越南牛肉粉專門店 (Under Renovation)

侍應態度惡劣的一間餐廳! 如果唔係因為要去 D2 攞選手包, 都好少去荔枝角! 本來諗住試下樓上小店,  Book 好晒位, 餐廳都有打嚟 confirm booking, 點知去到竟然無開門….殘念! 喺豪無心情的情況下, 落返樓是但搵間餐廳食, 點知….唉….午餐可以另加小食, 我哋一行三人order 春卷 (寫明有3條) & 越式粉卷 (半份)? 我哋唔知何為半份, 咁梗係要問清楚啦!侍應 : 餐牌後面應該有相 (搵到張相), 張相係一份, 半份即係一半 lor….我們: …..咁香芧豬扒同牛丸呢? 侍應: 即係一份既一半 lor….我們: …….(已經無言了) 圖片唔係只供參考之用咩?侍應: …….(走左)….講番嘢食喇, 天氣熱三人都食撈檬, 配料多, 望落好似好大碗, 其實底下全是菜絲, 於女仔剛好, 男仕可能唔夠飽! 豬扒炸得香脆少少乾, 唔完美但可接受! 醬汁有一小碗, 偏甜! 

每次經過都好想試下，今次有機會了，坐位寬闊、舒適，我們叫了2個套餐C：扎肉木瓜絲沙律；木瓜絲很爽，吸了甜酸汁，酸酸甜甜好野味👍香茅雞翼湯粉；雞翼不乾多汁，但比較咸😐香茅豬扒飯；豬扒炸得太耐，肉比軟硬和乾😓水晶香茅牛肉米紙卷；如不加脆捧會更好🤔涼粉綠豆冰；綠豆和涼粉太少，味道還可以😐

位置荔枝角 D2 place two 對面地鋪附近唯一既越南餐廳 下午茶都幾抵食 選擇幾多而且味道都唔錯叫左個生牛肉湯檬香茅雞翼飯 跟餐有餐飲加錢可以有 小食推薦叫春卷 系即整既依樣幾好

餐廳位於工廠區，平日一至五嘅午飯時間都好多人排隊，見星期六少啲人就去試一試。打開餐牌，見到好幾款套餐組合，可以任選一款指定主食配搭一款小食及或餐飲。食物款式都幾多，湯粉、濛粉、飯同越式法包都有，我地兩人各自叫左招牌套餐($65)。熟牛肉河湯底有別於一般以咸味為主的湯河粉，味道甜甜地，感覺清新無咁重口味。不過牛腩肉質相對硬身同多筋，有點失色。香茅豬頸肉撈濛豬頸肉肥瘦適中，燒得幾香口而且食落彈牙有肉汁，味道唔錯。濛粉份量都幾多，好抵食。跟餐小食加3蚊叫左蒸粉卷，即蒸粉卷熱辣辣上枱，皮薄餡多而且好滑，入面係惹味肉碎，味道幾好。香茅雞翼跟餐唔使額外加錢，煎炸得比較油膩，香茅味唔喺好突出，不過不失。餐飲叫左一杯越南咖啡同龍眼冰，咖啡雖然細細杯但好濃咖啡香，味道偏甜，幾岩女仔口味。龍眼冰相對清淡啲，不過勝在真材實料，落左好多龍眼肉去沖。

間中星期六日會到荔枝角D2 Place行手作市集，行完街都會在附近吃晚飯。食了兩三次這間越南餐廳，都幾有質素餐牌中有不同的套餐，分別在於飲品種類和有沒有小食我就揀選了set C，生牛肉河，椰汁冰，炸春卷牛肉份量很多，我很怕吃到有很多脂肪的肥牛肉片，而這個牛肉片就是偏瘦，我十分喜歡。河粉亦都很爽，店員會問你要不要芽菜才送上，我覺得這個做法很好很惜食👍🏻👍🏻炸春卷也很香脆因為天氣比較熱，所以選擇了椰汁冰，椰汁味挺香的，沒有因為冰塊而沖淡味道。整個套餐$68 ，屬於中等價錢，但比商場的食肆較為便宜和有風味。上菜亦都幾快手，但是朋友的特色飲品就等得比較耐。總括而言是有質素的餐廳

星期日行D2 place對面食越南粉見到佢個碗好大食落去其實味道一般牛肉份量算多，但粉好少湯底完全係味精味，食落去完全唔似越南粉至於個杯越南咖啡就真係好特色以呢個價錢來講真係好唔抵

一開始俾店內嘅裝潢同環境吸引！好有特式嘅設計，食物質素仲好高！叫咗兩個套餐，加錢可以有埋小食同飲品，叫咗個炭燒雞搥撈檬，雞搥好嫩滑，熱辣辣，好好食。小食有青木瓜絲沙律，另外叫咗個火車頭湯河！勁多料！好多牛肉！同埋湯底好濃郁！小食係炸春卷！點咗個醬汁食酸酸辣辣好開胃！

情人節正日又係商家賺錢嘅節日，包一包裝就賣個好價錢，連粥店都推雙雙對對情人套餐同單身狗餐，不得不俾個讚商家嘅營商智慧！周圍都貴，唯有揀間抵食少少嘅來個晚飯！呢個係不分晝夜同節日嘅全日餐，Set A至D任揀！情人節都係食得豐富啲，揀左個C餐(主食+小食+特飲)！主食一: 越式牛扒撈檬🍽牛扒煎得乾身左啲，但味濃，撈檬有生菜墊底，再配個撈檬汁，感覺清新！主食二: 生熟牛肉河🍽一上枱，見到勁多湯覆蓋住啲牛肉同粉，賣相一般！不過味道都唔錯，粉嘅份量都足，飽肚之選！小食一: 牛肉蝦片有好多配料係蝦片面，好多層次，好有口感，建議加埋佢個汁，味道更佳！小食二: 炸春卷呢個炸得好脆口，上到枱熱辣辣，但幾油同啲餡料無咩味！麻麻地喔！再加兩杯特飲(店家用紙飲管，讚👍🏻)，都係$136免加一！雖然無格調同無仔細賣相，但係呢啲大時大節係堅抵！

估唔到今日大年初四都咁多人排隊食飯，去左兩間成日去既都好多人，於是是日午餐就黎左呢間食越南野，叫左個豬扒撈麵，可能我真係好少食越南野啦，以為只有撈檬係凍既，撈麵係熱既，原來都係凍既，塊豬扒好dry, 冇咩味，乾爭爭，又凍。見唔洗排隊先入黎食，都知係伏架啦。記得上次峴港食越南粉麵都唔係咁，人地就算凍都好好食，但呢個真係有點失望。雖然店內裝修係幾靚，眼見其他熱食好似幾好食，但份量唔多，應該都唔會食第二次。

On the weekend, boyfriend and I decided to check out the weekend markets found at D2 Place. Feeling a little hungry, we went across the street and had something to eat at Pho Tai. Pho Tai is a typical local style Vietnamese restaurant usually found in shopping centers. That is probably why I've never eaten in one.During afternoon tea time, they had a tea set menu. Menu is in English and Chinese. There is no 10% service charge and you pay on your way out. Sets include a hot drink.Boyfriend ordere

星期六點幾鐘在D2 place附近，求其揾間野開餐，點知中晒伏。一入店內，見大概六成滿，向最先見到嘅男侍應示意兩位，佢睇到但無指示我地應該座邊，我以為係座位任揀，於是自己揀左個位座，點知呢刻個男侍應就要求我地座佢指示嘅位置。咁我地都乖乖轉位。呢位男侍應由落單到上菜都係黑口黑面的。有趣嘅係，我地自己討論點樣配搭d套餐時，另一位女侍應埋黎比意見話我地應該點點點，雖然有點熱心過龍，但總算出於好心，所以都無咩所謂。我點的是香矛豬扒湯粉，一上枱見到個賣相已知中伏，一食落口，湯底得個咸字，無其他味，豬扒好似已被浸在湯内一段長時間咁，係唔香口同埋鞋口嘅。跟餐嘅小食春卷林林地兼有油益味。一碗難食湯粉連三粒春卷加杯飲品承惠$65。個人覺得唔值。唔會有下次。

好少食越南野既我覺得呢間整體都唔錯，除左食開清淡既人會覺得鹹左dd油左dd，味道都幾有水準！ 大叻越式雙拼飯$49 ，價錢適中，適合上班族吃個lunch飽飽肚，豬扒唔會好硬，都幾入味，雞翼都幾香口，午市都滿座🙈 個人推薦係炭燒豬扒和豬肉撈檬，兩個熟菜都好香濃，若果真的怕太濃味，可以選擇後者，因為味道甜甜又較炭燒豬扒淡味些少。大叻越式雙拼飯$49 豬肉撈檬$55地址：大叻越南牛肉粉餐廳 (旺角) 旺角砵蘭街108號地舖

天氣開始涼涼地，晏奏又唔想食得太多，，一碗熱湯河就岩岩好，好怕外賣湯水個種會熱溶膠既感覺，所以堂食好似放心d，，12點幾去到都幾滿座下，不過人流都去得幾快，，可能大家都唔想阻人做生意😂😂有普通套餐跟野飲或跟套餐跟埋小食，小食比較多熱氣野，所以都係叫左跟野飲，朋友就試左炸春捲，，好令立立，聽講好脆口😂我既牛肉湯河湯底幾甜，唔係好勁味精味，但牛肉就唔夠諗，仲有兩舊大膏，，有d失色，，朋友個雞扒撈檬好吸引，件事好夏天，，杯蓮花茶就唔係好飲得慣，，😅

記得之前係附近番工食過， 而近日就去荔枝角既關係，再一次光臨。感覺裝修過，裏面都靚左好多，價錢就唔記得咗啦基本上係要一份套餐包小食，定唔包小食。叫左一份香茅豬撈檬跟春卷,凍意米水；一份生牛肉湯河跟凍檸茶。生牛肉河份量唔多，味道一般；香茅豬扒比想像中大件，都幾多檬下；春卷好油，好麻麻。待應服務都可以既！食後感： 唔會突登番轉頭再食

放飯突然想食檬粉,所以成班同事齊齊貢去呢度試下,其中一個話之前食過撈檬還不錯,但我要食湯檬呀我叫左個豬扒湯檬,上台一刻我gei感覺係:我自己整都應該會好食D.結果佢D豬扒薄都算.仲要難咬,D湯又好重味,D粉又容易散,食完要飲返一大杯水.不過話撈檬好食Gei同事依然叫撈檬,佢個豬頸肉就正常得多,豬頸肉都有咬口,撈檬可能因為自己調節濃淡,所以好食D點都好啦,lunch 好食一餐唔好食都係一餐,不過下次我會去返佢同一棟gei另一間餐廳囉~~~~PS:佢好似係牛肉好食,或者下次要挑戰gei朋友可以叫牛肉咁應該會正常多D