金泰皇泰國菜館

Open Now

Now Closed

🔹️金泰皇泰國菜館🔹️九龍城實在太多泰國餐廳可以選擇，但呢間餐廳係一間值得有更多人欣賞既店舖，雖然店員維持係忙碌既狀態，服務態度都保持係良好水平上🫕冬陰功湯 (細) 雖然係細份但都好足料，又有我喜歡既大頭蝦啦，冬陰功偏深色但唔太辣，酸度都適中🦐炭烤大頭蝦香港真係唔多泰國餐廳有炭烤大頭蝦食，爽口彈牙既蝦肉，烤得剛好，簡單放上少許鹽作調味已經好夠味啦，橙紅色既賣相都好誘人☺️ 推薦🐖豬肉生菜包豬肉炒得乾身卻保留原有少許既油膩，單食都好惹味，而我就叫左份海南雞飯，拌飯食真係好正🐣海南雞飯皮爽肉滑既海南雞，雞胸都唔會鞋架，連喜歡食雞胸既朋友都話整得唔錯