必勝客 (Closed)

今日太古城有相撲睇, 所以超多人.叫左凱撒沙律, 蝦多士同超級夏威夷芝脆批.凱撒沙律: okay啦.蝦多士: 好油但唔香超級夏威夷芝脆批: 味道okay. 但兩個人食都實在食唔晒.

上星期五, 同左o的同事黎食lunch, 嘩, 超級多人等位呀, 我地仲有成8個人tim, 幾驚呀, 好彩我地係等大table既第一張, 等左差唔多15-20mins到啦就有位.我地未坐定定已經決定到食乜. 哈哈. 我地8 個人叫左4個人lunch set (買三送一) + 一個大超級至尊厚批+ 一個意式風情(普通批- 送既) + 小食拼盤.開頭仲驚唔夠野食, 食食下, 仲有野食剩tim. 有個蕃茄醬既螺絲粉好好味, 原來個意式風情清清地都唔錯架.點解會有咁多野送呢? 呵呵, 就係我之前申請左做pizza hut既會員, 裏面有兩張迎新coupon係可以同時用既, 就係lunch set個張同埋堂食送意式風情(普通批). o的同事都話今次超抵.哈哈o的同事都話好耐冇lunch黎過pizza hut, 緊係啦, 要等咁耐呀. 哈哈.

約了朋友到太古城食晚飯, 想試三重芝士芝心批, 皆因我真係好鍾意食芝士. =p.. ,一行四人叫了一個二人餐, 有一個普通批, 兩碗湯, 海鮮焗飯, 小食拼盤& 兩杯汽水. pizza 芝士份量適中, 不太多太膩. 小食拚盤也好好, 一個兩人餐四個人食已經好full 啦.. 好滿足.而且晚飯來說都幾低..

星期日同老公仔一齊食tea, 嗌左個2人小食拚盤及一個夏威夷普通批小食拚盤有炸魚塊, 炸咖哩角, 炸薯角同炸蝦多士, 夠熱, 不過勁多油夏威夷普通批都係夠熱, 不過又係勁多油可能唔係好夠人手, 所以嗌極都冇人理

約左舊同學食lunch, 佢提議食pizzahut, 兩個女子點了以下五款食物:夏威夷鮮果沙律---嫌佢沙`律醬太多, 不過都幾新鮮, 很奇怪, 鮮果上會有杏仁片, 脆脆地, 伴生果一起吃, 都不錯!紐西蘭青口米形粉脆窩---米形粉既size就好似加大碼既米, 口感都好似d飯, 好淋好淋, 好冇口感, 感覺唔到自己食緊咩, 味道都一般, 唔突出, 純粹出於對米形粉既好奇而order, 下次no way!什菌雞肉炒天使麵---以為炒野一定會油油地, 點知原來唔係, 完全唔似係炒過,一點油膩感覺都冇, 好! 天使麵煮得剛好, 但材料份量唔夠多…佛羅倫斯卷伴薯角---新野喎, 皮內包著溶溶地既芝士和甜甜地既菠蘿粒, 幾好味!特級小食拼盤---全部都係炸野, 唔特別, 食完之後十分熱氣!

今日同表妹,舅父仔睇完doraemon就落o黎食pizza hut=)下午茶時間3個人叫左2樣野~一樣係e+ sell得都幾行ge三文魚果隻pizza~同埋一個拼盤pizza要左芝脆薄批..都要成$125呢*口*不過個批真係幾正呢..值得一試~而拼盤最好味就係炸果隻圈圈~total $16x,除返開即係每人$55到啦~

7月頭來過吃飯大既是沒什麼選擇吧竟然星期一的pizza hut也要等位還要等一段時間最後入座叫了夏威夷pizza一個鮮什果沙律一個薯蓉一個小食拼盤先說pizza~好多油~油多到唔洗錢甘薯蓉依然係我既最愛~好味~小食拼盤~好難食~雞肉煮到好熟再拎去炸~好爛d雞肉而d魷魚圈好大陣腥味~以後都唔會再叫反而個沙律唔錯~只係得好少菜~如果可以多少少菜就好了後來再叫左杯coolcool冰(係甘叫嗎?)都可以果晚同場仲有一張大客十多個人~卻過絕大半數是小朋友吵得不能聊天

與兩名很久不見的女友出來吃飯。吃的話, 太古城實在不是一個好的選擇,故二話不說選址就近,來到PIZZA HUT。以我這個不是吃橫裝和服務的顧客看來, 待應生的服務不週對我絕不會有太大影響。自從更新餐牌也沒有光顧,印象中更生餐牌通常沒有好事發生, 都不外符是暗地裡加價的鬼招數。以三個女孩來說, 以下的份量實在令人為之側目:1.超級至尊芝脆批$1xx: 最抵吃及批邊芝士明顯比以前重料, 一口咬下去芝士會從批邊流出, 想起也回味無窮。2,蒜蓉包$20: 此是pizza hut 必吃, 雖燶 了少許, 但仍不失水準。3, 大蝦鮮果沙律$49 : 較遜色, 大蝦太熟, 淡而無味, 唯鮮果真的很鮮, 而且份量頗多,夠3-4人用!4, 龍蝦汁意粉$58: 汁濃吃得出有蛋黃味,但份量太少, 不建議。個人認為大蝦意粉會是更佳選擇。5, 黃金粟米釀雞翼: 一碟四隻, 雞翼表面呈黃金色, 一口咬下去感覺雞翼的肉汁從口中湧出,細嚼下雞肉發揮著混合粟米及芝士濃香, 簡直是人間極品, 小女子吃了三隻。結帳加一。

又幾好食喎星期三搵朋友食午餐叫左呢個pizza 甜甜地咁, 唔錯不過食港式意大利野都係意粉屋好0的

用星展的廿元現金劵去Pizza Hut換食物，單張明明說可以換田園沙律，店員卻說不可以，又不准買套餐，一定要買超過廿元加錢，於是買兩隻燒烤雞全翼，散叫價廿八元。等十五分鐘才可以取，以為是熱得燙口，卻是暖的可以即刻吃。兩隻雞翼一肥一瘦，瘦的全身沒有多少肉，轉眼吃完，肥的比瘦的大一半，多肉得很。雞翼不會燒得很焦，保留肉汁，不會乾，有點蜜味，始終太貴。服務欠佳，雞翼大小參差，廿八元兩隻雞全翼好過去搶。

因為我男朋友個亞媽好鍾意食pizza所以我地成日都會去，去左好幾間，各間o既服務真係天壤之別，好o既都係time sqare 附近果間，太古都ok，香港仔同西九果間真係唔得，上次tea time去香港仔果間，果時人唔多，成間都係得幾張圍人，d staff見冇乜野做，竟然公然坐o係一張都好中間o既桌度圍埋傾計、玩，想搵人拎野都搵唔到，西九就仲過份，剛剛星期日夜晚去食，寫野果時，個staff跌左張紙落地下，佢執番之後竟然就放o係我男朋友個碟度囉，我男朋友就話你跌左野落地下竟然就咁放o係我隻碟度咁都得呀？佢仲覺得冇野咁，要我男朋友叫佢換過哂佢先識做野囉，跟住我地order左一個餐，唔知佢地係唔係好趕，成日問我地d野黎齊咪，剛剛問完我地話仲未齊第二個又黎問，呢間野我地以後都唔會再去架喇，o係香港咁多分店，但d service都咁唔掂，佢公司應該檢討下啦。

今日黎左lunch,其實呢間pizza hut都幾細吓,d坐位超級迫,坐都坐得唔舒服...o甘都算啦,但我同朋友一行4人o甘o岩坐正角位,問題就黎喇!因為d枱實在"痴"得太埋,人人坐到櫈背頂櫈背o甘,我地俾其餘兩張枱夾住,d waiter根本埋唔到黎...落單時要大大聲o甘嗌俾個waiter聽,個waiter又要嗌住o甘覆我地到d食物黎果陣,個waiter都要隔好遠o甘遞d食物埋黎,我地自己起身接=_=唉......真係好冇癮!講返食物~超級夏威夷芝脆批-個批邊真係好正~脆卜卜又充滿芝士三文魚意大利腸縲絲粉-我食唔到有三文魚@@不過個蕃茄味既汁唔錯~幾開胃我口痕嗌左件cheese cake...都幾細件吓,味道算不過不失o甘啦!都幾滑,佢有2粒士多啤利同d醬伴碟,酸酸地冇o甘"漏"希望佢d坐位既問題可以改善吓啦!因為坐左個o甘既位,今次俾ok算......

早幾日o黎食下午茶，估唔到都好熱鬧wor~，仲要排隊tim~~兩個人order o左三個餐，以滿足我o地o既口胃：1) mini pizza --- 有2、3款味以供選擇，味道唔駛講大家都知la~2) 二人餐--- 其實是一個小食拼盤，當中的雞翼可選辣or唔辣。其實以佢D餐o既份量，兩個人食3個餐係完全綽綽有餘，多o左杯餐飲仲可以ling番屋企飲tim~

個環境既grand, 但係個氣氛就嘈喧巴閉, 此終係朋友家庭聚會既地方, 唔係好傾倒密偈~ 個tea set 三十零蚊, 個TIRAMISU四四方方, size 岩岩好, 有d fruits 做garnish, 叫做精緻, 但對我咧講芝士味同酒味都唔係好夠喉, 軟硬適中之餘食落好似有冰粒, 扣分~

差不天天在FOOD COURT 食飯，有時悶悶地便到旁邊的PIZZA HUT買外賣。食物保持水準，我最喜歡那香噴噴的香蒜肉碎意粉，配羅宋湯。他們寧願客等候，亦不會給你涼了的食物。我想這是餐廳的基本功，亦是成功的不二法門之一。螺絲粉和雞皇飯亦不錯。