Pizza-Box (Tsuen Wan)

太公從來吃東西，都是貴精不貴多。所以，雖然此於家居附近的pizza box 開了好一段時間，又屢次發送宣傳單張寫話自己："外賣自取大批+意粉"半價，但礙於家中只有自己和老媽二人，都無福消受。然而，當呢張傳單落入娘親手中時........週六，本來滿腹大計想去長沙灣新華試新店。誰知娘親一大早就提來一大個pizza (多寶)和一大盤意粉回家，迫太公吃。其實，pizza box 的pizza 底搓得幾好，係有質感，但又唔係好"un"果種。不過，太厚，同埋d茄醬太多；雖然整體個味道都比pizza hut 好，但太公始終喜歡薄批的口感，下次光顧，要先問問有否薄批。個意粉. (磨菇雞皇意粉)...個意粉太淋啦，個白汁都一般；不過，佢d料好足，d雞一般，但d磨菇就好好味好香。建議要白汁磨菇飯會好d (好似個正確學名係白汁鮮菌飯)；同埋都幾大dull的，同o係"大檸樂"度叫一碟焗意粉一樣既份量。整體黎講，pizza box做的食物比pizza hut做得有心機，不過就係美式pizza lor, 比pizza hut更美式(個人覺得pizza hut係港式的)，鐘唔鐘意，真係見仁見智。如果你係好鐘意食美

Read full review

其實，pizza box 的pizza 底搓得幾好，係有質感，但又唔係好"un"果種。不過，太厚，同埋d茄醬太多；雖然整體個味道都比pizza hut 好，但太公始終喜歡薄批的口感，下次光顧，要先問問有否薄批。

個意粉. (磨菇雞皇意粉)...個意粉太淋啦，個白汁都一般；不過，佢d料好足，d雞一般，但d磨菇就好好味好香。建議要白汁磨菇飯會好d (好似個正確學名係白汁鮮菌飯)；同埋都幾大dull的，同o係"大檸樂"度叫一碟焗意粉一樣既份量。

整體黎講，pizza box做的食物比pizza hut做得有心機，不過就係美式pizza lor, 比pizza hut更美式(個人覺得pizza hut係港式的)，鐘唔鐘意，真係見仁見智。如果你係好鐘意食美式pizza, 我覺得你絕對可以試下。不過，如果你係鐘意意大利的pizza(即係我呢d)....咁呢間野應該唔會係你杯茶，我只可以講話：順手行過，一試無妨。咁lor。

仲有....係，係好抵食lor....咁一個set, 只係八十幾蚊，如果各位係有成班friend咁, 咁成真係好抵....之但係，之但係，之但係....如果你好似我咁, 一老一少在家，個老既買完返黎過完"買抵野"癮同過完佢果少少既口癮之後，就要你清晒佢...(我放左o係雪櫃呀...分左幾餐食....辛苦....)

呢件事教訓我地....如果你知道閣下屋企係消耗唔到咁大量的pizza, 記得收埋任何呢d疑似"好抵"既傳單呀.....唔係就要自己做垃圾筒架啦....(尤其是當你本人係好唔太鐘意pizza的時候....)

Pizza-Box (Closed)