Pizza-Box (Closed)

屋企唔煮飯，就會叫pizza搞店，今日就叫左pizza box！佢有個優惠係，外賣自取有7折！我地簡左啖啖肉pizza!打去order,約好時間就攞得！啖啖Pizza大批入面有薄片紅腸，火腿，意大利腸，蘑菇，墨西哥青椒！大批$164加埋芝心邊就加18蚊！然後有7折！抵食！

先旨聲明，這並非食評。因為，根本ORDER不到。本人家住葵涌近和宜合道。由荃灣出發，車程不過十分鐘，結果打去ORDER，被告知並非覆蓋範圍，不送貨。接線的員工態度尚算有禮，但難免失望。結果？唯有ORDER 另一家。

叫一個$143餐，話九個字到一個小時到，等咗一個小時十五分先黎重要落錯單變咗$132餐 重要D嘢唔齊，要打電話追番個飯，之後再等咗一個小時十五分先有得黎~~~雖然接線位姐姐不停道歉但我應該唔會再叫呢間Pizza外賣啦......

今日(1-10-2010 Fri)男友放假,,原本想同佢去燒o野食,但都係唔好喇,原是決定叫pizza食.o係唔知頭唔知路攞住張舊外賣紙o既情況下,男友叫o左個3-4人套餐(其實我o地諗住得我同男友食,因爸爸唔鍾意食呢啲o野),我o地叫o左:原來要加$15.00o既半分天下pizza,揀o左多寶同素食精選,醬要傳統蕃茄醬.後者材料有: 青椒,洋蔥,蘑菇,粟米,鮮蕃茄同菠蘿.唔知係咪鮮蕃茄唔夠甜o既關係,覺得酸o左啲,材料都幾新鮮,但o衣o家諗返,唔多覺有青椒,洋蔥.味道: 3.5分前者有: 青椒,洋蔥,蘑菇,薄片紅腸同意大利腸.呢邊好似焗得有啲燶,燶到分唔到咩腸打咩腸,只知味道同上面o個個差唔多,但呢個好似乾o左啲,同樣o衣o家諗返,唔多覺有青椒,洋蔥.味道: 2.5分雞翼要香蒜雞翼8隻.呢個名副其實有蒜香味,真係夠味,煎得o岩o岩好,唔太差o既.味道: 4分吞拿魚蘑菇螺絲粉男友覺得呢個一pat pat;我覺得味道正常.味道: 2.8分沙律同餐湯各兩份餐湯係蘑菇忌廉湯,顏色唔係奶白色,味道……應該因為有好多蘑菇,所以飲到好重蘑菇味.男友話蘑菇好似煮得唔夠,好大陣蘑菇腥味.味道: 2.5

同班朋友開party , 叫左3間shops 既食物, 得pizza box 係送貨的, 本身都預多左時間, 始終呢期多人開party, 早d好d~大家一路食住其他野食一路等, 過左半個鐘開始call hotline 問 status, 答覆係唔知, 同埋唔好意思, 話叫送貨o個邊call 番我, 結果又係等極都冇.最後係遲左成個鐘先送到, 送貨既staff 連原因都唔比個我. 我明白節日多order, 如果送唔切, 應該好似其他shops 咁話已full, 唔好叫d客唔知等到幾時. lunch 得個多小時, 唔係人人都可以花成個鐘等, 仲要係我之前o個晚已double confirm 個送貨日子同時間.野食方面, pizza 不嬲都ok, 不過d 螺絲粉淋到赫死人, 都唔知係咪一次送10單orders, 最係係我地, 所以d食物都唔熱既.呢次經驗令我對pizza box 從此改觀.

今晚開p我吔叫咗壽司和pizzapizza就揀咗pizza box叫咗個千鳥夏威夷pizza~ 一向我都愛食pizza box 既pizza不過今天食既款有點不同, 以往食開有茄醬既pizza今次叫咗個千島夏威夷pizza只有菠蘿和火腿,味道有點.... 普通, 無乜特別味道, 又乾, 又不夠source~ 所以今天既pizza 只給40分,至於佢既鴨"空"意粉, 鴨"空"好味呀, 但意粉好淋,不好味呀雜菜湯,好味好多菜~ good

Pizza-BOX---超級多寶DD雙層芝士夾心批+煙肉漢堡芝士軟心批+Mountain Dew日期：2009-08-11 在"Pizza-BOX"(荃灣分店)買了"超級多寶DD雙層芝士夾心批"($153)，送"煙肉漢堡芝士軟心批"和"Mountain Dew"。在家用焗爐翻熱。1.超級多寶Double Decker---雙層芝士夾心批底由兩塊超級奇脆批夾著車打芝士組成，配料有辣肉腸、意大利香腸、火腿、牛肉、洋蔥、青椒、菠蘿和蘑菇，醬料是蕃茄醬，表面是Mozzarella水牛芝士。批底厚薄適中，口感微脆，芝士味濃。肉類配料鹹香惹味，整體質素很好。2.煙肉漢堡芝士軟心批---它屬於美國芝加哥式Pan Pizza。批邊包著Mozzarella水牛芝士，配料有煙肉、牛肉漢堡扒丁和蘑菇，醬料是燒烤醬，表面是Mozzarella水牛芝士。批底較厚，外脆內鬆軟，芝味偏淡。煙肉鹹香，漢堡扒丁鬆軟，不過有少許筋。燒烤醬味道較淡。3.Mountain Dew---基本上是橙味加檸檬味汽水，沒什麼特別。

2009-05-27 今晚在"Pizza-BOX"(荃灣分店)買了"$138星期一至五套餐"。 在家將所有食物用焗爐翻熱。"星期一至五套餐" $1381.薄餅:多寶2.燒雞意粉配巴黎牛油汁3.烤德國腸總金額:$1381.薄餅:多寶---配料有辣肉腸、意大利香腸、洋蔥、青椒和蘑菇，醬料是蕃茄醬，表面是Mozzarella水牛芝士。批底厚薄適中，外脆內鬆軟，肉類配料鹹香惹味，蕃茄醬濃郁，整體質素很好。2.燒雞意粉配巴黎牛油汁---配料有燒雞肉、蘑菇和紅蘿蔔。意粉偏腍身，燒雞肉份量太少。巴黎牛油汁的香草味和牛油味香濃，略鹹了點。3.烤德國腸---這是慕尼黑白香腸(Münchner Weißwurst)。傳統的慕尼黑白香腸是用水白灼，這裡就是烤。吃時先撕去腸衣，腸肉鬆化，帶點油脂。內裡混入了蕃茜(Parsley)及洋蔥等香料，香口惹味。

叫到佢新開張有半價, 就特登走來一試超級多寶pizza, 半價後係 $71, 要芝心批另加 $12買單的時候, 店員話要等45分鐘, 所以先係附近行下街, 夠鐘先返去拎pizza但原來, pizza已經整好了, 一俾張單佢就有得拎所以建議大家, 大約30分鐘可能已經ready了因為仲要行十多分鐘先返到屋企, 所以食個時已經唔係熱辣辣超級多寶 = 跟超級至尊差不多但pizza box的材料感覺上多了些不過, 芝士唔夠香, 特別係芝心的部份, 完全係唔好食的食完之後非常失望如果下次都仲係甘樣水準的話, 就不考慮再幫襯了

專誠去荃灣試下哩間野,收傳單就收得多,食就真係第1次..因為外賣自取有半價,所以要等都無問題~多寶pizza:原價$138,半價後$69- 要左傳統薄批,餅底唔錯,好過pizza hut,用料亦都有誠意過pizza hut. 半價後好平ge價錢,好好ge享受~香草雜菌意粉:原價$42,半價後$21-不太好,食得出係工場整好之後再翻熱~不過$21你想點呢..火辣雞翼: 原價$42,半價後$21-食物如其名,好火辣,令人想一食再食~況且數量唔小,居然有8隻,可算係意外收穫~加左$12要1個紅湯2罐汽水,紅湯普通,無溝水但係無咩味~等左15分鐘左右,再搭小巴返葵芳,都唔會話凍晒~下次有機會再試埋其他~

兩口子往荃灣廣場逛街,途經享和街Pizza Box,即被門口的易拉架吸引, 原來多款pizza自取半價, 於是點了一個超級多寶大批,半價只是$71, 還有買pizza可以優惠價$12換購餐湯, 薯仔沙律或汽水任擇三客,是日餐湯是雜菜湯,材料足,味道不錯. 還有數款飯,意粉亦做半價,我點了一客雜菜螺絲粉只是$21. 其實我覺得pizza box的pizza味道與pizza hut分別不算很大, 但價錢較經濟實惠, 若有空去買外賣自取,值得一試,是次等候食物約十五分鐘,算很合理.

突然好想食pizza, 但又唔想食pizza hxx成日都聽見呢間野個名, 咁就試下喇~係28/2/2009 前都有優惠, 外賣自取平50%, 真係極之吸引ar~所以我就買左2 個批 + 2 個粉, total 都係$184, 5 個人食~ 服務 呢間分店得2 個職員, 即使我早左去拎, 佢地都可以係20 mins 後完成, 仲要味道不錯, 又無話唔夠熱或者整唔熟, 效率好高, 禮貌又好~ 值得一讚~pizza 12" 厚批 半分天下 : 香辣多寶 + 啖啖肉 - 每樣一半, 香辣多寶唔係好辣, 少少辣la~ o岩哂我, 批底意料之好鬆厚, 仲好過pizza hxx boo~ 啖啖肉, 真係啖啖都係內, 味道唔太濃, 2 個味都好鍾意~ 超級多寶 : 真係好多料, 多到都唔知食左乜入口, 不過同上面果2 個味相比, 就差ddd~ 如果再有優惠, 我會係食番上面果2 個味~意粉 吞拿魚蘑菇螺絲粉 : 味道... um... 本身個芝士味唔夠濃, 所以只覺一般, 不過吞拿魚就十足~ 肉醬意粉 : 又係好味過pizza hxx, 唔太濃, 又唔太酸, 剛剛好, 如果大家去食的話,

一向都好少叫外賣 Pizza，因為送嚟嘅時間唔可以控制，往往影響咗食味，今晚因為啲細佬妹興致勃勃話叫 Pizza 番嚟一路食，一路開枱，我就捨命陪君子！妹妹一向好鐘意叫呢間外賣 Pizza，佢話好味過 Pizza Hut，我知道佢其實係以前嘅 Domino，未執之前都試過去朋友屋企開大食會叫過一次，已經唔記得好唔好食！ 我哋叫咗一個 $183 嘅 Combo 套餐，包一個大薄餅、一客意粉或焗飯、一客雞翼、四客沙律或餐湯或1.25公升百事可樂一支： 多寶大薄餅：原本想轉超級多寶，不過要加$15，轉超薄奇脆加$8，轉芝士軟心就要加$12，每轉一樣都要加錢，最後都係要番普通多寶。Pizza 嘅賣相唔錯，薄底幾特別，當然比唔上意大利薄餅嗰種好似餅乾脆卜卜嘅質感，但係又唔似 Pizza hut 嗰種又乾又熱氣；佢嘅餅底真係好薄，唔脆而且仲好軟，有啲似麵包，雖然唔夠脆，但係味道同水準的確唔錯！薄薄軟軟嘅餅底反而仲突出咗餡料嘅味道，多寶嘅餡料有青椒、洋蔥、薄片紅腸、磨菇同意大利腸；意大利腸味道最濃最搶，混合芝士同蕃茄醬，加埋薄薄嘅餅底，細細件唔覺膩，好快就食晒喇，雖然冇 Pizza hut 咁濃味，

男友與我都是幹傳媒這一行，也是於平安夜晚有直播節目的可憐蟲，所以大家都至少九時多才能離開公司。二人都怕擠，平安夜就不外出，在家叫外賣過。他比我先回家，就叫了pizza 了 (哼!!沒有問有沒有薄批呢！！)這次沒有勁量的大批，只叫了一個$128的二人套餐：一個普通批，一個雞翼 (亦可選飯和意粉)，和兩個湯 (也可選沙律或汽水)；薄餅其實一般，太多芝士和茄醬，只是今次叫香辣多寶，辣椒味道蓋過了一些「漏」的感覺就好一點；不過某部份就焗至脹起，而且有點焦，實在不能接受。可是，他們的蒜蓉雞翼，我們就覺得不錯；本來，這些速遞式的外賣，煮好了還要蓋上送來，我們也不能奢望吃到的雞翼會很脆；不過，這些蒜蓉雞翼的雞皮邊沿部份還保有香脆，而且煎得剛好，咬下去還有肉汁，肉很嫩，蒜蓉的香味與雞的鮮味配合得不錯，實在值得推介。湯就一般，淡了點，味道尚可，沒甚麼好寫的。可惜，此店的pizza還是主打，總不能單叫雞翼外賣 (除非是到會...但也許會是另一光景...)；拉勻，那個「正評」，還是給不下手...

前天與友人們聚首一堂慶祝朋友T的生日, 於是我們叫了外賣在家開Party叫了一個6人份的套餐, 大約是$350有兩個大pizza, 兩客小食, 兩個主菜, 四個沙律, 一支大汽水兩個pizza很足料, 正, 不過批底和平時pizza hut的不同, 但我喜歡, 有少許乾的。小食叫了薯波和蒜蓉包, 薯波就像薯餅一樣味道, 不過有點散吞拿魚蘑菇螺絲粉, 鴨胸飯, 這個一般, 但不錯啦~沙律, 很清新就是了可樂是百事的總括來說, 份量足夠6人吃, 我們四男兩女, 還吃剩呢, 太飽了!送到時間還挺快的, 價錢十分合理! 味道我愛pizza, 真的很多料!請埋朋友T, 每人都係$70