越色牛肉粉餐廳 (Closed)

中午時間，門口已經好多人，1點鐘後，會等好奈，等左20分鐘左右，如果唔想等就唔好試喇！我們四人食，有卡位坐，坐位不闊落，男士座應會逼夾，叫完食物後，食物很快送到台上！員工都有禮，唔錯，堂食亦不設加一正！總括嚟講，食物尚算可以，略嫌等位太奈！！餐牌餐牌湯夠濃，好味，但送到枱上湯好快吸晒，好似撈金邊粉，所以叫侍應比多碗湯加落去！雞冀即炸，好脆口，與粉分開上生牛肉湯河，牛肉算多，但時間等得耐少少，牛肉湯濃郁

係尖沙咀返工，識食就會喺亞士厘道食。而我最成日食嘅就係呢一間越色。因為下午茶都算抵食。40幾蚊有大大碟飯或湯粉。食開嘅就係青咖喱豬頸肉炒飯，青咖喱好香椰香味，豬頸肉都好爽，味道唔錯。另外仲有下午茶奬賞，食滿10次就能夠享有下次下午茶減＄25優惠。

又係越南越愛嘅時候😂約左個fd食越南野做下午茶，雖然下午茶但係我地好似食到好似晚餐咁多嘅份量首先就緊係整返個椰青先啦，正常味道，都好大個識食越南野就梗係食蒜蓉包啦，香香脆脆正牛油雞翼都好香好大隻整得都幾入味豬頸肉撈檬！好鬼多檬撈，配埋個特制醬汁，酸酸甜甜都唔差，豬頸肉都整得唔錯呢個雜錦牛肉河，份量就好多，不過我就嫌佢冇咩味道，冇咩特別，但係最貴就係佢問心呢間越南餐廳價錢唔算貴，但係都幾難搵，我諗要喺附近返工嘅人先識黎食，因為我個朋友都係附近返工，同埋見到好多打工仔黎食飯！

今晚兩公婆到亞士厘道搵食，原本想食串燒。但由於時間關係，找了越南餐試試。上到去剛剛6⃣️點晚市開始。打開menu看看有乜店長推薦，一眼就睇到這道菜!由於這類菜式很小在越南餐廳出現，即使要等半小時也決定冒險一試。結果喜出望外，用心製作，色香味美。

叫左杯凍o水，黎到係熱既。。。。。。。。。。。。。。。。。。。。。。。叫人拎杯冰，一次，兩次，三次第四次 燥燥地至拎過黎！其實我知人手係唔夠 請多d人啦！唔會有下次

今曰發現樓上越南菜，而且價錢十分親民,啱哂月尾的曰子。set lunch 由$48-58 , 有湯粉、海南鳮飯、炒飯同撈檬等等，包飲品一杯。還未到12:30， 已見個場爆滿，雖然餐廳唔細，但感覺有點嘈吵。生牛肉牛腩檬$50生牛肉有幾薄片，肉質都幾鮮嫩，多瘦少肥，上枱時呈粉紅色，仍然是半熟狀態；牛腩有兩件，是潮式切腩，約有半cm厚。牛肉味較淡同有點韌，要花點勁才咬得開；而湯底方面，顏色幾清澈，味道清甜，滿有濃濃牛骨湯的味道，算是不錯。而檬粉入口滑溜唔肥膩，份量幾多下，一定夠飽。奶茶（熱）是港式地道奶茶，奶味較重，入口香滑，沒有澀的味道，不錯了。埋單$50，仲不用加一，性價比不錯了！

食食吓有隻曱甴走上枱行嚟行去，嚇到我同朋友即刻起身，立即同侍應講，但佢聽完走咗去，隔咗好耐先有人走過來，三四個侍應輪流走過來望，一句吾好意思都冇講，仲要嬉皮笑臉對住我，之後用極快速度將我枱面未食完嘅飯收走咗。仲話要問吓經理睇下可唔可以比一碟新嘅我喎！錢又要照比。個侍應冇嘗試清理張枱搵吓隻曱甴，就立即安排另外兩個客人坐低！講到食物質素亦很差，今日我同朋友食炭燒豬扒和雞扒飯，飯和餸都是凍的。以後不會再去！

越色離我公司有好一般距離, 如果要食LUNCH最少都要花20-25分鐘來回. 今日心血來潮, 去了越色. 發現唔洗等位. 仲以為咁好彩. 拎左餐牌我地立即點餐, 因為印象送餐都要等幾耐.   但越等越唔妥, 連遲過我地入座既大檯都有得食, 我地連野飲都未有, 詢問之下, 原來佢地漏單冇落到. 侍應話立即整返比我地, 等左陣終於有得食. 一食就更加對依間野失望. D湯濁得黎又冇味, D生牛肉半生熟食都可以好UN, 又冇牛味, 唯獨牛丸還可以. 但同事食頭話D肉有怪味囉. 但係已經覺得好大不如前啦, 而家又漏單又難食, 唔怪得已經冇人等位.

在尖沙咀返工，對我呢個元朗人黎講一黎西鐵方便，二黎就係Lunch選擇多，而在這個餐廳臨立的地方，「越色」就是其中一間備受公司同事歡迎，一星期總有一次會來這裡解決Lunch。價格不貴而款式多，想食飯、河粉、撈檬乜都有，每次1點放Lunch過到黎都係要排一陣隊先入到座，可見備受上班一族歡迎。而且空間大，環境舒適，光線明亮，不過我每次黎都覺得無論坐邊都好凍，冷氣非常強。同事點了濕炒河粉，用了大量蔬菜如木耳、西蘭花，粟米芯、菇加埋雞肉一齊炒，顏色非常豐富。而話之明係濕炒，所以芡汁好多，我嚐了一點點，味道還可以。另一位同事點的熟牛肉河粉，這個粉我之前也吃過，雖是河粉，但其實粉條頗幼，但勝在尚算爽滑。不過湯頭味道熬製時間估計不夠，味道不濃。建議大家食湯河必定要加辣椒醬，多放辣椒調濃味道，喝一口熱辣辣的熱湯暖起胃。另外在這間食撈檬的話都一樣，必加圖中玻璃瓶子裝的酸辣汁，酸辣汁和檬粉撈起特別夾，很開胃的。另一位同事點了蛋包炒金邊粉，我之前也同樣食過。蛋包炒金邊粉賣相很漂亮，蛋液煎成薄薄一層皮，包裹著炒好的金邊粉。但是，金邊粉用的醬料太重，酸味甜味過分重，炒得不乾身，味道不過不失。而吃過這麼多次越色，會

The beef soup was great, with some onion and full of beef taste. There was extra set of lime, chili, mix them into soup would be even better.The raw beef placed on hot soup, when I mixed the beef with soup it cooked a bit, result that the beef was so soft and full of juicy beef soup.

因為係尖沙咀返工所以都幫襯左5年，但發現近年無論食物同服務態度都越來越差。湯底原來由夠味到淡如水，豬頸肉&牛油雞翼都已經比幾年前既越做越唔好食，肉質唔鬆軟，仲要係凍既。服務態度更加令人失望，就算有派飛既系統但員工可以俾岩岩入餐廳既人坐底先，咁攞飛黎做咩。仲要漏哂單，吹左兩次都係求其答「整緊𠺢啦」， 但最後先發現原來係漏單。真係好失望唔會再幫襯。

下午茶時間三個人來，叫咗三個越南粉、三杯嘢飲及一個菜。整體全部都好好味平時去食越南野都覺得好多味精，食完好口渴，呢間有冇乜落味精。配菜份量、品種唔夠多。個粉足料，夠大碗，但係隻粉嘅材料唔夠滑溜。蒜蓉炒椰菜份量超細，唔抵食，味道尚可我哋帶咗一杯青檸七喜、青檸梳打及咸檸梳打，其中一杯唔記得咗走甜，佢哋都好好人幫我地轉返，仲有想嘢飲之前會幫你篤埋檸檬好細心，值得一讚

【越色牛肉粉餐厅】＃位置 跟着同事过去 并不知道怎么过去😂＃点的J02 熟牛肉河粉 加了河粉 汤底挺好喝的 是越南の餐厅 特别像泰国的风味 桌上还有酸酸辣辣的酱 牛肉并没有特别多 吃到最后就剩下河粉了＃咖啡 和一般的快餐咖啡差不多普通的快餐可以推荐 价格适中

晚上同朋友行街經過有越南菜🤗味上去試下入到去環境好寬敞 感覺舒服😊火車頭金邊粉湯味甜有d特別 😋春卷 炸得剛好 最好味個春鷄黃薑飯 呢個要試 服務太度好好 各員工好笑容☺️

平時成日經過, 第1次試 果然唔錯, 味道好而且好有水準, 最正味燒雞, 黃薑飯又唔會好干, 其他每樣都好有水準, 甜品都唔會求其, 甜度適中, 招呼都好好, 員工有禮友善, 地方好大好舒服, 檯與檯之間唔會有碰撞, 有卡位選擇。無論朋友聚餐, 2人同行都好適合黎, 值得推介呀