Pizza-Box (康寧道)

Open Now

Now Closed

見到d人話幾好，所以打算叫一次試下啦點知中伏了.........我叫果個係：$218 三五知己套餐{熱帶風情 (大)}{芝士軟心批加 [+ $18] (13 吋)}{千層肉醬闊麵}{香脆雞4件}{1.25L可口可樂一支}佢全部野都超清淡.........薄餅個皮大濕.............好鬼軟..........加左芝士邊=無加千層面一打開白色既，差d以為佢送錯左黎=-=叉落去先知，好彩無送錯.........不過好乾囉到食炸雞.........細過芝x雞好多.........第一啖咬落去無味既........炸粉無味都唔緊要..........再食多啖食到雞肉既.......又無味既........搞到我要自己拎支茄汁出黎自己調味..........連我阿妹食得咁清淡既人，都話淡而無味.........得d炸油味喎........總結：真係一次就夠了，我真係心諗，佢地整完出黎有無試食過架？無味既野都敢拎出黎賣..........

lunch想食pizza，叫了家附近的pizza box，自取有6折，幾抵食。預早book定時間拎，準時，而且20mins後到家，野食仲熱的。今次質素唔錯，不過無諗到雞翼勁辣，墨丸燶少少，不礙事，依然係至愛，意粉份量如果多少少就好啦。4個人食，主要係每人兩大件pizza飽晒。

身邊朋友一直指PIZZABOX的食物不錯, 今天終於叫了個2人的外賣速遞, $133 2個忌廉湯, 一盒8隻火辣雞翼及熱帶風情普通傳統批。ORDER後指要等約45MINS左右，結果一個小時有多還没送到。到食物送到後, 一打開吃了幾口完全不新鮮, 忍不住打電話去投訴。結果PIZZABOX的同事指會重新送過新的來,我要求雞翼轉做BBQ口味, 這次等了30MINS左右便送到而且明顯是熱的, 好不好吃已經不再是重要, 本想隨便吃飽便算了, 誰知打開雞翼,我完全不滿意食物的味道及質素花$133我相信我可以在其他地方吃得更滿意。

9個人, 叫pizza 食, 朋友話呢間唔錯, 外賣自取仲半價叫咗3個pizza, 蒜茸包, 1個焗飯,1個意粉, 仲有4件炸雞,, 無叫飲品 pizza唔乾, 配料亦多, 尤其個蜜桃大蝦千島醬pizza, 酸酸甜甜, 驚喜 蒜茸包香脆, 包面有芝士火腿, 但唔會太"漏"炸雞意然幾滑, 無雪味, 皮亦炸得香脆焗飯及意粉味道無薑喜, 但合格每人都係$40, 平靚正

之前個星期日打算食pizza 做晚飯，咁就打算試下呢間野啦，當試下新口味，咁我就18:45打電話去落order到左19:30都未到(另一間食雞既餐廳外賣已經到左啦)咁我就打電話去追下單啦，當時個職員仲話好快會送黎，咁只好食住雞咁等..........等到20:45都仲未有外賣pizza 到，再打多一次電話去問，當時個女職員好快就同我講"我收你半價，你等多20分鐘呀"，我即刻同佢講"唔要呀"

因為聽別人說這間的pizza很好吃, 所以 family day 的時候就買二個大批外賣自取回家了買的是 "煙肉漢堡芝士軟心批" 跟 "BBQ 鴨胸", 只是排隊等候的時間可真久了... 有整整一小時喔煙肉漢堡芝士軟心批 的味道很香濃芝心的批邊沒Pizza Hut的厚, 比較薄一點但芝士滿滿的擠滿批邊的空間~喜歡吃味濃的人一定喜歡的感覺BBQ 鴨胸 的味道比較清淡吃得出鴨胸肉的味道比Pizza Hut 的, 我比較喜歡這間的Pizza令我很有滿足的感覺

屋企人無煮飯, 唯有叫外賣第一時間便想起 pizza box,叫了兩個大批, 兩個飯/意粉,都係二百幾, 仲有邊度有咁抵?pizza 點了啖啖肉同香辣雞,啖啖肉要了雙層芝趣餅底,幾特別, 食落滿口都係芝士味同埋肉味,真係好正另外香辣雞都不錯值得一提係葡汁雞皇飯,個炒飯底好好嚼,好似日本米咁,又係正最特別係,落order講左有 mountain dew送,點知速遞員漏左,話轉頭補比我,等左一陣都無,就算啦,點知過左半個鐘,佢真係拎返返來,服務好好

b]母親節，一心諗住唔使煮飯。下午4:10 己經打定電話落定Order ，要求晚上 8 pm 送 2 個 pizza, 接線職員講定可能要等多 15 分鐘。結果 晚上 8:20 pm 打電話去問，接線姐姐又話多order ，叫等多一陣，又話肯定出車，應該就送到。叫接線姐姐跟進一下及覆個電話，但又唔覆 ！只好8:35 pm 及 8: 50 pm 重複打電話一追再追，接線姐姐又話聯絡唔到送貨職員。簡直離哂譜，下午4:10 己經落定單，做唔到或送唔到都打個電話比個客呀！都唔知等 定係唔等，一家大細結果餓到 9:00 pm 見pizza 都未送到，真係火都o黎，只好出街吃飯。Pizza box D 管理好有問題，完全沒有服務承諾，沒有時間觀念，小心Order 都未必有得食

自從俾我發現 california...個人覺得佢係 pizza 界較為好食同多花款, 今朝忙著工作, 沒有時間訂外賣齊齊為同事慶祝生日, 於是他們選了較平的一間!Pizza 四大個, 千島夏威夷, 香辣多寶, 香辣燒雞及....另叫了幾款飯及意粉各5個, 小食如烤墨魚丸, 照燒雞串燒, 烤德國腸, 法式芝士火腿蒜茸包, 雜菜湯, 9個, 燒豬仔排骨, 九罐汽水.....十五人食, 每人約 $60! 薄薄餅...唔脆, 餡料跟餅底分離, 墨魚丸似灼熟多個烤, 意粉及蒜茸包也腍, 雜菜湯好淡, 噢...聚下食下傾下計...唔錯...但食物就麻麻地!

媽咪話想食呢間的PIZZA, 因為她的同事話好抵食。現在一個大批+一個意粉/飯/小食, 外賣自取都是半價。 一個多寶千島醬(+ $12)轉芝士軟心, 及白汁雞皇蘑菇飯7:30 去到自取。 收$102, 俾$502, 方便佢找$$。但.....竟然連$400 也沒有!! 真的嚇死人, 幸好弟弟跟我一起, 不然也不知道去哪裡找$102 給她。回到家立刻食一件, pizza 還熱。吃著吃著, 發現批邊沒有芝士, 再看看傳單上的圖片, 應該批邊有芝士的。我另外加$12 竟然沒有芝士?!立刻打電話換pizza, 問我自己拎落去換還是送上來。當然是他送上來啦卻要等45分鐘, 又要將個pizza 俾返佢, 咁我可以食些什麼??!好彩我地自己有煮野食。等了足足一個鐘, 才有pizza 送來。但又不收回那個pizza。早知我吃了那個pizza 啦, 一家人在等個新pizza。PIZZA 本身千島醬不夠多,批底很厚, 吃一件已很飽。鋪面的芝士沒有味道, 很淡。白汁雞皇蘑菇飯, 很普通。以後都不會再吃這一間, 沒有可取之處。

睇完秦沛攞到萬千星輝大獎, 好開心, 成十點半都未食晚餐, 唔想落街, 就叫樓下對面呢間pizza外賣. 佢話要等45分鐘, 點知17分鐘就送到上黎, 我仲要係住唐五樓, 真係好快!!!叫了$138套餐: 普通pizza(一半千島/一半多寶), 打開盒時仲見到芝士熔緊落去, 新鮮熱辣, 正. 燒雞焗飯配牛油汁, 燒雞同汁幾好味, 但飯就麻麻.湯及沙律, 另外叫了$78小食拼盤, 有燒豬肋骨, 雞中翼, 燒德國腸及薯波. 估唔到呢4款又幾好食, 如果要比較, 只係雞翼唔夠蜜糖味. 再散叫3罐汽水$12, 合理! 可能見到黎耀祥, 米雪及敬佩的秦沛都得到應得的鼓勵, 心情特別好, 食得特別暢快!!

因為pizza hut做大個巿先,香港人食慣左佢地d 港式pizza(厚底+味濃),所以會難接受pizza box. pizza box既傳統或超薄批底,比較似正宗pizza既咬口韌度,同埋味精少d,淡d,令人可以更食得出各種材料既原味,例如:洋蔥既甜味,青椒既香同甜,肉既醎香,磨菇既juicy(當然條件係要慢慢趙,不過,香港人食野太快,趙唔夠三野,條脷都未點嚐到味,就吞左落肚).我去意大利旅行時食既pizza(當然好味好多,因為d材料更新鮮),就似pizza box既多d.不過,始終唔同地區既分店,用唔同既師父,手勢係會有唔同.kt 呢間,兩年前曾經有一段時間變得好難食,似柴皮,近呢一年,d火候又控制得好返好多.所以今年我都食左好多次(佢地d"香辣"野,真係好辣--對我黎講,隻mexican青辣椒好厲害 ).同埋,外賣呢樣野,冬天唔係咁合適,始終送到黎,都凍左一大折,&硬曬啦.味道失真好多.上面只係評論pizza而已,其他類食品不詳.大概就是這樣了.ps. 接線生同送貨員都好有禮貌丫. so far 未試過打唔通.

套用台灣人的話,pizza box 真是便宜又大碗!於網上order,不過10 min 來電confirm (相信因為是sunday night所以才遲少少)承諾 1 hr 內送到,大約5o min 後便送到門口.3人吃,所以外賣只點了兩個pizza 一個 pasta,超級多寶大批及香辣燒雞超薄奇脆大批,另外一客肉醬意粉.其實兩個批都好好味,不過香辣燒雞似乎用辣椒仔辣汁,所以好鬼辣,但總括來說真係幾好味!但肉醬意粉(買pizza +$22)真係略差少少,意粉未煮透,肉醬味道一般,唔夠多汁,所以食落略乾.Overall,pizza box 的pizza 真係便宜美味又大件的!

　　母親節剛剛過去，我買了千島夏威夷及香辣多寶各一﹑都是薄批﹑大﹑自取。乘車回家途中，pizza的香味傳遍整個車廂內，前後座的乘客都戴著羨慕的目光看著我，當時我相信味道應該也不錯的。　　回家後卻是另外一點事，刀切不下，只好用剪刀，最初的期望大跌，但賣相仍可以，那再嘗嘗味道吧，咬下去，太乾﹑批底及漿汁部分明顯地分離，批邊乾而脆，我們吃了一﹑兩口便轉到酒家慶祝母親節，很難想像可以在pizza店買到pizza形狀的餅乾。相信我在這一年半載也不敢吃pizza吧。

奴隸獸聽H君大讚Pizza-BOX的Pizza 抵食，外賣自取半價。覺得好吸引喎！放工後，約了主人前往光顧。外賣食品需要等候20至30分鐘，我們點了：1. 超級多寶厚批（大HK$71）：主要有火腿、蘑菇、菠蘿、牛肉…..等等共8款餡料。味道普通，而且此Pizza可能烘焙過了火候，批邊變成硬塊，失敗啊！2. 燒雞螺絲粉配巴黎牛油汁（HK$22）：賣相沒有吸引力，螺絲粉，彈牙口感欠奉。巴黎牛油汁味似普通燒雞汁，總體來說，此Pasta唔合格。