火五越式牛肉粉專門店 (其昌樓)

Open Now

Now Closed

火五越式牛肉粉專門店 📍佐敦白加士街55號其昌樓抵食越南牛肉河~見好評不斷收工特登過來買外賣返屋企食～來到見到呢間越式湯河大排長龍超高人氣👍🏻～ 叫左兩個套餐同一個飯套餐跟主菜、小食、餐飲～埋單$200 到😆好抵食👍🏻👍🏻。生牛河套餐 $76 ～火五生牛肉粉越南河粉滑身～份量又多😍配上半生熟牛肉湯底用上牛骨湯熬製而成～非常鮮甜配上大量洋蔥🧅～食落更清新～原隻大蝦長春卷 春卷食到啖啖蝦肉🦐～配上酸辣醬食～美味。咖哩豬扒飯套餐 $76 ～火五咖喱吉列豬扒飯咖哩係甜咖喱～撈飯一流～配上炸到外脆內嫩豬扒～好香口～峴港吉列炸蝦餅 4件配上伴碟青木瓜絲～食落香而不膩。雞翼油香飯雞翼即叫即炸～香脆可口油香飯♥️飯粒🍚粒粒分明～超好味😋～跟餐有兩杯飲品～好大杯😃。凍越式香滑濃咖啡 ☕️。凍咸檸梳打🥤

夜晚唔想煮飯，🥰🥰可以隨時隨地嗌外賣！今次叫外賣當然又係，✨我最鍾意嘅鰻魚飯，超級厚肉，💕而且係中間位，更加鮮嫩肥美。塗上咗燒汁，每一啖都好好餸飯🫶🏻另外我哋🤓仲叫咗佢嘅招牌，越南生牛肉河粉，佢又分開裝，所以拎得耐啲，🥳都唔會驚腍。食起身河粉口感，而且牛肉片都幾多。小食方面會推薦佢嘅🤓黃金蝦球，加咗鹹蛋黃之後，蝦仁香脆可口，仲有金沙嘅口感，鍾意食鹹蛋嘅你一定要試下。#takeaway

今日出佐敦食晏，係Openrice搵到呢間鋪的2人套餐幾抵，就買黎試試。食物其實唔錯，不過服務員態度不好，黑口面之餘，員工之間談話每句都有粗口，真係坐係度食得好唔舒服。食越南料理，電視播日本節目，廚房播著香港流行音樂。

今日晏咗收工唔想開火煮嘢，所以決定都係偷懶一天，近近地係公司附近買外賣返去同屋企人食🤪 估唔到無心插柳，竟然俾我點到間價錢抵、質素高嘅越式餐廳🇻🇳 外賣自取更加享有八折優惠🥡 menu:《主食》1️⃣ 火五火車頭牛肉湯粉（$70）呢碗火車頭河粉材料好豐富，有生、熟牛肉薄片、扎肉，更有少見嘅和牛牛丸😍 一咬落去就已經發現呢一款牛丸比食開嘅肉質特別紮實，牛丸之中仲有啲半透明嘅啫喱狀，咬開嘅時候會爆汁🥰 $70已經食到咁嘅質素，回頭率100%🥳🥳🥳2️⃣ 香茅美國黑毛豬扒油香飯（$58）除咗牛肉同埋蝦，當然要試埋呢間餐廳嘅豬扒🐽 可能因為佢哋選用左美國黑毛豬，所以食落口啲肉質先會有咁好嘅口感，有肉汁而唔肥膩，亦完全唔鞋口🙌🏻 3️⃣ 越式炸蝦春卷撈檬（$44）店家超慷慨，包咗好多盒魚露我🤣 因為食撈檬必定要配靈魂醬料「魚露」先滋味😍 炸蝦春卷拎到返屋企，咬開個陣仍然保持到係微脆嘅口感🍤 檬粉撈埋清新嘅青瓜絲、甜甜地嘅紅蘿蔔絲 & 魚露嘅呢個組合實係好夾🤤《小食》4️⃣ 一口芝士年糕（$50）雖然外賣拎到返屋企，已經超過30分鐘嘅路程😌 但咬開年糕嘅時候，超意外芝士仍然係流心💛 芝士同年糕嘅比例，大概係一半半

火五越式牛肉粉專門店地址: 佐敦白加士街55號其昌樓地舖#yauyau_佐敦呢一間越南粉價錢好抵食，味道又好，一啲都唔失禮，另外佢嗰啲香葉芽菜嘅配料要另外再問店員攞，大家想食就要自己問一下啦。🍜🍖火五火車頭牛肉湯粉 $68牛肉湯粉好足料，有越南扎肉牛丸同埋一啲生牛肉片。湯底牛骨味好重，嗰種濃香係你每食一啖湯河都可以食到牛肉嘅香味，另外佢啲洋蔥煮熟咗又甜，唔會話太攻鼻刺激到喉嚨。佢嘅牛丸都幾香，我覺得拍得住之前要排咗成粒鐘隊嘅越南餐廳。🍲🍲火五熟牛肉湯粉 $58個湯底同上面一樣啦，都係一樣咁香濃。淨係個配料唔同咗，佢係用咗熟牛腩嘅，佢都抆得好入味同夠淋。如果食唔到生嘢先揀呢個啦，我都係推薦大家食番火車頭，因為佢粒牛丸真係好好味。🍖🍖意大利黑醋汁蒜蓉牛油雞翼 $58個黑醋汁同埋炸咗嘅牛油雞翼好夾，本身炸嘢會有浸油膩感係口，但係個黑醋同埋蒜蓉可以去除咗嗰一種油味。另外佢都炸得好香脆，我連雞翼尖啲骨都食埋。下次嚟可以再叫多碟。味道: 4.2/5服務: 3.5/5環境: 3.5/5番兜: 4/5#佐敦美食 #美食 #好吃 #instafood #foodstagram #foodphotogra

超Fresh 越南🇻🇳風味😆成日就咁食沙律🥗原來越南🇻🇳野食都可以好清爽，食完成日個人為之一振！佢地既蔬菜都好新鮮👌🏻青木瓜沙律剛剛好，唔會好酸，但又好開胃。配合豬頸肉，作為前菜一流。有大大隻軟殼蟹撈檬🦀 超配合越式魚露，其實一啲都唔孤寒，有成五杯大放送。絲網蝦春卷，每一條都包住一隻。勁脆口邪惡黃金炸魚皮。第一次食既三文魚米紙卷，豬頸肉扎肉果啲，原來三文魚都好夾😘㊙️重點係外賣自取仲有折，真係好抵食推薦度（10👍🏻滿）：8.5👍🏻滴汗度（10😅滿）：不適用衞生（10⭐️滿）：8⭐️環境（10⭐️滿）：7.5⭐️賣相（10⭐️滿）：8.5⭐️味道（10⭐️滿）：8⭐️價錢（10⭐️滿）：9⭐️服務（10⭐️滿）：8⭐️地點（10⭐️滿）：8⭐️［火五越式牛肉粉專門店 (佐敦店) (佐敦)］📍佐敦白加士街55號其昌樓地舖#食飯 #推介 #美食 #美食推薦 #美食日記 #外賣 #外賣自取 #takeaway #hkfoodpic #delicious #foodpics #foodies #topcitybiteshk #foodblog #hkblogger #foodhk #hkfoodshare #discover

當天到達以後，客人不多，五分鐘內順利安排入座。食物味道不錯。但是噩夢開始。我被安排的桌子就在處理廚餘的桌子旁邊，用餐桌子和處理廚餘桌子（藍色抹枱布）基本平排（看圖），距離不到10CM。一邊吃東西，店員一邊把顧客吃完的骨頭和碗碟廚餘，用過的餐具和抹嘴紙巾等，放在我的右手邊，距離我的食物很近很近。最要命的是唯一的女店員每次用圖片上的藍色抹枱布抹台完畢以後，不是好好放回我右邊的廚餘桌子上，她習慣從遠程飛拋回到廚餘桌子上。雖然每次飛拋都很準確，但飛拋過程中，難免有液體飛沫墮下。衛生設計絕對有問題，廚餘桌子不應該和用餐桌子平排，不應該飛拋抹枱布。

❤️火五越式牛肉粉專門店Pho 5❤️店舖位於佐敦偏多食店嘅街道人流都好多 環境一般 樓面得一位店員🌈火五生牛肉粉大大碗年餐叫都幾抵食一個人食就咁叫一碗都非常飽生牛肉啱啱好有幾片唔會好鞋夠晒熱辣辣河粉亦都夠多但係味精味偏重咗少少🌈香茅豬頸肉撈檬撈檬嘅粉偏硬咗少少會配埋胡蘿蔔絲青瓜絲仲有花生碎等配料酸酸甜甜嗰隻汁好惹味好開胃但豬頸肉唔係好食到香茅味而且非常之鞋同靭 要扯先咬得開🌈特色雞翼雞翼好食😋雞翼連尖個皮炸得好香脆鹹度啱啱好而且上面有啲白芝麻肉都非常之嫩滿 呢個推薦👍🏻🌈手作扎肉紙米卷(4件）紙米卷個皮太厚扎肉ok 但入面蔬菜太生好難咬非常硬 係口要咀嚼好多下食到咀都痛呢個不太推薦🌈越式蔬菜長春卷大份量好長嘅春卷熱辣辣又脆卜卜入面應該有軟芝士配蔬菜做餡淡淡嘅味道唔油膩🌈白桃梳打呢個出乎意料地好飲入邊有粒粒嘅白桃肉幾有咬口個甜味同梳打比例👌🏻👌🏻PS. 排隊都要等得耐 而且唔算好舒服 枱比較污糟有啲黐笠笠🥲

好耐冇食過越南嘢今日喺附近做嘢就嚟食個lunch中午時間嚟到都幾多人不過好彩我一個人唔使排隊😚😚午餐超級抵食！叫咗個豬頸肉撈檬分量唔會太多一個人食啱啱好，豬頸肉一啲都唔乾，配埋蘿蔔一齊食超好味！再加多份炸雞翼非常之脆，味道唔會太鹹配埋個份食啱啱好！雖然係中午時間但係上菜速度都好快，關閉中午時間好短嘅打工仔，另外跟餐加錢配嘅鹹檸七都好好飲😚😚呢個價錢有呢一個質素係超級滿意！下次離開都會再食。

講到主食，🇻🇳佢必定係越南最具代表性嘅食物，牛肉湯粉非常之受歡迎，🔥將滾熱而且清甜嘅湯底，倒入，🐮放咗生牛肉同埋河粉嘅碗入邊，熱力會慢慢將牛肉煮至半生熟，🥩更加會呈現漂亮嘅粉紅色，非常之吸引。👍今次我仲試咗下佢哋嘅熟牛肉，湯粉食落非常滑溜。手作挪威煙三文魚米紙卷米紙卷個皮夠薄，🐟可以包曬入邊滿滿嘅餡料，我最鍾意嘅係🥕爽口嘅紅蘿蔔絲。🥬同埋生菜絲，配上濃香嘅煙三文魚片，值得encore。

今日收工係公司附近揾下有咩好食外賣返屋企🧐經過見到呢間越南野睇落唔錯，最吸引係外賣自取仲有8折，有著數就梗係試下🤑餐牌上有主流既湯河、越式油飯同埋撈檬📒意外地仲有麻辣酸菜粉、日式拉麵同鰻魚飯🐒真係市道艱難咩都要做先招到客，另外仲有多款特色小食，包括米紙卷、沙律同埋炸物等等😋而且多飯多粉都唔使加錢包食得飽🍜火車頭牛肉湯粉 | 8/10越南菜入面既招牌菜，特別係諗唔到食咩時就最啱，因為有齊生熟牛肉、牛丸和札肉，分湯裝夠哂方便，拎到返屋企都唔怕d粉軟哂😉熟牛肉即係牛腩，食落夠軟腍易入口，牛丸仲係用和牛打成，食落彈牙，滿滿油脂香😄🍝法式咖哩豬頸肉撈檬 | 7.5/10呢款撈檬都幾fusion，由熱辣辣既咖哩配上凍既撈檬幾過癮，咖哩香而不辣，豬頸肉有d咬口🥓撈檬夾埋青瓜同紅蘿蔔絲都幾清爽，呢個咖哩撈檬係重口味同清新間遊走，感覺新奇🥒🍤黃金蝦球 | 8/10記得之前去越南旅行發現一隻勁好食既咸蛋黃撈麵，估唔到呢度都有越南版既咸蛋黃菜式😍黃金粒粒痴實係炸得金黃既蝦球上面，返屋企食仲有小小脆脆香口🧆峴港炸魚餅 | 8/10峴港就係海岸城市，炸魚餅比泰式少咗d香料，唔會太油，食落都幾惹味😝

價錢其實唔貴，所以無要求，正正常常。但服務真係有好大好大的進步空間。之前都睇到有關服務的問題，親身試過後，感覺真係有好多空間可以改善。希望店舖重視留言，對生意應該有幫助。

經過見到招牌幾搶眼天氣凍 想食碗火車頭粉近近地 就試下其實佢下午茶係$40連野飲都抵不過太肚餓怕好細份叫左正常size $68 火車頭牛肉粉無野飲粉嘅份量ok牛肉就得幾塊牛丸兩三粒湯底太普通錦麗仲好食過呢間加上職員態度都普通個人認為試一次就夠

喺佐敦，而家的確係越來越多唔同菜式嘅餐廳，而整體感覺相對就冇以往咁舊派，同一條街就同樣有唔少選擇，同樣都係經濟實惠，想清清地又食出滋味感嘅話就可以一嚐火五呢一間越式餐廳。😌火五火車頭牛肉湯粉— 🐮夠晒經典嘅越式必叫系列，一碗熱辣辣嘅湯粉除咗湯底夠香之外，仲可以見到生牛肉慢慢浸泡到變熟，咁就啱啱好熟得來又夠晒嫩，🐮最適合就係配埋辣椒油或是拉差辣醬一齊食，🌶️咁就絕對係正宗嘅享受，另外仲有和牛牛丸，粒粒都係人手製造內裏仲有唔少嘅窿位用嚟存放肉汁同埋提供更好嘅咬口，🐮仲有越式正宗扎肉亦都係夠晒傳統嘅滋味。所以一碗火車頭就已經集合晒最正嘅咁多個元素🐮扎肉撈檬— 🥢撈檬亦都係越南餐廳裏面一個招牌系列，涼浸浸嘅撈檬粉講求嘅當然就係有酸辣汁配合，非常之好開胃，🥢額外叫埋小食咁就係夠晒飽，但又唔Heavy，而呢一度嘅扎肉每一片都用足料，而且彈性十足，所以就咁一個餸都已經非常之滿🥢香茅豬頸肉油香飯— 🐷粉類嘅表現確係幾出色🐽至於飯類嘅原來都幾唔錯，飯亦都係採用咗油香飯，更香更粒粒分明，味道上更加提升唔少。🐷至於豬頸肉當然就係每一個菜式都經常會出現，講求嘅就係半肥瘦嘅質感，肉味香濃，再配埋少少油脂嘅香味就更

香茅美國黑毛豬扒，✨夜晚黑，想食得清新啲，又想啖啖肉，哩一個黑毛豬扒真係好抵食。份量比想像中更多，😉而且豬扒唔會肥，所以食得好滋味。🐷經過香茅醃製之後，肉質更加鮮嫩，再配上生菜絲等撈檬嘅配料，🤩再加埋獨特嘅泰式辣汁，🌶非常過癮。另外鍾意食榴槤嘅你，🔥都唔可以錯過佢哋嘅榴槤炸彈，🥢有一層香脆嘅麵包糠，咬開係榴槤夾心，仲可以食到，😍有榴槤肉，真係正。味道好香，整體嚟講作為甜品最合適不過。😙