Phoenix Sweets (Closed)

想去元創坊已久，今日終於有時間得償所願。今次去目的其實並不重於「食」，而係出於好奇睇下如何活化舊警局成為一個有藝術氣息既地方。其次係唔要想成日行一式一樣既店鋪，悶。行行下，眼睛閃左閃，我已經被呢間蛋糕鋪深深咁吸引住！首先，店內裝潢好優雅，牆身米白底，傳統英倫風格。四周圍仲要各種大型蛋糕、手工糖、紙杯蛋糕......*w*同老闆閒聊左幾句老闆同我講：「 容祖兒都特登同我地訂多蛋糕架！」聽完，點可以唔試下佢既出品呢？！老闆即場推介左以下幾款cupcake:* 玫瑰伯爵* 薰衣草* 香蕉朱古力* 柚子* 雲尼拿我心大心細之下就揀左隻玫瑰紅茶cream有微微玫瑰香味，都幾滑，不過都仲有少少糖粒我都係中意個底多d, 好清香茶味，可以係口腔內停留好耐可以抵返buttercream既膩既感覺。頓時覺得食得無咁內疚😂整個過程感覺都好好，無論環境、服務質素定食物既味道唯一不足既地方就係，無得堂食。如果好累，你就上樓上個空中花園坐下啦。