必勝客

Open Now

Now Closed

是日到朋友家探訪所以我們一起到PIZZA HUT外賣自取去食晚餐意粉蒜蓉味都幾香,仲有好多料雞翼都煎得幾好食,腸仔就正常野萄汁雞飯都算好香,汁都夠多PIZZA都正常既,厚底比較好味道,其實大批都幾大件

食飯時間，等左好耐先有位，係門口睇到唔夠人做野，好多台都無人汁，體諒嘅。入到去，舉手舉左好耐都無人行過，落左單啲野食亦好耐未到。叫左忌廉雞湯、帆立貝意大利飯、熱檸水。忌廉雞湯好濃的忌廉味，咸咸地，好大的一碗湯。帆立貝意大利飯飯上面放左啲草，我諗佢係想增添色彩，但太多了，個飯好香忌廉味，飯嘅軟硬度岩岩好。有大大嘅帆立貝，有啲菇。好味。熱檸水有三片檸檬，黎到浸左一陣，先再吉啲檸檬，都唔會覺得超級酸，啲檸檬靚，好新鮮，完全唔會覺得澀，而且好易入口，無落糖都有甜味同好香檸檬味。好飲。

復活節假期最後一天留在家中百無聊賴，於是乎走去香港仔中心逛逛，人來人往好熱鬧啊！始終是住宅區，街坊鄰居比較多，街外客比較少，主要買日常生活用品。走入了商場的二樓必勝客，下午茶時段幾抵食，其實主要喜歡嚟到即磨咖啡好喝，以連鎖店來說。雞翼，多士，薯餅餐雞翼可選辣和不辣。辣度恰到好處，不會過份，增添了惹味感。多士塗滿了花生醬和奶油，是厚切，烤得脆口。薯餅不是脆身那種，綿腍，蘸著蕃茄汁，正！即磨咖啡甘香，飲後餘韻持久，質量好。

今晚阿媽返工，無人煮飯。想食pizza好耐，再加上唔想外賣自取嘅我就決定叫外賣pizza。上必勝客個網碌兩碌，唔使好耐就揀咗呢個超級至尊薄批。大約20分鐘之後Pizza就送到，開盒嗰陣香氣撲鼻個Pizza仲熱辣辣。薄批包身香脆可口，配上意大利肉腸好有鹹香好好味，令人忍唔住一片又一片咁食，好滿足。

炸魚柳配薯條魚柳都幾大塊，係好食既但無咩特別～酥皮龍蝦湯龍蝦湯一向都係幾好飲海鮮寬條麵由細到大既至愛，不過我想講配方唔知幾多年前開始又改左，依家既白汁加左薯蓉，更稠身，比以前咸同飽肚，其實都好食既，但我都係鐘意以前既味道多啲

估唔到母親節連下午茶都唔放過，平時抵食的下午茶餐己改為母親節下午茶餐，當然價錢都會貴啲啦！無計啦！一年一度！焗肉醬意粉上枱時碟邊一個一個小油圈，還吱吱聲，即叫即焗，熱辣辣。麵條一點乾巴巴都冇，因醬汁夠多，有濕潤感，好香好惹味。嚟到啲咖啡一向是我鐘意飲的，又香又濃，飲後餘韻勁在口腔內，非常回味。

屋企人突然話想食pizza hut去到見到有芝士火鍋食，諗下諗下又好耐無食過啦喎，於是叫左個芝士火鍋來食芝士醬幾好味，而家好似加多左款會拉絲嘅芝士，港女最愛，不過其實好麻煩，拉極都唔斷加錢叫多左個煙三文魚同豬肋骨個豬肋骨嘅配菜係薯條，平時一定食唔曬咁多薯條，啱曬拿來食芝士火鍋啊其實都真係唔算係好多野食，不過主要都係想食他d芝士姐算係唔錯啦

佛誕上咗朋友屋企，佢預早上網訂定套餐，揀咗外賣自取，準時去到分店攞，店員即刻攞出來袋好比我哋，好爽手走得！2-3人餐（$308）超級夏威夷芝脆大批：焗得香脆，簡單肉腸片菠蘿，批邊嘅芝心煙韌，好味！菠菜蘑菇長通粉：白汁菠菜淋身唔澀，蘑菇彈牙，長通粉淋咗！ok忌廉雞湯：肥髀飲百事一罐：朋友飲豬仔骨拼盤： 再加嘅，不過薯格已淋，雞翼太肥，豬肋骨嚡口！香腸正常，唔得！免費升級：白汁煙肉薯蓉：薯蓉滑，白汁煙肉幾香，好味！假日唔想煮飯嘅選擇！但唔一定好味！

好耐無食過pizza hut又出七重芝士。朋友聚會。大家都係芝士控。就嚟芝士夜！叫左四人七重芝士金玉滿堂餐 $538有一個大七重芝士。有辣肉腸，腸仔，菠蘿。車厘茄。青瓜。蕃茄醬。忌廉芝士！加埋芝心。滿足啊！四個湯。忌廉湯周打蜆湯雜菜湯兩款前菜一個沙律。一個雞棒配薯條。兩個意粉或飯野菌意大利飯。無咩味道一個三文魚忌廉意粉。。呢個幾好食。啲汁好夠而家叫餐會送雞。四人餐送四件。再用會員積分60分換左條蒜蓉包。再有四杯野飲。汽水可以refill 一次。會員有9折！每人$130左右都唔錯！

本人對pizza Hut 印象一向麻麻，如非必要是不會幫襯的。但也會有例外的時候，那就是朋友想食。就好似這天LAM小姐想食，那我也會捨命陪君子。現在每個地方周圍都是人，但獨獨Pizza Hut 仍有好多好多的吉位，可想而知它多不受歡迎。我點的是芝士海鮮焗飯 HKD 85.00這個飯真的好一般，茶餐廳的質素，但就貴一倍的價錢。芝士汁很多，但是味道很差，完全只是一坨白色的醬汁，沒有味道！而且，所謂的海鮮只有一點點，根本就是太不值得了！飯又焗得過硬過乾，完全是負分的食物。LAM小姐點的是千層肉醬闊麵 HKD 89.00最後還點了一個小吃拼盤。蜜糖雞翼拼薯塊 HKD 79.00這個拼盆有六只雞翼，也算有良心。蜜糖雞翼不錯，肉入味，外面又帶了蜜糖的甜甜味。但是我覺得蜜糖放得少了點，導致只有淡淡的甜味。薯塊一般，上桌時已經是微暖了，隔了一會兒吃就變得室溫薯塊。薯塊一變回室溫，油膩膩的口感就出來了。兩個人吃了兩百多，雖然是好飽，但是並不好吃⋯如果不是LAM小姐想吃，我也不會吃這個。

16年07月09日傍晚大约6時33分，收銀員無禮貌！問都吾問就叫我排队，吾該都無聲！我只不過想望下外賣OK未！但其他人罗外賣的已可以罗！為何迟來的不用排這邊就可以罗外賣？人地行來付堂食的錢吾使排队！而我無人提的情况下向度等！最後問收銀員:”小姐，你叫咩名？"收銀員净係識指下個名牌！我要問第三次她先至講！我非常吾滿意你同事服务态度！

家人忽然想食pizza hurt ，細看餐牌，決定食新出的pizza 套餐。野莓雜菜沙律沙律一送到嚟，賣相太紅紅青青，有點太求其。雖然賣相晤靚，但又mix得幾好食。有青瓜，士多啤梨，啫喱，車厘茄，沙拉菜伴士多啤梨醬，甜甜酸酸。蜆肉焗薯蓉有好多蜆肉，薯蓉香濃軟滑。芝士海鮮焗飯太少材料，焗得太耐，米飯太硬。難食！重頭戲手撕慢煮香嫩牛pizza有幾件牛肉粒，芝士醬，菠蘿，煙肉,車厘茄，pizza 仲有厚厚的芝士邊，可以拉絲，勁芝味！♡平時pizza出咁多款太油膩又晤好食，今次呢隻芝味pizza 值得一試。半隻燒雞伴薯條燒雞燒得靚靚，淡淡的香草燒烤味，薯條炸得香脆又好味。

今日一行三人走去high tea, 其中一個叫食}pizza。入到去叫左個魷魚圈俄羅斯沙律三式拼盤﹑千島海鮮迷你必勝批﹑芝士白汁雞肉意式蕃茄包。由落單到上菜時間在十分鐘內，唔算太耐!前上左芝士白汁雞肉意式蕃茄包;先食薯條，薯條夠熱，而且好有薯肉:白汁雞肉意式蕃茄包我就食唔到有雞肉味反而食到青瓜的清爽。之後到千島海鮮迷你批，都足料有蟹柳，好足的千島島醬，肉粒都算多，味道酸酸甜甜:略嫌偏油，熱度都夠熱:批的厚度夠厚，而且食落去好軟綿綿兼且有好多芝士。另外魷魚圈俄羅斯沙律三式拼盤，我就嫌佢太少;件魷魚細到呢。。。好似一隻女裝的7號嘅戒指咁大;好在食落去唔似象膠，佢唔太老:炸粉唔係火農:個俄羅斯沙律個塊野夠脆，混埋啲沙律食，似食酸洋葱忌廉薯片:塊食塊似某快餐店的雞條一樣，樣唔似雞，食就有陣雞味。藍莓青檸賓治，味道同普通梳打差唔多;無咩特別。

年初二，都唔知食乜好，度度唔係加二就加三，都係食嗰D野，新年唔想比人搵笨，所以去食PIZZA HUT! (雖然前排先食完，但係我百食不厭)芝士海鮮焗飯: 晚市套餐$80，黎到之後個賣相無MENU咁靚XD，而且食落無乜芝士味，反而有好香既白汁味，唔知師傅係咪搞錯左呢? 白汁(芝士汁?)個味好濃郁，但係又唔覺得好膩。海鮮方面有蝦肉﹑八爪魚仔﹑蜆肉﹑魚柳等等，蝦肉都有十粒八粒，SIZE同一個五毫子咁上下，都幾大，肉質唔錯，最怕食霉左既蝦肉!八爪魚仔同蜆肉幾爽口，特別係八爪魚仔，比較少有機會食到!整體黎講個飯唔錯!個忌廉雞湯我一向都覺得係上乘野，又香又濃味，更加無味精。我最怕飲湯好稀似水，但呢個湯好”傑”，夠晒味!而且雞肉多足料!配埋蒜蓉包就一流啦，D包皮脆卜卜但內里好鬆軟，同埋有好香既蒜蓉味，焗得時間岩岩好，唔會太熱氣，我好多時都額外點一客食返夠本!

Came here with my bf for a quick lunch over the weekend. We waited for 5 min and service is fast. We ordered their Cheese Bite set meal for 2. Great value for money, with service charge was only $277 it total. The meal came with soups, appetizer, a pasta, regular size pizza and drinks. The overall favor of the dishes are on the sweet side. Pizza Hut in HK uses sweet mayo in the salad and pizza we ordered. The pasta sauce is also has sweetness to it, not very strong tomatoe sour flavor. The Chees