菠蘿仔食堂 (沙田站) (Closed)

點左蘿蔔豬軟骨飯加檸水，拎返屋企食。外賣袋設計得唔錯，拎住行幾穩陣。個飯熱騰騰，軟硬適中，有咬口，唔錯。餸嘅份量唔多，但係豬軟骨就好多，蘿蔔就得幾粒，可惜個啲豬軟骨嘅骨炆得唔夠淋。不過個汁夠香，有啲甜甜地，唔太鹹，冇乜味精feel，送飯ok 。個杯檸檬水very good,放左成個鐘飲都未變苦澀，厲害！！老老實實，$38 有埋野飲，味道仲好過食屋邨茶餐廳D 味精飯同苦澀檸水，仲想點。絕對超值！！下次再試。

星期日早上接近11:00 經過沙田港鐵站，看到可以外買早餐，小店又以菠蘿包做賣點，又無咩人排隊，感覺上幾特別，決定買兩份菠蘿仔麵包早餐試試。 $38 一份外賣小店的早餐其有點貴，點左一份雞排菠蘿麵包配凍鴛鴦，及兩份豬排菠蘿包配凍奶茶。在我前面只有一張單，以為不用等待太久，但候餐時間卻接近20分鐘，店員更想硬把凍飲加三個盒裝麵包放在一個膠袋給我，因為袋子太細，店員更把我的盒裝包子打側直入膠袋。當我看到後，便立即向店員示意，請平放的的麵包，我路途遙遠怕弄壞包子 回家打開來吃，菠蘿包色澤欠佳，食落又有點硬身又有少許硬，似麵包店買個麵包來食咁，豬排亦煎得太乾太老。飲品方面，我飲的凍奶茶，茶味淡，有點失望。 這樣的價格，其實真的不值。去普通連鎖茶餐廳有得坐又有人送餐又好食，似乎更好。

伏! $38豬扒包，等了10分鐘，以為好新鮮，其實包又硬，扒又乾，唔新鮮，冇味道，同澳門差幾條街。咬一口都唔想再食，雖然唔想浪費，結果最後成個掉落垃圾桶。早知食M記安格斯磨菇。專登開個account入嚟食個食評。唔會推介。

經過見到一間較新店，個店名及裝修也好似幾特別，遠看一點也不似外賣店。 看看餐牌有包丶飯丶飲品及雪糕賣，大部分也是同店名相關菠蘿產品。 雖然外賣價錢來說是有點貴，但見幾有創意，也想試一試。要了一set 菠蘿油丶瑞士雞脾及熱檸茶（$42）。包裝上也分隔得不錯，雞脾橫放在底，菠蘿油不能受熱就向上，熱飲放旁邊頂著菠蘿油，擺放也十分穩。首先菠蘿包外型夠挺，牛油夠厚。不過就嚴重黏底，個包底要撕出來。 菠蘿包皮層唔鬆脆，只是硬實脆。 包下層質感也有少少軟，但上層就較乾。瑞士雞脾仍暖及入味，味道也算ok。 不過肉質浸到老了一點，唔夠滑。檸檬茶(茶味幾香，幾似茶餐廳味道。 可惜從袋取出時，發現蓋沒有蓋實，又忘記了給糖包呢。)

今日等朋友放工食飯，等吓等吓見肚餓，就去沙田地鐵站度搵啲小食。見到有間新開的店，就走左埋去睇餐牌。原來係菠蘿仔🍍，佢有傳統的菠蘿油，豬扒包，牛肉包，雞扒包（$26-38 套餐價，包飲品）。由於一陣就要食飯，無叫到包，試左佢地的嘅牛奶軟雪糕🍦（$25）,為慶祝新鋪開張，仲有買一送一優惠。店員的服務好好，全程都有笑容。雪糕的牛奶味好香，而窩夫筒又夠脆，仲有塊酸酸甜甜的新鮮菠蘿點綴，雪糕都幾大杯，食完都有點兒飽😋。不過如果無買一送一就略嫌貴左d😣。

間鋪新開左一兩個星期，就係正沙田火車站，主打菠蘿包同其他菠蘿野食.🔹軟雪糕菠蘿包 $32雖然都幾多人排隊，但佢出單真係好快下，叫完一分鐘左右就有⏱.菠蘿包拎上手熱辣辣♨️，外面層菠蘿皮超級鬆脆，又夠大大個，算係做得唔錯.包中間夾住據說係日本直送🇯🇵既原味雪糕，凍呢真係夠凍，同菠蘿包真係做到冰火感覺，但我想講: 未免融得太快！我影左一分鐘都無，已經開始融，兩分鐘已經係上面個樣。味道唔差既，但奶味仲可以再強啲！.雪糕中間插左大大粒，幾條新鮮菠蘿。我開頭食落覺得佢浸過糖水架，因為真係好甜，但食到有粒好酸就知道，佢係個菠蘿真心好甜，唔係浸糖水.炎炎夏日好值得試，唔岩夾雪糕都仲可以夾下雞扒呀，豬扒，沙嗲牛。同場加映，菠蘿雪糕買一送一，都係$25！.🧐食既時候有啲呢Hea, 佢又無俾紙巾我😭