薄餅博士

Open Now

Now Closed

最近在土瓜灣的PHD叫左外賣炸雞，$124有八隻炸雞，4隻雞上髀同4隻雞鎚，真係不得不讚！每隻炸雞都炸得好均勻，唔會話啲炸皮一拎返屋企就甩晒出嚟。雖然係原味，但個皮都唔會成坺粉一樣，而係有少少香味，我懷疑黑色一粒粒就係香草。🌿最重要嘅係我一向食炸雞最看重嘅內在——雞肉。呢度嘅炸雞咬落去啲肉有雞汁流出嚟，雞油超濃郁，真係好Juicy！🔥 每隻平均只係$15，性價比超高，真係要俾個大讚！👍當日有個小插曲，個日已經係夜晚接近收舖時間，我哋問過收銀妹妹有咩款炸雞，佢話有原味、BBQ味。我哋就叫咗一半原味同埋BBQ味，但點知出嚟嘅價錢多咗一節。我哋問點解，佢搵咗好耐都唔知咩原因。我哋諗應該係要補差價，因為BBQ味好似唔同價錢，於是我就同佢講要返原味啦。點知佢俾我反應係九唔搭八，思緒混亂，仲講咩蜜糖味。唔知係咪part-time一日返好多份工，所以唔太清楚自己舖頭有咩炸雞。最重要係佢把聲好細聲，我同佢講咗兩次可唔可以大聲啲，真係聽到耳都側埋。🙄

起app叫外賣比左錢 但係冇左個訂單 話我冇買到正常都會即刻打電話過去問下點解會冇左個訂單點知打過去問有冇收到訂單 因為已經比左錢 有record起度點知佢就答左句冇收到然後竟然直接cut我線乜你地生意好好咩？乜你地好忙咩？其他分店嘅服務態度我唔知道 但係呢間服務態度就係勁差我本人都唔算係一個好挑剔嘅客人我比左錢 想知道你地有冇收到訂單 係唔係出左啲咩技術性問題 錢你就收左我 你梗係冇咩嘢 宜家損失嘅係我 係咪應該有番個答覆被客人呢？唔需要你啲咩皇帝式服務 但起碼有答有應先咁都做唔到咁唔想服務性行業就唔好做啦

每一次食PHD我都係上網嗌外賣嘅，次次送到嚟啲嘢食都仲係熱辣辣！外賣員都好好人又好Nice，唔止好快就送到，有時仲要提我哋邊度要優惠卷I.e.上網買滿幾錢有咩分，打電話order又有咩優惠等等，真心欣賞佢哋🥰

今晚叫了以下食物做晚餐:L1. 2人星馬樂園套餐-PHD多寶-手拉普通批 x 1-蜜糖BBQ雞翼-蒜香包 x 1-喇沙海鮮炒意粉 x 1-忌廉雞蓉粟米湯 x 2-蒜香包 x 1 ($1)即送香脆火腿芝士條 (6件)評價：1. Pizza很硬，很難食2. 蒜香包嚟少一客，和pizza一樣硬及難食3. 意粉沒有味不要叫了。

以前没有吃过他们的薄饼，平时经过也没有留意他们。今天不想吃米饭或粉面，经过这家店后就决定以 pizza 做晚餐。门口有餐单，普通的一人套餐也有十多款，除了pizza , 还有米饭和意大利粉餐，选择了堂食或自取可以便宜5元。他们也有双人和多人套餐，还有炸鸡，选择相当丰富。店内的客人一般都是选择自取，下了单马上制作，大约等5至10分钟就可以取了。套餐包饮料，包装也很扎实，薄饼到家后还是热的。这个 pizza 名字叫肉食大王，可以看到以肉为主，除了芝士，表层铺着莎乐美肠、猪肉和火腿等肉类。薄饼底烘得很脆，非常香口，加上芝士和肉香，整体味是很不错的。要是不想吃饭，这店是不错的选择。

返工返到好攰 已經唔想煮晚餐😩所以去PHD叫咗pizza食🍕星期一至五做緊$119外賣自取優惠已經包普通批一個蜜糖雞翼八隻🐥兩杯汽水或粟米忌廉湯另外加咗$10要咗一個白汁海鮮焗飯Pizza得一種味就係辣肉腸芝士 不過都幾好食粟米忌廉湯嘅粟米比Pizza Hut嘅多同埋都幾creamy雞翼調味唔錯反而係個白汁雞皇飯啲海鮮 好少俾返多啲會更好

今日屋企人唔想煮飯，第一時間就捻到Dr嘅外送，3個人食呢個份量真係岩哂。🔷2人超值套餐 💰170🔹千島夏威夷-普通批（火腿、菠蘿、粟米、千島醬汁）黎到仲係熱騰騰係基本但都要抵讚，千島醬酸酸甜甜，大人小朋友都岩食。另外菠蘿係本人最愛，食起上黎會更清新又有酸甜。薄餅皮較有咬口，係手工薄餅嘅特點。🔹菠菜蘑菇芝士雞意粉芝士份量食起上黎覺得粗唔少，因為會見到有拉絲效果。🔹忌廉雞蓉粟米湯基本上食親pizza都一定會飲呢個湯，濃濃嘅忌廉味，另外仲有啲爽口粟米粒係到咬下。🔷脆香雞下脾 💰15Dr嘅脆雞絕對唔輸炸雞專門店，所以去到最後見到可以用優惠價加購都要左兩件。雞肉多汁，外皮又好香。🔷滿城盡嗌黃金批-迷你批 💰22（蟹肉、龍眼肉、桃、鹹蛋黃醬）呢個批新出都係用優惠價加購，但味道上就佢係試過就算嘅口味。蟹肉唔太搵到，鹹蛋黃味就最為明顯。

PHD 薄餅博士主打手造薄餅，疫情期間，外賣單買才有8折！如果要嘅係餐，就冇任何折扣！超值一人選 $45-夏威夷風情迷你批因為係迷你批，尺寸真係好細，材料也很少！如果胃口大，真係唔夠喉！夏威夷薄餅嘅特色係有菠蘿，一粉粉的小菠蘿非常美味，充滿果甜菠蘿汁，真的不錯！加上，薄餅係手造，非常脆口，又加上一絲絲的芝士，充滿薄餅香味！-忌廉雞蓉粟米湯（1客）一般罐頭湯，可以接受嘅！味道不特別，也帶點咸味！1人脆香雞套餐$55- 脆香雞（上髀）質素似KFC但不是太燶，溫和一點！雞肉美味又帶肉汁！- 意式肉醬牛肉意粉淡而無味，不食也吧！只是能夠填飽肚子！超值2人餐$170-普通批1個尺寸比正常小，份量足夠兩人食用！但如果比較肚餓，我覺得叫大批會比較好一點！大批料夠多！脆香雞兩件輕盈沙律1客甜品1客

去個friend屋企打牌，唔想麻煩人地煮飯，我地揀左PhD外賣。首先等候時間係要1小時20分鐘，然後Pizza嚟到唔係熱辣辣。而本身已經預咗唔會有堂食Pizza水準，點知.....PhD珍寶手拉大批 - 賣相唔及PizzaHxx，但手拉薄餅嘅口感、Pizza嘅配料都比較偏向傳統Pizza，而且冇禁滯胃。芝士白汁雞皇焗飯 - 眼前只見一片白色嘅汁，幾粒雞肉，撩開下面係白飯，淨係買相見到都唔想食。朋友食左啖話味道其實唔太差，但唔似焗飯而係似頹飯。蜜糖BBQ雞翼 - 呢個雞翼就唔錯啦，醃得入味，雞皮口感唔肥膩。雖然BBQ汁唔夠惹味，但甜甜地都OK。脆香雞下脾 - 好食過KXX⋯⋯總括來講， Pizza出品好過對手dd，雞翼又好過部分快餐dd。不過我諗我唔會再叫PhD嘅飯食。

在街上接到宣傳單張，薄餅博士PHD逢星期二特價，78蚊一個pizza，我一向食開pizza hut的pizza，薄餅博士特價當然要試下。我叫了美式蘑菇烤雞大批， 賣相不錯，味道都可以以後星期二如沒有煮飯，就可以叫pizza食啦！

I've never tried their pizza, but the fried chicken is so juicy and tender. I live quite close and every time I pass by, it's so hard to resist and I always end up getting it!

食 pizza, 好多人都會諗起 pizza hut， 但係其實 PHD 既 pizza 都唔差，只係冇前者咁多花臣！鍾意PHD 因為佢係屋企附近，同埋外賣自取7折優惠 (套餐除外). 之前叫外送速遞時送左張 $69 可買一個大批 coupon！有PHD多寶/夏威夷風情兩款可揀. 見優惠卷有效日期只到6月底，拿拿臨拎去用左先！ 最後我地揀左PHD多寶，貪佢夠多料，加上芝心批邊，都只係加$17, 抵呀！Pizza餅底鬆軟味佳，芝士味濃，好好味！

晚上搵食試一下附近開了一排的PHD以為=Pizza Hut第一句就問職員有無海鮮寬條麵職員都很友善地話"我地無...Pizza Hut先有..."我就問"你地同Pizza Hut唔係同一間公司?"原來係姊妹公司我們叫了新的日韓風系列之一的柚子胡麻蝦pizza同埋芝士白汁雞皇焗飯買之前都擔心pizza上有D柚子sauce會有點怪但就本著一試無防的心態pizza有蝦, 冬菇, 日本青瓜, 紫菜和柚子sauce蝦吃落有點實和乾pizza底和邊都不算乾算是合格但柚子sauce真的很奇怪跟其他配料很不配合至於焗飯就真的不行未吃已經看到D飯粒很疏離一吃入口已經唔想咬落去因為實在太似隔夜飯叮得唔夠時間咁D飯仲係一舊舊硬班班真係好唔得以後都唔會食佢D non-pizza items!!!

因為代步的工具壞了，這一個星期六要為尋找新的代步物而準備走遍港九。沒有時間去尋寶，一到埗就快快趣找個啱大家食既地方，快快食。在太太下車的地方，就近就有一個啱大家食而又是她最喜愛食的地方，這就是 Pizza Hut 的精簡版本，PHD。PHD，從我們認識它到現在，是一向與 Pizza Box 等同地位的一間 Pizza 外賣店。而且，能讓人看見即場拋，即場製作的 Pizza，又令大家產生了一個集體回憶，回憶當年在沙田新城市廣場的陽光一代。現在街外人看得見的 Pizza hut strategy，他們把大多的 Pizza Hut 外賣店，紛紛改成 PHD，實行另一個 brand，給客人另一樣的 Pizza 感受，少一點花巧的 Pizza，服務可以更快更準。素食者，尤其是能食蛋奶者，會對特別喜愛芝士及其他牛奶類製品。田園風味的芝心批就是每一次來到 PHD 的必食食品。中型的二人份量批，包起芝心後，批邊顯得份外的大。我們是堂食的，即焗起，即刻食，比起經過漫長腳步拿回家食的感覺更香，更脆，芝士更腍，熱力仍然夠，的確可以帶絲的拔出。 烤雞鎚，醬汁一向是 Pi