越式PHO車頭

Open Now

Now Closed

之前經過已經想試，間舖幾靚，見價錢又唔貴。今日有同事揸車就約埋一齊去食，有免費泊車，又無限消費額，又可以充電🔋。午餐價錢合理，見賣相唔錯，跟餐有好多款飲品選擇。今日下午天氣暖返D，試下撈檬先，出嚟賣相唔錯，加上甜甜酸酸汁，味道很好，份量十足，夠哂食。另外兩個同事都係叫撈檬，佢哋都話ok。有同事叫左火車頭，貪佢多款餸，食落湯底味足，有牛味，各款餸都好食，湯夠熱。埋單每人都係$75蚊左右，都抵食，環境好，坐得舒服。

使用正宗越南咖啡滴漏方法，完全感受到越式咖啡風味。大頭蝦淆製而成的蕃茄湯底，酸酸甜甜、鮮味十足，配上無限任添檬粉，食唔停口。藥材味剛剛好，不會太燶，必食推介。去越南餐廳必點之一PHO，而PHO車頭特色湯粉-什錦火車頭PHO內含生牛肉、牛丸、牛柏葉、牛坑腩，喜歡食牛嘅人必點之一。環境舒適，很舒服的設計，同朋友傾計坐了一個下午食物質素及價錢性價比極高，環境舒適優雅，坐得很舒服，同朋友食午飯坐了一個下午非常舒服。食完飲越南咖啡同朋友傾計暢談，非常開心。真係一個約朋友食飯的好地方。

服务態度👎🏻：星期日下午5點幾一個客都無，我哋兩個人系門口望吓望吓，啲侍應一個坐系b a r枱，一個坐係角落位，全部都玩緊手機😞，無人注意到我哋！咁我哋自己行入去，同係bar枱侍應講2位，佢叫我哋自己找個位坐，之後佢就繼續玩手機😂！食物質素🙁: 叫咗一個生牛肉湯粉、一個雞絲扎肉粉（$88/餐，包一杯熱飲，假日價錢），個湯好鹹，超味精湯，返屋企要不停飲水解渴！飲品叫咗熱咖啡，完全唔熱，只有微温，份量又小。全程幾個侍應圍住吧枱不停傾計，服務實在需要大大改善！基本上，唔會再去！中伏一次已夠了！

星期五晚8:30去到將軍澳海旁，兜咗商場一個圈，見到呢一間新開裝修幾靚嘅越南餐廳，睇一睇餐牌，喺商場入面價格算相對便宜，於是就入咗去。入到去之後見到精緻嘅裝修🫶🏻🫶🏻，座位坐得相當闊落，仲有室外嘅位置可以帶狗狗嚟坐。我哋叫咗雞翼湯河同埋豬扒撈檬，同埋兩個椰青，野食上得好快。雞翼湯河🍗: 推介✨✨✨✨✨第一樣嘢要讚嘅係雞翼同湯河分開上👍🏻👍🏻湯底好有味仲有啲辣椒提升個味道非常之有驚喜。雞翼係新鮮整嘅 外皮香脆 入邊多汁 食落去熱辣辣非常惹味😙連平時對雞翼好有要求嘅朋友都話好好食豬扒撈檬: 推介✨✨✨✨撈檬有好多蔬菜 連埋檬粉一齊食口感層次好豐富 豬扒都醃得好有味 本身我以為豬扒放喺凍嘅撈檬上面會凍咗 但係原來唔係👍🏻👍🏻都係熱辣辣嘅😆😆😆好味 份量都幾多一定會回訪!!!! 明明食物質素裝修咁好都唔明點解冇人食🥺🥺🥺 難得海旁有性價比高嘅嘢食 大家多啲幫襯

呢間越南餐廳都唔錯， 我哋叫咗粉包，咖哩牛腩飯，燒雞和雞絲湯河， 阿仔話牛腩好好味好腍，佢竟然食曬啲飯， 佢話啲咖哩汁都好味，燒雞好香好多汁唔乾身， 我最鍾意食個粉包裏面好多餡， 雞絲湯河個湯底都好好飲， 我老公話因為有味精啫，激死！

態度差唔會再幫襯！！開業無耐去咗幫襯，book咗8:00枱。我哋一行三個人8:15分就落咗單，點知等到8:35個侍應嚟話我哋知，我哋order個4樣嘢有2樣都無。因8:30 last order 關係，所以都無得再落單（入座時無講過8:30 last order）。爭拗一輪後，佢哋又比我哋落翻order。我哋就叫翻2樣啦，到8:45又話我哋order其中一個又無哂😅 最後9:05分到先嚟齊所有嘢食。喺用餐途中，因為soft opening 老闆都在場。佢眼見我哋食得好唔愉快，但佢就坐喺我哋隔離枱掛住同佢啲朋友吹水，餐廳嘅 service 同廚房都就快做到冧檔佢都無幫手，坐咗咁耐水都唔比杯我哋 😅😅我哋就同佢反映，佢啲態度好友善嘅～ 不過佢話「我都知你哋食得唔太開心，你都會周圍同身邊嘅朋友講唔好嚟幫襯。咁我哋都無所謂嘅！！😊」我聽到呢句都呆咗 😅我諗住佢哋啱啱新開張，搞到七國咁亂就體諒佢哋，比多次機會啦。隔咗一個月去，因為我哋拖住狗仔嘅關係，所以要坐室外嘅枱。今次叫乜有乜嘅，不過我哋食完餐飯要我哋出聲先問比杯水我哋，仲要外面30度比杯熱水我哋😀😀😀我哋決定以後唔會再幫襯，都分享咗呢個經驗

住附近食過兩次，開張果日比較少客，任坐，食物唔算貴又幾好味，有啲甩漏但見新開可接受，所以都有encore再去，點知第三次就出事啦頭兩次係三個人去可坐卡位，今次兩個人去佢話唔准坐，叫我坐最入玻璃窗果排，心諗果張檯點放到兩碗野同野飲呀？單人檯黎wor😅其他檯又放左reserved 牌，咁我行返出去諗住再等吓位啦，後面就黎左對外藉夫婦推住架bb車，佢又安排到個卡位wor，下？bb唔order野食咪又係兩個人落兩個order🙄個bb仲係好細個，連bb櫈都未坐到，要瞓響b車，咁我下次帶隻狗黎坐住車係咪又坐得呢？既然唔憂做咁算囉，走上樓上食日本野仲平，個view又靚啲，果頭其實選擇多的是

今次是第二次光顧。上一次已經知道服務一般：點了粉絲，但送錯河粉；點了凍奶茶，但忘了給糖漿。但食物質素算正常，所以決定再次光顧。可惜今次真的失望了。點了凍奶茶，再次忘了給糖漿，明明客人並不多…………三位員工在玩電話多…….不要緊，還是對《燒草飼牛柳》有點期待。餐牌寫了需時20分鐘，等了30多分鐘還未到，擔心漏單，問一問，但職員沒甚多表情說「無漏單，整緊，要等40分鐘」，即時呆了，餐牌不是寫20分鐘嗎？怎麼成了40分鐘，而且態度亦不特別禮貌…..最後等了差不多45分鐘.……不要緊，假如食物質素好，還是值得等待的。可惜賣相差，份量少，而且食物完全不夠熱，翠玉瓜更是涼的……..我仍抱著一絲希望，但求主角牛柳是好吃的。可惜換來的只有更失望。牛柳完全沒有牛味………肉質是「鞋」的，比湯渣更沒味道……..而且份量真的很少。《燒草飼牛柳》可以不用再點。

昨天在附近買了韓國食物後，無意間發現旁邊竟然變佐家新越南餐廳！餐廳裝潢同菜單價格同樣親切合理；個人很好牛肉湯檬粉，當日就即襯下午茶時間試下。獨自到訪點了火車頭檬粉；貪佢樣樣有D。我對湯底的品質非常講究，這次的湯頭味道個人認為都對版；符合心目中正宗的濃郁牛味。我估個湯底都係用真正牛骨黎熬製。埋面牛肉丸和牛腩都富濃厚牛肉味，非常嫩滑。唯份量上雖改善吓；唔係幾夠食！只好再點炸春卷。剛做好熱騰騰的，外層脆皮有著酥脆的口感，再配合出豐富柔軟的餡料，味道也非常美味。值得下次再約人去Encore!

見海天晉開左新餐廳，仲要係越南野唔會太貴，平日放工時間去試試，入去門口侍應請隨便坐，我就揀左較入位置，正打算坐低時，另一個伙計突然大聲呼喝話唔坐得，差D比佢嚇死，佢完全無解釋就走左去，之後我搵返門口伙計安排座位，後尾發現原來唔比坐既位附近影緊食物相，所以都算數。餐牌好多相都唔齊，或者就係要影相放餐牌。叫左兩串雞牛串燒 + 牛油果米紙卷 + 牛丸湯粉串燒: 成間鋪得幾枱客，理應即叫即燒，點知黎到唔熱既，只有微溫，最過份係雞肉裡面係生既，已經咬左一啖，即係叫廚房再整，伙計反應平淡，感覺已習而為常，一句唔好意思都無，幫入廚房見到大廚係兩個感覺個樣唔太想做野既伯伯。米紙卷: 塊皮靱過橡筋，我同太太都咬唔到，淨係食左D涵，涵係正常既。牛丸湯粉: 未食過甘難食既粉，完全無味，難食過難食既杯麵，牛丸係好普通質素差既級數。米紙卷同串燒係用木板做碟，好普通會吸水既木材，感覺好DIRT，幸好新開張無耐，應該唔係好多人用過。服務差、勁難食、永不再幫襯 !

將軍澳係多咗餐廳嘅，不過海滂嗰邊啲餐廳都係啱食午晚餐多啲，想搵地方食個平平地嘅下午茶真係唔易等小朋友放學，喺附近嘅海天晉匯行來行去，終於見到呢間越南菜有平平地嘅午餐，即刻入起坐低叫咗越式豬扒撈檬、熱奶茶。豬扒炸得乾咗少少，檬粉份量甚多，叫咗少粉都仲好多，男人一定好夠飽！$48嚟講，算係咁啦…如果佢做埋下午茶就好了餐廳佈置幾靚，窗邊位係打卡位，幾舒服。