菠蘿仔食堂 (沙田站) (Closed)

今日係長假期最後一日，聽日又要返工，咁緊係出去行下解悶啦去左沙田新城市廣場行，以為商場有冷氣舒服D，點知可能太多人關係，商場冷氣都係一般般，出面街仲唔使講啦行到臨走出去等巴士之際，係我眼前見到一杯涼浸浸既雪糕🍦相我即刻要整返杯先原來而家日本牛乳雪糕做緊$10一杯，即時買左2杯同我honey一齊食解下熱，原來呢間pineapple canteen仲有好多野食賣，我下次想試下佢個burger🍔講返杯雪糕先，牛乳味都口感都好濃厚，$10黎講真係無得輸大家經過開都不妨去試吓

早前路過見到一間以菠蘿為主題的小舖 google先知老闆係營運美食車 之後係沙田東涌都有分店 當時見到佢賣一款面頭係菠蘿包的脆皮 但底部係以鳳梨酥做核心的菠蘿批 成個組合咁有新意 就決定買「港版鳳梨酥」試下我選擇叮熱黎食 味道唔會死甜有菠蘿的香味 餡料都比得好足 面頭菠蘿皮仲係脆脆有機會都會想買多一次食另外有試過菠蘿油覺得一般般 價錢同質素唔成正比 我會傾向幫襯老牌麵包店但整體黎講 如果你係咁岩經過係可以試下 菠蘿批的確係有驚喜 唔知會唔會考慮成為下一款香港推薦手信

尋日行過本來淨係想買個沙嗲牛肉包就走，點知係等餐嘅期間就比我發現咗呢一個好得意又好吸引嘅菠蘿曲奇餅，佢嘅售價係$158有12粒，可能有啲貴，但返去試過食真係好好味，佢個外型好盞鬼做到成個菠蘿包咁，一口咬落個迷你菠蘿包度，外皮好脆，咬到中間嘅菠蘿餡料唔會太甜，同曲奇餅好夾，新年就嚟到喇，除咗以往成日買開嗰啲藍罐曲奇餅、金莎朱古力等等，今次可以有個新嘗試買來作為新年賀禮都可以，因為佢個包裝盒都好靚，設計簡單美觀，內裏用紙盒獨立包裝，每一個紙盒都裝有兩粒曲奇餅。

今日沙田返工，落巴士🚌前已好肚餓，所以已有目標🎯, 一落車就二話不說已走到 Pineapple 其實尼間食店主要都係做外賣所以係快靚正👍🏻之選除左輕食，都有午/晚餐，都正架我就叫左個菠蘿包和熱奶茶☕熱奶茶係熱嘅，就叫正常菠蘿包都係熱嘅，就叫驚喜天氣少少凍，有個暖笠笠🔥菠蘿包係好幸福🥰嘅事。個杯有凹凸紋，所以唔會燙手，好有心思設計，加分位😚我每次到沙田都會向尼樹食少少野，例如邪惡菠蘿油和鹵水雞脾🤤

其實之前見過google有人寫佢哋唔乾淨同個包入面有鐵釘,    但我諗時過咁耐好應該會改返好啩, 於是唔信邪都去試一次.............................. 唉,   點知中中中伏了...........  個包唔新鮮 ,   又唔係幾好食,    可能唔啱我口味啩.......................... 仲有,   我都覺得有少少貴.................唉, 咁貴唔貴各人有唔同標準,    但性價比唔高,  唔值個價,    性價比唔得呀.......... 我唔會再試嘞.  各位自行諗諗啦

行過幾次今次終於買黎試下 買個菠蘿包同雞脾餐應該無死 見圖雞脾好似好味道 ，買完羅餐見到包裝雞脾就咁紙袋仔包住 個包就咁紙夾一夾同埋杯咖啡放晒一個細袋仔到返到屋企打開雞脾包裝紙濕到痴住爛晒 個菠蘿包有菠蘿..但菠蘿同啲忌廉掉晒出黎 ，雖然新鮮菠蘿但好酸..個包好硬的..

今日星期六，去完做FACIAL返入沙田時因未食午飯，所以感覺好肚餓，見到呢間店，心諗成日想試下但一直沒機會，今日終於可以一試滋味了。佢位於火車站入口附近既店舖，地方唔大，專做外賣，見佢水牌的食物都算幾多款，後來我揀左其中一個波士餐，入面有鮮忌廉菠蘿包，瑞士雞髀，同一杯熱飲，但我見有啲特別飲品，但要額外加錢，後來我加左$14要左杯柚子薄荷鮮檸茶。忌廉菠蘿包入面有吉士忌廉，都算滑的，菠蘿包入面竟然有真菠蘿粒，菠蘿都算幾甜，唔係罐頭菠蘿黎，真係名符其實的菠蘿包，菠蘿包買返屋企都冇變腍，面頭仲係好脆，個包都唔係空心麵包，都算有質感既麵包。柚子薄荷鮮檸茶係一個幾新鮮配搭，檸茶有柚子味，柚子有薄荷味，薄荷有檸檬味，係味覺既享受！瑞士雞髀做得唔錯，味道唔會好鹹，亦都食到瑞士汁的甜味，雞髀都唔係好細隻，肉質唔鞋。唔錯！整體都算唔錯，價錢係貴左少少，但耐唔耐食一次都幾好！

今日經過沙田新城市廣場，見有啲肚餓所以就係火車站附近買嘢食，記得朋友講話有一間鋪頭既沙嗲牛包好好食，所以就順便買黎試下。叫了 T4 餐 (沙嗲牛包 + 熱飲)，飲品就轉左凍阿華田。打開外賣盒，見啲牛肉已經滿到瀉出黎，足料到嚇死人 ; 麵包軟熟，沙嗲牛味道亦出色，只是偏咸了少少 ; 而凍阿華田係濃味既，超正。👍🏻 👍🏻 👍🏻

我今日行過沙田巴士站，見到啲菠蘿包同芝麻包就咁放咗喺巴士站隔離，完全冇這無遮無掩。😨😨😨我過左一陣返嚟，其中一底菠蘿包仲要冇咗，可能已經拎左入去添貨。😱😱😱

早排見到火車站有間餐廳仔開張一路都未有時間試今日返工返晏啲 所以就去咗買咗個早餐～之後就決定叫咗個餐蛋豬仔包 熱華田睇價錢尼講 30幾蚊唔係太抵食嘅但係打開個包見到份量都好多 同都幾大個ga所以都覺得ok吸引既我覺得個包包有不錯不失na 但係出色嘅係個熱華田佢個熱華田比平時飲開嘅濃啲同香好多同埋佢哋做嘢都好快手 所以都好方便一買完即刻趕返工～再加上佢個地理位置都真係幾好直情喺正火車站出邊～所以我覺得佢都係一個唔錯嘅早餐選擇

巴士站落車經過見到新開既，都幾多人排隊，所以試吓～見到有雪糕夾菠蘿包、菠蘿冰、牛奶軟雪糕、個樣都幾吸引！下次有機會要試吓⋯菠蘿包真係有菠蘿！菠蘿唔係罐頭菠蘿！係新鮮嘅菠蘿，酸酸甜甜～不過忌廉夾心冇乜味，如果個忌廉香甜啲就更好啦！個包就偏硬身，菠蘿皮少少脆，但個包唔暖嘅，整體一般啦菠蘿肉都幾多嘅～個包都幾大個！番茄肉碎煎蛋飯半熟煎蛋，幾香蛋味！個汁比較水，但味道都可以的，分量都多的~不過我睇錯咗餐牌，以為係肉餅，哈哈⋯

事源去買早餐後面排左3-4個人 都已經拎走左, 都未輪到我, 跟住問服務員我有未啦, 佢回答我奶茶沖緊等一等但係好衰唔衰地睇到佢地比左杯奶茶排我面D人,兜口兜面講大話 想再幫襯都難答我漏左單依家整都仲好D 但係佢就選擇講大話當D客人係傻仔仲有D朋友話試過買到佢D包係發霉咁做生意都得

本人在沙田新城市工作，都是做飲食業，所以間唔中都會幫襯菠蘿仔，今天我嘗試吃瑞士雞髀飯，當我打開蓋發現雞髀反轉擺都覺得有些奇怪，但當我反轉看發現雞髀濃到黑色一樣，這時候我真的好嬲，我食飯時間得一小時，所以冇時間再去你餐廳換，你不要當客人是傻的，這樣的品質都可以比客人吃，我對你餐廳完全失望!

呢個係沙田火車站新開嘅菠蘿仔食堂主打菠蘿包，當然唔只咁單調啦，佢啲菠蘿包可以揀夾豬扒，雞扒，隊成個真係飽到上心口，講番個味道先，佢個菠蘿包個酥皮唔太香口，可能出爐後都擺咗一陣？雞扒就係爆油有少少雪味🤦🏻‍♀️其實整體係好創新影相都一流

每次喺沙田火車站經過，都被呢間新開嘅店吸引到，因為佢主力以菠蘿包為名。然後抱有期望咁單點一個菠蘿油試一試！點知失望而回😭🔹菠蘿油 $16本身可以$26一個餐連一杯熱飲，但感覺上唔抵，所以單點一個菠蘿油就算。包一拎上手，就覺得有點中伏😥包身好硬，絕對唔係平時軟身包質，而係豬仔包嘅硬度。金黃脆皮面做得唔足，似墨西哥包。齋見到個樣都已經好失望，咬落去皮還皮，包還包，牛油還牛油，完全融合唔到，$16都覺貴呀😭😭📍菠蘿仔食堂沙田港鐵沙田站SHT38號舖．．環境分數：6/10食物分數：2/10Encore分數：2/10