過玻璃窗見到佢係到轉皮都幾用心！因為顧住食既關係，食左2塊先記得影相，好香好好食！好食過另一間好出名既pizza 鋪頭，另外都要大讚肉醬意粉，好夠味，夠多醬料，唔錯唔錯！

今晚買左個M1餐$180, 只有細批一個, 一盒白汁意粉及三個奶凍, 自己再加個章魚丸薯條, 埋單共$217, 薯條章魚丸是凍的, 意粉焗左好耐, 淋晒, Pizza就切到邊大邊細, 總之個餐又貴又難食, 中了個大伏。

原本今日想帶小朋去出去玩，但因為落大雨，所以轉左黎我屋企食同玩，叫外賣返黎食，朋友話想食pizza ，我地就叫PHD ，外賣自取，係網頁落單超方便，預計10-15分鐘後可以拎，我們散叫了一個pizza ，加兩款小食。美式磨菇薄餅餡料有雞肉、火腿、蘑菇、洋蔥、蛋黃醬、番茄醬汁，手拉薄餅香軟柔韌口感，磨菇，雞肉都好多，每一啖都食到，拎到返屋企都微暖，好味道，最緊要凍左都唔會硬。蒜香包第一個感覺就係點解扁架？唔抵食，仲要成個包係扁身，但出奇地麵包好鬆軟，蒜香味好濃，有驚喜脆爆雞粒拼薯角薯角拎到返黎已經淋晒，雞粒有少少辣，味道普普通通。