錦麗 (大埔超級城C區)

Open Now

Now Closed

今午同老婆到這間越南牛肉河粉餐廳幫襯，事前見這餐廳的自我介紹為日賣幾多幾多碗牛肉粉，於是基於一試無礙的心情進內試試。這餐廳佈置及坐位跟普通小型茶餐廳冇甚分別，一般舒適及一般清潔，而定價稍為高過大埔區平均消費少許，因附近餐廳的下午茶定價為30至50元，包一杯飲品。但這餐廳冇下午茶套餐，而河粉平均約50起步到60餘元，不包飲品，而當人客入內坐下，會發現餐廳係冇水供應的，要？承惠九元買水飲。我們要了兩碗綜合粉，即生熟牛肉及牛丸，定價62元。粉送到來時，看到舖著牛肉及牛腩，還有三粒牛丸。首先將店內介紹如何食用九層塔及芽菜的方法，放佩菜在碗內，與其他越南粉店冇大分別，試一口湯，算中規中矩，有著少許人造牛肉湯的味道，不算太多，但湯很甜。番開粉看看，原來牛丸只有半粒，即一碗有1 1/2 粒牛丸，唉！牛丸算好吃，係牛筋丸，但好像有少少欺騙成份，間餐廳可以因為慳極少成本而扣起人客的半粒牛丸！應知一碗這樣的粉收客人62元，為什麼連兩粒牛丸都不能給客人？而要扣起半粒？我不能理解。但其他牛肉及粉都可以，牛肉及牛腩都有水準。最後，我有少少忠告給這餐廳：待食客應該如待人處世態度一樣，一杯水，係最低限度的要求，算你

難得今日放假，中午諗住去食間平日夜晚食唔到，永遠排長龍嘅越南河「錦麗」。佢自稱係胡志明市最好食嘅越南湯河，越南人氣品牌。講到咁好，點都要試下佢。 今日叫左個綿麗綜合粉 ，佢有齊晒三種餸，包括生牛肉、熟牛肉同牛丸。碗粉一黎到，落左d配料先，配料包括有金不換、芽菜、紅椒同靑檸。飲啖湯先，雖然有dd咸，但湯底非常濃郁，好重牛骨味，果然話每日新鮮煲都唔係講笑，真材實料喎。加埋少少靑檸汁，更加鮮味。d牛肉都算生生地，本身仲驚話浸唔熟，不過又okay，過一陣就熟晒，食落肉質仲好嫩滑，牛味都幾夠，加埋辣椒醬同甜醬，更加好味。熟牛肉口感似牛腩，牛肉味濃，但唔夠嫰滑，食落有D痴牙，一般般。至於牛丸就幾出色，咬落有肉汁咇出黎，爽滑彈牙。總括來說，呢個自稱係胡志明市最好食嘅越南湯河確實名不虛，單以湯底已經赢成條街。

我地兩個人食,平時的錦麗多人到你唔會想去排隊, 但好好彩, 今次完成係直入, 不用排~~我自己就食錦麗生熟牛肉粉, 叫之前有諗過叫熟牛肉, 因為拍D牛肉太生, 但又想試下生到咩程度, 就叫左生熟牛肉粉… 食完之後, 應該叫生牛肉粉, 因為我自己覺得熟牛肉唔係太好味, 雖然都好多肉汁, 但我本人冇咩牙力, 唔鐘意咬野同食物”癡牙”, 所以強列推介食生牛肉粉, 牛肉滑滑多汁, 重點係唔好生~~~而我朋友食錦麗綜合粉, 生熟牛肉加牛丸… 如果是第一次建議食離個, 因為咩都有。我地兩個都覺得湯底濃, 有少少咸~~ 如果唔叫野飲的話, 成個晚餐會咸到最後~另外叫左個法式牛油雞翼, 超好味, 好香牛油味~~~

「錦麗」為越南人氣牛肉粉品牌，創立於1970年，40多年來專注製作牛肉粉，在越南嚮負盛名，湯底更以多種材料精心熬製，味道清甜、醇香是其靈魂所在，深受當地顧客及來自世界各地的遊客歡迎。正受到如此多人讚美，我便決定今晚一嘗此美食。 號稱胡志明市最好食的越南湯河- 錦麗，在2017年11月前正式登陸香港。在香港有多間分店，其中一間在大埔超級城。 一入座就附上了芽菜九層塔用來配上河粉 生熟牛肉粉 生牛肉：彈牙爽口 熟牛肉的口感像牛腩，質感軟腍，牛肉味濃郁。食越南牛肉粉最重要的是湯底，真是可以"一湯定生死"呀！記得之前兩次來食，湯底都好美味，濃濃的牛骨牛腩味道，令我喝不停口，飲到直見碗底。 越式春卷上枱熱辣辣，外脆，黑椒味比較重 配上生菜、蘿蔔、醋，食多了也不會覺得熱氣啦！ 芽菜九層塔有九層塔，鵝蒂，青檸芽菜等，放多放少，悉隨尊便。芽菜比一般越南菜館的粗壯，味道更好。 5分為滿分環境: 5分 裝修具有越南風味衛生: 5分Wifi: --- 洗手間: ---空調：足夠，不會有熱及焗促的感覺味道: 芽菜九層塔  牛丸粉 5分 生熟牛肉粉 4分 越式炸春卷  5分 --- 涷鹹柠青柠梳打 5分賣相﹕4

綜合粉有齊生牛肉、熟牛肉同牛丸。碗粉上枱時，生牛肉已經熟咗八成，只會見到好少粉紅色，所以怕血淋淋的朋友唔使擔心。牛肉浸吓浸吓，好快連粉紅色都消失埋。食之前自助落配料芽菜、紅椒。芽菜係肥仔芽菜，非常好；紅椒係完全唔辣。金不換同鵝蒂的份量實在少，唔足以令碗粉有香氣，叫店員俾多幾份香葉，店員亦冇托手踭。肉滑有肉味，長者都食到。牛丸彈牙有肉汁，有振興出品的感覺。湯，味濃，略鹹。食到尾，口渴感越重。店家不提供免費清水，配料就免費追加。

食物好食,但服務員態度差,好趕客!!我一家人(2大2細)在大埔分店食晚餐,坐一張圓枱(4人枱),因為小朋友細,有一個小小的空隙(只可坐到半個人位),他問我可否有一人坐入黎,我當然不想,我話不可,跟住他黑口黑面,送黎的食物很大力地放低!!

今日下午同屋企人試下，見間鋪空空地，企門口個陣店員見到我都無理，行到入去又係，第一感覺好差！ 坐低先知得幾款粉選擇，唔賣set全單點。叫左碗熟牛肉同生牛肉粉，好多牛既油鋪碗面，個粉真心無特別香或好食，就算想飲湯都飲左一層油。小食炸春捲同滴漏咖啡，中等無特別。最差係問男店員要杯水，佢勁 大 聲話我地呢度無水供應！ 即刻覺得難堪！好似乞佢咁！黑口黑面又無啲禮貌，無咩人食都既樣！隔離間牛角同元氣忙過呢間咁多，都無咁衰格。打開門做生意，基本野都做唔好，食物又唔係吸引，坐咁耐啲侍應黑口黑面咁耐，以後都唔會食！

前排已經見到開左間新野，但未有機會試！見佢標榜住胡志明市最好味嘅越南粉，今日行過可能仲早，唔洗等位，無理由唔試試佢!!😁menu內麵食唔多選擇，主打全部都係牛肉粉，好快已經揀中左“錦麗生熟牛肉粉” 😋碗麵一黎到，先飲啖湯，好清好香呀！😍張枱仲有張紙教你點樣加埋啲芽菜、九層塔、青檸落去碗麵度！生牛雖然係薄片，但牛味好重唔韌。熟牛就係大大舊啖啖肉嘅牛腩，炆得好腍好入味！河粉索哂啲湯汁真係無得輸，另外要提嘅係牛肉份量多，食哂啲粉都仲有牛淨呀！👍🏻

由帶位到落單完全冇service，舖細客不多一樣可以溜單，經理不跟進，生牛肉河上抬是全熟的...完全唔值呢個價錢....保證只此一次，絕對隨便一間越南菜也不會這樣，垃圾

因為鐘意我好鐘意食河粉，特登今日早去排隊買外賣食。買左大部份客會簡既綜合錦麗粉。打開食有好開胃既青檸加落粉更好味。牛丸食落牛肉味香濃，湯都幾好飲。不過食完無好飽既感覺。

星期日12點左右，想隨便吃個午餐，剛好見到錦麗少人排隊就入去了。本來想食生牛肉粉，唔小心劃錯左，但落單個侍應攞左張點餐紙就走，沒有同我覆單。碗粉黎到時才發現錯左，個侍應攞住張點餐紙話係我自己劃錯，我唔太認得佢攞住個張點餐紙係咪我劃個張（剩係寫個「1」字點知係咪自己劃個張 ＝0＝），但費事煩所以話應該係自己劃錯，但補充左一句因為侍應程序上都無做覆單這一動作，所以希望換返換粉。但佢地堅持唔換，咁我咪話「咁算啦」，諗住快快脆食完走。點知個侍應仲不依不饒，大大聲咁話「係我地錯一定換返點點點」。真煩。講真一句，錦麗d野，份量少過人，價錢貴過人，係貪下新鮮啫，以後我都係去茶記快餐店好過啦，起碼人地都唔介意換返比我，就算唔換，都唔會係度「阿支阿左」

大埔錦麗分店開左一段時間，支持者一直都好多，今日繼開張後再幫襯，感覺比初開業味道有d退步左。今日叫左一個錦麗綜合粉，內有牛丸牛腩同生熟牛肉。湯頭淡左些少，但牛骨味依然好重。食既時候一定要加餐廳提供既鵝蒂、九層塔，真係會有錦上添花既效果河粉唔會一餅餅，有口感，條條分明今日仲叫左一個炸春卷，出奇地好好味。春卷炸很好脆，但因為用左米紙，又有少少煙韌口感，但略嫌有少少油，整體85分，推介

錦麗環境：👣👣👣食物：😋😋😋態度：😊😊😊性價比：👍👍雜錦牛河粉（牛丸，牛腩，生牛肉）：62法式牛油雞翼：34燒雞肉米紙卷：28椰青：36凍滴漏咖啡走煉奶：28（熱：25）環境方面，似越棧咁囉，平日夜晚8點幾都仲要排隊等位，但都會問您想唔想搭枱。食物方面，容許我列點：椰青：甜既燒雞肉米紙卷：我去七仔買個燒雞肉三文治我諗會好d，反正雞肉味一樣，其餘既，點完汁都無味，雞肉又少。法式牛油雞翼：鄉土風情我真係識條鐵，點估到法國人鍾意牛油浸d炸硬左，然後面頭加d蒜蓉既雞翼姐。不過佢入面d雞肉juicy既（應該唔係牛油吧），味道偏淡少少。雜錦牛河粉：似清湯腩加牛肉同對半既牛丸，牛腩好食既，好稔好入味，肥瘦平均，牛丸好爽口，生牛肉都ok既（因為我唔識形容）<份量比較少，岩細食既女仔>滴漏咖啡：咖啡好香，可惜應該烘焙過左龍，d咖啡乸喉，好浪費😩（最後我係熱飲，因為突然記得唔飲得凍野住）態度方面，ok既，係有一個女侍應講既聽唔明，聽左幾次都聽唔明，然後有另一個侍應幫佢講，但整體都ok。250蚊食呢d，我自己就覺得無下次了，可能其他野好食，或者齋食河粉會好d？

仲記得開業果日勁多人排隊!其實我都好想試，不過其係無依個時間排之後過左兩三個星期人流少左好多就的起心肝同細佬去試店內環境好靚，職員既態度都好有禮貌，面泥左之後又好詳細介紹點食法。八層塔都俾左唔少，滿足都中意依八層塔既我湯頭真係好清好香，無味精，牛肉都唔錯，面就有少少腍，可能係個人口味啦~自己中意有口感少少，不過比起其他普通越南河好味好多，食得到係有落工夫既。不過個人覺得最好食既第一名始終係Melbourne既越南河haha可能係因為澳洲牛肉靚啲啦！

正事先說。法式牛油雞翼超好食，外皮超脆，炸得很Juicy，很邪惡但很好食。 小米糕，未食過可以一試，蠻特別，但食多會有點膩。上枱時覺得擺碟蠻漂亮。牛肉粉也很好食，牛肉算放得很多，厚厚的，味道很好，湯底也很好喝，是物有所值。大蝦扎肉米紙卷，味道不錯。服務生有禮，而且沒有加一服務費，但要有排隊的心理準備，雖然很多食客也是食完就走，但因為店內位子不算超多，所以繁忙時間還是要等一會。食物質素是值得再光顧的。