必勝客

Open Now

Now Closed

作為一個廚師，我只可以喺三四點出外覓食，今次突然之間想食pizza，就嚟咗已經六七年冇嚟過嘅pizza Hut…原來而家pizza hut已經做到有下午茶，意粉飯都買一送一，成個menu三十幾四十蚊有交易，真係非常啱打工仔食見到葡國雞飯又諗起以前高中食學生餐都有，即刻嗌返一個試下先！葡國雞飯已經唔同咗好多，以前係雞扒片，又薄又嫩，依家變咗雞粒，硬咗好多…最緊要係個葡汁，無味…唔知搞乜鬼，可能為咗慳cost啦，加水再加面撈就搞掂一直以嚟幫襯快餐店嘅原因，係因為食物好有穩定性…但係我發現原來呢個世界真係乜都會變…可惜高中嘅味道，永遠只可以成為舌頭嘅回憶…

星期日，老媽子罷工日，一家四口去左附近pizza hut食晚餐。由於今日晏晝食得好豐富，所以叫咗個二人餐，加多個飯同小食！二人餐10分豐富，有四款食物選擇！二人餐如下，跟兩杯餐飲1. 意大利菜湯或者蘑菇忌廉雞湯(二選一)2. 焗白汁煙肉薯蓉或者葡汁焗蔬菜(二選一)3.芝士菠菜蘑菇長通粉或者大蝦蜆肉焗飯或者香草白汁雞肉意粉(三選一)4.*普通批- 超級至尊或烤雞至尊或千島海鮮(三選一)我地簡左1.蘑菇忌廉雞湯，一如既往既味，即豬油溝粉加水整成😅2. 焗白汁煙肉薯蓉，香滑creamy，吱到有花，賣相一百分！3.意粉方面，簡左芝士菠菜蘑菇長通粉！芝士汁香濃，包滿長通粉，菠菜份量可以多啲就仲好4. 批方面，簡左烤雞至尊，香脆足料，堂食Pizza Hut 既批永遠吾會輸另外，我地加左個葡汁雞皇飯！賣相一般，好多醬汁，飯反而吾多！可以吾叫！黎到pizza hut，必點的當然是香辣蜜糖雞翼！黎到熱辣辣，一咬吱左D雞油岀黎，超野味，未搵到第二間餐廳能代替！最後當然吾少得甜品！叫左個威尼斯迷你批！甜甜地，唔會好漏，係一個又飽又滿足既甜品！

今日帶個仔去仁濟醫院，仁濟醫院嗰邊都冇咩好食，最近多食肆嘅地方應該都係悅來坊。一眼望過去，見到元氣壽司同pizza Hut，元氣近排食得太多近，想轉下口味就食pizza hut。一堆叫咗個lunch set食，有意大利蔬菜湯，夏威夷pizza hut迷你批，同一杯嘢飲，都係83再加一。意大利蔬菜湯同咖啡不過不失，pizza好足料，批底亦都好香脆，上枱仲係熱辣辣。不過對於成年男人嚟講，我認為有少少唔夠飽。最後叫多個朱古力醬窩夫同雪糕做甜品，因為食lunch set 每樣只需加十蚊好低食，窩夫好香脆，值得推薦。

pizza hut 依家做緊Pizza 推廣優惠，如果外賣自取一個批，或者外送速遞最少兩個批，有半價優惠，都真係幾吸引，仲要星期一至星期日都用到，而且基本上全部口味都可以適用於半價，包括超級至尊、意式風情、千島海鮮等等。今次我就外賣自取，要咗至尊大批，選擇咗大批（薄批）味道同堂食差唔多，甜甜酸酸蕃茄味配搭上了口感唔錯嘅牛肉粒，再加上辣肉腸的辣味，配上洋蔥、蘑菇、豬肉粒、同埋青椒再加上芝士，豐富的餡料，香口惹味，令人滿足

大牌推出新年限定版pizza，到底有幾估你唔到呢？🍕黃金海鮮批（配芝士邊）（$198/大）：主要材料有大蝦、魷魚、雜菌、青椒。醬料有鮑魚汁、蛋黃醬和芝士。而餅底pre set 了薄批。芝士邊夠香脆👍🏻，但pizza 還是配蕃茄汁好味，同埋配料可以多啲🤏🏻味道：🔅🔅新鮮：🔅🔅🔅分量：🔅🔅🔅衛生：🔅🔅🔅🔅速度：🔅🔅🔅（5🔅為滿分）

今日湊放學已經好晏，晏啲又要出街，得番唔夠2個鐘時間，就要番屋企換衫出門口去到活動地點。時間真係好趕，決定食埋lunch先番屋企學生套裝：香蒜肉絲意粉＋忌廉雞湯小朋友餐具有全日套餐同午市套裝1人批$69都幾抵食全個批佈滿芝士，磨菇雞肉餡料，加埋KFC脆脆雞粒，多重口惑小朋友食完個意粉仲可以食多件pizza,真係一名小吃貨

今日又嚟悅來坊搵食，見pizza hut 唔駛等位，lunch set 又幾吸引，所以決定選pizza做午餐個人最鍾意食香口野，pizza係其中一樣鍾意食物午餐，叫左金門火腿pizza，薄批湯係忌廉雞湯，入口好creamy 金門火腿薄批，火腿有咸香味，餅底好脆口，芝士味好香，仲可以拉絲，入口有的似嚼香口膠，煙煙韌韌，餅底加左番茄醬，較咸，好在加左菠蘿中和下咸味凍飲唔駛加錢，叫咗杯凍柚子熱情，淡淡柚子味，幾解渴

Pizza Hut 個app 登記左會員生日月份有消費滿100減50所以去幫襯下點不知啲侍應由帶位到點菜到上菜到埋單都黑口黑面大佬，啲侍應當啲客係件貨係死物咁處理冇問題問題係你收加一服務費咁啲服務去左邊？你而家冇服務就收服務費同其他街邊茶餐廳冇加一有咩分別？人地起碼名碼實價做生意唔似得pizza hut咁大間公司呃果1個幾豪服務費而家啲細嘅咁做野即係對上果個管理不善食物質素冇問題但以後最多叫外賣算用左coupon一人晚餐百幾蚊

Pizza唔可以日日食，要食梗要擇日食！連鎖店定律，新野唔係人人啱，元祖永遠係最好。多個優惠中，以逢星期三外賣自取九十八蚊食意式風情或至尊大厚批最抵，我就加錢轉芝心批，食得依間點可唔轉？仲可半價食焗白汁煙肉薯蓉同蝴蝶蝦，但自問一個大批鹹味夠哂，甜食自然要限量供應嘅Hershey’s朱古力軟心曲奇！足足八时，上次推出幾日就突然全線無貨，今次照舊外賣自取價四十八蚊，仲唔再規定要買其他野，買嚟做下午茶都值。大大塊曲奇直接咬？軟曲奇其實好難，但佢都無幫你切（連Pizza都唔想切），剛出爐熱辣辣，軟軟一塊爬在錫紙兜上，滿滿朱古力粒，隨手一抓已粘滿朱古力，囗感似布朗尼，仲配上杏仁片同朱古力醬，杏仁片焗得香脆，連同朱古力醬加上去非常邪惡！凍咗外表變硬，中間仍軟，睇你技術，有機會可以原塊取出，碎咗一小塊食都唔錯，始終好難一次食哂，有淨下餐用返個錫紙兜焗熱，風味一樣。本來今期係配野莓醬，今次佢俾咗上期配搭我，剛好我唔太鐘意果醬，堂食就配雪糕球、士多啤梨、杏仁片同野莓醬，貴十蚊加一，梗大塊係屋企慢慢食未仲開心！

Pizza hut係飯堂😂 一諗唔到食咩就去，全因為大家都岩食，又唔會太貴。沙律好味，好多蟹子😍 菜都好新鮮。加錢既酥皮龍蝦🦞湯。拉絲pizza🤣 啲fd問我淨係食一個pizza夠唔夠飽，我心諗點會唔夠呀，勁大呢個肉醬意粉值得一提，我兩個fd都叫左，但成品好唔同😂 一個好正常好好味，一個水lel lel，好似食緊湯米線咁🤣 但個味當然都係好，懷疑未焗夠時間就拎出黎 😂講開時間，繁忙時間出餐有少少慢同亂，但店員態度都好好👏🏻會員積分又儲夠喇！送8隻雞翼正呀！

Pizza Hut 又出新的pizza!當然，不能錯過！點了個2人套餐，pizza就選擇了「超必海鮮」呢款pizza！最開心的是可以嚐到芝士邊，需且是蒜茄味道的，和之前的單一芝士不同，兩種味道完全配合！而且，pizza的海鮮料十分多，大蝦和魷魚好大塊，配合沙律醬真是一絕！大蝦蜆肉焗飯，都要讚！因為pizza hut製作的所有和茄醬有關的食物都是不錯，滿滿的茄醬味道，加上又彈牙的大蝦和鮮甜的蜆肉，配上濃郁的茄醬真是好滿足！而且，珍珠米的火喉控制得很好，飯不會太干，送上桌仍是濕潤的，軟綿綿！不過，薯條配蜜糖芥末汁那道薯條，味道就有點太酸，應該是加了過多的檸檬汁，如果酸度減少一些，味道都是不錯！不過，喜歡嚐酸的，一定會喜歡💕因爲真是酸味十足！一入口，就能360度嚐到極新鮮的檸檬🍋味！

估唔到想食Pizza Hut嘅時候咁多人🤧 都等咗半個幾鐘 今日嗌咗set dinner 佢包咗一個湯或者沙律加一個主菜同一杯餐飲🥤 意大利菜湯 同蘑菇忌廉雞湯 意大利菜湯就鹹咗啲 而蘑菇忌廉雞湯仲keep到水準 入面仲有啲雞絲添🐥三個主菜入面 我最鍾意就係千層肉醬闊麵😻碟嘅兩側有啲薯蓉作伴碟 個人幾鍾意pizza hut嘅肉醬 中間嘅千層闊麵好好食 層與層中間有啲白汁間住 令闊麵食落口更滑👍🏻香蒜大蝦炒意粉 呢碟食落口就冇乜味 蒜味唔夠重 不過有好多蝦做配料 蝦都幾彈牙🦐 個人覺得加埋Tabasco會好食啲帆立貝雜菌意大利飯 幾creamy 同夠乾身 啲汁會包住每粒飯 但又唔似湯飯咁浸住😋 賣相都幾靚飲品方面 熱薑蜜 啱晒過暖笠笠嘅冬天☕️ 凍奶茶 幾欣賞佢糖係另上 可以按喜好自己加 而汽水可以免費添飲一杯 Set dinner都幾抵食㗎 不過唔係間間分店都有🤧

安排入座：週末下午，明明有好多吉枱，但冇人安排入座。亦見到有好好張吉枱上有食客用完嘅餐具完全未清理，根本冇打算執枱。明明係有位，結果都要等差唔多10分鐘先可以入座。服務：侍應態度差，落單時講嘢又快又細聲，聽得好辛苦。樓面起碼有四五個侍應，但有兩三個長期掛住吹水唔做嘢。未執嘅枱依然係冇人執。漏單：落單時侍應話要等廿零分鐘。我等咗半個鐘，見到比我遲嚟嘅食客都已經有得食，所以叫個侍應幫我check下，原來係冇同我落單！成～張～單～完～全～冇～落！！！我忍住冇講粗口，即走。

很久未有去過Pizza Hut 堂食, 決定一試……四人食晚餐取飛等了15分鐘後入座店內環境ok但較糟， 隔離枱有很多小朋友……坐的位置很難找到侍仔， 常唔見有人經過，舉手睇我唔到，要起身行去揾佢地……講返食物， 點了兩個一人套餐和 一個二人套餐。夏威夷風光 - 味道幾好，足料，餅底鬆軟超級至尊 - ok, 餅底都鬆軟，唔會又乾又硬忌廉雞湯 - 味道錯，又濃又足料帆立貝熱情扭扭批 - 味道ok, 中規中矩巴馬火腿凱撒沙律 - 造型一般，火腿很少很簿， 唔覺有醬汁或沙律醬供應蜆肉焗薯蓉 - 造型有心思，薯蓉一般…… 唔算好硬又唔算好滑卡邦尼煙肉意粉 - 味道幾好，但比較細碟，幾啖就食完，煙肉粒較硬熱柚子 - 有果肉，味道好，個個讚！埋單後做埋會員

今日(10-12-2018 Sat)朝,繼續同老公o係大窩口搬o野,上唔多搬完就食lunch,我o地行o黎悅來坊睇,由於拎得多o野,去元氣壽司就唔多方便,再諗,記得有間Pizza Hut,於是o黎睇睇,由於時間尚早,所以冇乜人,而且好好咁俾o左張卡位我o地.睇完menu,決定要$288.00o既芝士七重奏二人套餐,揀o左:1. 蘑菇忌廉湯同周打蜆肉湯蘑菇忌廉湯係我o既,飲落,質地夠杰身,但材料唔多.味道: 5分而老公o既周打蜆肉湯呢,質地明顯稀好多,湯帶蜆肉味,料亦多;但我始終都係鍾意蘑菇忌廉湯.味道: 2分2. 俄羅斯沙律估唔到係咁,而且有3件.蝦仁清爽,材料除o左蔬菜外,重有青豆,但唔夠腍;而底o個塊脆片味道較得o岩o岩好,我o地大讚好食. 味道: 5分3. 拿破崙雞肉煙肉意粉依家睇返menu,原來個意粉冇煙肉,反而俾o左菇,意粉口感o岩o岩好,雞肉大舊但好滑,汁o既味道亦較得好好.味道: 5分4. 普通批揀o左海鮮滿盈材料有小龍蝦,珍珠帶子,魷魚圈,精選海鮮,蜜桃,日本小青瓜,番茄,巴馬臣忌廉芝士,柚子沙律醬.我習慣由中間食起,食到清新柚子味,pizza中間食到桃o既甜味, 細粒