金泰皇泰國菜館

Open Now

Now Closed

🔹️金泰皇泰國菜館🔹️九龍城實在太多泰國餐廳可以選擇，但呢間餐廳係一間值得有更多人欣賞既店舖，雖然店員維持係忙碌既狀態，服務態度都保持係良好水平上🫕冬陰功湯 (細) 雖然係細份但都好足料，又有我喜歡既大頭蝦啦，冬陰功偏深色但唔太辣，酸度都適中🦐炭烤大頭蝦香港真係唔多泰國餐廳有炭烤大頭蝦食，爽口彈牙既蝦肉，烤得剛好，簡單放上少許鹽作調味已經好夠味啦，橙紅色既賣相都好誘人☺️ 推薦🐖豬肉生菜包豬肉炒得乾身卻保留原有少許既油膩，單食都好惹味，而我就叫左份海南雞飯，拌飯食真係好正🐣海南雞飯皮爽肉滑既海南雞，雞胸都唔會鞋架，連喜歡食雞胸既朋友都話整得唔錯

去開九龍城，一定去食吓泰國菜。而作為小資一族，當然係lunch或者係tea time時間去食，一來價錢比晚市平，二來呢d時間好以無咁多人，唔使點樣等位又唔坐到咁迫，可以舒舒服服咁，慢慢品嚐眼前嘅美食。泰式船河大大碗，料多多 (牛片、牛丸、牛腩、炸豬皮，撒上炸蒜、金不換) ，湯底十分濃郁。😋冬陰功雞肉湯河，配小食泰式炸魚餅。湯唔算好辣，如果覺得唔夠辣，可以自助調味。炸魚餅一般水準，無乜驚喜。脆皮海南雞飯，配小食泰式春卷。碟飯嘅鷄同埋油飯係好食，但個靈魂係佢哋附送嘅醬，雖然比較辣但會越食越過癮。春卷係現炸嘅，所以係卜卜趣嘅。

臨時臨急搵到呢間嘢食，同朋友夜晚八點去到門口，人齊就可以即刻入去。我見到好多人介紹生牛肉，所以叫咗嚟食，覺得其實非常好食又嫩口，係必點。仲叫咗烤魚烤魚普通蛋糕陰功湯好正。虎蝦到普通正常。另外值得介紹嘅係金邊粉，覺得佢夠辣好夜魅，椰青亦都好好飲。但係有一個朋友嘅椰青比較散，刮唔到入邊啲椰青肉最後仲叫咗個芒果糯米飯食，非常好食，有唔同味嘅糯米飯食，但係芒果唔夠甜，最後埋單每人$200非常之抵仲坐咗好耐

#胃在九龍城 🔥金泰皇 泰國菜館🔥中午2,3點唔知點解九龍城好多餐廳都關門，見到呢間反而有啲人流而且唔貴就一於try try佢😚❤️香辣炒肉碎燴飯（$45）肉碎炒得好香口🤤但真係有啲太辣🤣如果多隻太陽蛋就更加完美🍳份量都幾多❤️椰汁冰（+$6）椰汁味比較淡，下次可能會想試龍眼冰多啲～💚環境/Service 家庭式經營，成家人都好有禮貌☺️雖然落錯單，但都勁有禮貌咁換返啱俾我🤣環境都幾闊落，唔會坐得太迫！💰人均：$40-60♟ 九龍城城南道41號地舖

太太放假，今日到了九龍城買泰式食材和吃午飯，最後選了這間金泰皇泰國菜館。環境這間小店面積不大，有六張四人枱，當日是星期二下午三點左右，所以只有我們兩個包場，環境都是跟其他泰國餐館差不多，有很多泰王的肖像和神像擺設，地方也說算整潔。食物1. 點了$42午餐船河加$6有珍多冰，船河的湯底很濃，很足料，豬肉和金邊粉的份量也OK，這個是很抵吃的。2. 青木瓜沙律是我泰籍太太最愛，這次加了六隻辣椒，屬於大辣。汁底很濃很鮮的魚味，份量也算大碟，$53很抵吃。3. 泰式鳳爪， $29大約有四隻鳳爪和其他配菜，味道不錯，也新鮮。服務家族生意，媽媽和兩個女兒，態度和服務都很親切，經常與我們談天，很愉快的一個午餐。相信我會再來。

踢完個波都9 點幾， 揸車到九龍城睇下仲有咩野食。 呢間未收工 非常好。叫左3 樣 3 杯野飲。鳳爪 好，炒粉ok, 而真心推介係 - 青檸燒牛肉。我未食已心諗好食 賣相好 ，食落仲好 $118 呢個價 ，我會講物有所值。

中午時段，先系openrice 落定單，再到餐廳自取，好方便可以唔洗等。總共3盒但拎上手好重，一大開原來都幾多下。🔷濕抄河（牛） 💰56平時好少食濕抄，原來都幾好食，不過可惜位係啲牛唔係牛肉，而係肥牛。🔷菠蘿炒飯 💰73抄飯料有海鮮如魷魚、蝦等，另外仲有雞柳，飯粒抄至粒粒金黃入味而分明。🔷泰式豬手 💰89豬手份量都好多，但瘦肉位嘅份量佔9成，其餘的都好乾身同食左痴牙，自問鐘意食瘦豬肉的先好食。

依d係一開始既相今日食左以下既外賣。其實真係好失望，作為一個九龍城既人，成日食泰國菜，即使有時味道一般，都只係僅限於味道一般。我從未食過。。。。唉 唔講喇雖然今日既味道係咁，我相信下次會有進步柚子沙律係苦既泰式鐵板豪仔蛋又腥又出水馬沙文咖哩雞淡而無味金邊粉唉，唔知點形容，仲之就。。唔知咩味泰式炒飯正常到唔正常，極平凡鹹魚雞粒ok海南雞個飯都睇到。。。係色都唔夠，其實係無咩味椰汁西米最好食係依個最後8個人都食剩好多，因為無咩胃口上面個d係食完影。。見到有d都剩好多諗過唔出post因為今次真係好負評都驚會唔會依個comment會影響人生意畢竟生意難撈仲要係依個咁艱難既時間希望你地可以做好d我相信有心做一定會做得更好

我哋兩個人喺附近揾野食，心血來潮想去九龍城試食泰國菜，可能近晚飯時間，周圍嘅鋪頭都多人等，有啲鋪頭無人食又驚中伏，最後餓得濟，就去咗食金泰皇呢間。鋪面都好簡樸，但外面接待嘅姨姨幾熱情，一嚟就介紹啲招牌菜，最後滿面笑容招呼我哋入去。佢哋都幾有禮貌，我哋唔食得辣，佢就推薦我哋食啲無咁辣嘅，最後揀左泰式炒椰菜苗、明爐蒸鳥頭、雞蝦炒金邊粉、泰式炒飯。第一道上嘅係泰式炒椰菜苗，佢嗰個菜好好味，花生炒香加上麻油好正，簡單但個味好岀。第二係金邊粉，普普通通，無咩特別。第三係條魚，唔太新鮮，少少腥，不太推薦。

我諗好多人都好鐘意食泰國菜！呢一間真係唔可以錯過，呢間餐廳係正宗泰國人開既，絕對地道！價錢仲好抵食！我地叫左個青咖喱雞（無骨），係牙，你無睇錯係可以要求無骨！咁佢裡面有一個波波咁既茄子，係泰國茄子。咁我地仲叫左1份簿餅，1份蒜蓉包...加埋d汁食一流牙！叫左個菜啦～鹹肉炒菜！生菜包，可以揀辣同唔辣喔！呢個係小辣！叫左個拼盤，好豐富！有串燒、雞翼、蝦餅、春卷～咁我地仲叫左兩個飯，有泰國炒飯，可以揀（豬，牛，雞）仲有叫左個香葉炒飯仲叫左個冬陰公湯（細）咁我地每人叫左一杯野飲～芒果沙冰，椰青，青檸梳打，泰國奶茶呢餐6個人食左7百幾蚊～☺️☺️好抵食！

其實早期九龍城已經有「金泰皇」呢間餐廳，後尾頂唔順租金，搬左去大埔熟食市場，而家再次回歸九龍城！ 👏🏻👏🏻👏🏻👏🏻呢間「金泰皇」同「泰皇閣」都係我既推介，初時以為兩間係同老闆，原來唔係，「金泰皇」老闆娘話大家都係好朋友。我同老公二人order 左打邊爐set~~知道我係回頭客，加多左份量，好夠食！睇個湯底顏色幾靚，其實餸菜唔係咩貴價食物，不過樣樣都處理得好乾淨，唔會見到都無謂口。反而有種好地道，平民貼地既感覺，另有一番風味！

九龍城區一帶泰國菜多到眼花繚亂。餐廳太大會偏向較貴，太細又會坐得唔舒服。附近幾間都未試過，見呢間size適中，餐牌上食物種類都多，價錢又唔算貴，就決定入去試下。因為我地唔太食辣，點菜時同職員逐碟講明要走辣，職員都好有耐心解釋邊啲菜式冇得走辣。同廚房溝通後，原來有椰子雞湯只可以小辣，我地取消再揀另一款，職員都係好有禮貌充滿笑容。豬頸肉炒芥蘭落左好多蒜蓉，岩晒我地口味，豬頸肉幾香好有咬口。全隻豬手約$80，而豬手飯有小半隻豬手，價錢只係一半，有埋飯同配菜，都幾抵食。豬手調味剛剛好，香料配搭超班，再加上少少胡椒味，正！配菜同飯索晒啲肉汁，食到lam lam利！牛油焗青口原來有半打，蒜蓉充滿濃香牛油味！可惜青口唔太新鮮明爐清蒸烏頭原條上，好有分量！魚肉鮮甜結實，上湯同配料都唔會太濃，有火熱住夠晒溫度，推！職員由頭到尾都好好笑容、好有耐性同禮貌，喺香港好耐冇試過遇到咁真誠嘅服務態度了

話說有晚想落九龍城食泰菜 但食開嗰間又食到悶 咁就同老婆講去城南道和記隆隔離食新野 我原先係叫佢去泰屋食 點知佢誤會左係呢間由粉嶺搬返嚟九龍城嘅金泰皇 仲坐底埋 開頭入到去見無人仲怕中伏 都唔敢叫多 試一兩碟食下先就叫左碟 香辣肉碎炒金邊粉 同 青檸檬生牛肉點知嚟到食落係幾好食 炒粉夠辣 有鑊氣青檸生牛肉 夠香 但略生左少少 不過都大碟之後另外再點左馬沙文咖哩雞同蒜容包咖哩香嘅 但唔夠濃味 蒜容包好好食個人覺得自己唔靠食評去搵到呢種小店好有滿足感 起碼性價比好過啲出左名 但已經走下坡嘅泰菜希望佢多啲人知呢間野幫襯下啦