越好

Open Now

Now Closed

喺OpenRice見到呢間越南嘢咁多好評，今日去咗沙田，決定試一試，果然冇令人失望！😛我叫咗個一人套餐，主食、小食、飲品三樣嘢夾埋$89，晚餐嚟講算幾抵食。個位雖然有少少迫，但整體算乾淨，都坐得幾舒服。🔺主食：越好雙寶飯雙寶即係雞扒同豬扒，兩樣都好重香茅味，雞扒特別嫰滑！個飯仲有蝦片、太陽蛋、酸蘿蔔，食完好滿足。😄🔺小食：越南炸春卷春卷好足料，外面炸得好脆，點埋個魚露一齊食仲好味。😙🔺飲品：青檸梳打略酸！不過好冰涼，配飯食好舒服。😌

本人好鐘意食越南野，係openrice搵到呢一間咁多好評，即管試吓，果然係名不虛傳！我次次都會嗌雞扒撈濛，因為真係好出色！首先個雞扒煎到好香，份量適中，個魚露都好夠味，但略嫌少咗啲，但好彩叫佢畀多啲都會肯！我已經幫襯第三次，水準依舊，今次仲試埋雞翼湯河同越式炸春卷，兩樣都好好食！尤其是個炸春卷，炸得好香脆，入口即爆，入面啲芋頭好正！如果 keep到水準，我係會繼續幫襯既！！PS: 因為太好食，所以全部相都係食到一半先記得影！

同朋友黎左呢間越南菜食晚飯，性價比非常唔錯👏我地叫左個$176二人餐，揀左沙爹串燒牛撈檬，咖哩豬扒飯，清湯蛙蛙菜，清湯蘿蔔，熱柚子蜜同紅豆冰～好食既串燒肉最緊要係外層燒得夠焦香，而裡面肉質能夠保持嫰滑😋 呢度就做得相對唔錯啦！👍👍沙爹醬花生味濃郁，唔太辣但好香😋豬扒食得出幾重既香茅味，嫩滑juicy🤤咖哩偏濃稠帶微微椰香，配埋酸蘿蔔同酸菜，唔覺唔覺就食晒D飯😂😂冬天既白蘿蔔當造，呢度煮得夠晒淋👍 味道超級清甜兼無渣😁紅豆冰奶味偏重口感順滑，啲紅豆好似日本紅豆咁大粒😯 淋得黎帶少少咬口😋埋單每人$90都唔駛就食到勁飽，主食小食同飲品都食勻，絕對超值！！🎉

**越好**我諗今次已經係第四次嚟，每一次喺沙田諗唔到食咩 又想平平哋casual啲 就第一時間諗起呢度！雖然座位唔多 比較迫 但係快餐形式一食完就走都唔緊要啦，最緊要好味😋叫咗個二人餐，一份蝦餅一份蝦醬雞翼，炸物同樣地新鮮即炸 食落口唔會好似油浸咁👍🏻飲品就要左紅豆冰同埋美祿恐龍紅豆冰就有點失色有啲淡，美祿恐龍對我來講就甜咗少少🤏主食方面我就要咗個生牛肉湯河，因為個湯唔夠熱，所以d牛肉淥極都仲係紅紅地😓媽媽就要左個扎肉丸湯河，佢就大讚湯底夠味😁

二人套餐$176包兩碗湯麵、兩款小食、兩杯正價飲品。大眾化價錢可以有不同配搭，有小食又有飲品沒有限制確是不錯！越式四寶河：配料包括生牛肉、熟牛腩、牛丸和牛𦟌片，每款都牛味濃郁，尤其是生牛肉大大片又淋滑。四寶可以一次過品嚐不同款式，最具代表性菜式之一。蝦醬雞翼：炸雞翼一向受歡迎，外脆內軟之外，雞肉肉質嫩滑，一客有四隻，二人分享剛好！炸蝦餅：賣相吸引，四片大大片，蝦餅爽口彈牙，沾上泰式酸辣醬更加惹味。

每次經過連城，都會嚟呢度食越南野！越好雙寶飯 配炸春卷 $89雙寶飯有切豬扒同雞扒～鍾意雞扒炸完都唔會好乾，肉質嫩滑。豬扒軟稔，香茅味濃郁，夠晒惹味❗️最正係有隻太陽蛋🍳蛋汁撈飯同吃，好滋味‼️雖然係跟餐配，但春卷數量都唔少❗️春卷皮炸得剛剛好，色澤微微金黃～ 春卷即炸，入口仲係熱辣辣🔥外皮超酥脆，內裏豬肉餡料軟綿綿，鍾意佢加埋蒜蓉，重口味人士必食👍🏻🧉恐龍美祿 +$3見到美祿恐龍，女朋友即刻好開心～美祿朱古力味濃郁，加埋忌廉一齊，口感軟滑可口❗️越式生牛肉河 $58牛肉河唔係薄切切嘅肥牛片，而係一大片，有小小厚度～浸一浸湯，顏色粉嫩好吸引😍牛肉肉質細緻，唔使加調味料已經好食。河粉幼滑。湯底甜甜地，帶有越式香料味，感覺正宗❗️咖央多士 $28食越南野點可以唔食咖央多士 ❗️多士微微烘焙，裏邊夾住大片新鮮牛油，加上🥥椰香味較重嘅咖央醬，邪惡得黎好好味😋

今日又去捐窿捐罅搵嘢食，搵到一間好方便，又好食嘅餐廳，佢就叫做越好，一聽個名，就知道越食越好食。已經有兩年冇得坐飛機，好掛住河內同胡志明市，唯有搵啲越南餐廳食住先。由沙田火車站，大概行3分鐘，就到餐廳，我同朋友各自嗌左一個主食我哋嗌左牛肉湯河同越好四寶湯河，我哋講一講個湯底先，河粉湯底大有非常非常濃郁又正嘅牛肉味，一啲都唔油膩，一飲就飲得出，用咗好多時間整出嚟，唔知會唔會住咗幾日到一個禮拜我最欣賞過生牛湯河，因為一上枱嗰陣時，見到肉質非常鮮嫩，紅卜卜，仲可以自己加青檸汁，辣醬，魚露，而且大碗到，正常成人都會食得飽四寶可就有四樣嘢，牛丸牛肉，非常唔錯其他嘢食都各有特色，我自己都幾鍾意，所以強烈推介

今日去沙田接朋友收工，收工後都大約八時多，所以都在附近新城市廣場覓食。講到最多嘢食當然要掃連城廣場。裏面的餐廳都比較價錢大眾化，而且咩菜式都有，容易選擇。我哋都好鍾意食越南嘢，所以就揀咗越好Phovietz餐廳！越南炸春卷春卷炸得非常香脆，外面程網狀，入口鬆化，絕對值得推薦！清湯娃娃菜見到都有唔少食客點這個娃娃菜！娃娃菜的確幾入味，好清甜，加上香蒜和香蔥粒，簡單調味已經好好食！越好湯河配豬扒炭燒豬扒香氣十足，外面燒得焦香，而且帶點蜜糖的香甜，非常好吃！加上超多香蒜和香蔥，好惹味。豬扒和湯河是分開上的，所以你可清楚食到它的調味，而且份量都算多，幾抵食！另外都有一些辣椒和青檸等等俾你加入湯河裏面，湯底清甜加上些少辣椒，香辣惹味！越好湯河配雞扒炭燒雞扒外脆內軟，肉質滑溜，仍然有雞肉汁，好好味。有些帶有雞皮的位置燒得焦香，有些少脆口，香口！蜂蜜柚子食完濃味野飲返杯蜂蜜柚子潤下喉，在這個秋涼天飲的確唔錯！

一人套餐 $89一個主菜 一個小食 一杯嘢飲先講吓個越保四寶河份每樣餸都好食生牛肉唔柴 肉質鮮嫩牛丸肉質彈牙 牛腩牛展夠入味唔韌只係覺得個湯 唔夠熱唔知係咪因為擔心熱得滯塊生牛肉 會熟過頭但天氣凍 好想飲啖熱湯青檸辣椒 佢分開比加埋落碗湯麵度 湯底會更加出色越南炸春卷蜂巢嘅外皮 炸得酥炸無炸過龍 變咗硬皮碟底唔多油 讚咬落口 裏面夾雜着芋頭同豬肉味道不俗 點埋個酸汁 會冇咁漏美祿恐龍 需加$3叫咗少冰 但美祿唔算濃唔覺得好特別 一般般可能偏多comment話佢好對佢嘅期望 太高～反之就。。

呢度地理位置我覺得係比較方便，晚餐嘅時候黎喺度食，火車站出只係行2分鐘。一坐低嘅時候我同朋友各自咗一個主食、小菜同埋一杯飲品。柚子蜜味道比較清甜，攞嚟去配上呢道嘅主菜，我覺得係一個幾好嘅配搭，因為呢度嘅主菜都比較濃味。朋友就叫咗一杯美祿恐龍，佢同其他餐廳會有啲唔同，其他餐廳係用美祿再加上好多好多嘅粉整成，但係呢度就選擇採用忌廉加朱古力脆脆，我覺得都幾特別嘅，因為咁樣整法嘅話飲品會比較滑。炸蝦餅係新鮮炸起嘅，咬落去都算彈牙，蝦係醃製過嘅，配埋呢個泰式甜酸醬其實好香口。清湯蘿蔔，我覺得$20來講，其實唔算貴，始終一餐飯講求平衡，太濃味嘅嘢，都要返啲清淡嘅食物嚟調味。咖喱雞扒飯，分量上我覺得係一個人可以食得晒嘅，咖喱汁不辣，雞扒剪好一塊塊，炸得香口，旁邊嘅配菜係醃製過嘅，微酸。越好生牛肉湯河，始終都係招牌菜，所以我覺得質素都係高嘅，牛肉係大大塊，個湯係清甜，河粉都幾唔錯啦。

今晚突然要去沙田開會😤到沙田還有些少時間，所以就在在連城廣場看看有什麼好西吃🤪最後揀咗「越好Phovietz」。坐位也算闊落，每檯之間也有隔板，環境衞生整潔！熟牛腩湯河，牛腩份量不少，河粉口感嫩滑，湯底味道鮮美！香茅雞扒撈檬，除了一般掩製的紅白蘿蔔，還有芽菜，榨菜，增加口感！雞扒夠入味多汁！炸蝦餅，外脆內軟！炸春卷，春卷皮夠特別夠脆！恐龍美綠，原來是美綠加左一層忌廉再曬上一層粒粒脆米，呃like 之選😂味道也🥰

沙田站一上去，就可以搵到唔少食野嘅地方🍱二人套餐 $176-任選主食兩款+小食兩款+飲品兩杯🐂越好四寶湯濛-牛展、牛腩、生牛肉、牛丸-湯底夠味夠甜-牛普遍都幾香 牛九彈牙多汁🐖越好湯濛配豬扒-豬扒幾香又唔乾 加花生碎咬下-香茅味道唔錯-湯濛加辣椒🌶️最正🦐炸蝦餅-有蝦味又唔會過於粉狀-炸得幾香口又唔油🐓蝦醬雞中翼-外皮炸到勁脆-蝦醬味道唔算太突出餐飲仲可以揀美綠兩杯👍🏻總括而言，呢間越式鋪嘅二人餐真係真心抵食，食到飽一飽都唔使$200😂正

同同事黎食lunch，諗住一人一個餐，睇下餐牌一樣嘅野變2人餐仲抵食喎～同事個鴨胸湯河好香煙鴨味，佢話湯頭都滲左鴨香，鴨肉都幾多。個豬扒湯檬湯底就勁香九層塔味，而且豬扒另上，香味唔會化左喺湯度，保持惹味，好食呀！小食份量都ok，泡菜鳳爪少少酸夠開胃，越南春卷亦整得非常出色，鬆、香、脆，仲有越式醬點，餡料亦豐富爽口～餐飲就算叫美祿恐龍都只係加$3，仲有啲特別啲嘅飲品例如養顏桂圓紅棗茶，呢個商場黎講算好抵了。

嚟到沙田聽聞有間越式菜館好多人食，所以今次同朋友嚟行街shopping經過入咗去食碗湯河先✨越好湯河配雞扒厚厚嘅雞扒醃製過味道鹹鹹地幾開胃，仲有雞扒煎好後外面脆口肉質嫩滑以湯底好濃郁河粉夠晒滑溜配埋洋蔥圈、九層塔同辣椒帶出河粉湯底嘅鮮味✨生牛肉湯河湯頭鮮甜濃郁勁香牛肉湯底味道配埋九層塔、青檸、辣椒，諸葛就係生牛肉佢嘅牛肉半生熟浸滿晒熱湯熟透晒河粉夠哂滑溜✨清湯蘿蔔先講佢個清湯好清淡一點甜味，而係個白蘿蔔炆後入晒湯嘅精華煮得啱啱好夠腍，每一啖蘿蔔勁多水份又好甜添，下次食一定encore✨越式春卷炸春卷裏面嘅餡料都好多豬肉、蘿蔔絲、木耳、芽菜等等再點埋魚露一齊食外脆卜卜裏面餡料我更豐富，帶出魚露嘅鮮味✨青檸梳打唔少得一定要飲青檸梳打微酸酸帶一點甜仲要梳打啖氣，即刻透心涼

嚟沙田想食越南野，呢間平民價格抵食又好食。「越好四寶湯河」河粉夠滑，索哂湯底嘅精華，牛丸彈牙，咬落好Juicy, 真心唔錯「香茅豬扒撈檬」撈檬酸酸甜甜夠醒胃，越南菜...必食厚切香茅豬扒，唔會太乾身，好味「炸蝦餅」即叫即炸熱辣辣，勁like「越南炸春卷」好鍾意食呢款春卷，蜂巢般嘅外皮，好酥脆...讚「恐龍美祿」面層加上滑滑嘅忌廉，灑上朱古力脆脆，增添口感「青檸梳打」原個青檸,夠汽...正夠份量．價錢大眾化．值得再嚟