批&撻專門店 (Closed)

路過觀塘港鐵站，聞到好香嘅味道，原來批&撻專門店有撻新鮮出爐，聞到真係忍唔住要買番幾個返去。店鋪雖然細細間，係以外賣店形式經營，但批同撻嘅款式都有唔少選擇，所以都不斷有客人幫襯。雞批 $13 - 啱啱出爐，熱辣辣。雞批面層好脆，充滿牛油香味同甜味。入面的雞肉混入左白汁整成，雞肉饀亦好多，唔錯。鮮奶撻 $7.5 - 撻皮鬆化，淡淡奶香味，甜甜地，口感好香滑，真係食多幾個都得。芝士鮮奶撻 $8.5 – 其實都係鮮奶撻，只係面層加多左芝士。撻皮同樣鬆化，但芝士味濃而顯得奶味好淡，兩者我會比較鍾意鮮奶撻。

Pie&tart 唔開係港島，對於係港島覓食既我黎講，每次我過海見到分店都係必買必食既舖。難得去到觀塘，買返兩個至愛既鮮奶撻食先。即買即食一定係熱辣辣既，不過歸家路途遙遠，返到屋企都凍晒😭第一次凍食，其實都唔會話好難食，而且陣奶味仲非常香。發現凍食都唔錯架！今次仲試左蘋果酥，入面有齊蘋果同提子，不過就冇咩特別。今次仲留意到原來有鰻魚酥同吞拿魚酥，下次就會想試埋！如果港島都有，我一定每日都買黎當早餐或者下午茶😭

成日經過觀塘地鐵就會被Pie and Tart 嘅香味吸引🤤 搞到每次都會去食😂😂然後又見到好多好好食嘅tart 就會好想食😆而且價錢唔貴 食一個雞批都幾飽可以當下午茶😋😋要介紹呢個鮮奶tart！我最鍾意都食呢個 薄薄一層鮮奶cream 入面 好好味😆 係好幸福嘅感覺 所以每次經過就一定叫一個😆而且價錢唔貴 only 7.5$😍如果你想食芝士 又可以揀8.5$ 嘅芝士鮮奶tart 濃厚芝士融合鮮奶 好有口感🤤 🤤

每次喺地鐵站經過pie and tart都會俾佢陣陣嘅牛油香吸引住 點都會因為咁而買翻個 但今次唔係買鮮奶撻 而係買咗肉鬆酥邪惡肉鬆酥🕺🏿❤️愈邪惡嘅食物愈吸引🤤❤️Pie n tart嘅左招牌鮮奶撻之外 佢哋嘅肉鬆酥都好唔錯🤘🏿其實係我嘅童年回憶來的仲記得細個逢星期六去觀塘學完野都一定會扭計買個食🤤肉鬆酥大過一個拳頭少少一直放係櫃入面保暖 所以通常都係微暖酥皮好濃牛油香 食落軟軟地好易入口最欣賞嘅係肉鬆嘅份量好多 食落唔會dry🤤鐘意食肉鬆嘅朋友一定大滿足不過記得細個買個時新鮮出爐 酥皮外脆內軟 食落更加脆身仲好食 而家已經退步左希望有機會食番個個口感😭

次次經過pie n tart都會聞到陣陣出爐撻gei香味搞到我成日都忍唔住買來吃,前排佢地出左流心紫薯撻,仲要唔係貴,唔食真係對唔住自己!開頭我以為佢同普通餅店賣的蛋撻size差不多原來大好多,而且無論你幾時買,個撻都係熱辣辣,真係好正!職員有比個匙羹我,開頭我都諗食撻點解要羹呢,原來係因為佢堅流心+好熱,所以你好難拎上來直接食.而且撻身都比較硬,所以一般都係"不"到咁上下先食不得不大力稱讚流心紫薯部分做得太出色,因為佢奶味好濃,但你依然食到紫薯味,餡料有甜味但唔會過火,如果流心開始漸漸冷卻呢個時候同撻皮一齊食更正!因為撻皮有牛油味好似曲奇餅,一齊食就好似點了紫薯醬,呢個配搭好完美~~之後我有試過基本的牛奶撻,我覺得都唔錯,都係好香濃奶味,但由於紫薯撻太出色,所以下次再去食我都係only紫薯~~

經過見到，買咗黎做飯後甜品。流心紫薯撻好有紫薯味。可能因為擺耐咗，擺到食完飯，冇咗流心。食一半都有啲濟。芝士鮮奶撻面層芝士味重。入面有鮮奶，唔係成個芝士，唔太漏。兩個比較，芝士好味啲。

同事請食pie & tart, 買咗雞批、叉燒批同鮮奶撻俾我哋揀，我揀咗從未試過嘅叉燒批！熱辣辣又酥脆嘅批皮，內裡包住鮮味多汁嘅叉燒，叉燒餡好足料，唔肥兼啖啖肉，真係好味到想食多個！叉燒批～你係得嘅！俾個like你！多謝同事請我食！

朝早返工時間好匆忙，通常都會喺地鐵買埋早餐，我個人好鍾意食呢個吞拿魚酥，因為焗得好香脆， 仲有我最鍾意嘅吞拿魚，入口好鬆化，同埋個牛油酥皮做得好香脆卜卜，加埋一支豆漿就係我一個最完美嘅早餐啦！

去觀塘一定食既pie and tart一向食開鮮奶撻今次就食流心紫薯撻($12)紫薯撻明顯比其他撻細撻面係好吸引既紫色 上面鋪滿紫薯粉出爐無其他撻咁密 今次呢個都唔係好熱裏面係流心既 食落好香紫薯味 甜度適中仲俾我食到兩三舊紫薯蓉 未至於全液體狀撻皮就淋左啲 唔脆整體ok的

夜晚看完戲，覺得肚餓，於是就決定買個撻醫肚。發現新出左一款紫薯流心撻 ($12) ，當然要試下啦！面層灑滿了紫薯粉，再往裡面舀一口，真的是紫色流心耶！ 喜歡紫薯和流心的人可以一試 ! 朱古力撻 ($8.5) 相比之下，就遜色不少。表層像是凝固了的塑膠皮，入面的饀唔夠朱古力味。

仲記得批&撻已經開咗好多年以前幫襯一定係必食雞批同埋佢嘅鮮奶撻除此之外其他產品其實都冇試過🙈以前一個雞批, 絕對可以當正餐食不過而家人大左胃口都自然大左, 雞批只可以當係肚餓浪肚既一個小食, 而家嘅胃口大到自己都覺得有啲驚😂😂😂今日放工同男朋友嚟到觀塘, 肚子有點餓..... 屋企食飯之前你左呢度買咗幾個撻食🙈🙈🙈批&撻既款式其實都幾多, 不過當然要生存當然有啲貼近潮流嘅新款口味, 除咗鮮奶撻之外, 而家多咗個芝士鮮奶撻, 外形同賣相都好吸引😍❤️4個撻已經會有個紙盒提供👍🏻 日式流心紫薯撻 $12因為肚子餓關係, 排隊等車返屋企途中男朋友已經身先士卒試吓個流心紫薯撻, 流心個紫薯的確做得幾好, 除咗面頭既紫薯面呈現少少薄皮包住之外內裏所有嘅紫薯心都係呈流質狀態, 口感好滑！👍🏻👍🏻👍🏻 紫薯果味都未屬於好濃, 不過個人感覺味道適中, 而且食落唔會覺得好甜嫁! 唔太甜, 又唔溜! 唔錯😀😀😀👏🏻雞批 $13雞批同以前一樣, 外層做得比較硬身內裏除咗有雞肉洋蔥同火腿之外仲保留左一啲白汁味道Keep到以前嘅水準不過始終雞撻係食落比較麻煩會跌到周圍都係😂😂😂芝士鮮奶撻 $8.5以前除咗食雞批之

因為今日有嘢要做，所以是但買個包做早餐啦。去到觀塘港鐵站，眼前只有美心同pie and tart. 美心嘅麵包好多時早餐都要食兩個都唔夠飽所以就選擇呢間，雖然早餐唔關唔習慣食甜野，但係今日想食素，就唯有照食。買咗件係提子檸檬批。其實就唔覺有檸檬味，但係非常非常多嘅提子，入邊都充滿着提子，呢個又真係幾開心喎！雖然提子唔係啲乜嘢貴嘅食物，但係你就覺得自己冇俾人呃。快樂就是這麼簡單！

已經很久沒吃過pie and tart最近在ig看到很多人都有試這個想說十二塊可以接受 就來試看看紫薯撻  12拿上手的時候熱騰騰的 幾乎都快忍不住把它立刻吃掉不過我可要等到明天用來當早餐吃隔了一夜之後我把它微波一下 大概快數十秒鐘就好中間的流心餡已經如熔岩溢出讓人口水直流撻皮部分入口鬆化 不會過於鬆散也不會太硬餡料部分略嫌甜了點還是喜歡吃天然的紫蕃薯而且對比起鮮奶撻及其他產品 份量較小一個這個就顯得CP值不高了試一次過過嘴癮就好以上。

吃了晚飯之後就去了地鐵站吃一個最出名的鮮奶撻做飯後甜品，一向這裏的鮮奶撻都很有名，我還是第一次來吃⋯ 平日吃普通的蛋撻都不會裂開，但是這個鮮奶批的表面乾爭爭！吃起來雖然味道也是OK的，起碼鮮奶味很香，但是表皮還是非常乾身！口感好dry毫不吸引！朋友就話未見過會裂開的，難道晚上放得耐就會裂開了嗎？還望質素把一把關！

連鎖麵包店Pie & Tard 店如其名 撻果然是主打 難得喺觀塘站見到 一定要來個最愛的朱古力鮮奶撻 啲撻一直用爐暖住 過了半小時依然暖笠笠 雖然面嗰層朱古力好似特別深色 但其實它很薄 同內膽是同一種口感 一樣滑luet luet至於味道 朱古力味同奶味很平均 而非以單純的朱古力味矇混過去$8.5雖然貴咗啲 但一定會再食