越一越南牛肉粉專門店 (Closed)

.🎏火車頭湯粉（$118）二人份量一碗熱騰騰嘅火車頭湯粉 材料非常豐富入面有生牛肉、牛腩片、牛丸和牛柏葉先把最上面的蔥花和紫洋蔥圈放入湯內然後隨個人喜好把生牛肉用筷子輕輕推入湯內把牛肉弄熟至自己喜愛嘅程度再嘗一嘗湯底湯底牛味非常濃郁牛丸爽口彈牙牛腩片無渣牛柏葉爽脆河粉幼細嫩滑另上嘅金不換、芽菜、辣椒、青檸可隨意加入湯底使湯底充滿著濃濃嘅越南風味.🎏椒鹽軟殼蟹 （$118）炸得色澤金黃一口咬落香脆蟹殻鬆軟可口.🎏馬拉盞炒椰菜苗 （$68）咸香嘅馬拉盞帶點微辣配合椰菜苗好夾好好味椰菜苗雖然係蔬菜但含有豐富嘅蛋白質非常適合控制體重人士.🎏凍薏米水 （$22）落足料嘅薏米水清甜解膩 食完軟殼蟹飲就最適合喇而且仲有美白作用tim🎏🎏🎏🎏🎏🎏🎏🎏🎏🎏🎏🎏越一越南牛肉粉專門店 （荃灣）荃灣青山公路275號富裕樓地下G4-6號舖

經過荃灣又落大雨，穿過力豐中心落到地面就見到呢間好光猛嘅越南湯河出面有得電腦排隊攞飛，喺屋企用app攞左飛先出門口又得一於點返個薄燒牛肉湯河配金邊粉 HKD68，牛肉意外地軟淋，有輕輕的燒烤味!上面散上乾蒜幾香! 湯底幾清，又濃郁嘅牛肉湯香氣。金邊粉唔會煮到淋哂湯粉份量好足，性價比幾高另外點左青木瓜大蝦米紙卷 HKD46賣相唔錯，咬落米紙煙UN，入面爽脆。好開胃再嚟左杯波羅汁消消暑HKD28，好REFRESH下次嚟要試下其他小食先得， ENCORE

依家香港真係越來越多越南野而且佢哋嘅嘢食其實都係差唔多今次嚟到荃灣都可以發現到越南嘢食嘅蹤跡， 就係位於南豐中心對面地鐵站行過去都唔使5分鐘嘅呢一間越一牛肉粉望想去雖然同香港大部份嘅越南鋪頭嘅間隔係差唔多但係重點一定會係喺個菜單嗰度，首先價錢來講絕對唔貴而且選擇又多更重要嘅就係連甜品都有唔同種類嘅選擇可以算係好豐滿嘅菜單麗都越南餐廳一定要試嘅就係火車頭河粉因為入面有牛丸牛肉牛腩同埋牛柏葉呢四種係牛裏面最好味嘅部份，首先一定要講下個湯底絕對原汁原味完全感受唔到一滴嘅味精同埋湯底係真係好清比其他餐廳清得好多飲落去係非常順口而且真係真係會飲上癮牛肉牛腩牛丸全部都充滿着牛嘅味道淡淡都係肉👍🏼牛腩就最特別除咗係厚切之外仲好長連埋牛腩根一齊食味道更好如果配合埋是拉差辣將或者海鮮醬味道一定更加昇華至於飲品當然又係要飲招牌嘅椰汁三色冰椰汁唔甜而且好濃郁重點就係三色冰入面嘅黃豆同埋紅豆每粒豆都粒粒鮮明味道非常清新令到原本望落去好清淡嘅椰汁提升另外一個層次重點就係非常解渴如果食咗辣野嘅話飲一啖都即刻可以消暑解辣至於飲品當然又係要飲招牌嘅椰汁三色冰椰汁唔甜而且好濃郁重點就係三色冰入面嘅黃豆同埋紅豆每粒,都粒

行行下街見到有間越南餐廳幾光猛 新開之後都未試過就去左試吓 餐廳位置闊落我哋叫咗一份薄燒牛肉 佢有蒜頭花生鋪係牛肉面 有好重牛既油香味 雖然唔係跟醬汁 但佢既調味做得好好 唔會太鹹 亦唔會遮左本身個牛味 另外有試燒魷魚筒 佢有用青檸同香芧去醃 唔同出面既醬油燒咁簡單 餘韻有小小辣味 食落無渣好嫩滑 鹽燒烏頭—條魚下面有香葉、香料、少量辣椒鋪底 撥開哂啲鹽同魚皮之後就見到魚汁魚油都仲有保存哂 條魚食落好嫩滑 好有青檸同香料味 98蚊食條魚好抵 不過小心揩到啲鹽😂😂🙈🙈菠蘿炒飯有腰果 味道有少少香辣 但菠蘿粒可以中和辣味 炒飯配料中都有唔少魷魚圈同魷魚蘇👍🏻👍🏻飲埋椰青就今餐好滿足😋😋😋 食間餐廳仲要全日免加一

呢排返工比較多野要煩, 收工要食啲特色野慰勞吓自己, 所以黎到咗呢間食越南菜的餐廳，餐廳環境優美，裝修精緻，座位也比較寬敞。上湯蘿蔔食白蘿蔔最怕就係有渣, 呢度既蘿蔔係清甜無渣, 而且無苦澀味。越一炸春卷以薄皮包住滿滿既餡料高溫炸香配合檬粉木耳及豬肉等餡料增添更多口感更為鮮香越式炒金邊粉食出泰式的感覺，味道酸酸的，而這個味道偏鹹。但同樣配上左青檸及花生碎金邊粉不會一堆，炒得很均勻，而且吃下去口感不會太油膩。这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

陪朋友係荃灣工作完做野做耐左 去到8點幾先搵地方食飯今日天都熱辣辣 大家都想食啲清新野於是就決定食呢間越南野啦門口有得拎飛等位 menu亦都好清楚咁擺左出黎店入面有好多大枱 同梳化位坐得舒服 行到熱辣辣既我都好快涼返晒Menu大部分都有圖示啱晒我呢啲懶人飲品選擇多 最正有椰青同冰飲我地叫左一個粉share再叫碟菜同餸個火車頭湯河真係超大碗入面有肥牛 x3牛腩 x4牛丸 x4牛柏葉 x4蘿蔔x3好豐富既材料另外附有香葉同芽菜肥牛係慢慢浸熟佢 自己揀生熟馬拉盞炒椰菜苗分量超多 馬拉盞好香 有少少肉xo醬 但又有啲咸香味 有啲肉粒感椰菜苗無乜苦味 明顯有處理過先炒軟殼蟹超大份 係大隻既蟹黎炸得鬆脆 香口 椒鹽粒好惹味最後飲埋清甜既椰青水 清涼解渴 仲好貼心有長匙刮椰肉食添呢餐真係好豐富而且超飽 估唔到啲野咁大碟

朋友起葵芳收工，諗左好耐都吾知食咩好想搵間餐廳食野傾下計夏天熱辣辣真係想食d涼野，最後坐左302小巴，去到荃灣選左越南野Dinner時段19:30入座都8成滿了等左大約5分鐘就入座了燒春雞 全隻 $98燒雞雖然唔算熱辣辣，但係勝在都皮脆肉嫩，雞肉唔鞋，同埋醃得幾入味越式炒金邊粉 $88更泰式的感覺很不一樣，因為泰國🇹🇭吃出來是酸酸的，而這個味道偏鹹。但同樣配上左青檸及花生碎🥜金邊粉不會一堆，炒得很均勻，而且吃下去口感不會太油膩。馬拉盞炒通菜 $58正常菜式，馬拉盞帶著陣陣鹹香，同樣是應該用上蝦膏，通菜又嫩又綠，而且無渣而值得一讚嘅就係，店員好主動加水，下次依然會同朋友繼續來

荃灣天橋下面，有間不起眼在地下越一小廚，不知道為什麼就沒有加一，自從同事發現後，午餐，晚餐都是我喜歡去吃的。店內座得舒服有冷氣，座位很寬闊，平均很多時間沒有爆場，所以不用等位亦是喜歡原因之一，這裡主打越南食品，個人喜歡飯類。價錢就$62一個海南雞飯，有6件無骨雞件，又肥美又大件，油飯帶黃色有香茅味道，最特別飯身是乾身沒有油油感覺，比較健康。醬汁都正常有3款，一個酸辣汁，一個甜豉油，一個薑蓉。 飲品選了薏米水，有少少甜加了糖，夏天消暑不錯。

上次同完屋企人一齊嚟呢度食覺得唔錯，今次就帶一個朋友過嚟食，想試吓其他菜式，同埋一解想去越南嘅情懷今次嚟，見到餐廳嘅餐牌模式有少少改變，取消咗一啲多人套餐嘅供應，不過其實都幾好，因為散叫可以令你食多幾樣野，自選性大大提高，可以揀自己想食嘅嘢，都唔錯今晚嘅飲品，分別我揀咗我嘅西瓜汁，朋友就叫左椰青，本身我仲擔心西瓜汁會唔會好甜，不過落單嘅時候餐廳都有細心咁樣同我講，佢哋呢一啲嘅果汁都係唔加色素及糖分落去嘅，完全係新鮮榨汁，所以我都特別放心呢杯西瓜汁確實飲落嘅時候，你會飲到佢係西瓜新鮮鮮榨嘅，味道都好唔錯，真係冇叫錯！第一個菜式，係呢個一共有四件嘅 芒果軟殼蟹米紙卷，賣相都幾吸引，因為唔只得肉，入面有大量嘅蔬菜 ; 而右旁嘅就係越南嘅魚露汁四件嘅賣相都做得相當精緻，米紙卷嘅當中包含多種配料，例如芒果，軟殼蟹，蘿蔔及沙律菜等等，食落嘅時候，口感非常豐富每台枱面都有一大支越式魚露比客人使用，客人可以用喺食越南粉嘅時候，甚至例如食呢個米紙卷嘅時候，都可以用嚟增強味道，米紙卷點呢個嘅時候會變得更加好食，因為本身佢冇汁係入面，所以點左呢個魚露，食嘅時候，味道同口感都會有所提升嚟呢度，唔識越南粉，仲可

又黎到荃灣黃金地段路德圍搵野食今次黎到呢間越一食越南下午茶個價位真係無得彈一碗麵都唔洗過$40仲有埋野飲如果想轉特飲就加8元天氣咁熱我地就叫左薏米水同椰汁三色冰兩杯都唔會話好甜而薏米水仲好解渴主食方面就叫左呢個越式三寶配湯河配菜嘅分量好多，每一款都有兩件雞翼同豬扒炸得非常香口另外香葉芽菜同辣椒放晒落個湯度亦都令個湯昇華不少而呢個香葉辣肉碎煎蛋飯亦都幾有驚喜肉碎加埋香葉炒出黎個味度好好送飯一流，加埋個煎蛋煎到個蛋黃仲係半熟小食方面就揀左酸辣鳳爪同炸蝦餅兩個都整得唔錯，味度酸酸辣辣好開胃食完咁多野想食返個甜品點綴下就叫左個雪糕試下跟餐叫加$14就可以食到睇返個menu 係紐西蘭產地必食黑朱古力雪糕一啲都唔甜

香港嘅越南餐廳唔算好多，有啲好出名但價錢貴得嚟又唔正宗。終於難得俾我搵到間價錢同食物質素成正比而地點又方便就腳嘅越南餐廳！環境非常舒適好坐，播放啲越南音樂，又有啲越式佈置～估唔到呢度供應嘅越南嘢食款式都好多下最中意就係同朋友分享，可以試多啲唔同嘅嘢！一睇到呢頁張相條魚就被吸引結果無令我失望！同張相一樣㗎！鹽燒烏頭個賣相好浮誇！唔好以為咁多鹽喺上面會好咸，淨係有青檸嘅酸味同小小鹹味，而且因為個底有啲香葉同餣料，所以特別香！第一次食呢個煮法嘅烏頭魚，比起一般食嘅蒸煮更不錯餐牌仲有好多其他唔同嘅典型越式湯粉任君選擇主菜我食咗個蝦頭膏炒飯！大大碟好多蝦蝦～特別想推介以下呢個燒魷魚筒！我會比滿分！啲醬汁酸酸辣辣又有少少甜味，成條原隻魷魚上，好煙韌，不過都好易切！我不嬲都好鍾意食魷魚絲，呢個真係好好好好食啊遠遠above average 呢！仲有四件春卷，用生菜包住嚟食好清新啲料好實在飲品都好高質，鮮榨果汁！我叫咗左邊個杯菠蘿汁，同行朋友叫咗右邊嗰杯蘿蔔汁，兩杯都好新鮮好好飲，好似直接食緊蔬果一樣（我試咗一啖朋友個杯，其實我麻麻哋蘿蔔，所以我覺得呢個要鍾意食蘿蔔嘅朋友會啱啲，因為蘿蔔味好重）而且喺

今日突然間好想食越南野！於是就去到荃灣呢間喺路德圍附近嘅越南嘢食下午茶！整體環境都幾唔錯坐得幾舒服，下午茶時段又唔係話好多人所以都安排左我哋坐卡位！梳化都坐得幾舒服！下午茶來講餐牌都幾多選擇，有飯有面，+10幾蚊仲可以加個小食！食越南野點可以冇檬粉呢？於是我哋就叫左一個薄燒牛肉撈檬。蝦頭膏做嘅湯都係越南野其中一樣特色，於是我哋就叫咗酸辣蝦頭膏扎肉湯檬粉。小食就叫咗一個椒鹽軟殼蟹！嘢飲我哋就要左兩杯鮮榨果汁，叫咗橙汁同埋菠蘿汁。先講講個薄燒牛肉撈檬，牛肉個肉質幾嫩，用料都唔差，師傅燒嘅時候亦都冇過火，唔會話燒到成塊牛肉乾咁。佢入面除咗有檬粉之外，仲有啲青瓜絲同埋木瓜絲，為呢碗檬粉帶嚟左清新嘅感覺，夏天食就啱晒啦！之後就係酸辣蝦頭膏扎肉湯檬粉，蝦非常新鮮，個湯都有好濃嘅蝦膏味，應該用咗唔少蝦頭。而且份量都好大，下午茶來講一定夠食！小食椒鹽軟殼蟹嚟到嘅時候非常熱！一定係即炸，而且全部都大大嚿，入面勁多蟹肉，性價比極高！最後就係嘢飲，喺出面餐廳食飯好少會飲到鮮榨果汁，橙汁同埋菠蘿汁入面啖啖果肉，啱晒夏天飲！最後人均百幾蚊但飽到爆！真係幾抵食！

夏天嘅午餐最鍾意都係食粉麵貪佢容易食又唔會太難消化粉面之中我最鍾意嘅就係越式湯河經過荃灣力生廣場樓下睇住個太陽咁熱好自然想快快脆脆食個湯河搞掂個午餐一坐低就叫左呢個【牛肉三寶河】有幾粒牛丸、牛筋腩、生牛肉片再配上一小杯配菜【芽菜、九層塔、辣椒】自由選擇加入佢個湯度其實感覺都幾清新 湯入邊嘅牛肉味濃郁加上河粉鎖住啲湯汁牛肉算係軟冧牛丸亦夠彈牙下次食午餐都可以再次選擇呢間！

今日同朋友係荃灣行街行南豐中心到夜左，諗住食下越南野，見到南豐對面有呢間越一，我就同我朋友過左黎食。坐底我地都係叫左越南特色食物，首先係小食併盤，當中有庶蝦，粉包，春卷同牛油雞翼，外皮夠脆，味道吾錯。第二樣我地叫既就係鹽燒烏頭，真係鋪到成條魚都係鹽。第三樣我都仲叫左個芒果軟殼蟹米紙卷，都足料，皮吾太厚。最後仲叫左刺個椰青，味道鮮甜。餐廳都有最基本既越南牛肉河，我見都算大碗，但味道我都就無試，因為試完咁多小食都夠飽啦，下次有機會再試。環境方面都十分舒適，枱同枱之間有一定距離，食物都上得快。主要都係位置方便，南豐望落黎就係。

又到左午飯時間，天氣熱，特別唔想食飯，想食返碗湯粉，越南粉，絕對係我嘅首選，特別係呢一間越一，裏面嘅冷氣夠晒充足，而且又有卡位，地方闊落，坐得又舒服。今日要嘅係綜合牛肉金邊粉，一上枱仲見到啲牛肉係鮮紅色架，我要好迅速將啲牛肉放落湯嘅最抵，而且仲要落埋得配嘅香草同埋芽菜，等一陣就食得啦，啲牛肉啱啱好熟,入口柔軟幼滑,而且好重口味佢嘅牛丸都好多架足足有四大粒,而且咬落依然好重肉汁,而且爽口吧,咁好食嘅牛肉丸真係唔係隨便可以到啊。之後套餐仲可以加左一個米紙卷，裏面有好多菜,而且份量好大,點上魚露，我覺得有風味。今日我叫左嘅飲品係薏米水,阿媽話去濕一流喎,而且又夠冰凍，簡直夠晒消暑啊。