必勝客

Open Now

Now Closed

今日晚上8點去到貴餐廳用餐，因為系平日沒咩人，好快入到餐廳用餐。嘢食OK，但服務質素吾好。請貴公司多培訓下d員工。吾知道d員工系吾系特別趕收工，態度吾耐煩，落單時一開頭就話要我地9點4要走（原話：你地9.4要走），講真我明白可能要就政府政策但其實d態度可以好小小咯，可以講話用餐時間去到9點就結束，吾需要硬掘掘講嘢令人難受。好次好吾歡迎你來食！其次我地吾清楚芝心pizza個精選海鮮系咩，我好好態度問個員工，但個員工答吾出。問系吾系魷魚又話吾清楚要問後廚，吾系主打菜系咩？？最後上餐時，檯面擺左多嘢，個員工命令式要我地移下個檯面嘢食，好驚訝會聽到員工要客人自己喐，梗請問我俾服務費系要我服務你？食物方面，質素都OK，普通速凍嘢食，個薯條好淋一d都吾脆，芝心pizza個BBQ醬好難食。個皮仲硬過我條命同埋嗰度啲員工嘅態度！最後9點多小小就催埋單話我地埋左單先，俾翻錢都系用單手。如果系大茶餐廳我覺得沒咩所謂，夠真心情。但貴餐廳的宗旨吾系良心產品優質服務咩？自問自己吾系中意投訴人但我從來食飯沒試過食到咁慶！

可以遙距用app攞飛，餐廳環境好靚，不過工作人員唔多，好難搵到侍應。叫咗個雞肉pizza，加錢要咗芝脆批邊，個批邊係我最喜歡的，芝士味好濃，個皮好脆，雞肉分量唔算好多，每塊都係得一至兩粒，批底比較厚身，都好飽肚。有雞肉味，加埋其他配料都算有口感。反而我鍾意食佢個辣味雞翼，醃得好入味，唔乾身，個皮唔韌，值得推介。

行過見到現在堂食7折咁低，當然行過路過不要錯過，同老公和小朋友3個pizza怪，叫左意式風情大批，燕麥批好好味，又好似健康d罪惡感少d，仲有忌廉薯條同每次必食的雞翼，好好味啊，薯條夠脆又大碟，加埋忌廉汁和芝士，正現在7折賣單$230，好低食，去邊度搵食到飽飽又開心的一餐

星期日去將軍澳找朋友...揾個地方可以方便傾計.朋友帶我嚟呢度.大約六點到.沒有人等位.而店內大約七成滿座.由於尚未到六點,剛好仍可點選下午茶.一行二人.一齊點了公司三文治薯條.公司三文治超級大份.三塊烘麵包夾著火腿片,雞蛋,雞肉,蕃茄片,生菜絲.青瓜片和蛋黃醬,材料豐富烘熱後的麵包十分鬆脆，生菜新鮮爽脆，雞肉肉質少許嫩滑，蛋黃醬酸甜醒胃,真的滋味不過食公司三文治個口真係要張得好大先食到.而且蛋黃醬流到成個嚼都係.不過都無所謂,最緊要過下隱.熱辣辣 香脆 薯條亦令人難忘.今餐太飽剩餘少量浪費了.呢間店舖位置在商場入面相當方便.地方整潔,坐落感覺都好舒適.睇見地方就唔算好大.但我覺得都幾好.至於服務不過不失....

今日同朋友去商場行、岩岩過了午餐時段！行到pizza hut咁就行去食個下午茶啦！行到入去！見到下午茶餐有焗飯叫！咁我地就兩個叫咗兩個芝士焗海鮮飯！等咗大約十分鐘焗海鮮飯到新鮮熱辣，盛滿飯和海鮮，白汁又是那配方，加急凍海鮮蟹柳，蜆肉，魷魚，蝦仁帶子粒再舖一塊芝士在上，入爐焗數分鐘微焦即成。但不重芝士味，醬汁實在太多！雖然急凍海鮮,但完全食唔到雪味！可以話靠醬汁味蓋過急凍海鮮的雪味... 而個底雖然是炒飯，但不夠香同比較濕！不過整體都係好食同飽！飲品凍檸檬茶味都濃！呢度座位舒適，桌與桌之間空間充足！整體都可以接受

一家人食飯又懶得煮就叫pizza 🍕🎉外賣叫左一個4人餐之外 仲加左2個小食分別係蒜蓉包同埋4隻雞翼 因為會員有積分所以免費換到2個小食 而且仲有9折蘑菇忌廉湯 有少少蘑菇同雞肉增加返少少口感意式風情薄餅 配料分別有蘑菇、菠蘿、火腿同雞肉 醬汁係千島醬 酸酸甜甜好好食 雖然傳統既pizza 係唔應該有菠蘿🍍但係有菠蘿既pizza 中和返油膩嘅感覺好好 香蒜肉絲意粉 洋蔥蒜蓉係主要味道 好惹味😋意粉都煮得岩岩好 唔會過熟另外2個主菜係肉醬意粉🍝係牛泥架同埋白汁雞王焗飯 跟餐仲有一個小食係蜆肉焗薯蓉總捨都算好抵食呀🤣簡簡單單又一餐

嗰日去咗新都城pizza hut食lunch，所有新推出嘅芝士海鮮lava pizza，然後嗌咗個四人套餐嚟食啦！個Pizza上面都有好多海鮮同千島醬，材料好豐富。黑椒海蜆意粉太多要略嫌太辣。至於其餘嘅凱撒沙律，芝士忌廉焗菠菜，意式迷你腸，雙重芝士海鮮焗飯不吃也會罷。其中意式迷你腸係用蕃茄汁焗埋嗰啲烚熟咗嘅腸仔，口感強差人意。

試新批(後悔無揀雞)批邊無得加芝心不過面頭啲芝士粒都幾香帆立貝好雞無乜味我明係雪藏嘢所以無奈接受😂。跟餐個扁意粉好難食成個意粉好色彩繽紛好油，同埋無味薯條好hea終於明點解薩莉亞點解咁多人幫襯因為差唔多質素嘅野Pizza hut價錢係薩莉亞嘅兩三倍😅。算啦，其實呢個都係pizza hut嘅特色之一😏而且有好多童年回憶🥰。香港太多怪野例如花園餐廳鬼咁難食但繼續勁多人幫襯可能都係食個回憶😂❤️。最後都係要唱番句「開心時刻pizza hut」🤣多謝！

由芝心批再到芝士火鍋，pizza hut都以芝士為主題。今次卻以海鮮為中心，令我心思思想試吓。鮮魔帆立貝pizza．HK$162鮮魔帆立貝pizza的餡料有帆立貝、蟹肉、蜜桃、車厘茄、紅洋蔥、青椒、黑水欖同柚子荷蘭醬。顏色鮮艷又夠美味，雖然只有兩款海鮮，但不同種類的蔬菜水果卻意外地豐富了整個口感。芝士忌廉焗波菜．HK$50小食而言，除了多人喜愛的雞翼和蒜蓉包外，芝士忌廉焗波菜亦大受歡迎。芝士鋪滿成碟波菜，每夾一吓波菜都有芝士包住，好入味好rich，但伴隨的就是 – 罪 惡 感 !香蒜肉絲意粉．HK$59必食的香蒜肉絲意粉，由細到大都好鍾意食。火腿粒同豬肉粒都好入味，加上濃濃的蒜香味，好正好好味。如果鍾意食芝士的朋友，可灑上芝士粉，口感仲正唷！

諗住好耐無食過pizza，所以打算今晚食一食一開始服務態度都正正常常既，無乜野，落左單，其實都等左差唔多20-25分鐘先有野食，不過無吹過佢地，因為都多客，可能整唔切第一樣上既野食，（侍應都叫我地小心隻碟燙手）但一食，啲飯係少暖，舊肉暖多少少（係暖，唔係熱），隻碟，直頭十指握緊都無問題，因為完全係凍。但算，可能多人/唔記得拎出黎等等原因吧，味道就正常，都好食，係舊肉好乾。第2樣上Pizza，好好食，好新鮮，個批好脆，熱辣辣！好正！第3樣（最後一樣），上既蒜蓉包。嘩...請問係咪燶曬？（心諗）點解可以做飲食業，無一舊係正常既都可以比客食？其實1-2舊燶/燶少少我都算，刮左佢就得；但每舊都係既時候，我做咩要舊舊都刮..？！咁我都好好態度同個侍應講..我：唔好意思，可唔可以換個新？（呢句開始佢黑面）因為佢好似有啲燶侍應：換囉！等左10分鐘........Er.....我真心好嬲！第1態度已經好差！明明係做錯野好似講緊我錯咁？再上黎既呢個包，有焗/烘到？！面頭層牛油仲有！啲包白雪雪！有焗呀！1分鐘咁上下囉？！真心覺得咩事？！有錯唔認？好嬲！最後叫左佢取消，唔要個包

臨近10月，又到咗大時大節嘅日子， 當然要同一班friend聚一聚， 食番餐大餐。今次就選擇咗一間party room， 叫咗喺香港遠近馳名嘅pizza hut外賣， pizza hut每一期都有特別嘅pizza， 不過今次我決定買返傳統嘅pizza。50分鐘嘅時間熱辣辣送到， 意式風情果然冇令我失望， 甜味 鹹味非常適中， 餅底選擇咗厚身， 夠曬飽肚。 加多少少錢換埋芝心批， 成班朋友都大叫好味。取餐仲附送咗多款小食同埋飯意粉， 更加滿足咗唔同朋友嘅慾望。Pizza hut又再次陪伴咗我哋度過一個節日。

背景🗺️：～位處寶琳站附近大商場👍～區內西式連鎖店，主服務區內ℹ️菜式📃：～西餐：pasta, pizza～是次嘗試：星級鬆厚批 4人套餐 $484（未加1）小編總評👶🏻💭：～份量足夠4人分享，價錢合理，性價比接受👍～味道不俗，但味精頗多，飯後感口渴～茶餐有多種選擇多，符合多種口味食客👍 (p.s. 👍:讚, 👎:彈, ℹ️:中性)南瓜藜麥湯蘑菇忌廉雞湯前菜：凱撒沙律意式迷你腸芝士忌廉焗菠菜黑椒海蜆炒意粉意式雞皇意粉星級鬆厚批 超必海鮮

Pizza Hut 推出期間限定既點芝扭扭批脆⼘卜嘅扭扭批邊, 加上裡面既美國雙⾊芝士再點濃郁芝⼠醬發揮自己唔同既食法, 好味!*個芝士醬凍左都唔會凝住 同埋唔會膩蜜桃平衡返底既basil 醬.菜湯太鹹同太甜, 周打湯好飲 濃得黎又香蜆肉味拿破崙肉丸唔會太亁 拿破崙醬香料調配得剛好海鮮寛條麵 海鮮都幾多 有蝦 蟹柳 章魚 魷魚 蜆肉。麵條硬度剛好，芝士味唔會太濃。不過落左薯蓉 可能會膩呢度夜晚都唔算太多人，侍應會時不時幫你加水。

多數食Pizza hut 都係叫外賣（不過每次都等番成粒鐘），今晚係選擇困難下，決定堂食！可能因為係星期一晚，餐廳入面唔多人，可以隨意揀位都得。兩個人食飯，戰鬥力唔算太強，所以揀左一pizza一飯一小食。首先來到既係飯！海鮮飯既海鮮料都幾充足，蝦、魷魚、帶子都唔會淨係得一兩粒充數，算係足料。飯炒得熱辣辣，色澤均勻，味道又唔會太咸，份量又大份（相對兩個女仔而言），食得幾滿意。😆飯食到一半既時候，pizza已經來了！個批焗得岩岩好，冇焦，食落亦鬆脆（要趁熱食，涼左既口感會稍退睇落餡料好似冇飯咁足，少少凌散咁，不過千島醬補救番，所以食落每啖（除批邊🤣）pizza都夠哂千島既甘酸味最估唔到既係⋯小食拼盤係最。遲。到！😂pizza 都食左半之後先到，個下等到有啲失望，仲以為漏單⋯⋯辣雞翼—pizza hut 必食小食，香辣開胃，讚👍🏻腸仔—熱辣辣，普通的腸仔蝴蝶蝦—凍冰冰的⋯⋯⋯唔知係咪道蝴蝶蝦依道係冷盤，所以係咁凍？⋯凍到有啲乾身⋯變得唔吸引😢整體而言，pizza 還是不錯，小食推雞翼😋

農曆新年期間到 將軍澳 和遠房親戚拜年 , 之後就到 新都城中心 行街吃喝一番 , 親戚的孫兒點名要到 Pizza Hut 食pizza, 我們做大人的又有什麼理據去反對小朋友的想法呢 ~Menu ~ 意大利菜湯 , 味道酸酸甜甜 , 頗開胃的但味道一般 ~ 原味雞翼拼腸仔 , 雞翼香口嫩滑 , 腸仔煎得皮脆 , 味道都是一般般 ~ 海鮮闊條麵 , 每逢到 pizza hut 都必點的食物 , 這一道闊條麵 , 就是筆者都吃了30年以上 , 可謂非常有情意結 , 味道合心意 ~ 鹹蛋黃芝心批 - 軟殼蟹天王 , 圖片與實物實在是有一段距離 , 軟殼蟹只得三少件 , 就是不夠分 , 吃落就知道鹹蛋黃味道不足 , 而且非常流於表面 , 並非不好吃但就是欠缺驚喜 ~ 一杯 凍檸檬茶 就是不可或缺 ~本篇完 ~