必勝客

Open Now

Now Closed

開心時刻必勝客    晚飯求其吃      必勝客回憶多仲記得以前十幾年前我同我老婆，即係當時嘅女朋友夜晚不嬲都係響屋企食飯我哋去Pizza Hut食飯，都係因為慶祝生日時移世易到今日我哋已經10幾年啊好慶幸我哋仲會去Pizza Hut，每次去嘅時候我哋都會諗返起當時我哋大家都冇乜錢，去Pizza Hut慶祝生日今晚去咗荃灣熊貓酒店嘅Pizza Hut呢度嘅人流非常少我哋去咗一個好清靜嘅角落開餐Pizza Hut嘅雞翼不嬲都好好味所以我最後食剩最後一隻先記得影相雖然個龍蝦湯好似係跟餐加＄10only但味道絕對唔差唔知係唔係因為心情好我隱約見到碗湯對住我笑

荃灣友即興吹雞晚飯，指定食pizza，先醒起其實荃灣無咩特色又優質嘅pizza小店或酒吧，於是穩陣還是Pizza Hut。係荃灣友都知，雖然愉景有天橋連住，但無事無幹其實唔會行去嗰邊，而且商場大而無當兜來兜去也不是太好行，所以其實一向人流不多。閒日晚上，得兩三枱客，而且都似街坊求其落街食個飯嘅感覺。其實呢間pizza hut裝修算比較特別，以前有些枱延伸到店外商場內的濶落空間上，像是室內的露天茶座。現在可能唔夠客，所有座位變回店內，但餐廳在地面層，樓底極高，中間更有層閣樓，由弧形樓梯相連，廚房在上層，見侍應敏捷地捧著食物由樓梯而落，頗有高級餐廳之感。我們點了期間限定的七重芝士二人餐。餐牌上最大版面力推的65折餐，折後比旁邊毫不起眼的細字$27x的二人餐更貴，但內容九成九一樣，也不知是什麼marketing。當然我們點了後者。女侍應落單時不太熟練。餐湯終於有忌廉雞湯以外是選擇。周打魚湯著實也沒有什麼海鮮味，一個正常無料白湯，最濃是甜椒味。餐飲除正常茶啡外，也有飲青檸、柚子這些較特別的選擇，而且不用另加錢。前菜三選一，中間的白汁蜆肉與旁邊的薯蓉沒有融合，各有各的，整體感覺很溜，還是配紅汁比

同囝囝喺商場放完電，於是同佢去pizza hut食番個下午茶抖一抖，閒日嘅愉景新城真係好舒服，食嘢唔駛等位，餐廳安排嘅座位都闊落啲店員見到我有小朋友，好主動拎咗小朋友餐具俾佢🖒🖒叫咗2個下午茶餐，大蝦薯蓉配蒜蓉包($20)同埋雞翼配花生醬厚多士($35)，2個餐都等咗3-4個字先到，不過熱辣辣上枱就耐少少都無所謂啦！囝囝第一時間搶咗塊蒜蓉包食，蒜蓉包真係pizza hut嘅皇牌，咁多年味道都無乜點變，仍然好香，蒜蓉牛油都無手軟，成塊包都cover晒，囝囝食咗2塊半留返半塊俾我咋！今次反而想讚下個大蝦薯蓉，薯蓉好滑好軟，佢個白汁配埋啲薯蓉放入口，真係好好味！雞翼就standard啦，花生醬多士烘得啱啱好，脆卜卜！今個下午茶食得好舒服，坐得舒服又靜又唔會因為人多要食得好趕！

新年落街無野好食，間間都無開唯有叫外賣！其實pizza hut都幾貴，雖然好多人話佢似麵包多過薄餅，但我就幾鐘意佢啲芝心批！終於又俾我等到7重芝士批！其實唔知有邊幾款芝士，不過有幾款好明顯。一定有車打芝士，忌廉芝士同水牛芝士！其實餡就無乜啦，勝在芝士夠多！個小食拼盤就有腸仔，薯格，豬肋骨同雞翼豬肋骨都算ok嘅，只係乾咗啲。個set仲有個千層麵，買夠280蚊又送多個薯蓉。就咁食真係唔多抵，送完薯蓉都ok嘅

6條麻甩佬趁假期gathering, 去左pizza hut, 可能因為係假期所以超多人, 等左超過1粒鐘先有位叫左一個4人餐加2人餐沙律餅皮略嫌硬左少少葡汁好入味雞柳差左少少, 好硬, 但薯條炸得唔錯呢個牛肉pizza我地全部人都係第一次食, 辣左少少, 但味道好濃郁, 值得一次, 下次都會再叫整體食物質素唔錯, 無太多挑剔之處, good gathering choice, 價錢唔算貴, 可惜多人一齊去時排隊要等好耐先有位

好耐無食pizza,今次有機會同朋友去愉景食pizza。星期六六晚飯時間等位十分耐，食物上桌的速度也有些慢，兩個粉要追兩次才到。但食物的質素不錯。香烤盛夏pizza有似手指的邊，內有芝士，十分特別，喜歡食芝士的人，推。但他們說其中有一個邊會有辣椒，但最後找不到。海鮮闊條麵，好好食，有好多芝士，味道十好濃。

Pizza Hut應該對香港人都唔陌生, 不過可能因為出現左好多唔同餐廳, 就愈泥愈小食啦於是今日突然想食返, 就決定食啦點了一份套餐, 前菜是沙律, 餐湯是煙三文魚磨菇湯, 主菜是意粉, 甜品是雪糕其實都真係幾夠份量呀先說沙律是苦菜, 配上沙律醬, 配上一小塊多士, 多士有牛油味, 但有一 點硬, 唔知係咪特色呢？餐湯可能因為煙三文魚, 所以有一點咸, 但忌廉味亦好重, 磨菇忌廉不嬲都係絕配, 所以個湯係咸咸地, 但都好足料意粉比我想像中少, 不過材料都好足既, 蝦都好鮮味精同埋都入味, 不過帶子就真係太少啦反而雪糕會有埋朱古力醬同花生,, 係有heart其實pizza hut真係唔錯

好耐都無食過pizza忽然pizza癮起，就上網ORER 安在家中等食~吞拿魚蟹捧pizzapizza唔單只有吞拿魚、蟹捧、仲有青瓜同蓄茄作為配料...配料既份量都唔算少!!雖然係外賣速遞，PIZZA入口仍然十分熱!以海鮮配作為主打配料既吞拿魚蟹捧pizza唔會好腥，加上有青瓜同蓄茄，食落感覺好FRESH~葡汁雞皇焗飯葡汁既份量十分多，每啖飯都沾上大量既葡汁，椰香味濃~唯獨雞肉份量不多，且雞肉無雞香味~忌廉雞湯配料十分豐富，有好多蘑菇...但湯十分稀，質地亦唔夠CREAMY，口感不太佳~

今日突然其來有半日假,所以去咗 Pizza Hut ,食個high tea,估唔到依間會有分上,下兩層,好特別.和友人叫咗個超級至尊迷你pizza , 香蒜大蝦炒意粉.我地餐飲叫了一個菜湯加汽水.菜湯,不是太酸,味道不太鹹,菜是碎碎的,友人都飲完全碗.汽水可以添飲一次.還記得往時是無限添飲的.這個香蒜大蝦炒意粉,配上紅,黃椒,顏色很漂亮,用料都很足料,大蝦大約都有7,8粒,很爽,意粉也有很香的蒜蓉味,不太林,恰到好處.超級至尊我最喜歡吃,因用料較多,但今次面頭的辣肉腸略為燶了一點,很乾,有點失望.

舞台，並不是演藝人的專利。只要找對的方向，每個人也可以擁有屬於自己的舞台。但在找到屬於我的舞台之前，還是先吃吃Pizza Hut推出的芝脆舞台批，過一下舞台癮吧。來到2015年的最後一天，本來與同事相約午餐要吃好的，不過最後還是決定叫外賣Pizza，一來不用走來走去，二來要開會的我根本不會出到去……剛好我們有五個人，而大家也未試過Pizza Hut最近的芝脆舞台批，結果嘛，大家懶得去想，就決定來一客芝脆舞台批4-5人套餐。錦繡派對(大批)芝脆舞台批的賣點是分為上下兩層，上層薄脆、下層芝心批，一個Pizza帶來兩重滋味。錦繡派對的上層以豬肉腸為主，配以Pizza Hut常用的蘑菇、菠蘿等餡料；下層則有雞肉、豬肉粒、火腿、菲達芝士等。單看這樣的組合便感到這是何等的啖啖肉呢~還記得那些年剛推出芝心批，嗜芝士的我便已經愛不惜手，這次再遇上釀了芝士的批邊，勾起了當年的「芝」味。至於那上下兩層的設計，雖然番茄醬加上千島醬是相當的惹味，但下層餡料來得很細碎，口感不算豐富。而且上層薄脆夾在兩層餡料之間，早已變得不脆。新比果然也只是講求噱頭的說。吞拿魚煙肉腸長通粉套餐可任選2客長通粉/意粉/飯，我們先選

之前頒獎禮物勁宣傳既PIZZA，今日有得食啦!我地4個朋友去左愉景新城既PIZZZ HUT食汪阿姐都食既PIZZA套餐: 「芝脆舞台批二人套餐」。首先我地已經7點幾去到等位，但係我地等左個半鐘，差唔多9點先入到…(是日只係星期六…)入到去勁餓!PIZZA我揀左「鮮味盛薈」，PIZZA係分左兩層，好似一層係舞台，一層係觀眾席咁，上層有小龍蝦、帆立貝﹑蟹柳、蘑菇等，以蕃茄醬製成，下層有雞肉、豬肉粒、火腿、以千島醬製成，一個PIZZA有2種醬，一次過食晒2隻唔同口味既PIZZA! 一黎到已經聞到滿滿既香味，食落個批有濃郁既芝士味，充滿住成個口，個批的確唔錯!!!但係餡料我就覺得一般，唔太吸引，呢個批比起「錦繡派對」要加$10，但係都係不外如是。小龍蝦、帆立貝﹑蟹柳都係一般，無乜特別味道，應該無乜放心落煮過，係急凍小龍蝦、帆立貝﹑蟹柳乾，而下層既雞肉、豬肉粒等都只係一般餡料。我地怕唔夠飽就加錢叫左個「意大利香草烤雞」(半隻)，味道幾好，但食落有D油膩，見住D雞油必晒出黎，但係食完唔會覺得口乾，香草味亦好濃。至於雞肉，肉質鮮嫩多汁，雞皮亦都烤得脆卜卜，但食完唔會覺得好熱氣。值得一提係個配菜黑椒醬

講真其實食Pizza嘅首選都唔會係Pizza Hut ,今次我比個機會佢去佢嗰度食，結果再次令我失望。姑且勿論價錢定得不合常規，途中的螺旋粉跟是以微波爐叮出來的質素。我們叫多個夏威夷pizza，餅底硬邦邦不再說，餅面上的材料不新鮮的食得出很大的味精加工，下次食Pizza都係食番Pizza box， PHD😓😓

早幾日睇到必勝客個廣告，見到個黃金熔岩批好似好正咁，好吸引人去試下。所以今日突登走個番屋企同屋企人試下。點知，又信左廣告。。。個批味道就真係麻麻地咁，雖然啲配料都算足料，但係個批比起芝心批，芝脆批真係錯左了，芝士量太小了，我都鐘意啲可以拉絲嘅芝士多一啲，不過味道上都算係ok的，不過不失，只係無廣告俾我嘅感覺咁正啫。

這肉醬意粉，醬全鋪在面上看似十分豐富，可惜撥開一點，下面的麵條都沒有沾上醬汁，要自己攪勻有點麻煩。再嚐羅宋湯，湯渣有點多，酸酸的，沒多特別，個人還是認為羅宋湯辣點好。再嚐這肉丸pizza，卻有點驚喜，肉丸味道不錯加上菠籮酸酸的相當醒胃，但批卻有點厚，大體來說不過不失。

前陣子和數位同學一起到了這間Pizza Hut食晚飯了。不知道是不是因為我們都是中學生，店員見到我們都只把set menu我們呢。我們一行四人，胃口都不大，吃不多東西。就只叫了一個二人套餐，外加一些甜品。整個下單過程都很順利，店員也很麻利，就是我說英文時有點快，他聽不到了要重問我數次。下單以外他還小心翼翼的核對兩次了，然後跟我們說pizza要等大概30分鐘。開始的時候我們數個就在聊天，過了15分鐘左右食物就來了。忌廉湯很好喝，不會太咸。只可惜配料不多，只有很少的肉和三、兩片蘑菇。可是飲料卻很人感到有點不知所措。友人點了些不用加錢的特飲，但是一個喝上去太甜，一個太酸。感覺就只是Soda加上柚子／草莓醬。這樣說雖然有點過份，但比水更難以入口。主菜我們選了肉醬意粉，肉醬太過多，意粉也太有融化的感覺，進口有點嘔心。而Pizza就偏小且有點辣。材料也不勻均。但我們四個人份量剛好，每個人都不用$80。