Pixel Café (Closed)

同朋友去食泰菜, 兩位齋表妹突然又捉我出黎話有密計要傾. 係深水埗間泰, 一個唔食得辣, 一個要全素.....雖然都搞得拈, 但顯然兩位妮子食唔飽. 回到旺角, 原本因為啡妹愛拍照而選的Cafe, 亦原本只為吹水而選的cafe, 雖然有人提出別處...........但揀左就揀左, 大家決定唔變, 而且 Pixel 呢個主題, 的確有少少吸引.兩位妹妹要食野, 當然要翻一翻個Menu, 要了一個芝士火腿公同一個芝士蘑菇公. 火腿公冇乜問題, 因為唔係off menu 野. 而芝士蘑菇公, 則要做兩次, 第一份, 不要洋蔥蒜....就是說少一樣....落了蔥....結果要拿回去rejet.....第二份反而勁好, 因為勁Cheese. 多芝士到達到拔絲既地步. 看見兩位表妹終於滿足地吃下東西, 我也放心, 對某人好, 亦要對其身邊既人好.食物沒事, 飲品普通. 我叫了杯咖啡, 完全冇味, 說是Cuppacinno, 但我覺得自己用咖啡粉沖出來仲好飲過佢. 花茶, 都係一個字, 淡......不想再多評.地方, 主題, 除了有幾張靚相之外....發現其沒有裝修, 傢私破爛, 亦發現有小飛自

話有餐湯送我FD個意粉來左,催佢拎湯來,就話好好好結果,我FD的意粉都食晒了,其他人飯/意粉都陸續來了再催下D湯, 就話好快到催得幾催,D湯終於來啦碗大大,湯得DD見到碗湯好足料甘(白湯,有好多菇片),以為一定好好味啦點知,一飲...係凍的(係雪櫃拎出來擺左一段時間果隻凍)唔明啊,d湯凍的,何解甘耐先拎俾我地何解送d凍0既湯俾我地問佢啦,就求其行去廚房睇下,就話因為無加熱(阿水唔知啊) 佢完全無打算幫我地加熱或換過的意思,無奈無奈!!!叫左個白汁吞拿魚意粉,尋寶甘尋d吞拿魚囉

未見過樣樣都咁差既CAFE..入到去.地方小,唔緊要..但係就焗到暈..佢D空調唔係幾掂囉!之後叫野食啦..叫左個餐..等左唔止半個中.一個中都黎啦!都未上...都係果幾碟意粉姐?有幾難整呀?最離譜係個餐湯,都要等成個中先有?我地已經勁吹,仲話仲有未野食賣單走,但個老闆又好聲好氣留低我地,不斷話整梗,仲話送多2個小食拼盤比我地..我地心諗,湯都等1個中,你D小食等到收工都未有掛..望去佢地個廚房,明顯淋晒檔啦!成個樓面D人都入晒去幫手!仲見到有個員工出左去買金寶湯....原來係冇晒料先要我地等咁耐..個老闆會唔會太冇預算?好彩最尾D野食都到齊,但味道超淡,加左四分一支芝士粉囉!係..CAFE D相真係幾靚呀..但D座椅既DESIGN真係好差,坐得一D都唔舒適~!

心情不佳，手頭緊，加上行到腳仔軟，拖著壽星女，吃完魚蛋粉，兜兜轉轉，正躊躇該往哪兒歇歇，忽然想起上司曾提及此cafe為一文化工作者聚腳地，故抱著"姑且一試"心態走了上來。本人向來對上樓cafe零好感，視之為太多年青仔女無所事事浪費時間之地，相信本人是老了。。。這兒環境還可以，有點舊了，特點是夠高，坐在窗邊都是不錯的；是晚少人，所以坐著也很舒服，但相信當人多時，環境會是很侷促的。叫了一個意大利梳打用來解渴，友人叫了個甚麼青檸香茶，一路"慶"著茶壺一路斟著飲，對飲熱飲絕對要求extra hot的我實在方便，故再叫一個檸檬柑桔果茶，又真是不錯，果味很香很濃。遲來的友人叫了個菠羅鴨胸意粉，據說非常美味。服務ok，好像是老闆的男士讓我們在內吃從外帶來的餅，還告訴我們他們計劃引入cakes，唯一瑕疵乃是後來再嗌的三個飲料漏了單。老人先走一步，未知留下的三位留至那個是候呢？

今日我個fd生日,去番一年前我去過ga café度今次我第二次上pixel café,我覺得靚左好多一入到來有位4眼仔好有禮貌問我幾多位,帶左我地六人位坐低,我見到款式比之前多好多,岩岩好6款.1.意式香草煙燴天使面我覺得呢個香草好濃,配合埋天使面幾好食,2.德國辣肉腸香蒜意粉其實我唔係好食得辣ge,不過食落幾香口野味ge.3.日式咖哩豬扒飯太普通冇咩驚喜.4.香草白汁海鮮菠菜面本人幾喜歡食菠菜面這裡泡製很算okay ga啦.佢把海鮮加白汁再加魚扒,層次好豐富,外圍仲加上一點翡翠豆苗同香草點綴,好有心思.5.火焰咖哩牛仔粒炒飯.呢個飯係最有驚喜既一個,黎到果陣包住既飯係用錫紙有位服務員首先把酒倒落d錫紙面,之後點火,真係好火焰飯wor.火燒完後介開錫紙d飯仲好hot佢仲配上咖哩汁,d牛仔粒好滑,我覺得呢個係好值得去推介俾客人既6.意式蜜糖焗煙鴨胸.外觀賣相都幾好, 鴨胸既味道都唔錯(如果係café食到有咁既水準已經唔錯)之後有位肥哥哥過黎搭傘,佢知道我地有位朋友生日就即刻送左個小食俾我地仲表演左幾個小魔術比我地睇.逗得我幾位朋友好開心我地仲玩到

琴日一行15人去了一個叫pixel的樓上cafe食野.當我諗住搵野玩果陣,又搵唔到d岩自己嘅野, 所以企左係到. 好耐之後有個waiter嚟左問我想玩d乜, 又好好咁介紹左一隻駱駝game俾我哋玩.駱駝game好刺激跟住我哋 嗌嘅 野食嚟到我哋 無乜空位, 所以將野食放埋一邊.有個waiter行埋嚟好關心咁叫我哋趁熱食凍左唔係咁好.不過個香蒜意粉等得耐,但香腸比較辣.而且牛肉飯真係好好食*v*玩左好耐嗌野飲, 飲唔知乜野花茶,比較怪怪的.但夏威夷就唔錯!有意跟朋友下星期再嚟一次!

我地今日7個人嚟食, 佢點咗我地坐d高低不一嘅枱, 我地諗住另一邊有空枱, 想叫waiter幫我地換位la...點知佢唔肯, 話有人訂咗wor, 但根本無人嚟坐ge果d位, 正一生人霸死地呀!d waiter服務態度勁差, 又串又黑面咁!仲有d野食等咗勁耐....起碼有大半個鐘先到!!!d野食又唔好食, 要加芝士粉先有番d味lor!!!!! 證明個廚師都唔掂!仲有d games 好多都唔齊全, 最後我地玩咗少少UNO就走了...總之一個字講哂: 差!!!以後都唔嚟幫襯呀!!!!!

昨天同朋友去呢間cafe食飯吹水,心想cafe是個可坐得比較耐又可吹水的地方,見佢環境同價錢ok就入去啦,起初都沒什麼的,我們一直聊天和在選擇吃什麼好,可能傾得耐左,但個侍應竟然用些帶串既口吻催我地落單,仲要係好不禮貌地坐在我朋友身邊,試問世界邊有d唔尊重客人,坐係度落單既侍應你見過未,仲要懶熟咁,又要懶醒咁話你講一個字我就知你點咩野飲,呢個忍佢,到左上業果杯咩北海道戀人..都唔知奶定椰奶,完全冇士多啤梨味下面d糖漿多過乜,成杯野係唔識形容咁難飲,d肉醬意粉..又係d唔知咩味來,我朋友個日式豬扒用家用鼓油做汁,最後就我朋友食白飯,我就食同飲左幾口就算了,之後我們一直傾計,因為多人環境開始好嘈,最後佢見我地人少,收野趕人(人地多人果d就唔理),我地計錢時佢又要好似我地唔俾錢咁催我地俾,咁既服務仲要每人十蚊服務費,有冇搞錯!!!成餐飯都很不愉快,總之永遠都唔會再係呢度食\_/

年初三赤口拜完年有點時間就上了Pixel跟朋友玩玩聊天。之前我亦有幾次和朋友到Pixel玩樂閒聊, 印象一直不錯, 可是今天的一次就令我開始懷疑它的服務是否和其名氣相稱。我們點了幾個set dinner邊玩邊吃, 總計有日式吉列豬扒飯﹑焗吞拿魚長通粉﹑日式咖哩豬扒飯﹑椰汁雞皇飯及菠蘿蒜蓉炒意粉。食物的質素只可叫做平平, 比起先幾次光顧明顯是差了一截, 但為了充饑也算了吧。當中的椰汁雞皇飯更是令我們「嘆為觀止」。Pixel的做法是拿整個飯去焗, 上枱時是熱騰騰的, 但只局限於汁料及白飯, 裡面的雞塊外面熱裡面冷。如果是整個拿去焗的, 理應雞塊是全熱的。朋友們都不若而同的叫道, 我們懷疑食物是否新鮮及完全加熱。於是叫來侍應小姐來替換, 並著她要一碟全新的。由於我們已經把部份的飯菜分到自己的碟上, 侍應拿回去的應只有大半的份量。當值廚師竟只把剩餘的那碟飯去翻熱, 就著侍應拿回來。有朋友是向著水吧位置坐, 看到廚師在翻熱前後都一直「給我們面色」, 這實在是看不過眼。侍應亦似乎沒有留意我們要求一碟全新的飯, 而不是經翻熱的東西。這叫甚麼的服務態度? 以前的一貫周到服務完全掃地。侍應的服務亦

一份功課搞掂，另一份功課需高人指點。夜晚相約旺角討論功課，隨便的找了一間樓上cafe。論環境，這裡遠遠不如Pancake colours，不過好處是較靜。　朋友叫了精選晚餐-鴨胸拼薯角($48)，加$20可以有餐湯與飲品。從來對cafe食物印象麻麻，這裡也一樣，不過朋友的鴨胸至少算新鮮肉嫩。　RISO的香草蒜茸包還未消化完，我只點了桂花蜂蜜花茶($36)。餐牌說，這款花茶有明目養顏功效。真的嗎？其實我只要解滯就好了。花茶清清甜甜算ok，如果容器再別緻一點，像Coffee Mug的玻璃茶具就好了。　Cafe整體水準很一般，不過朋友的意見很寶貴，是晚收獲豐富。多謝哂!　P.S.客人必須入會，才可以光顧...麻煩的規定，扣一分服務分!

約左班朋友仔下星期出來gathering諗住搵個好地方可以食下野玩下game有朋友介紹呢間cafe於是今日就同bf上o黎睇一睇場順便試下食物&飲品o既質素個環境都幾好又有好多game玩(可惜每檯都"霸"住幾個game)好適合成班人o黎玩(夠嘈)至於食物&飲品方面, 我地叫左:菠蘿蒜香雞扒意粉<= 好咸日式咖喱魚柳飯<= d咖喱汁好稀白雪公主(椰子菠蘿) <=超甜,極難飲xx荒漠(蘋果+ ???) <=又係超甜同極難飲其實佢地食物都尚可以接受但d飲品就真係唔得囉我地飲左1/3已經放棄左最後我地一致決定唔會帶d朋友o黎喇

同fd上去打機兼吹水食野，叫左個咩日式咖喱魚柳飯。單落果陣姐姐失憶成日唔記得叫左乜唔緊要，個飯黎到d咖喱好似水+一d類似豆粉漿+極少咖喱味的黃色東東...完全叫唔上日式咖喱。吉列炸魚外層粉碎內裡極鹹，d飯一粒粒咁，食落有少少似糙米…一樣咁乾咁難入口，食完好想搵水飲。隔離位個吞拿魚長通粉，未上檯已經老遠聞到味，係好強既「火農」味……完全唔敢想像食完會點。最慘係遇到o個位新人姐姐，服務態度真係一流，切餅費點計都未搞清，明明同我講四十蚊切餅費，最後竟然係四十蚊一個餅(當時帶o左2個生日蛋糕上去)，累到佢前輩又要o徙口水解釋一番……最最最搞笑係，果日(星期日晚七點左右)上去開始叫野食，點知叫完等o左半個鐘，姐姐又走埋來問「唔好意思無乜乜物物(真係款式太多，不能盡錄)，介唔介意轉第樣呢？」結果大家d order有90%「覆沒」，無乜人食到原本想食既野……

2005年7月19日相約了友人來這裡聚腳,先與L來到,L因為有點肚餓,因此叫了焗芝士吞拿魚長通粉,我也吃了一點,不太吃到芝士味,但總體來說算不錯的,另外她叫了一杯藍莓菠蘿沙冰,她說味道也不錯,藍莓味較重,而且非常夠凍,而我叫的是栗子咖啡,頭一啖有點栗子香,但往後就沒有了,而咖啡味也不太香濃,而且甜了少許,後來友人F加入,叫了藍莓果茶和藍莓芝士餅,前者有很香的藍莓味,後者的芝士不算太濃烈,而藍莓的酸味令芝士餅不太膩,說真的,很多樓上CAFE的食物也只算是不過不失,這間也不例外,或許給年輕人有個抖抖的地方,才是這些咖啡茶室的真正功用吧!這一餐是友人L請客的,在此向她致謝!

男朋友看到這裡的食評不錯，所以情人節前來一試，可惜敗興而回。昨晚食了一個節人節的set，$148一位。蜜桃雞沙律：個沙律醬好酸，雞扒好普通龍蝦湯：好咸炸帶子魚柳：又係好咸，唔知點解薯蓉又咸魚柳仲咸雪糕甜品：正常味道，沒有特別飲品：每位加了十蚊叫了兩杯特飲，一個芒果砂冰，一個士多啤梨蘋果橙汁，芒果砂冰的芒果味有一點怪，士多啤梨蘋果橙汁全部由罐頭果汁製成，沒有特別。雖然上樓cafe是以空間為賣點，但食物的質素亦不能忽視。

琴晚我同班同事放左工,想搵個地方飲杯野啦,跟住就去左間係20樓既cafe,一出電梯就有個好nice既waitress歡迎我地,我地叫左一件blus berry cheese cake同new york cheese cake,仲有個士多啤梨芭菲同埋個香蕉船,每人仲叫左杯飲品,首先講下兩件cake先啦,d blueberry好甜好好味!!!!個new york d cheese好creamy,好濃好香~~~~價錢唔算太貴,值得一試~~~~個士多啤梨芭菲外型好吸引,粉紅色~~有雪糕,朱古力漿同焦糖,鍾意食甜既人一定要試!!!!!至於隻香蕉船,個賣相都好好~~個幾杯野飲都好好味,個幾杯野叫夏威夷,荒漠金泉,薄荷朱古力同埋小時候~最鍾意呢到全面禁煙,唔使被人噴到成身煙味!~~