家庭越式料理

Open Now

Now Closed

本來想去食串燒，因為太多人排隊，所以即刻轉場，兜左個圈搵倒哩一間越南野試下，果然冇失望。由於冇預期，所以亦都冇影相。生牛肉河粉牛肉好高級，記得唔好太熟先食，河粉唔喺平時一般果種硬身的，入口冧，粉糯嘅，湯底清甜。法式豬腩包，豬肉好冧又juicy, 麵包外脆內軟。炸春捲 OK，如果兩個人可以叫拼盤會抵啲。老闆娘服務好好有禮貌，大家多啲幫襯小店。

朋友係餐廳附近返工，同我一齊去完越南旅行之後話覺得呢間仲好食。試咗就返唔到轉頭喇，老闆好快手，環境企理，食物加呢個價錢就真係，令我住港島嘅差唔多每個星期都黎幫襯，星期日仲會見到嚟自越南嘅老闆一家三口好溫馨、服務態度又好，喺香港都可以用平價食到正宗嘅越南菜真係好😃奧運站行過嚟唔太遠，食完行去旺角站或者撘巴士去尖沙咀行街都好方便~可以睇返以下我嘅圖片推介，最近試埋越南法包估唔到仲有驚喜，食返我係越南食果個醬，同一樣咁鬆化，就忍唔住上嚟寫食評~

店舖坐落喺大角咀富多來商場，招牌和門口都比較隱蔽，一唔留神就行過咗🫣🆗越式生牛肉湯河/檬一分錢一分貨，牛肉片都預咗係一般質素，勝在量夠多。個湯底ok正常發揮，河粉算多，有跟九層塔青檸辣椒，同埋有越式醬料，牛肉點嗰兩個醬料好地道。我哋叫咗個檬粉，但呢度嘅檬粉係同米粉一樣，有點失望。🆗香茅雞翼$28有三隻算係咁，雞翼算大隻，啖啖肉。好重嘅香茅味，吃起來唔算油膩。🆗越南咖啡用煉奶沖嘅，所以係偏甜。P.S：小店通風排煙係比較差，食完會有成身油煙味，如果介意嘅就唔好坐近廚房🫠

呢間小店之前路過都唔太覺眼，星期日未夠十二點行過，見佢都坐到一半滿。有位後生仔見我哋企係門口望望下，就馬上出嚟招客。坐低雖然地方細細，但亦坐得舒服又乾淨。店由兩位越南籍後生仔打理後生仔用唔太流利廣東話遞上餐牌，星期日都有午餐供應，就一於試下等食期間，留意下佢哋提供嘅調味品，全部都係當地地道貨，可算係不惜工本。熟牛河 - 個湯底好甜又夠牛味。牛肉雖然係普通貨式，但好夠牛味，略嫌韌咗少少豬扒撈檬 - 呢個檬好地道，高質。豬扒外脆內淋，又夠Juicy。絕對可以同大商場商價越南餐廳媲美三式飯 - 豬扒雞翼加扎肉，絕無挑剔可言雞扒蛋飯 - 雞扒如豬扒一樣高質，加埋燶邊蛋，真心perfect最後飲埋杯越式咖啡☕️，香濃且滑溜，絕對值得路過唔食飯都要叫返杯外賣

其實富多來咁多競爭，要做得住真心唔容易！原本黎呢頭係搵返啲出名舖頭試，但因為時間尚早其他未開門，而呢間係開1130，所以試一試。 環境細細，大概serve到10-12人左右，樓面加廚房2個人，名副其實家庭式。午餐餐牌選擇都多，我心大心細想試好多野，雞排、豬排、扎肉…（後面我留意到都算多人叫生牛肉河，味道唔知呀）我自己最後叫左個炸春卷撈檬，條春卷超香脆好味喎，撈檬正常，個人唔鐘意紅蘿蔔絲所以走左，自家醬汁比坊間好似無咁酸。飲品叫左青檸茶少甜都係正常。埋單$55，lunch 黎講都性價比高。

呢間位於大角咀嘅越南菜家庭式經營小店，雖然喺OpenRice冇乜人寫食評，但係因為老闆都係越南人，好少做網絡媒體宣傳，但係食物質素絕對有保證😋😋亦都係本人嘅常去既飯堂之一🙌🏻🙌🏻今次叫咗個香茅雞扒撈檬同青檸梳打，埋單都係$60，lunch呢啲價錢不貴。香茅雞扒撈檬：雞扒煎得香口，搭配撈檬醬汁，口感豐富。而且喺香料上面除咗香茅之外，廚師應該加咗薄荷，口感更加佳，大愛💛💛青檸梳打：青檸梳打發揮正常，酸甜味道調校得啱啱好，😊🏠環境：7/10🌟味道：8/10💰性價比：8/10🙇🏻服務：8/10家庭越式料理 Pho Gia Dinh Vietnamese Cuisine 📍大角咀晏架街77號富多來商場第二期地下6號舖#hkfood#hkfoodie#HKTKT#lovefood#用心製作#家庭式經營#相機食先#vietnamesefood#vietnamfoodlover#eatfirst