屏山傳統盆菜

Open Now

Now Closed

臨近新年, 一班為食友齊齊殺入元朗食九大簋慶團圓, 雖然有點路途遠, 又唔係話特別好食, 不過12人柴哇哇熱熱鬧鬧食餐飯, 蠻開心的, 下圖為地下廚房及外賣部。屏山盤菜位於一層3層村屋內老派簡單大排檔裝潢九鉢 (HK$1,750 /12人)新鮮菠蘿配子薑過塲清喉嚨之食物, 新鮮菠蘿夠甜, 子薑夠爽脆, 酸甜度恰到好處, 好食燉陳皮鴨湯清清的陳皮鴨湯, 喝一口, 很清新的陳皮鴨香, 個人好鍾意, 鴨肉燉得霉腍離骨, 湯清卻好喝黃酒煮雞賣飛佛, 佢哋嘅自家釀製黃酒很不錯, 酒味不嗆喉, 順口而帶微甜, 加埋大量糯米及薑粒煮鷄, 食完暖粒粒, 有病醫病, 冇病補身之物, 必食之選小盤菜大大嚿圓潤南乳豬腩肉, 睇見都想食, 盆菜內還有蘿蔔、豬皮和枝竹等吸汁食品, 南乳汁夠香,味道鹹了點, 還可接受, 但唔知點解當造嘅白蘿蔔唔係咁靚, 唔夠腍甜, 有點可惜。魚肉丸呢個肉丸反而冇乜特別, 魚味不足, 既不爽口也不彈牙。梅子鴨鴨乾身, 冇乜梅子味, 鴨肉肉質有點似食鹹肉, 鹹鹹地, 幾好趙口, 送酒一流, 芋頭靚！夠鬆香炸鮮門鱔門鱔唔係日日都有, 有時會用炸生蠔代替, 門鱔只係傳統嘅情意結, 你話特

元朗九鉢盤菜，幾年前朋友介紹的傳統盤菜，以前價錢比較相宜，現在已經加價不小了。要去食的朋友，一定要預訂，但他們接電話的理解能力比較低，溝通要有耐性。九大簋 - 其實每一樣份量都不小，一席人基本上好難可以食光。小盆菜，會用Gas爐保持溫度，豬腩肉夠入味，如果鐘意肥豬肉，一定好開心；燉陳皮鴨湯，冬天時間飲呢個湯，非常溫暖，好有鴨味，煲的時間長，所以令到鴨肉非常淋，而且容易離骨，送飯一流；黃酒雞，好有酒味，雞上放了很多的薑，但奇怪沒有太大的薑味，可能雞是用刀斬，而刀不夠鋒利，有碎骨；芋頭鴨，芋頭夠淋，但如果鴨身和鴨湯相比就被比下去；了酸豬手，豬手入味，但不夠淋，如果可以淋身就更加理想；炸鮮門蟮魚​，新鮮炸起要即食，但門鱔比較多骨；雞汁燴花菇，冬菇入味；新鮮菠蘿紫薑​，菠蘿非常能夠配合呢餐飯，困因為一食菠蘿感覺好清，而且不是罐頭，每次來都要添加一碟；魚肉丸​，食落與一般魚蛋差不多，沒有特式；雞鴨飯，炒飯任食，飯裡面加入小蝦米後，味道不一樣。

和一班朋友（30人）跑完步入來食，來之前已經訂好晒，最後個個食到一肚氣。若果你山長水遠入來食，我勸你不好，原因如下：1. 無位，正確點說是有位都不俾你。點解？不知，可能因為名氣大左，鼻哥都大埋。店員不介意你企住食。(企位價錢一樣）2. 食咩無得㨂。你訂左？sorry，有呢D你食不食？不食過主 (又sorry了，附近又無盤菜喎。獨市生意係咁架啦，吹咩！）3. 無飯。原因如24. 態度極差。原因如25. 好不好食？ 食左一肚氣，未試到食物的味道提左你了，仲係想試的話，上帝都無辦法阻止你。

圍村人每逢辦喜事，會喜歡呼朋引類，請廚子到會，地點多數是在家裏或祠堂，筵開十數席，讓大家圍坐在一起，高高興興，闔家團圓！今日有幸來到親友家裡，吃一頓屏山傳統盆菜的九鉢夀宴九鉢的餐單是客家菜，以濃味和鹹鮮味為主，素材是豬、雞、鴨、魚…運用傳統的煮法：🦆造出重味道的：例如陳皮鴨湯，了酸豬手…🐉重鮮味的：有炸鮮門鱔、白果豬肚馬蹄燴鮑魚…🐓重養生保健的：黃酒煮雞、雞鴨飯…圍村菜在以前物質貧乏的年代興起，能夠將平實的食材，轉化為美味的佳餚，展現了傳統智慧的成果！

新年想到盆菜? 還是盆菜令人想起新年?當今, 盆菜變成了節慶省時便利的外賣菜式，但最初圍村盆菜的誕生，有說是源於缺乏盛菜器皿，於是將烹調完畢的菜餚統統裝在木盆內，於是慢慢演變成大時大節裡享用的盆菜。 ㄧ直欲嚐圍村居民親自烹調的盆菜，可惜上天賜我「水佬」身份、而非圍頭人背景，壓根兒就欠了一點點緣。元朗屏山是鄧氏的原居地，猶幸那𥚃有一「屏山盆菜」，「屏山盆菜」的老闆鄧聯興，人稱聯哥，於圍村長大，自小跟隨父親出入廚房，可謂師承父親，做法自然承傳圍村的傳統，肯定夠正宗。 怎麽不是盆菜? 為了吃得更仔細，我們選擇了九缽，九缽為圍頭人辦宴會的菜式，九味菜分缽而上，味道因此而不會像盆菜般重疊混淆，換句話更能吃出真風味! 「屏山傳統盆菜」設有兩種九缽的選擇， 價錢只因豬肚或鮑魚而相差三百大元，我們選取了較平宜的，每席為 HK$1,750，份量之大，相對我們一家的食量而言，起碼足夠十五、十六人享用。最後，我們將剩下的九缽，打包了好幾袋回家，一點不浪費！ 其實用餐地方設於ㄧ樓，但地下一層收藏的古物，絕對是值得入內參觀的原因， 光是古董公雞碗，已看得我入神! 從右邊樓梯直上就是用餐地方。 用餐區亦放置了

屋企做節，又唔想媽咪辛苦煮，又想食d特別少少既野，就聽朋友介紹試下屏山盆菜啦！$1700有個叫「九鉢」既套餐，包左唔止九個餸，仲有有味飯，都算抵食又惹味，好多餸平時都唔會食到，好特別！味道我係俾好高分👍👍👍但服務方面就.....我地唔想迫，於是買外賣返屋企，一早訂左5點拎，當日2點幾打黎叫我地4點之前拎，話佢地聽日去做到會，要提早閂門但我臨時臨急點去拎？話俾佢地知都要5點到，去到4點50左右，佢地再整d野食，我都等左20分鐘+，接頭人仲要俾說話我聽話我唔早d黎😓 我拎走個時都起碼5:10，接order個時話ok，臨時要早閂就咁，可能唔憂做😥😥😥另外有個餸事前無通知，去到話無貨換第二個餸俾我，仲要感覺係次一級☹️ 總括而言，味道👍 服務🤐

今日參加咗自己公司搞O既單車步行生態遊, 唔洗錢仲可以食一餐. 正!踩單車踩到中午十二点左右就去呢間店度食, 一圍坐十二人, 我地佔咗四圍, 店內不是太闊落, 但都坐得唔迫. 我見隔離張枱坐咗其他客人(全男班)已經去到尾聲, 但都食唔晒, 我估都好大盆囉, 期待~終於到我地開始上枱喇, 在最上一層係炸蠔, 店員建議我地要先食,以免變(諗), 真的好脆口.之後繼續找正野, 有蝦, 夠大隻又彈牙, 鷄好嫩滑, 無論滾咗好耐都仲係, 我食咗好多舊.盆內仲有炆得好夠o既冬菇,好諗o既 尤魚, 魚旦, 入味枝竹, 腐皮,豬皮, 蘿蔔, 仲有好邪惡o既豬肉(因為唔知咩部位), 非常入味, 好似食緊豬腳薑嗰個feel咁, 好稔好以好多骨膠元咁, 我又食咗好多舊. 唯有踩多几個圈啦!哈哈~我由頭食到尾, 無停手, 完全不能同出面d大集團相比. 今次真係不枉此行.

上星期，同事請我們到這間隱蔽店舖食九大'鬼'。由於店舖位於村屋之內，頗有去朋友家食私房菜的感覺。菠蘿子薑中和肉類之選，解油開胃炸蠔是今晚至愛之二，外脆而不膩，內面甘香回味，且不會太乾身且juicy，我也是食不停口，yummy炆冬菇是我今晚至愛之一，菇厚且滑，炆得很入味，我食不停口,yummy釀海蔘，海蔘爽口，清新配搭，嗒嗒肉黃酒雞黃酒味濃，雞味濃香，底托粉絲，粉絲盡吸黃酒及雞香的甜香精華陳皮鴨湯清香不油膩，鴨肉仍滑煎魚餅彈牙不油，可多食幾片了酸豬手很入味，酸甜爽口，不覺油膩，佐酒佳品鮑魚仔豬肚馬蹄，鮑魚仔嫩滑不靱，豬肚腍滑不腥，仲有銀杏很可口。蒸魚火喉剛好，肉質嫩滑，食不停口總結，滿足豐盛，味道地道傳統，碟碟分量大且足。

初二預訂了屏山傳統盆菜，打算與親朋戚友共眾，怎料到會遇上這些離譜無理的事。本來我們是上個星期訂了細盆（8-10人），約六百左右。打電話預約時，我都再三確認價錢（$680）及可供食用人數（細盆8-10人用），接電話的男人都說是的,謝謝你！而且係拎既個一日都打電話去確認訂單，但接電話的卻稱店內忙碌，請到場確認，這已讓人不快。怎料到了現場，店外負責核實訂單的女人即說我們訂的是中盆（8-10人），約九百左右，而我再問那小的是預多少人，她即說是六人。我就重複當時下單時的內容並開open rice 的資料與她理論（因為上個星期是根據openrice的資料下單的），她就解釋說是要跟現在的價格，既沒有說明為何價格不同，分量都不同，也沒有抱歉！對於這個情況，她好像不感意外般的，一點愕然也沒有！不過新年流流，我也不想把事情搞大，甚至提醒她叫他們員工下次留意，怎想她卻說：「都不是我聽電話的⋯」，一點歉意也沒有，並即刻變臉說：「那你要小、中還是大的。」就這樣扯開話題，新年要的是開開心心，花多點錢是無所謂的，但怎能身為員工可以事不關己，並且協助解決的意圖也沒有，叫人如何嚥得下去！但這提醒我，下次電話下訂單時，點

個電話好難打得通...試過親身去...但原來唔係日日開...摸門釘...最後打到去訂...但訂o個陣又無問我地菜單要揀乜...要我地打返轉頭去揀...間o野都幾古怪...到o左拎貨當日...店員都有比預定時間早20分鐘左右問我地去到邊...佢地知我地差不多到先開始pack o野...不過門口避車處泊滿晒車...要夾硬zip埋一邊等佢pack...有兩位姐姐幫手拎外賣出去...全部都新鮮熱辣...我地懷疑煲湯會唔會瀉...佢地就拍晒心口話唔會~ (後來拆packing先睇到原來佢地用保鮮紙紮到好實!!! 勁!!!)當然我地都預備o左個膠盆去裝...而最後七大袋o野由屏山揸車去到西灣河都無事~ 味道方面...個椰子雞湯真係好味到不得了!!! 又足料!!! 炸蠔早知一早就食...返到去又放o左一陣...硬o左...無咁好食...菠蘿薑酸酸甜甜好開胃~ 魚丸我覺得一般...佢加o左豬肉...反而搞到太實...又硬...南乳鴨好乾身好入味~ 個人覺得呢個最好味~ 仲有盆細盆菜~ 好足料好多肥豬肉!!!d腐竹好入味~ 不過有人話d蘿蔔唔夠林lor...仲有黃酒雞...又係成隻雞~ 初時以為會好重酒

朋友邀請我吃九大簋，我當然答應。這種吃的活動，當然是早有預謀，不會臨時湊合，當日筵開六席，舊雨新知，認識的跟不認識的，共坐一席，你一言我一句，好不熱鬧。食店的位置偏遠，不過附近是有輕鐵和巴士的，開車一族，記得問清楚泊車的位置，不要隨便停了在村民的私家位。在窄巷子，找到入口，爬上一條窄窄的樓梯，樓梯很窄，只容一人，單向行進。要在有限的樓面，開六桌，大家就要坐得很親密，為了遷就冷氣柜，主持人於是不斷地挪移大桌子。最後，關上空調，開窗，於是，沒多久，我就感覺到小腿、腳眼在“喂蚊”，但是我什么都不能做，只能忍耐和忍受。坐定定，開始有嘢食啦！先上嘉美神仙雞，雞好味，肉嫩滑，配菜好像有菠蘿和子姜。第二道是馬蹄豬肚，我估該有白果、腐竹，不過我撈唔到；不過馬蹄好多，食到尾，仲有馬蹄，可以幫助解膩。接著上菠蘿拼子姜，這一缽是不用煮的，很快就給幹掉，因為九大簋同盆菜都是肉，味道偏濃，這是清新味蕾、幫助消化的“主角”。炆冬菇，冬菇好大朵。炆冬菇是不可能不好吃的。豬手，酸酸的，肉質柔軟，豬皮啊！骨膠原啊！食咗會靚，你就會忘記脂肪，大家吃得很開心！大概這時刻，盆菜登場了，因為有九大簋，盆菜主要就是客家炆豬肉，不

作為一位由細食客家炆豬肉&門鱔食到大的土生土長香港人, 口味同城市長大的人會有些少分別… 雖然我地唔係姓鄧, 由我地條村行去佢地嘅圍城都只係幾分鐘路程… 我唔敢講邊種味道先係正宗, 我只會講邊種味道係我兒時食到的, 個人口味嘅o野, 無得Challenge…以前過年過節, 祖母健步如飛之時, 我地無食過盤菜, 所有傳統客家菜都係獨立一碟碟上枱, 唔會撈埋一堆… 老實講, 盤菜又點會好味, 所有o野撈埋一齊, 我眼中只有1)難食同2)味道都唔錯食得落…出來社會做事後, 唔想祖母咁辛苦, 盤菜就偶爾係我地屋企出現… 再加幾味自煮小菜&煲個住家靚湯…盤菜已經食過幾十家, 只有2家係我覺得較為好味… 其中1家係呢間…盤菜的賣相不外乎都係一堆o野咁… 食落肚前緊記要徹底翻熱…大堆頭材料包括: -* 屏山神仙雞* 手打梅花鮫魚丸* 炸鮮門鱔* 雞汁燴花菇* 油炮海蝦* 炆本地鮮豬肉* 自發土魷* 五香豬皮* 南乳支竹* 蘿蔔我食盤菜永遠都係摷炆豬肉先, 大家唔好亂學, 係非常危險的行為, 好容易引發山泥傾瀉… 南乳味夠重, 香得來又唔會過鹹, 豬肉軟腍腍唔會乾柴柴, OK, 你合格了…有門鱔自動加

公係圍村人，　有日佢成大棚親戚話去食「九大簋」，聽落好似好有氣勢，好得意，好古法菜，所以就一齊去啦！間食店個位置好隱閉下，係一幢村屋將一樓改成樓面，放左5張大枱，好熱鬧但好迫！「九大簋」有9樣菜，首先係黃油鴨湯，勁油，不過都叫好味好足料咁。仲有酸薑菠蘿，菠蘿好甜！仲有個炒薑飯都叫食得落肚….成餐得呢3樣野最可取….其餘個D，真係好恐怖…呢個好似係豬手物體，得D肥膏，仲勁油，睇見都唔開胃…..所謂盤菜，一大堆唔夾嘅野食塞埋一齊，然後就勁重南乳….恕我唔識欣賞…...

因為一早訂了位所以不用等~黃酒雞超好吃好有雞味!燉陳皮鴨湯就一般...好重陳皮味但少鴨味...花菇很大而且超入味~~了酸豬手味道甜甜酸酸的非常開胃...盆菜的豬肉很入味..有香香的南乳味...

第一次到新界吃盤菜，心情有點興奮。而這間位於村屋的食肆也不是易找的，下了的士後還要走一小段村路才到，若不是有熟人來過也不知道如何到達。但到達之後便看見超多人聚集，相信真的應該是頗受歡迎的。而我們一行十五人都只能坐在一張十二人的桌邊用膳。先來的是鴨湯味道不錯，頗有火喉，湯味也夠濃。然而從後上桌的東西也是一碟一碟的，並不是在電視上看見的一大盤而上。當然，為了滿足客人的欲望，盤是少不了的。但可能因為有很多食材而在其它的碟上，盤內的食物就只有豬腩肉、枝竹、蘿蔔及豬皮。被電視影響了的我自然覺得有點奇怪。另外還有一大碟伴菜及炒飯說回食物的味道，算是一般。較有印象的是那個鴨湯及大盤的南乳味。但最美中不足的是蘿蔔及豬皮都很硬，相信是煮的時候未夠。也相信因為這樣，便要用味較濃的南乳來補充了。而炒飯有骨更是不可接受的。到最後，吃剩的東西也真多。