Video
6-min walk from Exit F, Admiralty MTR Station
continue reading
Payment Methods
Other Info
Catering Service
Above information is for reference only. Please check details with the restaurant.
前陣子返灣仔工作，做到夜麻麻，附近又無乜食市開檔，行下行下去到左蘭杜街，見PHO26 越.旺重未打烊，於是走左入去食宵夜。因為肚餓關係，嗱嗱臨叫左個香茅豬扒飯同個扎肉來食，亦有叫碟生菜食吓……健康飲食吖碼！香茅豬扒飯個飯同相片一樣，乾哽豉油撈飯……夜晚食呢個咁乾既飯真係唔多掂，一來飯太乾，二來個豉油無乜味。至於塊香茅豬扒，又整得唔錯，唔算太多油。扎肉方面，太多油了……一食落口就好似食了成口油咁，完完全全破壞晒扎肉既味道；反而配菜的芽菜真係無得頂，既爽口又彈牙。假如無左芽菜做陪襯伴碟，成碟扎肉就會扣分扣到接近零左右。也許……我唔係好識欣賞咁油既扎肉。其實，最後都無食到生牛河，一來飽過頭，二來係埋單後先見到果張教人食牛河既方法。有機會既，下次都會試用呢個方法來食生牛河。
continue reading
係蘭杜街搵食，見到大叻同呢間都係食越南野，見呢間入面都唔少人食，就決定試一試。牆上有唔少報紙雜誌既報道，又標榜自己係正宗越南菜，但結果都幾失望。我地叫左蕃茄肥牛湯河、雞絲扎肉撈檬同蔗蝦，加兩杯野飲。首先杯菜蜜係正常味既，但杯少冰既三色冰係稀到好似一開二咁，基本上都無乜椰汁味，只係一杯白色既水。野食方面，個蕃茄肥牛湯河佢講到非常入味，牆上面都大大張poster講到好駐名咁樣。係另一間越南餐廳食過令人念念不忙既蕃茄湯河，於是想試一試呢道既有無意外驚喜。但黎到個湯底其實比較似牛肉湯，顏色都係偏啡多過偏紅，蕃茄味可以話完全欠奉，就連蕃茄蓉都唔覺有。如果你話係牛肉湯我重覺得好味少少，畢竟個湯真係幾清甜，但絕對唔係一個蕃茄湯應該有既味而肥牛厚身得黎都幾un，唔算高質。要成68蚊碗應該都無下次。另外雞絲扎肉撈檬味道相對正常，雞絲份量唔少，但扎肉得兩細塊通常我食撈檬都會勁落d撈檬汁，但唔知點解呢道既撈檬汁都係無乜味。就咁望樽野上面個層都好淡色，就算搖一搖都唔見得有味，又倒唔到汁入面d渣出黎，最後食左一碗非常淡口既撈檬。念在佢唔洗40蚊我就算啦唯一可取都算係蔗蝦，大隻得黎都食得出有蝦味，但價錢有番咁上下，兩隻要成48蚊。總括黎講呢間野應該唔會再幫襯，見牆上面既報道講當時既蔗蝦28蚊，變到今日menu上既48蚊，應該都左相當既歷史。唔知當年既越旺係咪真係咁好食，但今日食到既水準真係未如理想。
continue reading
今晚同Mr C 有約，所以諗住黎呢間越南粉食個快飯。之前係灣仔附近返工，成日都係呢條街搵食。最掛住就係呢間嘅蕃茄湯牛肉粉。今晚入到去都見到好多人差唔多滿座。但今晚人手就好似唔夠。我同Mr C 都叫咗每人一碗蕃茄湯牛肉粉（$52+$4轉番茄湯底），另外加一碟菜（加$15）同埋一個蒸粉卷（加$15）。等咗大概都15分鐘。心裡有點急，本身諗住快食先嚟架嘛。。。菜黎咗先，但係嗰菜認真好求其。然後嗰蒸粉卷。加$15有兩舊，OK啦，冇乜特別。嗰麵最後終於黎啦。好肚餓（餓到唔記得影相）。嗰湯底同之前一樣，夠濃味，夠鮮甜。唔使特別再落啲咩醬。牛肉嗰份量都夠。需然唔係啲咩雪花肥牛，但都OK！唯一今次覺得啊姐們冇乜心，可能太忙啦！
continue reading
由於工作關係要到金鐘, 如果想在附近找到又平又地道的食店, 「灣仔蘭杜街2號」這條小巷幫到你。走入這家越南餐廳, 看一看下午茶餐牌, 就決定要吃一碗正宗的越南牛肉河。等待期間, 看到食店牆身有塊牌, 寫著「地道越南牛河最住食法」, 一於等我試試。生牛肉湯河粉 $38 賣相與其他生牛肉湯河無異, 牛肉片有四塊。最佳食法步驟一: 先喝一啖牛河湯。味道清甜, 有絲絲牛肉味, 而且飲到香葉味。最佳食法步驟二: 加青檸入湯再喝湯底。原來餐廳是不會主動提供青檸及辣椒, 還有甜辣醬的, 提提各位記得向店員要求。加了青檸辣椒的湯底變得酸酸辣辣, 好開胃。最佳食法步驟三: 以牛肉點上甜、辣醬再吃。從來未試過以牛肉蘸著甜辣醬來吃, 雖然味道濃烈, 十分醒神, 但亦略嫌太過搶味。吃生牛肉湯河粉的人應該多數是希望吃得比較清淡健康的, 所以我還是喜歡吃到牛肉原味, 而不是醬料味。牛肉粉嫩, 軟綿, 入口無渣, 河粉滑溜, 湯清甜。如果食店的冷氣可以開得涼快點, 會更好。
continue reading
係金鐘放工後，就沿住電車路行落灣仔，路經蘭杜街！入去睇睇有咩食！有幾間越南餐廳，隨機下去左呢間叫左個1號套餐，咖喱生牛肉湯河！味道香濃惹味！有幾舊咖喱薯仔在內！非常入味而生牛肉來到時仲係半生熟！用咖喱湯底既熱力將生牛肉整熟！所以牛肉非常樕滑！一d都唔老之後配左個小食要左個蝦餅！蝦餅香脆！內層蝦肉彈牙有咬口值得一讚環境尚可，不是華麗裝修！員工態度亦馬馬虎虎！還有改善地方呢！！
continue reading