必勝客

Open Now

Now Closed

又到榴槤季啦今次Pizza Hut推出咗為期只有10日嘅榴槤放題 任食5款榴槤美食見機不可失 我即刻同朋友去試下點知！唔係食到成肚榴槤而係食到成肚氣！🥹滿懷期望到達店舖店員特意安排進食「榴心放題」嘅榴槤控們坐在餐廳埋邊位置避免榴槤味影響到其他顧客🤣亦都畀我哋見到有其他同好已經喺度開緊餐🤤🤤朋友訂位前已獲告知榴槤麻糬已售罄不過都仍然冇礙我哋去食嘅決心一開始未落單 就已經會送一碟榴槤拼盤畀我哋由於冇咗榴槤麻糬所以只係得榴槤千層蛋糕 同埋榴槤香卷個千層蛋糕雪得好硬成嚿石頭咁 超級難切🙁😟係咪要慢慢等佢溶雪🤷🏻‍♀️入面嘅榴槤蓉唔算好多 亦唔係好好食相反 榴槤香卷就幾好食忌廉加上香滑、味道濃郁嘅榴槤醬大家都一致要畀個like佢亦即刻要再order點知佢嚟多一輪之後職員就話畀我哋聽已經冇曬榴槤香卷！又冇多一樣 唔係呀嘛😠😭無計 唯有焗住食其他呢個時間仲有新客入座得返3款嘢食 登佢哋唔抵！好彩個榴槤pizza幾好食 算係板回一分！上面有大大嚿榴槤肉 香甜可口（雖然大家都食唔出佢係點樣三重榴槤法）加埋芝士拉絲厚批香脆鬆軟嚟到pizza Hut果然係pizza最好食😂😂最後講埋個榴槤雪香即係雪糕加一pa

7.1假期，行銅鑼灣。下午茶想起Pizza Hut，去咗呢間店。一上到去，唔需要等位，叫了香蒜肉絲意粉、齋啡、朱古力雪糕窩夫、百事可樂。意粉夠熱，窩夫也熱辣辣的，不過唔夠脆。整體味道，不過不失。員工方面，可能人手唔夠（眼見全場應該得三個職員），有另一客人追一個餐追咗好耐都未到，最後要取消個餐。亦有另一個客人叫攞多D配料，但好耐都冇到，見到佢追咗兩三次。服務有待改善。

昨天5月20號來賣外賣在這遇到服務態度惡劣員工...通常來到都係賣它們外賣一人餐精選.有八種款式,先選擇主食再揀小食及飲品.到付款時候.因為我係心勝客會員.今個月會員app 寫我係特選會員,我只要任何消費就可以減$20...呢個app 我成班同事都有伸請..我陪他們在這店也買了幾次！！！今次輪到我啦選擇食物後打完單當時我比app女收銀員...但女收銀員同我講這一人餐不能用這優惠...？？？我同佢講我與幾次同事來買過這一人餐.我肯定是用到我同她講多次在這裡的而且確用這app$20優惠.無耐她不接受我說話.咁我提議佢把單scan我app的QR code.佢堅決不這樣做...我再提議找找同事問清楚先好決定...當時職員忙,找不到人查詢那我提議打電話可以用這優惠卷的分店...重覆我係話可以用這優惠券嘅分店..她說間間店都唔同..立即否決..但我又重覆我係話可以用這優惠券嘅分店..例如旺角,尖沙咀等等係可以用的..佢亦毫不猶豫重覆唔洗...因為間間店都唔同...其他各種各樣優惠為了適合當區環境..的確有不同優惠但呢個優惠已經寫明那幾間店是不能用...基本上就不會任何我話各店不同環境下抵觸..即係

今日去到銅鑼灣買外賣,小弟用一張優惠券,寫住特選會員任何消費可以減$30...上到去見到一個女收銀員,打開條款細則看,有甚麼不情況下不能用,,,我話朋友在官塘及灣仔都可以,佢可以回答話另外pizza hut公司與這不同,條款無寫官塘店與灣仔店可以用,這間不能用、、、佢抽寫四個字同我講自選組合唔用得....但明明寫可以叫外賣.我係自己取.我並不是要你哋送外賣..佢樣子很調攔爭議了好耐,我感覺佢故意調攔,我同佢講(你唔明就搵經理同我講）佢行開一陣番嚟同我講請示了經理了....話經理講唔可以用...我點解釋話外賣我自己取的...又唔係要你哋送,又重覆多次果四個字自選組合不適用...呢啲斷章取義 不明成個意思前文後理...好心同佢講..你這店啲人唔識點解唔肯問清楚..咁做會唔專重服務業態度...特別一提...當時有其他職員亦見到我哋爭拗經過...但奇怪冇人去分析在這我也要投訴這處經理..出面如此嘈雜,仍可以交一個叫阿君的收銀繼續調攔多年唔寫食評.專登搵番個戶口投訴

外賣推廣塞滿郵箱，所以今天試試外賣兩個一人Pizza Hut晚餐，包括最新的Dip脆批。是日餐單有香草烤雞、香蒜肉絲意粉、意式辣肉腸Dip脆批、芝士忌廉焗菠菜、辣味及原味雞翼。香草烤雞保持得到雞肉的嫩滑，不過雞皮烤得不夠脆。香蒜肉絲意粉，正常pizza hut發揮，是好味的，不過沒有驚喜。滿心期待的意式辣肉腸Dip脆批，烤得過硬過燶，達不到期待的效果，有點遜色。芝士忌廉焗菠菜，芝士忌廉太多，味道過膩。雞翼也是烤得不夠入味，只有表面的味道。

在銅鑼灣買完東西，沒有甚麼心水餐廳的情況下，柯打了久未有嚐的必勝客回家慢慢品嚐開餐。凱撒沙律可以要半份，生菜很明顯比起以前沙律吧的鮮美得多，只是麵包粒過大，不太合襯。以明太子入饌意粉或薄餅似乎成了近來的趨勢，這個薄餅就用上了。其他的食材還有菇片、車厘茄、青瓜、照燒鮑魚以及木魚絲，跟超薄超脆的薄餅一同送進口裡，激發出滿滿的日本風！小食酥炸蝴蝶蝦一客八件，蝦肉爽美，脆衣亦不厚，蘸點沙律醬是最佳配搭。另一道小食原味雞翼看起來較為蒼白，詎料相當入味，肉質嫩滑，黏彈可口，又無失手！新口味的薄餅果然不錯。

難得有朋友提出食PIZZA Hut，都有幾年冇食，於是點個2人餐及散叫其他小食：1. 超級至尊 (厚批 & 普通批) ：熱辣辣係最好食，4個人唔多每人分到1-2件都好滿足，比以前冇咁膩。2. 金牌葡汁雞皇焗飯：汁唔多，撈埋唔係所有飯都有汁，雞皇肉質滑嫩，葡汁味香濃。3. 焗白汁煙肉薯蓉：普通冇特別，口感好似陣風咁，食左都唔覺。4. 餐湯 - 磨菇忌廉湯 & 龍蝦湯：夠味唔會溝水，幾好。5. 芝士忌廉焗菠菜：菠菜幾多汁都夠撈，唔錯!!6. 威尼斯甜奶油迷你批：一定要沾煉奶先好食，如果唔係就好寡。7. 大蝦珍珠帶子焗飯：相比葡汁雞皇飯更惹味好食。8. 豬仔骨配薯菜：豬仔骨好鬆軟好食，薯角又夠脆。服務員有禮親切，有耐性解答友人查詢，感覺良好。

簡簡單單的一度香蒜肉絲意粉，只要自己喜歡，就是一份滿足。意粉可口，肉絲美味，完美融合了各種味道。香蒜帶來的濃郁香氣讓人垂涎欲滴。每一口都充滿了滿足感。不僅味道出眾，而且份量十足。無論是午餐、下午茶還是晚餐，吃了這道香蒜肉絲意粉，絕對能讓你飽足滿意。

早排同媽咪趁週末去pizza hut🍕食個lunch，做緊限間限定「Sea Sea 鮮煙三文魚扭紋批」堂食套餐，叫左一個2人set黎食，包括扭紋批、意粉/飯、小食、餐湯及飲品。今次專登想食海鮮風味嘅「Sea Sea 鮮煙三文魚扭紋批」🤗煙三文魚、蒜蓉帆立貝同精選海鮮鋪滿批面，充滿海鮮風味，配埋芝士、紅洋蔥等配料，同蒜味沙律醬完美配搭，加上外酥內軟嘅香濃芝心扭紋批邊，心情即刻扭轉🤩店員們都好nice，坐得又舒服❤️

好多大集團啲水準都退步曬但價錢又愈來愈貴有時都唔知食咩好唔多想消費原本今日來想挑戰沙律bar但原來要5點後先有咁唯有食住假日set lunch先叫左焗葡汁雞皇飯同夏威夷pizza迷你芝脆批80幾蚊個餐包湯同飲品湯就真係唔多滿意啦紅湯好淡似水白湯又好咸好彩尚算足料個焗飯都麻麻地夠熱同夠餡料嘅包括有薯仔、紅蘿蔔、洋蔥同雞肉但味道總係覺得唔夠反而個迷你夏威夷芝脆批好好食呢個批底好特別有啲似酥皮拉曬絲咁周邊啲芝士焗到變咗焦焦地好咸香同正

補寫食評用餐日期：2022年2月23日 星期三學生時代，很喜歡和同學仔到 Pizza Hut慶祝，有人生日，吃 Pizza Hut；考完試，吃 Pizza Hut；陸運會結束，吃 Pizza Hut，總之一有原因 (藉口)，就會柴娃娃去吃 Pizza Hut，滿滿的開心回憶！今日又來吃 Pizza Hut，COVID--19第５波疫情下，不聚餐，１個人來吃午餐，發現有新品：香草醬菠蘿海鮮飯，決定試試。※賣相：吸引的，原片厚切菠蘿，看着就想吃。※味道：蒜片放太多，不喜歡蒜味的人會受不了；菠蘿烤過，更加甜；意大利飯不會夾生，適合我，我吃不慣夾生的米飯。※定價：套餐價89元/份，配餐湯和餐飲，性價比高的午餐選擇。餐湯我一定點忌廉雞湯，今天的有點鹹。餐飲我點了凍檸檬茶(加３元)少冰走甜，好喝！

因為有優惠，用yuu積分＋25蚊換一個優惠套餐，內容有：一人香蒜肉絲意粉＋三選一小食，外加罐裝汽水。拿拿臨趁今日得閒，走去銅鑼灣分店。職員話3蚊可以轉湯，但我怕湯會倒瀉，無轉。製作過程等咗大約十分鐘，唔係預先整定，而係即叫即整，外賣包裝好仔細，主菜盒係用錫紙保温，摸落辣手，汽水就冰凍嘅搭地鐵返到屋企大約半粒鐘，隨即坐低準備開餐。格仔餅雖然唔再脆，但食落質感幾好，朱古力醬放得洽到好處，唔太甜香蒜意粉重暖嘅，味道好好，一人份量對我黎講亦啱啱好

已經好耐無去過pizza hut 食嘢嚟到銅鑼灣鬧市，食晏時間，就上樓去食個set lunch鍾意呢度環境清靜，坐得舒服，窗口位重可以望出外面叫咗個A餐，餐湯就叫蔬菜湯。個湯無整色整水，唔濃唔稀，啱我。香蒜意粉賣相靚，食落好香蒜味，熱辣辣食，幾好。餐飲嘅熱檸水，檸檬有三片，無苦澀味。呢度食嘢，勝在地方清靜，可以好他調咁坐低食個餐，待者唔會無啦啦過嚟騷擾，雖然食物未必特別出色，但不過不失。埋連加一共$54蚊，可以接受！

話說沙律吧復刻，而且很久沒吃pizza，所以就黎試下，點了二人餐＋$40去夾沙律吧1次，睇你可以夾幾高二人餐選了超級至尊，雜錦芝士煙肉意粉，白汁煙肉薯蓉，兩碗湯，兩杯百事（百事可以添飲1次）很久沒吃的pizza味，意粉是焗的，很重芝士味，加咪煙肉粒很香，薯蓉加煙肉粒也是永遠的朋友沙律吧其實很細，只是給你小玩意的 噱頭，每次最多4人出去，夾完後 店員會整理好再第二批人出去夾我見人地夾得都幾高，我這個相比起來就矮左dd

I have not dined in Pizza Hut for a long time.This afternoon I plan to dine in Pizza Hut to refresh happy memories of using the salad bar and piling up the pizza bowl for fun. This is an activity promoted by the restaurant in celebration of its 40th anniversary and to be supplied for limited period.To my slight disappointment, the salad bar is only available during lunch and dinner session.To go with the flow, I had an afternoon tea there. I ordered a set with chicken and baked potato rice wit