Pheromone Dessert (Closed)

食完飯，再去甜品聚嘅好地方，樓上坐位都幾舒服。甜品選擇種類都多👍👍抺茶迷的我，當然叫左抺茶心太軟配抺茶雪糕在抺茶窩夫之上，抺茶味都幾濃，都有回甘的抺茶味，心太軟亦有抺茶醬流出，焗得剛剛好👍👍另外點的兩款甜品，賣相精緻，吸引又驚喜，亦都好好味👍👍😋😋

老友記見團購有平，就買左試下依間野。。上網見評分都唔錯，心裡都帶左啲期望去食。。一去到見有抹茶野好吸引，但個定價過百蚊，真係有啲貴，但諗住3個人share黎試，咁就好啦試下啦！玉桂香蕉窩夫第一樣上既先係玉桂香蕉窩夫，窩夫唔脆唔熱，食落冇蛋香，同埋只係微暖，香蕉依啲配料都係大路野，亦都唔會整到難食既香蕉吐司依個都仲有帶少少脆口，我覺得相比好食，但面有太多cream喇 但同行老友記拎茶X果個黎比較所以覺得依個唔好食，我自己未食過茶X所以唔知有咩分別 抹茶窩心一刻最期待果樣最後上，個樣同相既一樣，但一切落個心太軟我就知瀨野，點解咁軟既？！軟到淋之之一pat野咁 雖然個味係ok，有流心，唔會過甜，有茶香，但係個質地真係太差太差太差，下面個抹茶窩夫單食完全冇味，要夾埋啲綠茶雪糕先叫有啲啲味，但係個雪糕球都唔好食，得個甜字冇咩茶香，反而成碟最可取係紅豆粒，大大粒飽滿既又唔會死甜！依碟野索價$118蚊真係完全極度負分！真係可一不可再，我應該唔會再黎食依間野

費洛蒙甜品，一個很浪漫的名字，那當然要跟親愛的男朋友去吃一下，感受一下浪漫的氣氛！從店外望進去就有一種浪漫優雅的感覺可能因為時間尚早，我們到達的時候沒有很多人，店內的裝修是走歐洲風格，有情調！連餐具上都有心心，整個餐廳都很配合＂費洛蒙＂的感覺OREＯ窩夫三文治窩夫烤得很香脆，中間夾著cream跟oreo餅乾碎，再加上綠茶跟朱古力雪糕，整個口感很豐富，很好吃！本來吃完飯我還蠻飽的，可是吃完這個我還想再來一份耶！！特濃朱古力慕絲男朋友是朱古力狂熱飯，基本上每次吃甜點他都一定吃朱古力類的，聽到＂特濃＂兩個字更是不能抗拒慕絲上還有朱古力脆脆，棉花糖，可可片，每一口感覺都不一樣而且連盤子都很漂亮！完全是拍拖好去處！

聖誕假同朋友燒完野食出旺角搵甜品，揀咗呢間小小甜品店～本來想食火焰冰花點知冇哂最後揀左法式撈麵，店員哥哥話Oreo味最好食～（雖然唔知點解係法式 XD）出現了！佢係用類似Crepe的皮切成粗麵形狀，下面有雪糕，上面有cream和Oreo粉。D Oreo粉好似花椒(對面的人肚餓嗌左個好大個窩夫，點知又食唔哂)朋友點的Oreo木糠布甸:下次要再嚟試下個火焰冰花！

同朋友食完晚餐，梗係要嘆下甜品，甜品係女人第二個胃ma今次食pheromone dessert,個名幾特別，Menu都整得幾靚焦糖香蕉窩夫配雪糕＄62窩夫外脆內軟，蛋香十足香蕉上面加左燒過既焦糖，味道唔錯重有香甜既曲奇味雪糕，我鐘意雪糕唔會融得太快，可以慢慢嘆火焰雪山 $52賣相好吸引，甜度適中，裡面重有甜甜既雪糕添心太軟配雪糕 $56熱烘烘既心太軟配曲奇雪糕真係一絕流心度高，香濃既朱古力味真係好正，而且唔會太苦不過蛋糕外層唔夠脆今餐唔算太貴不過食好野荷包少d錢又有咩所謂

聖誕節九點鐘就去了吃甜品、可能太早還未需要等位👏🏻👏🏻🤗。叫了個芒果吐司和抺茶系列，芒果吐司比想像好吃、鬆軟、芒果不酸，分量也十足。而抺茶系列就$108略嫌貴、份量也不太多。抺茶窩夫不太熱、口感一般、其他都ok!

呢晚朋友考完試即興請食甜品想話試間大家未試過嘅，咁就中左伏舖面都幾靚嘅餐牌其實可以保養下睇左好耐餐牌，最後決定叫個抹茶心太軟可能無諗過心太軟都有分幾成熟我打算由上面揭開蓋不D汁食嘅時候發覺咦喂熟嘅? :0(咁同個侍應定唔知老闆黎反映完後，佢即刻話換過碟終於黎番碟六成熟嘅心太軟不過一黎到雪糕就變左半溶，應該係懶得再擺過舊，用番啱先隻碟芒果雪糕芭菲幾粒芒果粒，一舊D牌雲呢拿雪糕，一D CREAM抹茶木糠布甸望住呢舊野我諗起跳馬餅粉太散，味道一般唔會再黎

放下晝，出左黎旺角片街，冬天都仲咁熱，行到一身汗，決定搵個地方hea下，黎左先前食過的pheromone甜品，立即叫杯凍飲解下渴先。朋友點了冰忌廉咖啡（$39），啡味甚濃，夠哂凍，一杯可慢慢hea。自己點左檸檬益力多沙冰（$39），第一啖飲落去，嘩，好凍呀跟住就係強烈的檸檬味，仲有濃濃的益力多味，酸酸甜甜幾好飲。店內無乜客，慢慢hea住吹吹水，再叫多一份甜品吧，心太軟配曲奇雪糕（$56），碟很大，看下去還真有點寂寞。曲奇雪糕甜甜的。心太軟熱烘烘。很流心，朱古力味超濃，果然無失手，呢度個心太軟好正呀！原來下午無乜客，唔使等位呢。

黑白布街有好多甜品舖，今次就黎到呢間，因為唔洗等位～叫左綠茶紅豆窩夫、梳乎里、士多啤梨吐司。三個都好靚，味道都幾好，窩夫即叫即整，上枱熱辣辣又脆卜卜，配埋雪糕好好味！士多啤梨吐司都好味，不略嫌果醬太甜，唔點比較好！綠茶梳乎里好香綠茶味，又唔會太苦，唔錯！

依個係收藏係我TO EAT LIST已久既甜品店 早前去左食就是如願了 我依個甜品控無甜品點得 所以我覺得依間作為飯後一食真係幾好抹茶精選 $108 依個簡直係signature泥啦 入面有抹茶窩夫 心太軟同抹茶雪糕 一個甜品塞住我把口 何樂而不為  仲有啲紅豆同cream做點綴 不過當日既心太軟流心程度吾太理想 令窩夫有點乾 不過雪糕有補救一點啦 整體抹茶味不過不失啦另外仲食左依個芒果甜品 幾清新 愛cream人士會鐘意

店舖既裝修超漂亮的，剛才有點肚子餓，就被吸引進去啦~超喜歡這種風格雪糕不會太甜，奶味算重，cream軟綿綿的大部份水果很甜，就是莓類的有點酸啦哈，加上杏仁片口質很好喔~超多料最愛的抹茶窩夫外脆內軟，熱熱的，抹茶味不算太濃，單吃有點單調喔，個人喜歡加上雪糕一起吃，雪糕也是不會太甜。長方形那個很特別喔，抹茶味很重，沒有什麼甜味，口質就是比較硬的果凍~心太軟做得很成功喔～超濃郁，不會太甜，熱熱的，抹茶味很重。

藍白色為主設計，彷似公主的城堡，我同男友一走進去巳十分高興。士多啤梨奶昔 – 賣相佳，奶昔多士多啤梨果肉，十分之美，鮮甜度高。 士多啤梨三文治窩夫–窩夫很脆，又飽肚，配士多啤梨及士多啤梨醬，士多啤梨迷一定愛。士多啤梨法式撈麵 - 士多啤梨食得多，但士多啤梨法式撈麵未食過，簿身麵條很特別，心形的蝴蝶酥很脆口。 鮮雜果雪糕芭菲 –用上多款生果、杏仁片、蝴蝶酥、曲奇雪糕等，賣相十分佳，味道不錯，同情人一起食最好，一人一口很浪漫sweet。 

同朋友食完晚飯，雖然已經好飽，但總覺得要食埋個甜品先夠完整，所以黎左白布街，基本上有好多間甜品，有幾間試過都合格有餘。但今次千揀萬揀，揀著呢間，一路食一路講粗口。估唔到原來呢度有咁多好評，咁唔知係咪我地唔好彩啦，撞正師傅心情唔好？門口已經貼左張紙，留意，係每人最少要點一款甜品（我心諗，你好好食就話啫！）焦糖香蕉窩夫 $62先由最正常嘅開始，朱古力雪糕球雪到硬實，窩夫外面唔脆，裡面唔軟，粉漿冇乜味，而且空氣感重。香蕉配焦糖係好食，亦都好難整得難食。布朗尼棉花堡 $68好睇唔好食之選，成大舊棉花糖，當食緊棉花糖之際，基本上雪糕已經開始溶。入面嘅布朗尼一啲都唔好食，超市求其買都好食過佢。心太軟配雪糕 $56有時食心太軟真係睇彩數，今次食可能漏，下次可能又唔漏。我呢舊就係唔漏，一吉開裡面pat朱古力基本上已經「鯨」左。最可惜係連球曲奇雪糕都係冇味，所以已經開始想負皮呢間野，再加埋以下幾款，我已經鐵定要留個負評。朱古力雪花冰 $49以冰黎講，呢個絕對唔平，呢條街有好多都定價低過佢。而且雪花冰真係好難整得難食！居然都俾我地遇到個咁難食嘅冰！我以為曲奇味淡啦，點知朱古力雪花冰都係淡到咁，想點？完全唔

女仔的至愛一定是甜品，門口巳圖片多多，今次要一次過食多款的甜品開心一下。芒果火焰冰花-火鎗的燒焦，蛋白打很挺身很美麗，雪山上有芒果醬，細滑度高。木糠布甸 – 自少巳愛木糠布甸，加朱古力棒都不錯吧，比想像中細滑。脆脆芒果一口酥 – 個名不錯吧，食一口巳外脆內軟，食完一個再想食一個。布朗尼棉花堡配雪糕 -粉紅的棉花糖，任何女仔都愛，未食巳很甜，下面的布朗尼朱古力磚及杏仁片，很脆口，正。

成日見食評中既照片, 好似好吸引, 於是帶左朋友個女黎食朱古力慕絲棉花堡 真係見到都嚇死我地, 好大個棉花好開心!!! 雖然全部都係糖真係極唔健康, 但入口即溶既感覺真係好正!!!自己再叫多個沙冰食下. 其實味道真係冇咩超凡, 至在食下個大大既棉花. 下次又帶下另一D 小朋友黎食下先!