錦麗 (東薈城名店倉)

Open Now

Now Closed

悶悶地同朋友去東涌東薈城Outlet 睇下有咩買行到攰諗住簡單在7樓 Food court 搵食，見到“錦麗”越南菜諗起之前在德福食過幾好食，座在充滿越南色彩裝飾,掛住竹製吊燈環境寬闊座得舒服 D😍蟹肉牛油果香芒沙律🥗新鮮沙律菜上擺滿香芒/牛油果/蟹肉/蕃茄/紫洋葱,再配上甜甜酸酸沙律醬汁,清新特別開胃😁酥炸軟殼蟹🦀炸得鬆脆香口薄薄粉槳包住軟殼蟹,完全保留蟹嘅香味又唔腥.錦麗生牛肉粉🥩🍜個人喜歡揀金邊粉配生牛肉,牛肉嫩滑有牛味,湯底係牛骨清湯好味.小食自由選1 款$27 /2 款$48/ 3 款$62越南蔗蝦(2 件)🦐蝦肉包住甘蔗炸,蝦肉有甘蔗鮮甜味爽口彈牙，再蘸上甜酸醬更加惹味👍脆皮牛腩(2件）脆槳粉包住牛腩,炸得香脆淋滑鎖住牛腩肉汁👍原個椰青冰凍清甜超正👍椰青椰汁糕香滑濃香椰汁味，有少少馬豆碎醮小小椰奶更昇華👍椰青糕清新爽口唔太甜有椰青肉👍

今日放假入咗東薈城名店倉行街.行到有啲攰上咗七樓搵嘢食.見到我最鍾意食嘅越南菜。錦麗越南菜粉麵.地址喺東薈城名店倉7樓703號舖。餐廳地方闊落.裝修整潔.感覺舒適。去到餐廳啱啱兩點半.有下午茶餐.性價比高生牛肉粉跟 輕盈越式沙律.加蒜蓉牛油雞翼飲越式滴滴咖啡（熱） 生牛肉粉牛肉好滑.牛肉味香濃.拖一拖熱水由紅色變到啱啱好食得.口感特別嫩滑. 配上香蔥洋蔥湯底清甜.真係好好食。牛油雞翼真係不得了雞皮煎到金黃色.雞皮脆卜卜 .非常香口惹味.入邊嘅雞肉仲係好嫩滑好juicy.滴滴咖啡味道香濃.入口甘香.咖啡味濃鬱。炸軟殼蟹.炸到好香脆.入口鬆軟.蟹味鮮甜.火喉控制得啱啱好。越式蔗蝦.蝦餅爽口彈牙味道香甜.加上蔗香味令到蝦嘅鮮味更加突出。蟹肉牛油果芒果沙律.賣相勁吸引.芒果同牛油果清新嘅香味配上沙律菜.入口特別開胃醒神。嚟到東薈城下次都會幫襯呢間越式餐廳.無論價錢同埋食物質素都做得好好。

🔸🔹【 錦麗 】🔹🔸⋄ —————⧫♟⧫————— ⋄近年好多餐廳進駐東薈城，今晚就試吓呢度嘅越式餐廳「錦麗」，食返碗Pho，一嚐越南風味🇻🇳點咗「風味二人套餐」，已經包含我哋想食嘅「特色小食拼盤」、兩款主食及兩杯飲品，勁抵❣️🍤特色小食拼盤包含：法式蒜蓉牛油雞槌、金絲網蝦春卷、越式䉀蝦、香茅豬扒🐷 全部即點即炸，金黃香脆，賣相吸引，幾乎每枱必點，真心推薦💯🐂胡志明綜合粉 湯底用牛骨、牛坑腩、八角、桂皮等慢火熬製，湯清味醇，陣陣牛香☺️ 鋪面係澳洲肉眼生牛肉、炆煮到勁軟腍嘅本地牛坑腩，仲有爽口彈牙嘅牛丸，掂🏅總裁霸氣粉 用咗安格斯牛小排、牛尾同牛筋，加上每日鮮熬23個鐘嘅牛骨湯底，仲配有鮮炸油炸鬼，超級豐富，唔怪得知連個名都霸氣過人😍🍅越式蕃茄蟹膏湯檬粉越南名稱叫「Bun Rieu」，係越南人好鍾意食嘅地道湯粉，湯底以番茄🍅、蟹肉🦀、蟹膏製成，勁香濃🤭冬天食份外暖笠笠❤️‍🔥🥥越式椰青椰汁糕口感清爽，味道香甜，仲食到椰子肉，淋埋椰汁上面，真係好正👏🏻⋄ ┄ ┄ ┄ ┄ ❖ ┄ ┄ ┄ ┄ ⋄▪️◾️風味二人套餐 ◾️▪️（$246）🍤特色小食拼盤🐂胡志明綜合粉 - 河粉 走芽菜 🏅總裁霸氣粉 - 河

東薈城去outlet掃貨之外 都有好多餐廳美食選擇7樓food court隔離都有間食越南嘢 特色小食拼盤金絲春卷 牛油雞翼 香茅豬扒 甘蔗蝦呢個啱晒同口味嘅人 裏面多款小食任君選擇香茅豬扒雞湯金邊粉金邊粉柔軟易入口 豬扒有嚼勁 湯底以清雞湯為基礎 豆芽、蔥花 香茅 洋蔥、大蒜 有需要可以問店員拎青檸辣椒粒錦麗生熟牛肉金邊粉牛肉片可根據個人喜好來選擇牛肉熟度如果選擇生牛肉，牛肉會在熱湯中稍微煮熟 仍然保持著柔嫩的口感熟牛肉嫰滑 一碗麵食兩種牛肉口感馬拉盞時蔬馬拉盞好惹味 微辣鹹鹹地越式蔥油雞翼 蔬菜春卷 蒜蓉牛油雞翼 大蝦扎肉米紙卷 家鄉魚餅 幾款小食各有特色 有啲跟餐加$9就有一份叫多幾份都唔會肉赤

東薈城聖誕裝飾是藍精靈做主題，我同朋友去打卡影相，搵左一間位於二期頂樓的錦麗食越南野～錦麗裝飾好有越南feel 同用左好多越南元素，未食野前已感受自己係越南咁😂晚市有二人套餐$246都幾抵食，包括兩個主食（可選）、一個小食拼盤、加兩杯特色飲品主食，我哋都選左兩個麵錦麗推薦的安格斯火車頭（+$30）4種不同類型牛：牛丸、牛小排、熟牛肉、牛筋，仲有扎肉，首先湯底好香有濃濃牛味，河粉是幼，不會太淋，牛丸牛小排熟牛肉好吃，牛筋超大一片，以為會好韌，但吃上去好淋，好吃😋 扎肉也是大大一片，應該有加黑胡椒，吃上去口感更豐富越式蟹肉餅蕃茄湯檬粉 （+$8）蕃茄加海鮮味湯底好開胃🤤，注意這個是檬粉，類似粉絲口感，肉餅也好吃😋特色小食併盤有金絲網蝦卷、越式庶蝦、越式蒜蓉牛油雞鎚、香茅豬扒金絲網蝦卷：外面炸得超脆，好香口，裏面嘅餡打成蓉越式庶蝦：佢既造型好似日式雞棒，但本身以為中間是木棒，原來是庶來的，好特別，口感也是香口好吃越式蒜蓉牛油雞鎚：蒜蓉牛油嘅配合唔會輸，雞鎚炸得剛剛好～香茅豬排：也香口好吃兩杯飲品以為得凍檸茶凍咖啡選擇，仲有幾款免費有特色飲品，好有誠意，我選左玫瑰龍眼茶，我朋友就加錢試香芒生椰

今次行到東涌，就忍唔住要幫襯下間新開嘅*錦麗*餐廳吖！入面環境整齊清新，坐落落都舒服。首先，我叫咗個生牛肉小粉，啱啱好我鍾意嘅腍身牛肉，一啖落去嘅嫩滑仲有少少冰涼，真係解暑得嚟過癮！湯底清澈，飲一口已經覺得滋味十足，重點係唔膩！再黎我地試咗酥炸軟殼蟹撈檬，佢個蟹呀，外皮鬆脆得黎又保持住肉嘅鮮甜，每一啖咬落去，都有一種"卜卜聲"咁滿足。小食拼盤嘅法式雞翼真係"又香又滑"，搶晒鏡！餐廳仲有特色嘅主打小食——脆皮牛腩同椰青糕，兩者都靚仔到唔捨得食。牛腩嘅皮炸到啪啪地，食落去口感對比分明，真係惹味到暈！而啲椰青糕就軟熟香甜，口感細膩，個個都話讚。總括來講，*錦麗*真係一間物超所值嘅餐廳，食物新鮮美味，仲要份量足，值得推薦俾想搵平靚正好去處嘅朋友們。下次行過東涌，記得要試吓哦！🍜🥢💖

遊覽大嶼山大佛後到東涌醫吓個五藏廟，東涌(錦麗)食越南美食愛吃牛🐂者更佳選擇。❣️安格斯火車頭🔹牛肉鮮嫩多汁🔹牛筋軟滑🔹牛丸爽脆彈牙🔹扎肉口感柔軟值得一提湯底超級濃郁好飲👍👍❣️越南咖哩牛筋腩飯牛筋腩軟嫩，入口即化。咖哩汁濃稠，帶有椰奶的香甜味道，還略帶香辣味，非常惹味😋❣️特色小食拼盤🔹雞翼皮脆，肉質鮮嫩多汁🔹蔗蝦爽脆彈牙，蝦肉鮮甜🔹春卷酥脆，搭配著甜辣的沾醬好惹味🔹蔥油豬扒外酥內嫩，蔥油的香氣與豬肉的鮮甜完美結合❣️酥炸軟殼蟹外層脆脆的口感，蟹肉則保持了鮮嫩的質地，每口都充滿了蟹肉的鮮美和酥脆❣️越式椰青椰汁糕🔹椰汁糕帶著濃厚的椰香和軟糯的馬豆味道，口感細腻綿密，入口滑順🔹椰青糕帶著淡淡的椰子肉香氣，糕點甜度適中，不腻口，而且帶有椰青的清涼口感❣️越南滴滴咖啡味道帶有微甘的滋味，搭配上濃厚的咖啡香，口感濃郁順滑，帶有微妙的酸度和香甜的尾韻❣️玫瑰龍眼茶茶水中融入了玫瑰花瓣的香氣和龍眼的甜味，口感清爽順滑 ; 這道茶讓人喝後感到舒緩和放鬆

平時行東薈城都好少搵食，今次行街行到好累，一定要搵好野食先得。上咗去food court個層，見到有錦麗，就衝咗入去食。之前又去其他區食過，都係質素保證。兩個人點左個風味二人套餐😆飲品點左椰青同香芒生椰乳，唔會太甜，剛剛好，又夠凍，好爽！主食有安格斯火車頭，呢度食火車頭其實無得挑剔了，性價比好高既越南菜，湯頭夠甜，牛肉夠軟身又入味！另一碗係越式蟹肉餅蕃茄湯檬，又係甜甜入味之作，食親越南粉都離唔開呢兩個大類別。特式小食拼盤（有四款呀，二人餐，每人有一件：春卷、炸蝦條、豬扒同雞翼），炸物都無咩特別出唔出色，都係水準之上。跟住又係眼闊肚窄，追加脆皮牛腩同甜品，牛腩創新煮法，都幾特別，外脆內軟，肉夠軟身，有鮮明口感對比，相比之下甜品就無咩特別了😀

行完東薈城outlet，晚飯時間見到有人排隊，自己都好奇想試下，餐廳裝修好開揚又光猛，座位都好多，夠闊落🤓📌除咗單點外仲有套餐揀，食物同飲品款式都好多，係法式加越南嘅fusion菜式🔺胡志明綜合粉 ($82)綜合粉有生牛肉、熟牛肉、牛丸，牛肉好腍，牛丸彈牙多汁😊牛骨湯底飲落真材實料，唔係味精湯👍🏻🔺總裁霸氣粉 ($90)入面冇安格斯牛小排、牛尾、牛筋、油炸鬼，牛小排肉質好嫩，牛尾牛筋都好腍🤤油炸鬼炸得好脆，浸落湯底吸哂牛肉湯精華💯🔺牛油果米紙卷 ($46)牛油果好新鮮，外皮煙韌😋🔻牛油果生椰乳 ($36)新鮮牛油果配埋椰汁味道好夾好新鮮🤩🔺蒜蓉牛油雞翼 ($48)雞翼炸得好脆，雞肉嫩滑，蒜蓉同牛油味都好香👍🏻🔻越南雞蛋咖啡 ($38)咖啡好香滑，加咗焦糖雞蛋撈均飲中和咗苦味🥰➡️整體 Lamlam脷指數 😋😋😋😋 (4/5)➡️整體評價: 有驚喜嘅越南菜，款式搭配好新穎，味道都幾好🥰➡️ Encore指數 ⭐️⭐️⭐️⭐️ (4/5)

果日臨時要入去逸東商場做嘢，做完嘢兜咗個轉，好似冇乜特別嘢想食。咁我出返東薈城先醫肚。諗咗陣都幾耐冇食過越南嘢。原因係自己去過胡志明市。印象麻麻地。就算肯俾錢去食貴嘅法國餐都唔好食。local嘅嘢就真係冇乜味。又冇乜款式。所以本身對越南菜嘅印象都一般般。俾個colorful嘅餐牌吸引咗。晚餐都係唔好食咁多澱粉質。所以我哋揀咗小食拼盤，牛油果米卷，咖喱牛腩，軟殼蟹同埋一個糯米甜品。個小食拼盤真係幾好食，有雞翼有豬扒有春卷，仲有蔗蝦。呢個真係不得了。唔係好多地方仲有蔗蝦。最出色，係個軟殼蟹。佢幾十蚊嘅價錢比兩隻軟殼蟹你。都幾抵食。咖喱牛腩飯就普通。但係係好食既。牛油果米卷係淡口嘅。原來咁樣夾都OK。 有少少後悔太早嗌咗個甜品。攤喺度。影響咗佢個口感。整體嚟講我覺得呢一餐幾個餸都幾好。約朋友吹水食飯，咁咪都係一個唔錯嘅選擇。

越南野一直係我其中一個favourite~同朋友嚟，緊係叫個小食拼盤share先啦～佢哋嘅越式小食拼盤真係好好味，入面食物款式好多，炸物又香又脆～好好食，小食仲叫咗越式雞式牙車快沙律。雞肉煮得好嫩，拌埋沙律蔬菜同醬汁，好開胃！另外試咗安格斯火車頭河粉，安格斯牛肉十分嫩滑，hq加埋同滑溜嘅河粉，湯汁鮮美濃郁，好好味令人想再食多幾碗。煎蛋香茅豬扒飯都好好食。豬扒煎到金黃色，外脆內嫩，同香茅嘅香味結合得好好，煎蛋流心，全部野配合得好好，好滿足！飲品方面推介呢杯咁靚嘅香芒生椰乳，椰子同芒果嘅組合好完美，又唔會過甜～

是日番工超級忙 忙到無時間食lunch放工餓到爆 決定黎食之前想試好耐嘅錦麗目標係二人餐😤😤💪🏻二人餐嘅主食好多野揀 基本上係主餐牌有嘅都有 唔係局限左得幾款👍🏻揀左安格斯火車頭同蘭茄蟹肉餅湯檬個餐已包小食拼盤 都好似幾多野食不過想食多啲菜 所以加錢要碟菜同叫多個沙律🥗補番中午果份！野食都好快黎齊 我唔客氣啦 yeah火車頭係男朋友食 佢話安格斯幾淋幾有肉味我個湯檬就好多蟹肉 食極都仲有 幾足料湯底都好多蕃茄碎 唔錯👍🏻餓過鬼嘅我非常期待小食拼盤🥹有春卷，蔗蝦，雞翼同豬扒豬扒係有4件 兩人分好足夠豬扒都幾好唔係超級乾果種 跟住到蟹肉牛油果芒果沙律🥗又係有一大scoop蟹肉🤤加埋芒果牛油果So fresh 岩晒食完炸物清爽一下同埋薏米水，咸檸青檸水即刻下火無事啦 hahahah 食完飽晒 滿足😌！

今日放假約咗朋友去東涌東薈城名店行街,呢度啲outlet買衫特別平,地方又大交通又方便。行到有啲攰上咗七樓搵嘢食,見到我最喜愛嘅越南粉麵。錦麗越南菜 ,呢間餐廳嘅食物一定有保證,分店好多,曾經試過喺元朗食都好好味。 酥炸軟殼蟹兩隻 66元軟殼蟹炸到金黃色,入口脆卜卜 蟹肉味香濃仲有少少蟹膏,香口惹味真係好好食。蟹肉牛油果香芒沙律 88元牛油果沙律望落去真係好吸引,味道清新芒果味道香甜,蟹肉嘅鮮味好突出同牛油果嘅味道好配搭。清新開胃。錦麗生熟牛肉小粉,配金絲網蝦春捲,越式蔗蝦,蒜蓉牛油雞翼,越式蔥油雞翼 ,新鮮椰青 131元牛肉非常嫩滑,牛肉味香濃,配上小粉真係成碗湯汁飲曬。越式蔗蝦,蝦肉爽口彈牙吸收咗蔗汁嘅味道令到有個鮮甜嘅香味。牛油雞翼煎到啱啱好外面金黃色,雞皮吸收咗牛油嘅香味,雞肉仲係好嫩好juicy。椰青夠晒凍，又鮮甜，一個真係唔夠喉

嚟到東涌太多餐廳，唔知食咩好！見到呢間好耐之前喺元朗食過嘅連鎖越南餐廳，就決定去食返個越式湯麵先～錦麗牛丸粉 HK$78特製嘅牛肉湯飲落去好清甜，鮮味十足！牛丸好彈牙！麵方面一前都係食河粉，今次就食下金邊粉，金邊粉掛湯能力冇河粉咁高！胡志明綜合粉 HK$104原來朋友之前從未食過呢間餐廳，所以就叫咗呢碗，貪佢可以一次過試哂唔同肉！有生牛肉、熟牛肉同埋牛丸！啲牛肉肉唔會太韌，重牛味！朋友都話下次再嚟試下其他湯麵先！

點了蟹肉牛油果香芒沙律作為前菜。蟹肉份量多，芒果鮮甜，配上酸中帶甜的醬汁，消暑又開胃。兩個人可以選風味二人套餐，從菜單中點選主食和飲品，就一次過可以品嘗多款拼盤小食。特色小食拼盤有蔗蝦，蒜蓉牛油雞翼，香茅豬扒和金絲網蝦春卷。蔗蝦是四款小食中最有特色的一款，蝦膠爽口彈牙，蔗汁豐盈，令蝦膠充滿蔗香。蒜蓉牛油雞翼也炸得熱辣辣，外脆內軟，雞翼醃得夠入味，牛油配上蒜蓉份外香口。安格斯火車頭河粉有齊牛小排，牛筋，扎肉，熟牛肉及牛丸，一碗可品嘗多款滋味。湯頭鮮甜濃郁，升級了的牛肉肉質軟嫩，鬆化易咬開，肥瘦也很適中。牛丸多汁彈牙，牛味香濃，咬下去會滲出啖啖油香。越南咖哩牛筋腩飯有驚喜，有辣度選擇，可以點選不加辣油，朋友怕辣也覺得容易接受，咖哩椰香味濃，牛腩也軟嫩多汁。識食一定食牛筋！豐富的膠原蛋白令牛筋富有嚼勁和彈性，吸收咖哩汁精華後更惹味。越南滴滴咖啡上桌後等待五分鐘左右，待所有的咖啡滴入小杯後，和杯底的煉乳攪拌好，再倒到已加冰的大杯子裡。煉乳平衡了咖啡苦澀的味道，香醇得來也很易入口。玫瑰龍眼茶甜度剛好，還有幾粒桂圓肉，熱飲中較有特色的選擇。