必勝客

Open Now

Now Closed

星期日同家人嚟到擦番餐，不嬲覺得必勝客係良朋親友開心歡聚嘅好地方，唔知係咪佢個一班朋友將個ｐｉｚｚａ傳嚟傳去嘅廣告太深入民心呢？我哋五個人，叫咗一個超級夏威夷大厚批，兩個什菌雞肉天使麵，一個原味雞翼，一個葡汁雞皇飯同一個大蝦鮮果沙律。我地一家人至鍾意什菌雞肉天使麵，個汁調得好好味，ｐｉｚｚａ、雞翼同飯一貫水準，我本來對個沙律有期望，點知蝦唔爽口，鮮果又少，有ｄ失望。因為係星期日，無ｓｅｔ　ｌｕｎｃｈ，只有兩點半後先有下午茶餐。原來依家無得揀茶或啡，跟餐只送汽水，要其他飲品就要加錢。姪仔想飲芒果沙冰，廿幾蚊杯，如果叫下午茶餐加＄１５就可以轉，但姪仔等唔切，兩點三叫咗，竟然搞到兩點半至到，手腳真係慢咗ｄ。埋單時比咗兩張＄１００　ｃｏｕｐｏｎ，點知簽咭照打咗總銀碼，呢ｄ咪太過大意囉！

(20/1/08)要家人陪我試新的,60意式青瓜軟殼蟹pizza。早前有人投訴pizze size細了,變相加價。今日看這普通批,好似真係細左。攪到芝脆邊好似佔左個pizza一半咁。所以覺得個pizza好咸。什麼酸瓜味唔係好覺,這個批,麻麻。雜菌意大利飯,好好食,又夠菇。menu相好靚的蘋果卷呍尼醬,來到係對版的,肉桂味唔勁,蘋果粒都幾多,下次食pizza都叫下先!

好久無來, 是因為覺得不好吃,今次再來, 是因為有coupon 和新裝修,三人食lunch set 一人免費,分別叫了沙律、蒜蓉包、美式pizza和海鮮寬條面,另有餐\湯及餐\茶, 另收加一,餐\湯一般, 我的沙律亦平平無奇,試了朋友的寬條面....no....好林pat pat, 難吃。美式pizza 不夠茄味也不鬆脆,勝在熱辣辣, 僅此而已。蒜蓉包反而是水準之作, 好香軟,牛油下得十分重手, 自然好味。裝修雖見新意, menu 亦加入新菜,可惜換湯不換藥, 還加了價,不值得再幫襯了。

下午茶時間經過門口,見有大個廣告就走左入去,叫左兩個tea set,其中一個係「特級小食拼盤+ 飲品2杯」,再叫一個,跟一杯Ice coffee no sugar,小食有咖喱角,蝦多士,炸薯條,雖然熱氣,不過幾好味。茄湯天使麵好清淡,豬扒幾ok,三個人,$95.00

一向都有叫尼間的pizza，水準都維持穩定今日叫左個千島海鮮芝心批和海鮮寬條麵，個批十分足料，再加上香濃的芝心邊，令人滿足！而海鮮寬條麵的牛油芝士和寬條麵完美地配合起來，使人回味無窮。

(22/9/06)今個星期,第二次食喇!仲要係食番o個兩樣野。介紹媽咪&姊姊食挪威三文魚批,order個細既,但size同其他普通批大,每人要食兩件。如果要芝心,都唔知三文魚o係邊?因為批面唔覺有三文魚。話佢成功,因為同同事八人食過,今次我地三人食,無一人話唔好食架!繼續肉醬千層麵,始終覺得"麵"太少,醬太多,薯蓉開粉。酥皮龍蝦湯,湯好味精,一d都唔似龍蝦味,係姊姊話要食咋服務真係very good!龍蝦湯等左好耐,催一催,侍應真係會跟進,&有禮地講番情況。座位舒適,最欣賞二人卡位,都是沙發櫈。

去得堂食,我就唔會order pizza,會食佢其他美食,試過佢個海鮮焗飯,炒飯夠乾身唔好一黏黏咁,海鮮都算ok,小吃都唔係好多啦,試過佢地個芝麻蝦多士,又焦又咸,龍蝦湯就時得時唔得.不過我最鍾意食佢地d鮮果沙律,因為好多沙律醬^^最愛係大蝦沙律,另外試過佢個三文魚沙律都唔錯,我多數係非繁忙時間去,可以要求窗口卡位,拎本書出黎,再order個柚子茶,咁就可以消磨一個下午~

(6/3/06)裝修左後黎,第一次坐卡位,的確好舒適。service非常之欣勤,無乜客卦...不過好睇得出pizza hut的改革,裝潢、餐牌、服務,感覺唔同晒。有新pizza都會試,春之甘著芝脆批,味道怪怪,我可以接受又咸又甜,但呢個唔match,餡料好薄好少。香草麵包條,是至愛啦,香脆o麻。挪威三文魚蜆肉意粉,雖然意粉軟硬度適中,但個白汁好稀,攪到唔入味。原塊龍蝦酥皮湯,龍蝦湯好杰,當然唔期望什麼龍蝦啦!

(3/1/06)兩次諗住同朋友食,都有變掛。今晚蛋蛋叫要吃。外賣自取。"芥辣"俾蜂蜜蓋過了,甜度像永樂園的熱狗醬。其他配料有熟三文魚、火腿、紅及黃椒,叫左佢少芝士,無咁漏。不嬲鍾意芥辣味,所以好鍾意哩個新出品。另外辣味雞翼,亦非常入味/冶味。服務態度都好,唔洗問,已拿張咭list,問你有無哩d咭,有優惠,唔會話收收埋,唔俾你響用。

今日下午又同家人來開飯了。一坐底，有個講不正香港話的小男孩待應過來問食什麼。我們叫了一個波菜雞皇螺絲粉午餐($36)、一個吞拿魚煙肉腸螺絲粉午餐($39)、一個脆炸墨魚塊拼魚圈下午茶餐($22)和一個入會時送的夏威夷風光薄餅。先講午餐包的湯，一個要了什菜湯，這個冇味的，不過幾香。另一個是忌廉湯，這個就一貫水準，即幾好。午餐飲品加$16換了二杯特飲，一杯是飛雪意大利白咖啡。這個味道普通，似飲緊泡沫咖啡多些，即成口泡。另一杯是仔仔的幻彩雪糕紅豆冰，這個只是奶水加硬紅豆，冇沙的，不合格除了雪糕。茶餐的凍咖啡，不似咖啡，似央多些，有少少奶茶味，不合格。波菜螺絲粉都幾好，一來夠熱，料都不少。吞拿魚螺絲粉都幾好味，亦都好熱，不過粉底下有水，所以不合格。脆炸墨魚碰魚圈，每樣三細塊，味道一般。今次最差的算是送的夏威夷風光薄餅了，今次冇料，冇味，皮邊冇，很差呀。順帶一提，今次俾個哭面主要是俾送的那杯水，因為有漂白水味。不過由入來到走為止，總體來講，今次真的幾差。

這是裝修後第二次光顧,第一次光顧又冇人加水,野食又等得耐,不過今次d staff多咗名加水,野食快咗又好味咗,值得一讚

今日仔仔終於考完試，所以下午就同媽咪和仔仔來食下午茶。其實都可以食午餐，但是我成身優惠券，所以都是食下午茶算吧。先來兩個迷你薄餅下午茶餐，是迷你加勒比和香甜蜜桃（$36.0／set，但有優惠第二個餐半價。兩個薄餅都幾好味，料亦不錯，但蜜桃真的又甜又多芝士，所以覺得好味d)。一個香蒜飽($18)，這個一貫水準。兩杯餐飲，凍熱咖啡各一杯。兩杯都幾香濃好飲，不過凍的那杯就甜過濃，下次記得叫小甜。另加優惠券送的兩個忌廉雞湯和兩個黑芝麻雪糕伴紅豆，兩個都一般哪。不過雪糕如要錢就一定不要叫，雪糕球只得半個。服務態度真一個個侍應哪，其中一個特別差，好似發緊夢咁。同之前個食家一樣感覺，就是冇人加水。

唔夠人手(Lunch)1. Wait a long time for menu and water !!!2. The Service is not professional.3. The table and chair is not clean.

尋晚屋企無開飯, 黎食dinner。原本想試d新野, 但得三個人, 試唔到咁多。七點半order, 野食會三至四個字先會黎, 咁預左啦。先黎左個日式蟹籽沙律。無沙律醬既酸味, 攪到都唔似沙律o既。我地傾下偈, 八點一, 先至黎個pizza, 侍應話唔好意思, 頭先整錯左(所以咁耐)。係個蜜蜜豬柳芝脆批……我話, 下!? 我地叫厚批du wor。啊….咁我幫你跟跟, 我話, 咁咪又要等? 之後無幾耐, 個普通既厚批就黎喇, 但係唔係好熱既….. 不過呢個新既批, 又幾好味bor! 可能一般人會話淡d, 因為唔係咁多芝士…算罷。咁再催, 點解個pizza 黎左, 個瑞士雞翼都仲未黎? 佢對住walkie 講, 而家同我上個瑞士雞翼先, 跟住個雞翼好快就黎喇! 評下碟雞翼先, 有四隻($28), 好入味, 但好細隻, 無乜肉。基本上呢度裝修左, 坐得係舒服左, 侍應態度亦好好, 但唔係咁夠人手o羅!

早倆日晚上冇飯食，所以就外賣pizza。用了$132會員價買了個原價$142的二人套餐，另加$8完換了個超級至尊芝心批。這個餐我們要了這個普通批（很難食，底很薄，薄到穿，邊就淋的，有芝士味，批面的料就ok哪。），一個葡汁雞皇焗飯（這個只一般），一個烤雞尾腸（即是蕃茄汁焗腸（腸幾甜，汁重甜，很一般哪），最好是二個忌廉雞湯（很濃，又有料）。下次一定不會再叫芝心批，真的太差了。最後在這祝各位食家，雞年快樂，雞年進步，雞年有食神，口福常在，美食在右左。恭喜！恭喜！恭喜發財！！