錦麗 (德福廣場1期)

Open Now

Now Closed

錦麗係最經常聽到有朋友會去食既Pho店，OK, let's give it a try!個生河肉河既湯底，好鮮，好甜，好好味，所以你會忍唔住飲晒佢。啲牛肉好軟，超tender，不過我個人比較起歡有少少咬口既牛肉，所以呢種咁軟身既牛肉我就一般，但都係好鮮甜既。河粉，中規中矩，如果硬身少少，會更加好。啲香葉同芽菜係會分開用隻杯仔上，食既時候先加落去，保證唔會一黎就浸軟左，good。平時錦麗都會大排長龍，如果唔洗排我會再食，但如果要排隊，佢就未必係我首選啦。

太興集團引入嘅錦麗越南粉愈開愈多，但質素都算唔錯🤤 諗唔到食乜都可以一戰！以前都會叫綜合粉食，不過發現牛丸先係最鐘意食，所以而家黎到都淨係會叫牛丸粉($60)。入到黎waiter會即刻比左d芽菜、香草同檸檬等配料，比你一陣落麵用。麵黎到佢地就建議要飲左湯先，個湯底真係好好味，唔會太濃亦都無乜味精味。牛丸好彈牙，我既食法就會成粒放入口，咬開會有油脂必出黎，好香口。另外，我地都叫左魚香芒果米卷($28)同凍青檸冰($25)，都係中規中矩，無乜特別。

錦麗我諗大家都唔陌生既, "錦麗在1970年於越南創立，被譽為越南最好食牛肉粉品牌，最高紀錄於一天售出超過3,000碗牛肉粉 ", 呢個賣點我諗食過既人都係清楚了解, 而我自己之前都食過, 確係唔錯, 只係貴左小小.今日就第一次黎, 食佢個下午茶, 當然SIZE方面就係寫到明MINI版啦~但係講緊平時60蚊碗, 而家係45蚊碗仲要有埋野飲!叫左2個生熟牛肉粉, 生牛黎到都變左熟牛, 呢PART扣左小小分, 但個熟牛好足料, 而且好軟林, 好有牛味, 而有根部亦做得好彈牙~另外再叫左2個香矛豬扒撈蒙, 豬扒入味有口感, 撈蒙既汁亦好野味再叫左一個原價既小食, 4隻雞翼, 香脆好味凍既加8蚊野飲椰青唔可以叫外, 其他都可以叫, 唯獨個咖啡要加錢.

有日晚上黎九龍灣上堂，想上堂前輕食晚餐，過左六點又冇下午茶，諗食咩真係好頭痛🤦經過門面有紙米卷，都有湯粉，撈檬。入去望完餐牌，想食大蝦扎肉湯檬，點知冇得撈檬轉湯檬而佢所有湯檬都有牛 (今日唔想食牛）好似得呢版岩我點大蝦扎肉米卷，望個樣擺得好靚，入面隻蝦冇落任何調味，好彈牙咬口；扎肉就黑椒扎肉。好鍾意食米卷，入面有色彩繽紛蔬菜，又唔使啖啖肉，好清新 又飽肚😋重點呢度堂食淨點一條米卷唔會俾店員白眼同慫恿我點多啲嘢食，為上堂前叉叉電😍見其他食評推薦湯麵，等我下次冇禁飽黎食碗麵先 (不過見餐牌唔包嘢食就有啲貴）

The restaurant is small and popular, but the service is quick and efficient. We ordered the Pho with well done beef. The portions were big and and the Pho is very tasty. They have a variety of chili sauces you can add, bit even without, it's delicious! We also tried the pork rice paper rolls. They were amazing, and tasted fresh, even though they are pre-prepared. A good, affordable option for a quick meal.

早排同朋友係大埔食過一次錦麗，對佢粒牛丸同碗粉印象都唔錯，所以今日收工就帶咗仲未食過呢間餐廳嘅男友再食。今次最想帶出2項令人感覺唔愉快嘅要點。第一點係明明2碗粉同一時間出咗係出餐位，但店員只送上咗1碗，另一碗就乾巴巴咁被人放置係出餐位大概5分鐘先欣欣然送到，唔明點解要咁「好心」幫我地攤涼碗原本係熱騰騰嘅粉？建議擺放個「叮叮」鐘仔係出餐位置，提示返啲店員要出餐。第二點係收銀員果表情真係好似欠佢好多錢咁嘅木口木面樣，連最最最基本「多謝」都無講，睇嚟真係要賣佢怕～最後望一望張單，依！原來係無收加一服務費嘅，咁無服務係咪好合理先喇！包容下啦大家👍🏼👍🏼

第一次食， 原本都無咩期望！個個都話好食所以就去咗試吓！點知！粒牛丸真係俾到驚喜！我本身就從來都吾食丸類食物，一來覺得係d 垃圾肉做 ， 二來覺得 ， 粒粒都一樣味道！其實我今日去到都係冇叫到招排牛丸！但朋友就俾咗一粒我，試完之後，真係好好食

上個星期六去開九龍灣唔知食咩 結果即刻走咗去試吓食呢間錦麗一直聽到佢個大名㗎啦終於有機會可以啦佢個湯底真係好牛骨湯味牛肉呢就還好啦但係依隻味已經係我食過市區之中最好嘅一個越南粉雖然價錢貴但係真係好食

最近有人提起越南菜，今朝一起身突然好想食越南米紙卷，順便去九龍灣就查呢一間，見到食評正面都有幾多好的評價，就去試試啦。我哋去到啱啱開門冇耐，因為好肚餓馬上就落單，餐牌上嘅選擇唔多，以為有牛河就有雞絲什麼豬湯河那類，唔知又無。我就諗如果唔鍾意食牛或食唔到牛嘅人咪未必嚟呢間食吃完口內的牛肉味停留一段時間，牛肉味濃的，不過整體有點重口味感覺。 這間比起開到好多分店的某越南菜館好d但又未能讓我吃完再次回吃有進步的空間吧如果菜單上多謝選擇就好

又到左有點點肚餓，但又唔想食得太飽嘅時間啦。原本想去某茶餐廳食飯，但一見到門口大排長龍就一啲都唔想等、見到隔離有間唔使等位但係望落去似乎幾出名嘅餐廳，諗都唔使諗就走入去坐。個餐牌有點驚喜，因為佢招牌嘅牛肉粉竟然有迷你版，所以忍不住叫咗一個，同叫左香茅豬扒撈檬，係等食嘅期間見到同枱嘅其他客人都有嗌嚟食，賣相唔錯，而且細細碗唔會太飽，真係啱晒我唔想食咁多但係又想食下野嘅人。飲品方面就叫咗熱薏米水同埋凍雪梨崩大碗，薏米水來講就偏甜了少少，崩大碗幾好飲，值得推介下，牛肉河粉個湯底幾好味，河粉都有吸左啲湯味整體都唔錯，香茅豬扒撈檬蘿蔔有點辣辣地幾好味，令我有點驚喜係佢有豬肉鬆，肉鬆撈埋落去真係唔錯幾好食。整體來講今餐都算幾好味。

錦麗標榜為過江龍，是胡志明市的有名牛肉河。知道北越與南越的牛肉河味道有分別，以前者較為清澈純味，後者喜歡在湯頭加入牛血等其他東西一起熬湯。而我只到過河內和峴港，呷一口已經喜歡上越北的牛肉河，以河內的Pho10最驚為天人。所以當錦麗一開始來香港插旗時，我已將其bookmark好，待了這麼久來到有分店的地方終於有機會試了。餐牌選擇很少，只有幾款牛肉河、幾款撈檬和幾款小食，想要其他配料放湯河是沒有的；反而飲品選擇更多，甚至有崩大碗，平時只在電視劇聽講寒涼得用來墮胎，這裡能見其真身也頗特別。我們二人點了一款牛河、一款撈檬、一個小食和飲品分享。下單不消十分鐘，食物非常快便送上，沒有講求次序，小食反而最後才到。這個撈檬顏色非常繽紛，菜和肉的比例很好，蝦仁爽而不霉，扎肉也偏向平常在香港吃到的口味，較為清淡。只是下面的檬粉很少，如果一人只吃這個，就算加了小食也不會夠飽。綜合牛河有牛腩、牛丸和生牛肉片，比其他河粉多數元便可試齊三款配料，也算不錯。湯的面頭已見不少牛油，呷下去味道甜得有點不自然，說清澈又不夠河內吃到的原味，說濃郁又不夠南越應有的正宗。比較起上來，蔡瀾牛肉河比其更出色，味道也更正宗。而且蔡瀾

越南粉湯底有一陣陣的藥材味, 但係同我平時食嘅北美越南粉湯底唔一樣. 已經驚喜麵質係exactly同北美一樣. 在香港比較少看見這一類型的麵底. 所以總體而言味道不俗 麵底 有驚喜

餐廳主打越南pho，入座時枱上一早已在每個座住放了一杯芽菜香草等配菜。河粉的配料有生／熟牛肉和牛丸三種，另外不吃牛的也有兩款撈檬可選。pho的湯清甜但沒有驚艷，生牛肉也不錯，熟牛肉較韌不推荐。牛丸比較特別，和港式牛丸不同，牛味重而且有煮軟的牛根粒粒在其中，juicy得黎味道似牛根腩，是令我會想再回來吃的原因。另外牛油雞翼也不錯，炸得金黃香脆，蒜香且肉嫩。大蝦扎肉米紙卷像是剛從雪櫃拿出來，粉絲涼涼的，,味道正正常常不算突出。

越南湯麵🍜真係唔值得百幾蚊的話，呢間既性價比算對得住大家既，因為每個粉63有找。感覺上，份量比一年前少左。我叫左熟牛肉河粉，我朋友叫左雜錦河粉。 千期唔好叫熟牛肉了，好柴，生牛肉好好多。不過我見最多人叫牛丸河。味道方面，好重牛肉味，連湯底都好重牛肉味，食得出真係有比牛骨🦴去熬。 我食完成個鐘都仲好大陣牛肉味係個口中。 至於個牛油果🥑雜菜卷，我覺得28蚊黎講叫正常啦， 但同意地，牛油果🥑的份量比之前食真係少好多。 整體而言， 180兩個人有找，叫合理啦。

Located in telford plaza 1, Pho Le is specialised in serving beef pho with a limited menu.Ive ordered the assorted pho with a variety of beef including fresh beef, beef chunks and beef balls.The beef is delicious, mixed with sriracha sweet and chilli sauce as recommended in the little tips on the table brings the beef rich flavours and hits the spot.Although this is already the most "luxurious" bowl, the portion of pho is rather small 😔