越好

Open Now

Now Closed

同朋友約左係沙田食飯，朋友經常夜過我放工，所以就去佢公司附近食啦~之前見到呢間都幾多人食，朋友又想食南野，咁就試下呢間~咖喱豬扒飯咖喱入面有一份好重嘅花生味，唔會太辣，但幾惹味，啱晒我呢D唔食得辣嘅朋友仔。豬扒份量亦好足，香口唔肥膩又唔鞋，又正又抵食!春卷撈檬春卷食落好似米紙咁好鬆脆，咬起上黎索索聲，饀了好豐富，有肉碎、雲耳，粉絲，撈檬個汁另上，份量足，檬粉唔少，食得飽。整體上呢間越式野唔錯，價錢合理，會再encore!

打風後出關，要返大6玩，最緊要快，係沙田citylink 搵左間叫越好既越南野食。入到去 黃甘甘既裝修已經好醒神好吸晴，坐低見到個價錢牌仲吸引！ 98蚊一個set 有主食 有小食 有野飲 仲想點？叫左個生牛肉河粉，上到台已經成陣pho 味傳入我的鼻，湯底濃而唔油膩，加埋佢哋比既配料辣椒粒同青檸就更加生色不少，，份量仲要唔少！抵食！ 小食小小地 一舊春卷 一舊魚餅加杯青檸soda，滿足， 本人覺得個春卷幾好味 魚餅煎脆少少會更好！

近排窮困，專搵d抵食野食，，見沙田citylink 有間黃色裝修，睇完餐牌又唔貴，叫越好既越南野食，即管入去試下。同朋友一人叫左個98蚊包主食，小食 同野飲既餐，都幾抵食，，轉特飲都唔使另外加錢。叫左個生牛肉河粉同一個雞翼河粉撈亂食，上到台已經成陣熟悉既越南河粉味 再加辣椒粒同青檸比我哋調味。生牛肉河粉湯底濃而唔油膩，幾清甜。牛肉都幾嫩 同一d都唔姑寒，，份量都唔少 雞翼河粉個雞翼其實都好味，炸得好脆口而粉又唔會多，但就略嫌佢醃得唔夠入味，，，小食就一舊春卷 一舊魚餅，但都夠食夠滿足了，，加埋杯青檸soda同咸甘吉，大滿足！

覺得好伏，越式豬扒唔係香茅嗰款，係港式得嚟又冇肉味，撈檬個紅白蘿蔔超級無敵鹹，生菜絲少都罷，最大問題係個汁加埋d蘿蔔，鹹味辣味痳痺曬脷，食唔到酸甜味。埋單同侍應反映，好hea一句唔好意思都冇，要用重d語氣講多次只係hea話會話俾師傅聽。一定唔會再去，未食過咁差既撈檬。

走的有點累想坐下來吃點東西喝個咖啡，路過這裡覺得座位看著光猛，決定進去坐坐。點個牛腩湯河，品嚐一口驚呆：這牛肉是牛肉嗎？完全沒有牛肉味！顏色看起來很不新鮮！又嘗了一口湯，味精味滿滿！！再看河粉，粗細不均。喝一口咖啡，竟然被稀釋到幾乎沒有咖啡味了。這簡直是我吃過的最難吃的越南湯河粉。又是一家典型的港式快餐經營模式，僵屍模式操作，沒有一點心機和人情味。吃食物的時候沒有感覺自己被很尊重的對待。再也不會來！

新城市週末就係太多人等枱食飯所以為咗快啲有飯食，就上咗連城廣場望一望因為都想食碗pho堅唔係好多人排就試啦其實佢下午茶一碗雞扒或者豬扒嘅河粉都要50幾蚊㗎喇咁是但啦都試吓啦咁因為又想食春卷啦春卷三條$18 嘢飲就普通嗰啲就$3啦，特飲就加$7咁樣嘅喺出邊已經見到佢嗰啲杯，全部都係嗰啲即棄㗎喇都知道應該伏伏地叫齊嘢食呢就嘢飲嚟先嘅啲膠杯都唔穩陣，如果唔搵手扶住去篤嘢，真係危危地我就叫咗蜂蜜柚子，但勁少蜂蜜柚子另外就買咗杯紅豆冰，水到不得了之後就想炸春卷炸春卷，就正正常常三條短短洗洗啦，不過都叫炸得透身再嚟就係嗰個雞扒河粉啦佢哋就分開上嘅雞扒就一碟一見到碟雞扒真係充滿問號勁細塊都知道一定係急凍嘢㗎啦，但霉成咁真係第一次成個pho係得個湯得嘅啫咁另外一碗豬扒河粉塊豬扒，都係勁薄係一d都唔香既仲要凍左🥶成餐粉我地食得好快因為唔好食想快d走絕對唔會有下次坐得唔太舒服唔係問題我明白新城市寸金尺土但50幾蚊碗粉仲話下午茶咁既質素真係不再見！

餐廳以黃色為主調, 感覺光鮮時尚。 價格親民, 相對於午市套餐, 下午茶餐更具彈性, 小食可不限次數追加。下午茶套餐1) 香茅雞扒撈檬 $492) 炸蝦餅 (2件) $153) 越式炸春卷 (3件) $184) 恐龍美祿 $8越式炸春卷有3件, 入口熱辣辣, 脆卜卜, 餡料有木耳和豬肉, 沾上醬汁, 份外惹味。炸蝦餅肉質較軟, 不夠扎實, 口感略遜。香茅雞扒撈檬賣相吸引, 香茅雞扒肉嫩, 表面雖然稍微煎香, 唯比想像中的香茅雞扒略欠惹味感覺。檬粉清爽不黏, 伴上芽菜, 青瓜絲, 漬蘿蔔和生菜, 增添清爽口感。撈檬汁酸味味, 少少辣, 甚是開胃。恐龍美祿味道中規中矩, 賣相較弱, 忌廉份量雖多, 唯灑上的美祿粉不足, 不夠邪惡和氣勢。

本着新店一試的態度唔食由是可，一食就後悔不堪食物質素本身已經超差，waiter態度更是不堪評價。仲要趕客走。如果唔係因為下午茶叫做相對便宜些，我都唔諗住入去食，便宜果然易中伏。越南豬扒飯，用的是泰國香米，本身已經犯商品條例。講明越南就用越南米啦。豬扒就硬崩崩，無牙食的話唔好來試，米飯乾淨淨。求其比碟仔酸水你就叫越南式，飯嚟㗎，比酸水我乾嗎，當湯飲？最重要是服務態度超差，十問九唔認，寫完單就唔q理你，仲要等了很久才有得食，食物遲來不單止，仲要夠鐘趕個客走！就是圖中的四眼龜！

聖誕節去完露營，出返市區之後，太肚餓就去咗沙田連城商場覓食(≧∇≦) 見到呢間小店坐滿晒人，下午茶餐好似幾抵食咁，平均都係$50左右，咁我哋就坐低試吓啦～我哋試咗：越南豬扒撈檬 $50豬扒非常軟腍，輪到我懷疑自己食緊嘅唔係豬肉🥹🤣不過勝在分量多，好抵食！而且同檬粉分開上，啲豬扒唔會浸到腍晒，幾貼心。香茅雞扒湯河 $53湯底夠味，香茅豬扒煎得好香脆，醃製入味，香茅味濃，非常唔錯(⁎⁍̴̛ᴗ⁍̴̛⁎)你係豬扒，我覺得雞排味道更加好食！無論係肉質、調味，都會出色好多！咖央多士 $30多士美味看過，中間夾住鮮油油，同埋咖央(⁎⁍̴̛ᴗ⁍̴̛⁎)🥥咖央醬明顯食到有椰絲，非常邪惡，但係略嫌牛油🧈唔夠多，薄咗少少🤣其實都係下午茶餐，有跟餐飲，不過我哋飲唔到咁多就冇叫到啦。越式炸春卷（餐）+$18新鮮即炸，食落口脆，卜卜熱辣辣，唔會成口油，不過略嫌好細條🥹一啖就冇咗餐飲：熱𡙡祿 口感順滑，但味道唔太出，相對淡味。紅豆冰 +$6我試咗一啖，覺得好甜🤣不過男朋友就話啲紅豆煮得好棉，成杯清咗🤣整體來講，性價比OK，價錢大眾化，一是無妨。下午茶時段，餐廳非常忙碌，見到兩個店員不停上菜，不過仍然好好禮貌！

星期五晚，可能大家都去曬食大餐，所以完全吾洗等位。單叫一個粉要$65左右，甘又見到有二人餐，有兩個主食/小食/兩杯飲品先$176。所以我地都叫左二人餐。男朋友叫左鷄扒湯河，我就叫左四寶湯河。食物味道湯底都幾好飲(可能都有少少味精？但我幾中意…)牛丸都ok彈牙，其他就一般啦~但男朋友嘅鷄扒就好好食，只搶到一舊仔…分量都算多，好飽。飲品較甜，我地兩個都净左一半以上。小食就普通。不過佢拎上來有少少愕然，每樣小食得一份(自己衰冇多口問句同睇食評)，分量就真係一人一啖啦~我認爲二人餐點都小食各兩件啦，貴少少都ok ar…環境環境都一般，地下濕濕地/痴立立甘。裝修光猛。服務吾算熱情，但樂意幫忙~沙田頹頹地一餐飽都人均80，有D吾抵食~

昨天下午2:28入座，看到有下午茶優惠，2:30開始，於是選了蒜香豬扒飯連檸蜜及香煎雞扒撈蒙加咸零七，在等待食物時發現侍應落單價錢同餐牌有出入，於是立刻核對下單時間，餐單顯示為2:32，並查詢剛才下單的侍應，她走開看了一會後由另一個侍應回覆我們，因入店時間是2:30前，所以點餐用午餐價錢！我表示下單時已經踏入下午茶優惠時段，為何要用貴啲嘅價錢吃同樣嘅東西？佢竟然話佢哋只係計你幾時座下，唔理你座幾耐才下單，都係用午餐價！我從未試過餐廳有這樣的安排，也未見他們店有任何顯示有此規定，況且侍應落單時也沒有拒絕我用下午茶餐牌點菜，為何要強收貴啲嘅價錢？所以我決定永永遠不會再光顧。

好耐冇食越南野 見到價錢都合理 所以即管試試佢叫左個二人餐 有兩個主食、兩份小食、兩杯野飲 價錢$176 都算係咁第一個揀左香茅雞扒撈檬見佢menu有俾所以試下個人都偏好食撈檬 貪佢會有多少少蔬菜落肚賣相係吸引嘅 撈檬個汁另外用碗上 份量好足夠 一啲都唔孤寒 其他店舖一般用一個樽/壺咁俾啲汁 通常都黐立立 啲料沉晒底個人覺得感覺一碗俾汁仲衛生 仲可以用匙羹𢳂起啲料 依個方法比較好雞扒好香 唔知點解個調咪有啲似叉燒外皮香脆 肉質都幾嫩滑配菜有青瓜 蘿蔔 生菜 芽菜 全部都咁爽脆 撈埋檬粉 酸酸甜甜 十分開胃另一個揀左四寶湯河 有牛丸、牛展、生牛肉…啖湯就一般般啦 份量都算足不過就未食到好似去左越南咁嘅味道小食有 春卷、炸蝦餅、炸魚餅、雞翼味道都係不過不失不過有樣野想提嘅都明白關成本問題 可能真係每款俾到一件但係如果個雞翼可以變成兩件單骨雞翼咁就更好喇柚子蜜如果俾到個長匙羹就好喇其實overall都ok不過就有一位侍應比較神不守舍、心不在焉由落單到執枱都係比較論論盡盡執枱個時倒瀉左碗湯淋左落我對腳到佢呆左停晒手 望住我俾唔到反應😅我自己仲要搵隻手兜住枱邊繼續滴緊落黎嘅湯😂😂反應係慢左啲架喇

今天要好好吃一餐，因為我已脫離工作了多年的公司, 裸辭咗lu！心情有點複雜的一個晚上來到了沙田連城的一間越南店"越好 Pho Vietz"我們Order了二人套餐,非常抵食！主食兩款+小食兩款+兩款任選飲品主食﹕👏蝦醬雞翼撈檬由於我真係好鐘意食雞翼，所以我叫咗呢款，咬下去個皮好鬆脆，蝦醬味好出，加埋酸甜汁撈檸，都幾夾！👏越好四寶湯河表現正常小食﹕👏炸魚餅: 不過不失👏炸蝦餅: 有點假假哋，未必是真蝦打出嚟嗰啲👏春巻: 好鬆脆，饀料都豐富👏蝦醬雞翼﹕咬下去個皮好鬆脆，蝦醬味好出飲品﹕咸檸七、凍奶茶

今日在路經沙田諗住食個快飯，見到呢間幾多好評而又唔洗等位所以就食佢。叫咗個二人餐有2個主食、2客小食同2杯飲品。我哋兩個人都叫咗生牛肉湯河，牛肉來到都仲係好生的，唔會已經熟了一半。牛肉份量都算多，湯底顏色似係牛骨熬出嚟但我覺得略嫌未夠濃。小食兩客分别係魚餅+春卷同雞翼+蝦餅，每樣只得一件就太少了，蝦餅魚餅都仲可以整開嚟share, 但春卷同雞翼好難分，如果個樣2件好啲。除咗春卷我無食到之外，其他幾款小食味道都OK.飲品叫咗熱桂圓紅棗茶，呢個就唔多掂，係用濃縮醬開水嗰種，但係個味好淡。

呢間食越南嘢嘅一半，地方偏細！想坐得舒服啲就真係唔好揀呢間餐廳！仲記得有一次新開張嘅時候，一個經理同個waitress 喺餐廳度嗌交，仲愈嗌愈大聲，服務態度好一半，所以我應該唔會再幫襯