批&撻專門店 (Closed)

如日在觀塘地鐵等人時覺得有d 肚餓, 見到就買左個鮮奶蛋撻食, 個撻新鮮熱辣, 蛋味夠香夠重夠滑, 酥皮也夠鬆脆, 但奶味唔夠濃, 如果可以重d更好,好似食唔出同普通蛋撻的分別!!

來到觀塘，從地鐵站出來，看見PIE＆TART便口痕痕的想吃一吃撻。真的有很多款撻，我最後選擇了較普通的鮮奶撻。其實我是第一次吃PIE＆TART的撻，這鮮奶撻比普通餅店的撻大少許，很吸引！真的意想不到，匙插在撻餡裡，鮮奶便流出來，很棒！靠近撻皮的鮮奶則凝固了，形成牛奶布甸，很滑！終於知道為什麼會附送小匙，原來是因為內裡有液態的鮮奶。所以要吃了內餡才能吃撻皮，個人覺得撻皮普通，是曲奇皮及脆脆的。

放學嘅時候, 成日覺得好肚餓,食芝士鮮奶tat就岩晒，份量少，又止肚餓。而且超香濃的芝士味真係令人流晒口水。好鍾意食呢間芝士鮮奶tat,奶味重，芝士夠香，仲食到裏面的芝士粒，好有口感。

胃口細，有時一碗麵就是吃不完的，就是向侍應生提出要少麵或是少飯也始終是吃不完。不想做 ，公司也不合適帶飯吃，便要想想辦法，對我來說 批&撻專門店 是好選擇。芝士奶撻 $8芝士奶撻，就是在奶撻上有芝士的，不是原塊的芝士而是芝士粉而已，滑溜溜又軟綿綿的奶餡料有甜又香純的奶和蛋香味，再加上芝士粉的味道，其實是很夾的，批底也很鬆脆。一個撻的size，剛好夠飽肚的了，而且$8就一個lunch，就是夠便宜。

路過買個雞批做早餐，問呀姐囉個手挽個隻紙袋， 佢話要收多 5 毫子， 明明見排我前面個四眼哥哥比 20 呀姐找 8蚊， 佢係比有手挽個隻紙袋。仲要係呀姐比我個紙袋係爛嘅， 同佢講叫佢換過， 佢淨係望住我， 完全無回應更加無諗住幫我換過個袋。我好無耐咁離開。個雞批， 我唔知好唔好食，亦唔知入面有無爛，因為係回家途中而經跌左落地。我淨係好想比呀姐知，佢慳左個爛袋，嘥左我個雞批。同埋話比哩間公司知，你地調教啲咁嘅員工，態度咁差，教佢地爛袋都要照比客，唔好以為無人知。

姐姐說好喜歡這店既批,因此買左幾件回家比我食.我就只係食左個鴕鳥肉批,因為比較特別雖然都凍哂,但係食落比我既感覺係唔算好油膩,肉餡份量都唔少,而且個醬汁係好重黑椒味,即使鴕鳥肉係比較瘦,但係一點都唔硬和乾,食落去係感覺好豐富的.而且黑椒汁個辛辣度幾高,好惹味呢

出mtr 買件cake 回公司當tea 先。指了件apple muffin $11 同一件tiramisu $10 ，實惠的價錢。件apple muffin 冷的沒有像其他tart 放入保溫櫃，食味大減也乾身，我食了幾口都沒有果肉，心中暗想偷工減料，吃到最後， 蘋果肉是忍藏在蛋糕紙內， 有被騙到。而tiramisu 上放了曲奇及一粒藍莓裝飾， 精緻漂亮。

路過被香味吸引，原本想要個雞批，走近櫥窗，一整份的雞批都烘得過火，算了。改要了叉燒批及肉汁螺絲粉批。叉燒批餡料太少，味道過淡，下次可以不吃。螺絲粉批，面頭的薯蓉太乾身亦無味道，螺絲粉伴以美式肉醬意粉類醬汁，不過份量太少，有些螺絲粉唯有乾吃⋯⋯下次還是吃回雞批好了

一早有雞批做早餐新鮮出爐熱辣辣牛油香特重，一聞就已經好想食了雞肉挺多的，而且好嫩滑~最愛它外層既脆皮雖然一咬即碎，但證明佢真係好脆口啊~齒甲留香食一個已經可以好飽LU~

今天途徑觀塘站，好遠就聞到一陣味好香好香，見到好多人排隊買，批同塔的賣相都不錯，新鮮出爐，價格也非常平，於是買咗兩個鮮奶撻，一個蘋果批一個雞批，領回來同室友一起吃，到家依然是熱的，内裏非常酥，鮮奶味道濃郁，雞批和蘋果批都好正！下次經過絕對還有買！

tall鳥肉批，好想試下，終於有機會，但原來同普通肉差不多，有點辣，似豬肉的口感，可以話冇咩特別=v=左邊係朱古力撻，真係唔係好食，原味永遠最好！右邊係芝士鮮奶撻，好正！芝士同鮮奶係絕配，本人都試過鮮奶撻，覺得各有各好，兩個都好味！

今日放學既時候 , 經過觀塘mtr , 一出閘就聞到好香既味道 , 一定係pie & tart啦 !咁又見有小小肚餓 , 買左兩個我最鍾意食既鮮奶撻啦 =]我見倒佢係新鮮出爐 , 個店員仲要係個爐到夾左兩個最新鮮既比我wo !買完之後緊係好快咁跑返屋企食啦 ! 個店員仲要好nice咁講 : 先生下次再光臨啦 返到屋企果陣仲係熱辣辣 ! 一食落去果陣 , d奶真係流出尼架 ! 又香又滑 ! 而且唔會有好膩既感覺 !因為我胃口大d ! 一食就食晒兩個 >< 食完之後仲好想食第三個呀 !!!!!!食鮮奶撻一定要襯熱食 !第一次寫食評 ~ 有咩寫錯大家多多提點=]

第三個食評早幾日行完街諗住係地鐵站買幾件西餅回家做下午茶, 突然醒起批&撻係呢度有分店自從沙田市中心分店closed左已經好耐無食過佢既雞批, 就買一個上車食點解話"製作有誠意"? 首先係好夠熱, 由買到食等左大約10mins, 但咬落去仲係熱辣辣, 呢點真係大大大加分其次批底批面都焗得夠透, 有牛油香, 入面白汁也做得不錯, 一個好既雞批要有既元素佢都有齊, 抵讚$10.5一個, 係呢個年頭算抵食

今日經過地鐵站, 見到呢間好耐冇食的批&撻就好自然咁心郁郁, 一買就買左3個同屋企人一齊分享~買左雞批, 好味! 個皮好香濃, 好有牛油味~不過入面的料好似D肥豬肉咁, haha還是少吃好, 肥死><之後媽咪食的叉燒酥 , 我食左兩啖覺得不錯~! 好多料, 而且又係皮香夠味!!仲有咖哩牛肉批, 入面的料仍然係好多好夠~!!不過皮乾左少少, 而且冇咩牛油味~ 但咖哩汁好正, 唔係太辣,岩岩好惹味=)整體來說, 這間的批以皮香為勝, 那陣牛油的香皮味, 真的沒法擋!

每次行經此店都一定會被它的濃濃牛油香味所吸引住，這店最出名的當然是它的撻類食品，然而今次想試試它的包點，想知道質素如何。這次選中的是肉鬆酥。雖然不是香氣撲鼻，但熱熱的包放在手中，已有一種很想品嚐的衝動。脆脆的酥皮與軟軟的包中間夾雜著咸咸的肉鬆，味道已經很出眾，更出乎意料的是它中間還加了一花生醬，味道夾得出奇的好。正！