Pheromone Dessert (Closed)

睇完戲同朋友去呢間食甜品，叫了個芒果pancake 配雪羔，和奇異果沙冰芒果pancake 比想像中好食，裏面的cream 適中不會太漏。芒果新鮮，pancake 皮上有脆脆，雪羔味濃郁，不錯奇異果沙冰就麻麻，少水果，唔酸，糖水味比較重。$39唔貴但可以水果多dMenu 只有中文冇英文，外國朋友睇唔明店舖不大大概20座位，舒適度ok, 可再來

食完飯點可以唔食埋甜品？！我地2人又到黑/白布街呢度搵食啦！之前經過呢間甜品店已經俾佢門面吸引住，粉色外牆，望入店內亦是白色牆身，貫徹清雅風格。因為上次趕時間無食到，今日特登返黎試試！我地8點幾去到，因為未到甜品宵夜時間，所以唔使等位就入得！甜品選擇非常多！我地用左成10分鐘先決定到食咩😂。最後揀左2個甜品！1.布朗尼棉花堡 $68一上枱就即刻俾佢吸引住！一大舊雲一樣嘅粉紅色棉花糖放喺甜品上面，感覺好夢幻！相機先食指數爆燈！好快咁影完相，我地忍唔住先大咬幾啖夢幻棉花糖先！因為棉花糖幾易容，好似落雨咁滴落枱度，所以我地暫時將佢於係另一隻碟度先，亦方便食玻璃杯入面嘅野。杯入面有朱古力波波脆脆（早餐食嗰啲），brownie, 雪糕（我地揀左cookies味）同朱古力蛋卷。brownie 質地係結實的，不算很甜的，配以雪糕吃剛好，而脆脆增添左多重口感！2.冰火焦糖燉蛋配雪糕 $52呢個甜品都好靚！蛋白做成的雪白火山外層微微烤焦定型，蛋白像雲一般輕巧，入口即化，雪山下面埋藏著嘅焦糖燉蛋都無令我地失望！燉蛋上面一層薄薄的焦糖燒得微微金黃色，薄脆薄脆的，巧妙地隔開蛋白與燉蛋。燉蛋好滑不會老，而且蛋香

食完晚餐再食Pheromone Dessert的相片 - 旺角Pheromone Dessert的相片 - 旺角甜品先算滿足😁，所以去左旺角白布街，呢度新開左幾間甜品舖，經過就俾Phermonon Dessert既歐陸式裝修同棉花堡吸引住！我地一行三人，order左布朗尼棉花堡、芒果拿破崙、窩心一刻（心太軟+窩夫+雪糕）！等左約20分鐘，甜品陸續送上，製成品同menu張相一樣，賣相好靚！對於係朱古力控既我，都覺得佢既brownie同心太軟好正！濃濃既朱古力唔會太甜，所以唔覺得漏，呢間甜品舖好細心，會上埋杯暖水，食完一款，可以refresh個口再食第二款，好用心！

走進白布街，有好多甜品店。費洛蒙，店內裝潢，高貴歐陸,就去試試翻開餐牌，費洛蒙，甜品的款式創新.厚多士配雪糕但雪糕都係得個四個味多士膩膩地, 加左蜜糖吸多士混合朱古力雪糕一起吃，令味道更上一層。脆脆芒果一口酥，脆脆的外層加上軟軟的芒果,口感特別帶點微溫，出面咸入面甜,但估吾到味道係甘MATCH,芒果甜起來依然保持新鮮，不會太甜。士多啤梨肉奶昔奶昔味道香濃而且細滑，小小酸酸地，配上甜甜奶昔，又幾夾。

與朋友吃完晚飯，想找個地方繼續傾計，朋友介紹在旺角白布街有一間裝修充滿童話故事感覺的西式甜品店，決定去試試。店內裝潢設計走公主feel路線，分上下兩層，樓梯的裝飾佈置花了不少心思，未食已經加了不少分數！由於我是朱古力愛好者，所以二話不說選了特濃朱古力慕絲配曲奇雪糕。甜品佈局精緻，美得像一幅圖畫，可以看得出廚師的心思。慕絲做得很細滑，朱古力味很濃但一點都不過甜，加上適量的朱古力脆脆、杏仁片及綿花糖增加口感，再配上雪糕，混合起來令每一口都可以食到和而不同的材料。朋友選了香蕉朱古力窩夫配薄荷曲奇雪糕。由於是即叫即整，所以需時較長。甜品賣相非常吸引，窩夫有三片，都是暖暖的，外脆內軟，香蕉份量很多，還加上杏仁片及脆脆以增加口感。這間甜品店的裝修確實為整體加了不少分數，甜品的設計佈局賣相精美可愛，正所謂未食已經先享受。食物方面我最欣賞是它的種類選擇很多，甜品一點都不過甜，相信男仔都會很喜歡！

與友人們在旺角區購物，走得倦了，遇上一間裝修特別的甜品店，於是走進去，期待甜品也一樣的特別。天花上的吊燈，友人說有點古典味，又帶著現代特式餐牌上的種類很多。花多眼亂的感覺，一行四人，最後選了四個不同口味的：士多啤梨法式撈麵，火焰雪山，冰火焦糖燉蛋配雪糕，窩心一刻。最先送上士多啤梨法式撈麵，單是外型也很吸引，色彩繽紛，艷麗非凡，一條一條的撈麵，是班戟外皮，煙韌有口感，配著白色的忌廉一起吃，又軟又煙韌的，很特別，士多啤梨新鮮香甜，薄荷雪糕口入口滑滑，薄荷香味不太濃，有點題作用，非常喜愛。法式撈麵還未品嚐完，火焰雪山已經爆發了。外型非凡，白雪被燒焦的感覺，應該是這樣，白色軟綿綿，在口中不會立即熔化，有點似綿花，暖暖的，軟綿綿的，配上雪糕，一冷一暖的口感，想不到甜品也可以有這種層次感，朱古力雪糕，透著香香的朱古力味。來訪時，已經吃得很滋味，曲奇雪糕甜滑，曲奇味出奇地香，平時不太喜歡這個味道，卻非常地吸引，吃過白色軟綿綿的，焦糖燉蛋收藏於下，焦糖燉蛋配搭剛好，不會過甜，蛋味出奇地濃，出奇地香，出奇地滑，完全不似是甜品的感覺。的確是窩心的一刻，最意猶未盡之時送上。從餐牌上得知是心太軟+Pherom

之前食過一次, 其實都係比佢個法式撈麵吸引再返黎食~~ 岩晒我呢d嗜甜既人食 ;>上次黎坐上層, 今次因為早左黎下層都仲有位~ 唔使行樓梯~呢度裝修得幾有心思 有少少復古味道. 所以都幾鐘意黎呢度食野餐具都幾靚架  雖然用係上黎唔係太好拎當然叫返我至愛既 士多啤梨法式撈麵 $52 (配朱古力雪糕)仲有其他口味 例如芒果, OREO味等而雪糕口味就有朱古力, 綠茶, 曲奇同薄荷曲奇 (反而無最普通既雲尼拿?)撈麵其實即係班㦸皮, 撈埋忌廉, 士多啤梨醬, 杏仁片同收埋底部既雪糕一齊食口感好豐富, 味道夠鮮甜, 士多啤梨都好甜 唔會酸~之後叫既係焦糖香蕉窩夫 $58 (配曲奇雪糕)呢度既窩夫幾特別, 有少少似食緊熱香餅既味道, 唔會過甜不過得三片太少 >< 焦糖香蕉暖暖地好好味可惜既係呢度既雪糕質素較低... 令成個甜品唔夠完美一口多士雪堡 $48 (配綠茶雪糕) 呢個真係一般 ..多士烘得太燶太乾身.. 加上佢個雪糕唔好味, 所以多士唔會配埋雪糕一齊食, 令件多士真係好乾身最後 有一位唔好甜品既朋友 就點左杯香濃咖啡 $29 賣相都唔錯~埋單每人都唔使$50 滿足

What a horrible experience 😱 First time trying out this placeWhen my frds' order came, it was pretty to look at but he couldn't even finish the whole thing because the mango slush tasted very artificial and weirdAfter 40min..my order is still not here so I checked with the waitress5 min later she came with an order that is not mine😨 so I said I didn't order this..She came back later and insisted I ordered it 😰 the waitress argued with us until she finally said...Because we didn't have your order

甜品, 能讓每個人覺得幸福的食物, 無論聚會還是婚禮, 其都能代表著開心甜滿的一刻, 所以甜品又能消除一個人的悲傷;當你感到失意, 孤獨的一刻, 來一個酒香梳乎厘一醉, 濃烈的雞蛋芳香加上清淡的梳乎厘酒香, 混然天成, 梳乎厘的甜滋滋感覺頓然被沖淡, 軟滑的蛋心與酒的配搭使蛋更加軟滑,更能突顯出蛋味; 就有如酒能沖淡所有煩惱而去使人感受到那快樂的一瞬間; 再配上一球薄荷味的雪糕, 香濃的薄荷能減輕雪糕的甜味, 帶來一陣清新冰爽的感覺, 就像為落幕的身體注入一種新的清爽動力, 去迎接一個新的希望;焦糖香蕉窩夫, 像一個不顯眼, 平平無奇的人於各種點綴下, 仍能發光發亮, 吸引別人; 這甜品的焦糖味不太甜, 只是點點地散落在香蕉的身上, 當香蕉的清淡幽香與蕉糖結合, 共同發揮力量, 能增加香蕉的甜美度; 窩夫, 給人的感覺只是一件普通的格餅罷了, 淡淡的味道; 但配以適當的忌簾和雪糕一起吃, 使格餅更加軟滑鬆脆; 而且更能為格餅調味, 使格餅充滿甜甜香脆的感覺;當你覺得孤獨失意時, 你可以找個甜品吃, 你就會發覺幸福快樂就在你身邊, 不要覺得自己卑微而去咀喪, 可能那一個點綴的, 就在你身

走進白布街，明亮和特別的招牌吸引著小妹的眼球。PHEROMONE 這一詞解作費洛蒙，以各式甜品作招來，吸引著少女的心。店內裝潢，顏色配以白色為主，營造出高貴歐陸式感覺，讓人有夢幻般的感覺。回想起小時候，遊樂場有販賣棉花糖時候，總會嚷著叫父母買。所以，對於小妹來說，棉花糖有種特別的魔力。來到這裡，當然率先點了小妹最期待的一款甜品 - 綠茶慕絲棉花堡。巨大的棉花糖，看見它的一舜間，像回到少女時候。飄出淡淡士多啤梨味，像很大的雲團放在小妹眼球前。縱然是多麼喜歡棉花糖，可惜不能欣賞得太久。時間一久了，便會有溶化的跡象，所以勸籲爭取時間多拍點照片。品嚐完棉花糖，留下杯內各式各樣的材料。雪糕可以選擇不同味道，今次特意選擇綠茶口味。配有紅豆、栗米片，口感豐富。一款甜品，帶來多種視覺、味覺享受。梳乎厘是每次吃甜品時候也要來一客，今次來試試這款BAILEYS酒香梳乎厘配薄荷曲奇雪糕。帶點酒香味道的梳乎厘，口感非常鬆軟，繼而再嚐一口薄荷曲奇雪糕，兩者出乎意料的配合。喜歡棉花糖的你，不要錯過這間，也讓小妹回憶起回到少女時候的自己。

上次試過雪糕芭菲後，已有五個多月沒有到這裡附近。今晩肚子的空間較多，可以多吃一點，於是就點了這個Pheromone 精選，一口氣可以吃到四款小甜品，很吸引。可能就與我們愛點雜扒餐的心態差不多。與一次一樣，等候的時間比較久，二十分鐘左右甜品終於奉上。其實有上一次的經驗，我已經有等候的心理準備。好吃的甜品，即使要多等一會，自己也不會太介意，所以我還是抱著悠閒的心情享用這道甜點。幾款小點在長形碟上橫向擺放，入面有心太軟、窩夫、焦糖香蕉和綠茶雪糕。心太軟烘得軟熟，入口仍是熱的，切開外層後朱古力醬不斷湧出，流心效果非常好，流出的朱古力醬味道比外層更甜更濃郁。焦糖香蕉具備焦糖和香蕉的兩層甜味，入口先嚐到外層脆口的啡色焦糖，然後是軟腍的香蕉。窩夫仍可感到其溫熱，外脆內軟，入口非常鬆化，也可以嚐到淡淡的蛋香。雪糕特地選了綠茶味的，因為其略帶甘味的茶香可使整道甜品不至過甜過膩，具良好的搭配效果。

約朋友出黎吹水，揀左上次食過嘅pheromone，添佢賣相靚，又大件夾抵食。上次已想叫綿花糖甜品，今日得償所願，要了綠茶慕絲綿花堡。大大球綿花糖下有精緻嘅綠茶慕絲，口感軟滑，好濃嘅綠茶味，甜甜地又帶少少苦澀，唔錯唔錯。再叫番上次食過嘅窩夫，雪糕要了薄荷曲奇～四大塊窩夫大家share食。勁流心嘅心太軟，超濃朱古力，好正好正！！朋友鍾意香蕉甜品，要了呢個香蕉巴菲。香甜香蕉片，加曲奇雪糕，再加帶少少鹹味嘅鮮奶油，成杯巴菲甜甜鹹鹹又香滑，朋友大讚話好正。自己點了oreo木糠布甸，賣相靚靚。oreo碎取代木糠，布甸又綿又滑，沒有雪得過硬而失去口感，抵讚！同朋友開心吹水食甜品，又係滿足嘅一餐。

上星期食完飯就諗住食糖水咁記得白布街而家有好多好野食就過左去當時大概８點到，可能都算係早見呢間Pheromone dessert唔駛排隊而且裝修都幾靚就入左去試喇店名叫費洛蒙所以裝修都係比較浪漫同girly比女仔影相岩哂脆脆芒果一口酥 ($39)見到menu呢個一口酥賣相幾特別而且好似無咁膩，小公主就揀左佢喇黎到見到都幾精緻wor小公主本來以為佢係好似一條壽司咁不過切開左一舊舊上但原來唔係架，每粒都係自己獨立外面個皮係有d似舊式既炸甜甜圈(即係d舊餅店，好多糖果隻呢)炸皮包住粒凍冰冰既芒果口感特別之餘味道都幾好食個創意都唔差既焦糖香蕉窩夫 ($5x)呢個窩夫睇相真係幾吸引但可惜味道完全係唔可以接受無誇張，個窩夫係我食過有史以來最難食既窩夫本身個粉漿無乜味不特止仲要個質感極差，好似空心咁，勁奇怪香蕉既Caramel又有小小過燶可能你會覺得我好誇張不過小公主絕對唔係打手，係真心老實講一間食店最重要都係d野食就算裝修幾好，食物賣相幾吸引如果味道差都係等於0可能我今次只係個別事件不過短期內都應該唔會再去食 

今日同公主行街食飯，食完飯公主話想食甜品，咁我哩個僕人當然立即帶佢搵岩心水ge甜品店。去到Pheromone Dessert，門面幾靚，好有公主殿feel。好似好多野食wo。店內都算闊落，光光猛猛。甜品配美人，除左我的公主，牆上還掛有幾張柯德莉夏萍女神ge照片。公主當然要配合精緻ge公主式餐具。餐牌上有好多甜品款式，而且賣相幾唔錯。我地簡左布朗尼棉花堡配雪糕同冰火焦糖燉蛋配雪糕，雪糕就有四個口味可選擇。吹左一陣水，甜品就到la，等候時候唔算耐。哩個係士多啤梨棉花糖配綠茶雪糕同brownie，三個味ge配搭很好。先食左個可口香甜ge士多啤梨味棉花糖，雪糕夠曬抹茶味，加上少少朱古力粉，配合天衣無縫。而個brownie口感紮實緊密,同其他脆脆配料一齊食，口感很棒!接下來ge冰火焦糖燉蛋無得頂呀! 軟軟的蛋白雪山，薄脆的的焦糖糖衣，香濃蛋味重的燉蛋，哩個真係好好食。

經過Pheromone Dessert幾次，看到充滿浪漫氣氛的裝潢和甜美的招牌棉花堡，立即吸引有公主病的我。雖然門口還有幾個人等着，但Pheromone Dessert 有兩層，等侯時間不會很久。Pheromone Dessert的裝潢以白色為主，加上古典的浮雕和水晶吊燈，簡約低調又浪漫，像置身童話中。一場來到當然要order招牌布朗尼棉花堡配雪糕。雪糕有四個口味, 我選擇了綠茶味的雪糕去中和棉花糖和布朗尼的甜度。棉花堡足足有我兩個頭咁大，清甜的士多啤梨味棉花糖入口即溶，甜而不膩。食完棉花糖就到下面的雪糕和布朗尼了， 雪糕很有綠茶味，配合朱古力脆球，香脆的杏仁片，軟軟的布朗尼，口感非常豐富。另外，我們還叫了冰火焦糖燉蛋配雪糕 。這個很有驚喜！ 一次過有三重亨受，先是入口即溶淡淡的蛋白霜，然後香脆的焦糖糖衣，最後是軟綿香濃的燉蛋，令我食個不停 。好!好!好!