Pizza-Box (康寧道)

Open Now

Now Closed

23/12/2007今日既lunch~同honey 都想食pizza~不過又唔想去食pizza hut , 所以去左買pizza box 自取~依家有優惠~外賣自取一個大pizza +小食一客=全單半價所以叫左一個超級多寶大批($132) + 一個小食”炸薯波”($24)= 半價後>$78個pizza 一睇個樣已經覺得好吸引~好多料~ 個薯波就似乎差左d~點埋茄汁都冇乜味~開頭食個pizza 好好味~不過食食下就開始有d滯~同埋食食吓覺得唔好食~好似有d似食香口膠咁既感覺~講到抵>都好似pizza hut好食d~不過佢又真係平過pizza hut 好多~

喉嚨痛但又唔想出街，細佬提議試下叫呢間既Pizza，貪佢加$20送多一個，我諗唔食個邊都應該唔會太熱氣卦，又或者以毒攻毒可以快Ｄ好返，便不惜兩個人叫左兩個大批，真係好誇！細佬鐘意食肉，所以叫左一個啖啖肉同一個日式咖喱雞柳拼吞拿魚，為免太滯個啖啖肉係薄批黎。落Order後大約一個鐘就來了，賣相唔錯，個薄批切開左細細件，好快就食晒喇，係個厚批比較滯，所以食左半個就食唔落喇，結果成為細佬第日既晚餐。基本上兩個批既料都幾足，不過相對黎講真係Pizza hut既好味Ｄ，應該係因為呢間既味淡Ｄ冇咁濃，但貪平就確係唔錯既選擇哩！

懶煮飯叫外賣,未試過pizza box ,一於叫黎試下,點了$162晚餐,大薄餅一個(千島多香雞),料夠多,但邊唔脆.肉醬意粉(無味),紐約雞翼8隻(幾好味),湯四個,粟米湯好鬼死假,唔掂啊!真係一次夠了

明知母親節勁多人，一心幫襯，早早打電話。黃大仙區應該打去旺角/樂富？打十幾分鐘，終於打通...佢話應該打去官塘喎...又打十幾分鐘....呢個話應該打去旺角/樂富喎...結果，冇食到！都唔知點做生意......

今日即興, 十幾個同事想叫外賣, 叫左啲套餐, 包括4個超薄pizza, 咩味都叫齊, 每樣一半半, 夏威夷風光, 咖啡雞, 辣肉腸, 千島海鮮, 不過, 黎到都唔係太脆啦...味道還可以吧! 雞亦有三款, buffalo, 瑞士汁同香草, buffalo做得好假, 好似就咁淋啲辣椒油係面, 燒排骨, 幾硬, 燒春雞, 呢個唔錯! 白汁菠菜雞螺絲粉, 葡汁雞皇飯...pizza hut 好食啲, 芝士蒜蓉包, 我覺得麻麻地, 唔係好香! 價錢平過pizza hut 四成...不過, 味道就差少少!

叫左個$108二人套餐另加燒豬肋骨, 點知pizza完全唔香脆,淡咩咩雞翼又涷涷地無乜味最差係個燒豬肋骨,根本唔係燒或者焗,而係.................用熱水浸熟, 然後加d汁就算數!總之嗔笨,難食到爆!!

早幾日心血來潮，叫了老媽子今晚不用煮飯叫外賣PIZZA回來。本來打算是Pizza Hut的，但妹子說不如試一下Pizza Box，她看過不少人叫，可以一試。觀其網頁，在不太清晰的指示下終找到電話號碼及餐單。要了一個套餐，一個多寶大厚批、一客芝士蒜蓉包、一客吞拿魚波菜闊麵。電話上回覆約需等候四十五分鐘至一小時。五十分鐘左右，送到了。先嘗過多寶批，不太可以。感覺像麵包店几塊一個那種「PIZZA」。芝士蒜蓉包，蒜蓉味不夠，失敗。菠菜吞拿魚闊麵，三個之中唯一算OK，但都不覺得跟連鎖快餐店有分別。總括來說，下次如果再心血來潮，都是叫Pizza Hut可能會比較穩當。套餐一百二十三元，四人吃，算吧。

今日請同事食o野,叫o左千島海鮮大批,超級多寶大批,水牛雞翼同沙爹雞翼.先前見其他食家的評語咁差,又話漏單又唔熱,都有D心.結果係比原定時間早十分鐘到!講番D o野食,所有食物都熱辣辣,同事話兩個批都幾好食又多料,好滿意.不過雞翼就唔多得,沙爹雞翼先前冇話係辣o既,紡果水牛雞翼同沙爹雞翼兩樣都係辣o既!水牛雞翼味道除o左辣重酸酸地添,味道怪怪地!不過,最正o既係可以簽卡,唔使俾cash!!我會再幫襯pizza,不過唔會叫雞翼!!!

我都係响x'mas時訂咗兩個pizza（在北角區）, 個日仲係公司搞party，原先講明12:15pm送到，但等到1pm都未嚟，打電話去問，足足等咗10分鐘都比唔到答覆,最後話漏咗單．．．一肚氣之後pizza終於送到,但係凍既，兼唔好食．

X'MAS 果時叫到會! 要比訂!到果日又漏湯又漏叉! 等佢拇返黎既時間已係40 MIN 後! 好多問題! d 湯好多油!Pizza 細左d ! 到果時已唔熱啦!