紅粉佳人 (Closed)

二人點了兩個精選晚餐餐湯是泡沫三文魚湯及酥皮龍蝦湯三文魚湯十分鮮甜，不愧是招牌；龍蝦湯相比下較為普通主菜三文魚扒及羊扒份量很足夠，味道就中上吧。本來一直用膳得幾滿意，服務及坐位都很稱心。可是我們加了二十元的心太軟實在太差賣相是好的，可是心並不軟，口感極差，也嘗不出香濃的朱古力味可能是失手吧，否則不會要人客加二十元才能品嚐不用加錢的雪糕班cake仲好整體真的不錯，推介情侶們一試。

7點幾walk-in, full哂, 要留電話等call... 轉頭唔使5分鐘, 有位 我地兩個人每人揀左個set dinner熱辣辣既麵包 (見廚房有用個細oven焗下個包)加錢轉沬三文魚忌廉湯 正~main course 一個係豬排田螺意粉, 一個係龍脷柳蟹肉意粉 ,ok甜品加錢轉左兩個crumble with icecream, 一個係apple, 一個係choc&banana, 好味 連2杯凍檸茶服務ok, 冇趕客, 係d waiter好似急左d, 可能我地近廚房啦, 所以成日留意到我地... 一飲完湯, 即收, 食完個main course, 一放低刀叉個下就黎收waitress推介既choc & banana crumble 真係幾正, 值得一試P.S. 我見到有好多老人家幫襯

食物幾好都冇用, d waiter o既態度真係唔得!除夕想話食得好d,舒舒服服咁食返餐, main course都未食完,突然同我地講,先生你仲有五分鐘就要交枱到喎, o晒咀! 個waitress 就拿拿林問我地餐飲, 又上甜品囉走仲未食完o既main course! ......心諗,我入黎o既時候都冇話過我知有限時, 扮晒野, 最嬲係原來出面都冇人等位!! 加上仲有d吉枱o係度, 呢個時候只係8:40pm!! bad listed! 想食得開心, 唔好食佢!

這晚好好彩, 7:00pm walk-in 竟然有位, 但要8:30pm交枱, 都ok啦!它的menu比較有良心, 除了聖誕餐外(about @HK$250), 仲有平日的set menu (about @HK$150), 算是好有選擇了. 我選了聖誕餐, 好豐富, 有酥皮海鮮湯+法包 (不用說的招牌)好大碟頭盤: 有三文魚, 火雞, 沙律鹽燒三文魚(主菜): 配上一些黑魚子, 好味甜品併盤(牛奶布甸, 蘋果金寶, 綠茶紅豆雪糕): 雖然好飽都要食, 好好好滿足餐飲老公叫了平日的set menu, 因他想食羊泡沫三文魚湯+法包燒羊排配田螺甜品轉了心太軟: 招牌出品, 好味餐飲基本上, 食物好夠, 食唔哂, 我一定是主力食甜品啦, 一晚食了四款不同甜品, 仲樣樣都好味, 真開心的聖誕日.埋單about HK$400, value for money.

依度確實係一個唔錯既晚飯地方, 鍾意有情調又浪漫既朋友不防可以一試. 服務態度都好好. 食物又OK, 價錢又合理. 當晚ORDER 咗兩份晚餐加甜品(1)１０安士牛排（味道ＯＫ，　最欣賞個伴碟，　好有心意）(２）德國豬手 (唔油膩, OK)(3) 心太軟 (有小小橙香味, 味道同D朱古力好夾)值得一提係佢地既湯同法包, 好"正" 湯好夠熱, 加上料足. 法包外脆內軟再配合個三文魚白汁醬, 好食到唔停得口.

base on the recommendation of openriceI thought I would give this a try and see if I like the Norwegian Salmon ..泡沬煙三文魚忌廉湯 nice燒紐西蘭牛柳伴鵝肝 looks impressive, 鵝肝 good , beef O.K.dessert : not my cup of tea 心太軟 chocolate pudding looks fine but taste disappointing bread and butter pudding

第一次食飯搞到咁晤開心。book了9:00，去到好多人，竟然把一張４人檯分開，一張給我們４個人，另一張給一對情侶。我地根本就坐晤倒，好好態度要求等下換張大Ｄ的，晤該前晤該後！點知道等左成半個鐘都無人理。隔離有張二人檯空住我地問可晤可以啪埋都晤得！開始有Ｄ火，個waiter（高高瘦瘦的大叔）仲堅持我地張檯係4人，個老闆一露在旁邊都無理過我地，仲叫走個好差態度的waiter去返收銀，無人理我地。個老闆淨係想入最多客。有無搞錯，多人食就可以咁差態度？老闆都晤知點做野，咁樣對待客人。等左差晤多９個字，我地最終走左。一間餐廳可以咁對待客人，Ｄ野食幾好味都無用，都晤會再幫襯。

入到去話冇book位，只可以around 一個幾鍾食，問我地是否ok咁我地兩個食野都好快姐，ok啦睇真d，d 餐都幾貴下...男友choose左澳洲雪花牛扒 (個餐連湯同野飲，要$200)，不過講真個句，係幾好食哦~~~泡沬煙三文魚忌廉湯 (要另外加錢，不過好值得)，真係好好，除左個樣靚之外，仲好重三文魚味，好好飲...但我地一食完個set，個waiter就黎問我地餐茶，我地都只係食左半個鍾咋喎~~~洗唔洗咁急問我地呀？仲有d態度都唔係好好，li方面真係要改善喇...by the way, 甜點就差小小，一d都唔特別，仲有d難食tim~~~

餐廳氣氛很好, 燈光陰暗, 情調一流, 碰巧鄰座是對情人的某個紀念日, 待應也來幫忙拍個照留念!食品質素尚可接受, 有很多三文魚的菜色, 配合得好, 但又不算是最好吃的三文魚待應其實好貼心, 又因桌子較細, 會侍你吃完才上另一碟菜, 可惜我和女朋友二人正趕往看十點半我和女朋友二人點了情侶餐 每人大概一百埋單落樓

從色香味，到環境，到氣氛，到價錢是否合理而能夠負擔，很喜歡紅粉佳人!再臨訂臺六點半，講明八點交臺可見full booking的情況，而且只是一個星期四六點半前來到不所謂，有人招呼的多數是二人臺，很適合情侶但如果是一家四口，朋友，都是ok的點上小蠟燭，加上一些八九十年代air supply所唱的首首愛情名曲氣氛，環境甚佳一人一個套餐是日餐湯是田螺忌廉湯田螺粒和蘑菇布滿了湯中忌廉湯有一點太稀，但整體還算好的令一個湯試了加錢升級的三文魚泡沫湯湯賣相很好，有點像意大利泡沫咖啡甜甜的而里面有充足的三文魚片值得一試脆口餐包比上次更易入口不會太刺咀三文魚醬有特色,令人忘了牛油的存在主菜點了特別餐牌上的酥皮紅酒牛尾煲紅酒味弱，好像沒有似的被一股番茄和牛味搶走酥皮泡在汁內和蔬菜，薯仔撈在配上的意粉食，很新鮮開胃牛尾四大塊，很夠食而且骨肉還算易分離牛肉也很嫩，沒有煮得過火另一個是不能不回味的海鮮拼盤蝦新鮮彈牙軟殼蟹和沙拉/他他醬是很好的配搭煙肉帶子這一軟熟一脆口是很有趣的食法三文魚扒不用說是店中其中一個主流產品，肉嫩而且不會干巴巴的薯蓉是不會令人太飽肚的好選擇蔬菜也是爽口甜品一是跟餐的，要了ice-cre

第一次去和兩個朋友一起去。點弼兩個SET DINNER.第一次可以唔洗揀湯做頭盤而揀沙律~真係唔錯~仲有D包有特別既三文魚沙律醬(有D似吞拿魚)放係D包度~好特別而且幾好味~主菜係扒~D 配菜應該用鐵板煎過~所以好油~薯菜係薯蓉~普通D扒普通甜品有好多款~睇你加唔加錢~會再去因為D野食比較特別~唔係好似其他西餐廳..

關於紅粉佳人既食評係呢度汗牛充棟, 但多數都係講午餐晚餐, 甚少有人講早餐, 但其實小弟覺得早餐都十分最要, 係餓左十多個鐘後一日開始既第一餐, 因此小弟反而頗重視早餐多過另外兩餐小弟同內人係紅粉佳人每朝早餐既死忠粉絲, 每日返工之前都必到之處, 但最近痛聞紅粉佳人從下星期起唔再經營早餐! 真的十分可惜 小弟都係油麻地住左十幾年, 膽敢話油麻地區絕對無一間餐廳既早餐好得過呢度。呢度既早餐選擇不下十款, 係呢度可以食得出餐廳在食物方面的用心, 小弟既至愛有太陽蛋出前一丁湯麵, 白汁雞醬三文治, 羅宋湯通粉, 西式汁早餐 以及火腿奄列, 煎蛋方面可以要求太陽蛋或熟蛋, 太陽蛋煎得剛熟, 蛋黃蛋白都十分滑溜白汁雞醬三文治唔會好似出面啲三文治咁只係得兩塊乾麵包再求其夾啲料係入面, 而係有豐富既菜絲同鮮番茄, 十分難得用料咁足既早餐羅宋湯通粉既羅宋湯味道濃郁,用料足之餘唔會有水汪汪既感覺出面既火腿奄列通常都係將隻蛋煎到乾晒再放啲火腿絲上去就算, 好少有好似呢度咁豐富既料, 蛋既外面煎得啱啱微焦, 切開裡面除左有選料之外仲會有白汁流出嚟, 食完之後會聞到自己有蛋香加上從餐廳既細節,佈置以及設備(

Pink Salmon平日或假期、午餐或晚餐都坐無虛席，但想不到完來早餐都客似雲來，雖然不及午、晚餐的人流，但都有8成入坐率。可能原因只得一個，就當然是食物做得好啦！這點我絕對認相。羅宋湯底通粉、可以選一款配料、+厚多士+飲品 $28羅宋湯濃濃的蕃茄味，多什菜通粉軟硬得宜有咬口蜜糖腸好吃厚多士我揀奶醬味，見到時我覺好好想立即食，原因是多士凍了就欠香脆，其次是搽得好靚、好有之機，全塊麵包見不到有白色的地方，每個位置都搽了醬料，除靚之外當然是好食啦一定會再來Pink Salmon食早餐

見呢間餐廳甘多好評,,搭車又成日經過,,其實好想黎食下好耐~訂位訂8點,,~听電話果個男仔應該甘岩經過RECEPTION听到電話響拎黎听..好似唔多PRO ,, 哈哈!! 不過佢都好努力地REPEAT哂資料比我~~~~~因為趕唔切,改到8點半...~HOLD枱10分~我地又真係8點40分先到...佢又真係好好人甘HOLD左張靜枱比我地...~(之前REQUEST)!几驚因為改過時間又遲到賣左我張枱呀~食用方面:餐包+三文魚醬:包似冇焗過..好乾;三文魚醬第一淡有點腥..之後越食越好味,~點少少三文魚湯仲好食~~~~~泡沫三文魚湯:好特別既一個湯~~~味濃,可惜三文魚似乎不夠啊~~~錫紙焗香草忌廉汁三文魚海鮮天使麵:超級大碟!! ,, ~ 三個人都夠食~~~!!就連D海鮮都多先正!~足料呀~!,,~冇記錯呢個SET DINNER係$88..,抵呀~!肉眼扒:老實講,,真的不太好.....~!因為是以三文魚為主而忽略其他菜餚嗎,,?火焰雪山:......下次我會食其實DESSERT....OVERALL ,,, ~ 會再黎食!! ~ 希望食到其他更好味既野啦~~~~~~^^

估唔到呢間咁多人食, 平晚7點都坐滿哂, 個侍應問我地有冇book位, 我地話冇, 佢check咗一陣先比張枱我地, 而張枱係左右都同一地好接近, 唔係好夠私隱............由於第一次食, 所以唔知有乜招牌菜, 所以都係依自己心水叫......... 脆脆包(我自己改的) -> 每人有2塊, 又厚又大塊, 等於其他餐廳的2-3塊蒜茸包, 雖然唔熱, 但個皮好脆, d肉好鬆軟, 佢有牛油, 又有魚醬比你塗, d魚醬好好味 酥皮龍蝦湯 -> 個酥皮唔算好酥, 唔夠脆, 但都OK, 個湯入面真係有幾粒龍蝦肉, 而且D湯唔會好腥, 又唔太濃味, 唔錯 燒紐西蘭牛柳伴鵝肝, 配白飯 -> 塊牛柳超厚, 叫7成真係7成, 控制得好好, 而塊鵝肝都幾厚, 個面煎到好香, 個肉仲係好嫩, 其餘仲有1片脆肉瓜, 1片茄子, 半個蕃茄, 2棵西蘭花, 2棵椰菜花, 煙肉卷住幾條露筍 超級海鮮拼盤, 配薯菜 -> 有1隻半軟殼蟹, 炸得幾香, 不過d粉漿厚咗少少, 配沙律醬, 有2粒帶子(用煙肉卷住), 帶子食唔到有雪味, 煙肉都幾香口, 又唔太肥, 1塊三文