Video
Telephone
23877080
Opening Hours
Today
11:00 - 23:00
Mon - Thu
11:00 - 22:30
Fri - Sun
11:00 - 23:00
Above information is for reference only. Please check details with the restaurant.
Offers
-5%
Pizza Hut Paid Coupon
$47.5
$50
當我購買e個餐同淨係我講可以外賣，但我已經即時表示我要堂食，又唔同我講個餐絕對唔可以堂食就幫我落左單，出餐起初我見佢用外賣盒，我仲以為佢落錯咗外賣同堂食姐，之後佢先嚟同我講返呢個兩個餐係只做外賣嘅，咁我算啦，喺度食埋先走囉，最多我自己清理返嘅啫，點之有第二個走出嚟同我講E個餐咪同你講左唔可以堂食囉，語氣即係要即刻趕我走，如果絕對唔可以喺度食嘅，就一早同我講啦，我咪嗌過第二個餐囉，唔係買完出哩餐先同我講，仲要趕我走，我的是第一個反應係咩態度呀而家，到底有冇服務態度嘅訓練，有冇基本對答客人嘅技巧？跟住我就問佢哋當值嘅經理話要攞呢個職員嘅Staff Number同埋全名要投訴，跟住個經理呢就好似傻下傻下咁樣又唔想講咁樣，最後咪即係淨係俾個簡稱俾我，仲話佢全間鋪得呢個同事係咁樣稱呼嘅。而家係因為一開始冇表明清楚呢個餐係唔可以堂食，係一定一定唔可以堂食，仲要最後趕人走，如果貴公司覺得趕人走，係一場誤會嘅，你哋全間公司嘅服務態度都好有問題，成個training部都好有問題，仲要話趕人走個係資深同事，佢應該要重新由新入行學起咩叫服務同溝通技巧，當時你哋嗰場又唔係爆大把位，好心嘅俾我哋食埋，最多同我哋講呢個外賣，所以唔該麻煩你哋自己清理返就OK，你話成個場爆嘅，好多人等緊位嘅咁冇嘢講啫，而家唔係喎，成個場得嗰兩台客，坐六七張枱喺度，多兩個人喺度食嘢幫你坐旺個場唔好咩，唔通你哋鍾意成個場冷清清烏蠅都冇隻？好啦，希望嗰間店舖永遠都冷冷清清啦，冇人客坐喺度，成間舖員工開工等收工啦。
continue reading
呢個四芝士pizza 好味係好味大時大節等外賣我知唔會快小妹係用app訂app話等90分鐘後可到指定分店自取外賣小妹就早左10-15分鐘到問下職員話未有 唔緊要等到佢指定時間再問 職員都話未有 都唔緊要 我等多15分鐘⋯30分鐘⋯都係話未有 前後講緊等左2個鐘有啲客等緊自取外賣已經躁底緊有啲等到唔耐煩要求退錢我完全感受到佢地既躁 因為我都等到躁躁地終於⋯比我等到2個半鐘頭先拎到個pizza2個半鐘 真係等太耐 外賣自取⋯加上見walk in都快過我用app訂質疑係咪按訂單次序出貨其實有好多更好既競爭對手可以選擇下次大時大節 唔會再幫襯pizza hut太失望⋯⋯⋯
continue reading
餐廳：Pizza Hut (屯門)地區：屯門地址：屯門屯門鄉事會路2A號 H.A.N.D.S S區3樓S-320B舖日期：11/10/2020 時間：11:00人數：3人等位：(外賣等咗約20分鐘）價錢：$70 + 6700 yuu積分最近近儲咗啲yuu 積分，所以拎咗去換pizza hut嘅嘢食，5000分換咗個至尊必勝批（普通批）、1700分換咗個意式雞皇飯，由於佢要先買一樣野先可以換，我就再加咗份千層肉醬闊麵。個至尊必勝批唔錯幾好食，正常水準；意式雞皇飯就雖然啲汁同雞都幾好食，但啲飯太爛；而要比錢嘅千層肉醬闊麵反而最麻麻😅可能唔太岩我哋口味。
continue reading
疫情下，多左叫外賣，Pizza Hut應該好多人叫，尤其新年期間。一朝早就order定，set好7pm到，所以無遲到，一開始肚餓就有得食，幾好！好少食pizza薄批，原來真係唔得㗎，人地薄批脆架嘛，佢靭架！食佢既話都係港式厚批好啲！意粉都係咁啦，乾乾到，佢既貨色，無驚喜。
continue reading
唔知點解由細到大，覺得去食披薩一定要去pizza hut，雖然都知道佢嘅披薩未必係最正宗，但已經食慣咗佢嘅厚批。同埋佢哋成日都有啲期間限定嘅披薩款式。由於屋企人話好耐冇食過芝心批，而咁啱又見到pizza hut新出嘅海鮮鬆厚批，噉就要去試試啦。是次揀咗喺屯門hands嘅分店。呢間鋪頭特別在佢係完全自助，包括自己出去落單，仲要自己出去拎餐湯飲品同埋餐具。可能我冇乜留意，但真係比較少見呢種經營方式嘅pizza hut。不過好在煮菜佢哋都會有職員送餐，同埋呢種鋪頭嘅優點就係不收加一。今次叫咗個四人餐，包括餐湯，蒜香肉絲意粉，葡汁雞皇焗飯，葡汁焗時蔬，仲有雞翼腸仔。相信呢幾樣嘢都唔需要我多介紹喇。唯一要講就係香辣雞翼依舊都係好香好辣好好食，仲有腸仔十分脆皮。接下來到今日嘅主角，超必海鮮鬆厚批。先講講個批邊，批邊面頭有啲芝士脆粒，係幾唔錯嘅。當然今次批邊都有芝心，但係個批邊芝士就撈埋啲茄汁，茄汁感覺有啲over，搞到批邊有啲酸。不過如果你話都鍾意食蕃茄嘅話，噉就可以試試嘅。至於披薩中間嘅餡料就係海鮮批，用上千島醬。好係好在佢都加咗d蜜桃，食落去感覺好fresh，同頭先好酸嘅批邊有對比，叫做係可以中和返剛才嘅酸味。披薩上嘅海鮮亦都非常足了，有大蝦，帶子，蜆肉，魚同魷魚等等，食落都幾豐富嘅。總結就係呢個披薩都可以一試嘅，不過就擔心如果係另一隻鬆厚批無雙至尊，配上茄蓉醬而唔係千島醬嘅話，應該會好鬼酸。
continue reading