批&撻專門店

Open Now

Now Closed

琴晚食完米線行過黎買鮮奶撻點知因為最後四個俾之前o個位買晒焗緊既一盤又因為店員忘記拎出黎焗燶左唯有轉食其他要左個咖哩牛肉批批係酥皮又唔係酥皮蛋撻o個種係似酥皮湯o個d個人唔太喜歡反而餡有驚喜好香濃咖哩味同洋蔥味牛肉係粒粒狀正最後唯有只食餡放棄批如果只計餡味道有4分架

我係去上水中心果間分店既,已見好多人圍住係度!見有$10 /4 件MINI 咖哩牛肉酥! 都少少地貴!(我見仲有叉燒/ 肉鬆)下次都係買大既抵D

行過買左個雞批雖然8蚊但一樣好多人黎買份量大料足皮鬆化餡料味道唔錯似足細個食既味道雞皮大部份已經去走左令到你食落更放心服務亦唔錯下次可以翻炒

今日o係樂富個地鐵站買左個鮮奶撻做早餐可惜唔係新鮮熱辣出爐之後翻叮黎食味道已經無以前咁好服務亦唔好等收錢時個sales咀妙妙好似好唔耐煩咁唔知係咪因為咁令佢d分店越來越少呢?

呢度好多款撻都食過, 雞批同磨菇撻都好好味, 但最愛既都係$4個既鮮奶撻, 香甜美味, 勁推介!

今日OT到8點先有得放工，但一落樓就見到我傻傻o既BF等我，仲買左Tart & Pie o既雞批&羊肉批俾我~ 唔知係咪因為心甜+肚餓，兩個批食落都極好味！雞批更加係分量十足，食到我飽哂... 而家仲回味緊...

天氣凍，買左兩個熱辣辣o既批食~ 蘑菇批好多芝士味、好香好滑，蘋果批好甜，兩個都勁好食~!!!! size 大小o岩o岩好，食完好滿足~ 下次試埋其他先~ ^^

芝士鮮奶撻係ｓｏ香，但芝士重Ｄ更好，同埋Ｄ鮮奶有Ｄ膩，仲有Ｄ　ＴＡＲＴ　皮太薄無乜口感。

記得前兩位食家講過pie & tart既鮮奶撻好食今日約左朋友o係呢度等咁o岩佢遲到而我又未食野聞到咁香當然要食下啦個鮮奶撻真係好得熱辣辣加上個皮又脆,個鮮奶饀又滑o岩晒我呢d鍾意飲鮮奶既人甜度o岩o岩好真係好正呀食完一個有encore既衝動下次一定會再食!

芝士鮮奶撻----好香芝士味,面層脆脆地,又食到D芝士粒,好味!鮮奶撻($4.5)---好香好滑,甜度啱啱好,一流最鍾意佢地D tart 食到一兩淡D 鮮奶就流出lei,好得意又好味

第一次食pie & tart 既產品, 因為有次我個friend 話佢d 鮮奶撻好好食, 而且自己都鍾意鮮奶, 所以就試下! 鮮奶撻$4.5, 鮮奶好香好滑, 個tart 又脆, 唔厚, 我個friend 果然冇介紹錯!試過鮮奶撻後, 就想試埋另外兩款tart, 睇下味道如何!芝士鮮奶撻$6, 一個鮮奶撻上面加左少少芝士, 雖然都食到芝士味, 但我覺得芝士唔夠, 只係個面先有芝士, 太少喇, 不過都一樣好滑!木瓜鮮奶撻$6, 橙橙地金黃色, 好似木爪咁既色, 有鮮奶既香滑, 又有木瓜既清甜, 雖然木瓜味唔係好多, 但味道都唔差!

雖然小妹都經常幫襯, 但從來未試過蘑菇批, 因為一睇就覺得好溜, 芝士好勁, 食了好易肥, 但今日終於拼了一試, 個批剛出爐, 返到屋企品嚐, 還是熱的, 第一啖咬落去, 芝士和蘑菇充塞了整個口, 芝士味好香, 果然食到一半, 小妹已經覺得好溜, 但味道好到令小妹唔捨得放棄, 最後好滿足地消滅了整個批