越萊 (福榮街)

Open Now

Now Closed

今日好開心同屋企人去咗深水埗附近嘅一間餐廳食越南食物，一直都好鍾意隆中豐富嘅越南餐廳，冇得去旅行，所以就一定要去搵下地道嘅越南食物，豐富一下味覺，第一次去呢一間餐廳，估唔到質素好高，真係深深愛上了，所以一定要介紹俾朋友，一間餐廳位置於深水埗出口地鐵行3分鐘，即刻搵到，超級方便，而且裏面餐廳嘅裝修都好靚，可以衛生，仲有獨立廁所，而且食物價錢經濟實惠，而且每年都大大碗，我好推介佢哋嘅豬頸肉，豬扒雞扒，龍龍，佢哋嘅Siu Yuk全部都係Luo最愛遠，肉質非常鮮嫩，好脆口，好好食，而且佢哋嘅春卷都係好深刻，都係好友越南風味，而且佢哋嘅湯底有雞湯，有招牌牛肉湯，我非常推介佢哋嘅招牌牛肉湯，好入味，個湯底好濃郁，淨係識個河粉都已經覺得頂呱呱，所以呢一間係價錢物美，人間天堂

做完運動正值下午茶時間經過見到不錯便試試有好多不同選擇堂食仲有優惠小食買一送一不過今次是獨自用饍知道食不下兩款小食便只揀了車仔形式的越南河揀了生牛肉, 豬軟骨和蘿蔔份量足料, 味道就中規中矩牛肉有四至五塊, 手掌大小豬軟骨有三四塊, 滷得入味軟嫩, 咸甜適中蘿蔔都有六七塊, 不過炆得不夠入味亦不夠甜, 尚帶有蘿蔔本身的草青味而且湯底亦不太夠熱生牛肉及芽菜較難被燙熟羅勒和辣椒都難以在熱湯中發揮香氣跟餐加錢叫了凍檸檬茶, 發揮正常

黃金附近，真係超多餐廳，中西東南亞都有，今次想食越南河粉，原來都有選擇。睇價錢唔算特別平，見到主食有熱柑桔蜜送，今次就去試下。睇下餐牌先 牛萊了 $78(生牛肉、牛腩、牛筋、 牛丸2粒、牛𦟌)一上枱，都好大碗，幾多肉。先飲一啖顏色好清嘅湯，味道清甜，牛骨味香，河粉好滑。之後喺湯加芽菜、辣椒、青檸，味道更清新，係另外一個感覺。湯底係暖，可能就係怕會整瘦生牛肉，牛腩牛筋煮得好腍，都有油香。牛𦟌脂肪少啲，食得舒服。反而牛丸幾特別，特別再有骨湯喺裡面，味道特別濃，適合最後食。 越萊經典撈檬 $72(香茅牛肉、厚切燒豬扒、豬頸肉)三種肉類都係香茅調味，但口感好唔同，牛肉軟化、豬扒厚實、豬頸肉爽口，一樣有層次。檬粉分量夠。 撈檬嘅魚露有特別，都係酸甜，青檸嘅味道少啲，但多左蒜蓉，味道更香口。 熱柑桔蜜免費送嘅飲品都唔差，除左酸甜味道之外，有好多柑桔喺杯裡面，飲落好潤喉，真材實料。 總數：$150

食越南檬點少得我每次黎親深水埗都會去嘅越萊😎誠意推介呢間餐廳，佢嘅牛骨湯底真係好正，完全吸引咗我每次黎到想食越南嘢就黎呢度😭價錢真係好平🥚—————————————————————📍 越萊 (福榮街)地址: 深水埗福榮街124號地舖✍🏻/食評/◍ 生牛肉檬粉 + 紅豆冰 生牛肉好滑嫩肉質唔韌，仲可以根據自身口感淥熟牛肉片，我習慣用牛骨湯拖一拖就食，牛骨湯好濃郁唔重味精！紅豆冰係跟套餐+$10，紅豆蓉好綿滑，大杯又抵飲！◍ 厚切燒豬扒肉碎煎蛋飯豬扒燒得好juicy，有陣陣炭燒味，煎蛋又煎得半熟流心荷包蛋，份量又多，好飽肚◍ 炭燒豬頸肉 豬頸肉加埋蒜片真係好夾，肉都好淋，同厚切豬排口感完全唔同，呢個薄切又有D焦香味令人食唔停口，下次再叫先～～

厚燒豬扒蝦餅撈檬豬扒鬆軟，蝦餅彈牙，酸酸甜甜的醬汁，再加上青瓜和紅蘿蔔條，吃起來口感豐富，開胃好吃。咖喱牛肋肉飯牛肋肉炆得淋，又有咬口，咖喱香又濃，飯軟硬適中，是最好的配搭。春卷新鮮炸出來，餡料豐富，又脆又爽，外脆內軟。配上青瓜片和生菜，好吃不上火。菜心苗煮得有點過火，失手太淋了。魷魚沙律配柚子汁魷魚彈口，菜很新鮮，加上柚子汁，又係一度非常好吃健康的開胃菜，咸檬七咸檬夠味，超爽又解渴！熱柑桔蜜足料，潤喉。good

有時啲嘢就喺咁啱橋，早唔壞遲唔壞，早排做完運動過開嚟深水埗食嘢，啲電腦嘢就未有事，之後先嚟有嘢壞，當然要專登走一轉嚟高登買番件配件。咁落開嚟又無飯開，所以，索性嚟到「越萊」食埋先返屋企。 正值飯市，所以都幾多客人，裝修簡約，一室湖水藍襯淺色木系枱櫈，加上精緻嘅「竹籮」吊燈，有少少越南風。 我得一支公，最好坐埋去面壁嘅「吧位」，枱下有個小勾，勾住個背囊唔做掗住啲位，枱邊就放咗兩樽醬料，自由取用。 餐牌分開幾張分頁，有自選粉麵、經典款式、飯品、招牌湯河，仲有各款小食、沙律、麵包類，總之選擇就多多，而嗌主食仲奉送熱柑桔蜜，唔啱飲嘅又可以加錢升級轉其他飲品。越萊精選火車頭 $108今次有啲膽粗粗，一支公單挑店家嘅火車頭，選擇河粉，嚟到唔喺講笑，超大碗，比預期中大好多。睇返餐牌就話有呢大堆嘅配料：生牛肉、牛腩、牛筋、牛丸、扎肉、豆卜、豬軟骨、雞絲，仲配有生菜、蘿蔔、洋蔥，而且，啲餸料唔喺得一嚿半嚿，有啲仲有幾嚿，好似生牛肉就已經有好多片，所以，好老實講淨喺食餸都飽，何況仲有咁大碗河粉。 先講講個牛骨湯，牛骨湯非常香濃，味道鮮甜，但飲落唔會太濁，真係啖啖精華，混咗少少九層塔同唧點青檸汁，感覺更清爽

行到夜深水埗搵飯食，行到福榮街街尾見到間越南餐廳幾多人食咁，於是我同b🐷就食個快飯醫肚再翻歸。我哋唔洗等位就可以入去座，但入面都幾逼，同隔離枱好近，好無私隱😂😂。我哋嗌碗粉免費跟熱柑桔密，熱飲另外加$6，有啲奇怪🤔。雞扒豬頸肉撈檬粉 3.5/5一般般，份量幾夠食，男人胃都食得飽，佢另外跟蘿蔔絲、青瓜絲，可以撈埋魚露辣汁🌶️，味道幾開胃，但係雞扒同豬頸肉都鞋同乾得滯，唔夠嫩😅。雙拼湯粉 3/5揀左手撕雞同札肉，札肉4片，手撕雞又係好老同乾，唔係想像中咁幼細，但湯底幾好味😳，加青檸汁提鮮，入口鮮甜。地點:深水埗福榮街地舖，隔離又有幾間食市，大馬路側邊唔難搵。環境:一埋位好大浸香料味同膠餐牌枱布味，有啲難頂，可能座位之間太近，抽風系統比較差，留意到入邊有吧枱位，就算一個人嚟食都唔使搭枱。價錢:60幾蚊人頭，抵食呀。留意到有180蚊既小食拼盤，賣相都幾吸引架🤔🫣。服務:店員會覆單好細心，睇得出好用心。

中秋節喺玩具街買完燈籠去搵食，食過呢間越南粉麵餐廳覺得都唔錯😋首先我叫咗一碗照燒雞扒豬頸肉撈檬，好大碗、好多餸呀🤩 照燒雞扒食落好嫩滑，一啲都唔肥又唔油。豬頸肉肉質好好，完全無肥膏，微烤過味道唔錯。微酸越式撈檬汁加埋配菜，好好食呀😋另外我仲叫咗一碟潘良帶子明蝦伴茄子。茄子質地柔軟，加埋微燒嘅帶子同充滿蒜蓉嘅鮮蝦，好好味，係好特別嘅組合🍆🍤健康之選我就揀咗碟香甜菜心苗，面頭舖滿芝麻，配有微甜嘅豉油🥬最後嘅大驚喜係椰汁紅豆冰雪山，佢由豐富嘅椰汁冰沙、紅豆同綿密嘅紅豆冰山組成。從來未見過咁大杯咁高嘅椰汁紅豆冰雪山🫘 🍧🏔️ 跟餐加$24，真係物有所值，呢道甜點既可口又解渴，係消暑嘅絕佳選擇👍🏻

福榮街又稱深水埗食街，雖然呢條街有唔少野食，但我覺得真係好食既得幾間，越萊就係其中一間! 🤩 我地已經食咗起碼三、四次，水準依然keep到！-照燒豬扒蝦餅撈檬好味！蝦餅新鮮炸起，照燒豬扒有蜜糖味😋 仲有唔少紅蘿蔔絲同埋青瓜絲，感覺好營養均衡返~-河內蝦仁米紙卷蝦仁大隻彈牙，米紙質感順滑，配埋個酸微微嘅醬好開胃🤗-三岐珍寶蝦仁春卷有啲似酒樓食開嘅腐皮卷，不過係炸既version，好食～-越南咖啡雪山 （+$24）一上到嚟個澎湃嘅份量好驚喜😂 要快啲飲到below個杯，如果唔係就會溶咗喺張枱度哈哈。咖啡味充足、岩岩好，推介！2個人dinner食到咁飽又好好味都係$150左右，呢間越南嘢真係真心推介！😌🥳

喺深水埗行完街就簡簡單單搵個越南粉食下餐牌選擇都多就入去餐廳都幾多人,所以都喺門口等咗一陣兩個人就簡簡單單各自揀碗粉食我揀咗牛箂了有牛丸、生牛肉、牛腩、蘿蔔、 牛筋真係好豐富湯底重牛骨香味生牛肉超大塊, 我個人比較鍾意食生，所以就第一時間即時食咗佢， 嫩滑重牛味 成塊冇筋牛筋夠淋，而且大大塊感覺好似能補充很多骨膠原另外一個估唔到，以為牛丸好普通， 點知咬落有啖啖肉汁朋友揀咗經典越箂撈檬同樣係一個有幾款唔同肉嘅豐富撈檬有香茅牛肉、豬頸肉、豬扒豬扒都算大塊厚身香茅牛肉香口食落比較淋身豬頸肉爽口叫主食送一杯熱柑桔蜜如果要轉其他就另外加錢我就照揀咗熱柑桔蜜 朋友就揀咗椰汁紅豆冰熱柑桔蜜冇想像中咁甜，感覺都健康潤喉椰汁紅豆冰正常甜度，底都有不少紅豆沙整體是日簡簡單單食碗越南粉 經過深水埗都值得試下

門口已經貼左大大張嘅餐牌吾似有D餐廳門口放一本出黎只係可以一個/班識嘅人睇其他人想睇要排隊呢間越南餐廳最好係可以自由選擇吾同GE野1~3餸咩湯底咩粉仲可以轉菜底而我就俾佢地嘅撈檬吸引係越萊經典撈檬、越萊人氣撈檬同照燒豬扒蝦餅撈檬度揀黎揀去最後決定越萊經典撈檬加小食蝦餅(午市堂食小食有買一送一優惠) 仲加左杯椰水＊越萊經典撈檬有豬扒一大塊幾入味牛肉入面有少少檸檬定西檸汁酸酸地幾開胃豬頸肉好味幾大碗下佢上黎時會用個杯仔？裝埋個個汁幾好＊蝦餅追加小食２塊大細同麥樂雞差吾多不過就厚過麥樂雞佢個醬吾係平時出面個Ｄ雞醬但吾係好識講但味道清Ｄ＊椰水開頭吾知咩黎原來係椰青水

係到分享一個本人食越南餐廳時嘅一個小貼士，平時用黎撈檬粉嘅越南魚露，我會加埋落飯到食，會令到個飯甜甜酸酸，而本身個飯都有豉油汁，咸、甜、酸嘅味道非常開胃😍🤤 飯亦都會索左魚露汁，令個飯更加濕潤！💪🏻 炭燒豬頸肉蛋飯($56）豬頸肉燒得好淋同juciy，唔乾柴，有微微嘅炭燒味。而且份量都算多，食得好滿足😋 煎蛋有微微流心，唔會太老😝💪🏻 照燒雞扒肉碎煎蛋飯($56) 雞扒都係煎得剛剛好，唔會乾柴，而且撈埋蔥油一齊食特別惹味！肉碎唔似泰式肉碎飯個種，係微微酸辣肉碎（似生菜包個種肉碎），加埋蛋漿、蔥油、越南魚露撈埋一齊味道非常豐富😋味道：8/10性價比：8/10 食住瘦指數：💪🏻💪🏻💪🏻/5

自從深水埗變成文青區之後好多鋪頭都貴咗好多，今次嚟到呢間在福榮街的越南餐廳搵到經濟又好味的選擇，要介紹下。唔知係咪天氣熱呢日鋪頭冷氣好似壞咗唔係好夠，不過有部空氣過濾器頂一頂。烤扎肉撈檬烤扎肉好厚，口感非常彈牙，檬粉同其他配料都正常，醬汁開胃唔會太酸。越萊蒜香牛油雞翼香口嘢，蒜味幾出，層炸粉都厚好彩新鮮出爐，唔會太難咬。椰水咁難得有椰水可以清下熱氣即叫！味道清甜。值得一嗌下次嚟想試下佢的牛肉湯麵。

朋友見到間鋪咁多正評就去試下，我地去呢晚唔多人，長期所有枱都無一半滿。而我就一袋二袋咁入去，兩個人就坐兩人枱好正常既，但是我真係係佢間鋪搵唔到地方放袋，咁就開始時放地下算我同朋友每人叫左個火車頭，因為香港既越南粉無粿條，所以我多數叫金邊粉（因為個質感算係最似）但是佢竟然只係得河粉同埋濛粉而到火車頭到，係好熱既，但是唔知係咪班侍應姐姐怕凍，開冷氣唔夠，食落就覺得有環境有啲熱，跟住全場都係魚露味唔散。火車頭係好多餸呀，但是啲肉鞋到呢，雞絲同埋牛肉都係一極度鞋，濛粉又散收收，結果啲鞋既肉真係唔食算，廢事糟質自己個肚野食己經唔好食，我見佢地啲枱唔滿，咁我就將個袋放响佢隔離張枱度，跟住啲兩個人入黎，成日都推介坐呢張枱。其實我都見到入黎既有兩個都係一袋二袋架，佢想坐四人枱，要人地搞左好耐先比人坐，班侍應真係唔知自己地方無地方可以放袋既咩？呢間野又唔係好食，啲侍應又唔識做，大熱天時開唔夠冷氣，一定一定一定唔會再去

最近天氣焗熱，收工就好想食d清淡野，唔想咁重口味。見openrice深水埗尼間越南野都未試過，於是就去食dinner。門口出面有大大個餐牌可以比路人睇到入到餐廳都會有餐牌，佢揀擇都算多。而主食會送杯熱金桔蜜。首先就上左野飲，金桔蜜不過不失，下面都有金桔肉，熱辣辣，暖下胃先。我地叫左個三送豬骨湯檬，有生牛肉，扎肉同蘿蔔。跟住佢d芽菜係分開上嘅，試個湯底先，好有豬骨味，唔會太鹹。而料都好足，生牛肉好大塊。扎肉咬落都彈牙。而蘿蔔真係軟甜，完全冇渣，好好味。另一個就叫左豬扒撈檬。豬扒都算大件，係有骨豬扒。佢個汁係另上，而個汁同其它越南舖頭係唔一樣，好似自己特別調過，超級鐘意，推薦一試。豬扒煎到好香，醃得都好入味，但唔會太鹹，味道啱啱好。食完一啖又一啖。而撈檬加d汁感覺清涼好消暑。最後上左小食，無骨酸辣鳳爪，更加解暑，酸辣程度啱啱好，而且爽脆，好好味，上面有好多青瓜，芹菜，洋蔥，幾粒蒜頭，搭配一齊食簡直回味無窮。試過咁多間越南野，尼間真係唔錯👍🏼